السلام عليكم

لو سمحتوا ياجماعه حد نفذ موضوع محو الاميه وهو ممكن العقد ينفسخ بسبب عدم التنفيذ
احنا وصلنا منشور فى الغربيه بان على كل متعاقد ان يمحوا 5 وذالك حتى لايتم فسخ العقد

ومش عارفين نعمل ايه وكمان محددين السن من 15 حتى 35

الحل ايه وانتم هتنفذوا ولا لا
وانا كنت مشتركه قبل كده فى بدايه التعاقد ونجح 2 ينفعوا ولالازم ال5
ارجوا الافادة

موضوع ملوش اى لازمة

احنا فى الاقصر لو واحد نجح ينفع

وعلى العموم شرط محو الامية مش موجود بالعقد

ايه ياجماعة محدش رد حد نفذ الموضوع ده ولا ايه

السلام عليكم

لو سمحتوا ياجماعه حد نفذ موضوع محو الاميه وهو ممكن العقد ينفسخ بسبب عدم التنفيذ
احنا وصلنا منشور فى الغربيه بان على كل متعاقد ان يمحوا 5 وذالك حتى لايتم فسخ العقد

ومش عارفين نعمل ايه وكمان محددين السن من 15 حتى 35

الحل ايه وانتم هتنفذوا ولا لا
وانا كنت مشتركه قبل كده فى بدايه التعاقد ونجح 2 ينفعوا ولالازم ال5
ارجوا الافادة

اختي نور الموضوع جد خطير وتافه في نفس الوقت انا قرأت المنشور بنفسي المرسل من محافظ المنيا وطبعا باللامركزية اللي في البلد من حق المحافظ يفسخ العقد ولكن هما بيلعبوا معاكم لعبة لان المحافظين لهم عن كل فرد في محو الامية 50 جنيه من اليونسكو عشان كده هما عارفين ان دي اجراءات روتينية وانتو لازم تمشوا في الاجراءات دي معلش
الحلاصة : هما عارفين انهم بيضحكوا علينا واحنا عارفين انهم بيضحكوا علينا فارجو منكم ان محدش يكسل وهو كمالة ورق وخلاص والدليل المحافظ عندنا فرض على اءمة المساجد المعينين المثبتين هذا الموضوع فانتو متجوش تبصه للراجل في لقمة عيشه دي لقمة عيش الماحفظ يا اخوانا ولا حد هيمحي ولا حد هينيل ارجو انكم تكونوا فهمتو اللعبة

المشكله اننا عارفين الكلام ده
بس المشكله فى الناس اللى هنجبهم والسن اللى محددينه
نعمل ايه بس يارب
حسبى الله ونعم الوكيل

يـــــــــــــا نورهان اهدي شوية ده كلام فاضي وعامة هما السنة دي حددوا الوحدات المحلية بحصر الاميين يعني لموضوع بسيط هاتروحي الوحدة المحلية اللي عندكم وتختار من كشوف هناك وتجيبي صور بطايقهم وخلاص نجحوا سقطوا دي مش مشكلتك ما تتعبيش نفسك لانك لو مقدمة ل10 لازم ينجحوا منهم 2 ع الاقل عشان لقمة عيش الراجل

يعنى اهم حاجه اننا نشترك وخلاص ولا لو حد سقط نعيد من تانى
انا خلاص تعبت
هما يكلوا عيش واحنا ناكل فوق دماغنا

هههههههههههههههههههههههههههههه مش هتاكلي فوق دماغك ولا حاجة اجراءات ورقية روتينية خلاص هانت ما تجيش في اخرها وتيأسي

والله ياستاذ عبد الرحيم احسن حاجه عملتها ان حضرتك سبت البلد دى ومشيت

وانا شايف كده برضه هنا الحياة مختلفة تماما يا نور بس ما كنش ينفع اسيب البلد غير لما اخد جزء من حقي على فكرة انا قعد 6 سنيين مدر بالحصة لغاية ما ربنا سهل واتعينت 2004 يااااااااااااااااااااااه دا انا صبرت صبر يا نور مش تقول لي محو الامية والمحافظ فيه مثل بيقول اللي تعرف ديته اقتله واحنا عرفنا ديتهم فما تخافيش خالص ولا تقلقي

