اولا السلام عليكم

ثانيا انا اول مرة اكتب موضو ع في اي منتدى بس بجد انا مبسوطة اوي بالمنتدى ده خلينا نخش في المفيد

انا عاوزة اسال كل شاب وفتاة الي بيقعدوا بالساعات على الفيس بوك بجد انا مش ضدكم والله بس بجد عاوزة اعرف ليه ليه بتستفيدوا ايه بجد

ياريت كل واحد يكتب ويشارك برأيه في موضوع الفيس بوك ايه اللي بتستفيدوه منه ؟؟

السلام عليكم و رحمة الله و بركاته

بالنسبة لموضوع الفيس بوك فيه الوحش و فيه الحلو ............... انا شخصيا لما بفتح الفيس بوك بتاعي بادخل على الجروبات اللي ممكن تفيدني....يعني مثلا في جروب حلو اوي للكيميا و بيجيب امتحانات جميلة بحلها و جروب تاني بيبقى فيه اجتماعات من الطلاب بيسالوا بعض في المناهج
و زي ما قولت مسبقا ....مش كل حاجة في الفيس بوك حلوة بس انا شخصيا بستعمله في المفيد....و على فكرة انا مبقعدش عليه بالساعات زي ما بتقولي و مش كل اللي بيقعدوا عليه بيقعدوا عليه بالساعات .

ارجو ان تتقبلي مروري و مشكورة على الموضوع

كلامك صحيح وشكرا على مرورك ويارب دايما تستفيدي منه

بالنسبه لي انا بقي .. المنتدي واحشني موووووووووووووت اولا
ثانيا انا بدخل ع الفيس لاسباب معينه .. كل اصحابي عليه .. بعرف كل الاخبار من عليه .. معلومات .. ومسابقات .. وكمان في جروبات تعليميه كتييييييييييييييره جدا .. وغير كده وكده كل يوم بتعرف علي ناس جديده

شكرا لموضوعك وتقبلي مروري

انا بصراحه ضد الفيس
و بتنرفز لما بشوفه لان فيه شباب كتير مش بيدخلوا للافاده و لا تعليم و لا غيره
مجرد يكتبوا كومنتات و كلام فاضي و خلاص
انا بصراحه مشفقه على الجيل ده من الفيس اكيد مش ده الي هيحارب مع امه المسلمين
و ربنا يهدي و ياربيت و الله الي يدخلوه يكونوا عايزين يستفيدوا من حاجه و الا بلاش

95% من مستخدمى الفيس بوك بيستخدموه خلط

بالنسبة للولاد علشان يتعرفو علي بنات جديدة وكتيييييير ويتفرجو علي شوية صور ويتكلمو مع بنات شوية

وبالنسبة للبنات علشان اكيد يكلمو الولاد الي مستنينهم وبيسئلو عليهم ويحطو لهم صورة ولا اتنين ويتفرجو ويتبسطو قد اية التعليقات بتاعت الولاد ودة شئ بيبسطهم

اية رايكم في التفاهه اخر حاجة..

ربنا يهدي و الله

انا بدخل علي الفيس بوك بس علشان لو حد عايز يكلمني او حاجة
و ساعات بكتب مواضيع في جروبات او ممكن حتي اعمل جروب اكتب فيه علشان الناس تستفيد منه يعني
لكن كفائدة مش بستفيد منه اوي
الا ان ده مش بيقلل بأعجابي الكبير اوي بالموقع ده كمشروع برمجي ضخم للغاية
وكل يوم بحب اتفرج عليه اكتر لانه موقع جبار

اولا استخدام الفيس بوك ده شخصى حاجة تخص مالك الاكونت

الناس تكلم عليه اصدقائها يتعرفوا على بعض و لو انتى اصدك

الشباب اللى بيحبثوا على البنات فالشباب والله مبيضربوش

بنت على ايديها و يخلوها تكلمهم و على راى عمرو دياب

و اهو كل واحد يعمل اللى يريحوا .

انا بشكركم كلكم على الردود بس انا ضد الاستخدام الخطأ للفيس وفعلا كل واحد يعمل اللي يريحوا بس برضو كل واحد لازم يخلي ضميره رقيب عليه علشان استخدامه للفيس وبعتذر لدخولي المتقطع

ما نقدرش نقول ان الفيس بوك شيطان
بيلعب بينا بس هو وسيله احنا بنلعب بيها
ولكل واحد منا اغراضه منها
فيه اللى بيدخل علشان بس يحط كومنت على صورة
ويقعد طول اليوم ما يعرفش من الكيبورد غير كلمة نايس يا بوب
ودول انا طبعا ضدهم ............
وفيه ناس بتعمل جروبات منها الكويس واللى نص نص واللى حضيض حضيض
وكل واحد ليه الناس اللى بيشجعوه
يعنى الفيس بوك احنا اللى عملناه واحنا اللى عارفين هو ايه
هو خليط بين الابيض والاسود
وممكن نقول فيه رمادى :)
فيه اللى بيقعد بالساعات ............
واللى بس بيشوف المفيد ويعمل اوت .......
اللى داخل علشان شات والسلام .....
واللى عايز بجد يعمل حوار مفيد ...........
هو مش شيطان ومش ملاك
بس المهم .........نعرف نستخدمه صح
ودى اصعب حاجه فيه
بس احسن حاجه فيه
.................دى رايى ..........سلام ،،،،،،،،،،،،،

انا شايفه انه اكبر عيب للفيس انه ادمان