عندنا فى اسيوط المحافظ طالب من كل مدرس محو امية خمسة من غير المتعلمين وجعله شرط اساسى للموافقة على التثبيت
هو ممكن لو اتثبتنا المحافظ يرفض تثبيت المدرس الذى لم يمحو امية خمسة
ياريت حد يكون خبير يرد علينا علشان الموضوع دا عامل قلق فى المحافظة كلها

انا خايفه من الموضوع ده جدا

انا مكتوب عندى فى العقد تعليم 10 افراد والا يتم التحويل للشئون القانونيه

عملت اللى عليا وقدمت فى الدورة الاولى ونجح خمسه فقط

قدمت فى الدورة الثانيه ونجح اربعه

يعنى انا نجحت 9 افراد

وبصراحه انا زهقت ومش هقدم تانى من اجل فرد

يعنى هما كده ممكن يفسخوا العقد عشان لسه فيه فرد ولا لا؟:(

ربنا يتنقم منهم

السلام عليكم استاذة نورهان
يا ترى عملتى ايه فى موضوع الميل الخاص بيكى
وهل اتحلت المشكلة ولا لسة

السلام عليكم استاذة نورهان
يا ترى عملتى ايه فى موضوع الميل الخاص بيكى
وهل اتحلت المشكلة ولا لسة

والله لسه ياشيماء ان شاء الله لو وصلت لحاجه هبعت لك على الخاص وانتى كمان لو وصلتى لحاجه ابعتى لى

ان شاء الله خير

شروط التعيين واضحة وصريحة وهى اجتياز اختبارات الكادر بما فيها من شروط
اى سى دى ايل وتربوى وملف الكفاءة
اما موضوع محو امية 10 دة فليس من شروط التعيين كما ان قرار التعيين لا يكون فى ايد المحافظين انما فى يد الاكاديمية والوزارة
كما اننى تعاقد 1/3/2009 ولا يوجد مثل هذا الشرط فى العقد وانا تابع لمحافظة القليوبية
كما ان محو الامية مسئولية الدولة وليس الافراد وبالفعل تقوم الدولة الان بحصر اعداد الاميين والمتسربين لكيفيتة السيطرة عليهم واتخاذ اللازم

هى ناقصه كمان محو اميه!!!!!!!!!!!!!!!!!!!!!!!وايه اصلا اللى يضمن لنا اننا نتعين بعد ما نمحى اميه الاميين وبعدين ده مش شغلنا اصلا عايزيين الصراحه انا ندمت انى تعاقدت ليه كل الذل ده

كلام فاضي ملوش أى فايدة

ياجماعة واحد يجيب ليه قانون يجبرنى على تعليم 10 أفراد مش كفاية الذل إلى أحنا شيفينة وكل شوية التعيين النهردة وبكرة والله العظيم حرام على فكرة أنا خريج 2003 _ بك / تربية شعبة الرياضيات _ دبلومة مهنية _ دبلومة خاصة مناهج وطرق تدريس _ مسجل ماجستير .
ولسة متعينتش حد يرد بالله عليكم الواحد يعمل أه .

الحمد لله




بلد بتاعت شهادات

على فكرة احنا فى المنيا كما تفضل الأستاذ عبد الرحيم وصلت لينا نشرات والمطلوب توقيع بالعلم على أن المتعاقد الذى لن يقوم بمحو أمية 10 سوف يتم فسخ عقده ومش عارفين الكلام ده ممكن ينفذه المحافظ ولا مش هينفذه على فكرة أنا ناجح فى الكادر وخلصت الicdl فهل من المعقول أن يتم فسخ التعاقد لمجرد أنى لم أمحو أمية 10 نرجو الرد

والله ياستاذ عبد الرحيم احسن حاجه عملتها ان حضرتك سبت البلد دى ومشيت


أختي الفاضلة
ترك البلد ليس الحل فالسفر ليس الحل أبداً نعامل هنا مادياً كويس بسي حاسين أن فيه شيئ ناقص والمال ليس كل شيئ
تتركين أهلك وبلدك من أجل المال
لو يسر الله وتم التعيين فدا أحسن من السفر مليون مره
(( ماقل وكفى خيرٌمما كثر وألهى ))

عندنا فى اسيوط المحافظ طالب من كل مدرس محو امية خمسة من غير المتعلمين وجعله شرط اساسى للموافقة على التثبيت
هو ممكن لو اتثبتنا المحافظ يرفض تثبيت المدرس الذى لم يمحو امية خمسة
ياريت حد يكون خبير يرد علينا علشان الموضوع دا عامل قلق فى المحافظة كلها
فى محافظة اسيوط انا شفت النشرة بعينى والنشرة خاصة بالناس الى فاتحين فصل من شهر ابريل الماضى علشان كدة جات نشرة بامتحان الدارسين فى شهر اكتوبر وانا على ما اظن ان النشرة دة خاصة بالناس الى لسة ماامتحنتش امتحان الكادر يعنى الدفعة الى استلمت العقود بعدينا2009 وكذلك شرط محو الامية غير موجود من ضمن شروط العقد فيجب علينا عدم الجرى وراء كل ما يقال وكفايا بقى شروط تعجيزية احنا زهقنا بسبب العقد دة

فى محافظة اسيوط انا شفت النشرة بعينى والنشرة خاصة بالناس الى فاتحين فصل من شهر ابريل الماضى علشان كدة جات نشرة بامتحان الدارسين فى شهر اكتوبر وانا على ما اظن ان النشرة دة خاصة بالناس الى لسة ماامتحنتش امتحان الكادر يعنى الدفعة الى استلمت العقود بعدينا2009 وكذلك شرط محو الامية غير موجود من ضمن شروط العقد فيجب علينا عدم الجرى وراء كل ما يقال وكفايا بقى شروط تعجيزية احنا زهقنا بسبب العقد دة


بارك الله لنا فيك اللي بيتكلم على بينه بيريح
أراح الله بدنك وزكى عقلك آمين

انا مقصدتش كده خالص

مين اللى يترك اهله وبلده انا لا طبعا
ومش كل حاجه الفلوس ومقصدتش السفر بالفلوس خالص
انا قصدى انه ترك البلد بالعقبات اللى عماله تقبلنا
تربوى وicdl وامتحان كادر واوراق تروح الاكاديميه والروتين والاختام
انا كان ليا دكتور فى الجامعه اللى اخر ترقيته ختم سافر اوربا يختم اوراق من الجامعه ويجى وده اخر ترقيته عن زميله

انا مقصدتش كده خالص

مين اللى يترك اهله وبلده انا لا طبعا
ومش كل حاجه الفلوس ومقصدتش السفر بالفلوس خالص
انا قصدى انه ترك البلد بالعقبات اللى عماله تقبلنا
تربوى وicdl وامتحان كادر واوراق تروح الاكاديميه والروتين والاختام
انا كان ليا دكتور فى الجامعه اللى اخر ترقيته ختم سافر اوربا يختم اوراق من الجامعه ويجى وده اخر ترقيته عن زميله




ان شاء الله هانت جداً وتتعيني وتنسي كل هذه الآلام
للأسف مصر في أيدي ناس غير أمناء عليها واللي بيحصل ده من علامات الساعة والله العظيم
الفئة التي تربي أولادنا وبناتنا والمفروض أنهم أكثر ناس يكونوا صافي الذهن لخطورة رسالتهم يعاملوا بمثل هذه المعاملة
(( ومن يتق الله يجعل له مخرجاً ويرزقه من حيث لايحتسب ومن يتوكل على الله فهو حسبه إن الله بالغ أمره قد جعل الله لكل شيئ قدراًً))
إن شاء الله يتم التثبيت وفي القريب العاجل آمين

بالنسبة لمحو الامية هذا الموضوع لا قيمة له ولا يؤثر فى شئ لاننا لم ننفذ هذا الموضوع ابدا مش معقوله نلف على بيوت الاميين ونرجوهم يحنوا علينا بالبطاقات الشخصية اللى عايز يتعلم يجى لحدنا واحنا نعلمه ده الصح لكن نلف على البيوت دى حاجة فى قمة الاهانة وانا مش مع الاستاذ ابو رجب انها حاجة بسيطة لا مش بسيطة انت عايز تتعلم تعالى وانا اعلمك ده الاميين وهم بيعطونا البطاقات بيحسسوك انهم بيعملوا معاك جميل كبير جدا ولا يمكن لاحد انه يفسخ عقدك لان العقد له صفه قانونية ولا يوجد به هذا الكلام العبيط ومش كل واحد عايز يس.............. على قفانا يقول محو الامية سيبكم من الكلام الفاضى ده . وشكرا