السلام عليكم

الفرق بين الولد والبنت فى الميكروباص
نحب يجماعة نناقش الموضوع دا
بيحصلنا كلنا ف المواصلات
وهي هي نفس التعليقات


ونفس ردود الافعال
فكل مكان
وكل زمان
طلاما اللي انت راكبو يندرج تحت اسم ( ميكروباص )

ايه باه اللي بيحصل ؟؟؟

ما تيجو نشوف

أولا :-

طبعا وانتا بتوقف الميكروباص وياسلام لو مافيش مكان
لو انت بنت يادوب تبصي بس بصة استعطاف لأي بأف قاعد هايقوم ينط يعد في ضهر السواق عشان تعدي

انما بقا لو انتا ولد شوفلك اي حتة اترزع فيها او انشالله تتشعلق مانتا اساسا مالكش أهل يخافو علي

ثاني حاجة :-

طبعا وانتا طالع كتير مننا ممكن يخبط راسه في الباب

طبعا لو كنتي بنت هاتلاقي اللي بيقولك خير حصلك حاجة ؟؟؟ من كل الركاب وممكن طبعا
تلاقي اللي ممكن يقوم يضرب السواق

انما بقا لو كنت ولد... اسمع بقا اللي يضحك عليك واللي يقولك ايه اتعميت ؟؟ .. يا لطخ تستاهل شوف كنت بتبص فين والكلام دا طبعا

تالت حاجة :-

وانتا بقا بتقفل الباب وطبعا السواق بيقولك اقفله بالراحه كأنه هايتكسر في اديك مانتا بقا رامبو
طبعا لو كنتي بنت وبتقفلي بالراحه خالص وممكن الباب مايتقفلش يقولو شوفو الرقة حتى الباب مش هاين عليها تخبطه بالجامد

وياعيني عليك لو كنت ولد والباب ماتقفلش .. ايه ياعم النايتي مش قادر تقفل الباب اتفو على دا جيل

.... ولو قفلت الباب بالجامد بقا

لو كنتي بنت طبعا هايقولو معلش اكيد متعصبة شوية ربنا يعينها على اللي هيا فيه

انما لو كنت ولد : ايه الطور دا خلاص ياعم عرفنا انك فاندام بس بالراحه ع الباب

رابع حاجة :-

طبعا ممكن يجيلك تليفون وانتا قاعد في الميكروباص

لو انتي بنت وانتي بتقولي الو .........ياسلااااام الله يا جماعه على صوتها شوفو
الرقة يابخته المحظوظ اللي بيكلمك ولو معاها موبايل معفن ياسلام ع التواضع

انما بقا لو كنت ولد الهي يجيلك ضربة انتا واللي بيرنلك دلوقتي وطي ياعم صووت ام
صوتك صرعتنا والله عرفنا انك معاك زفت موبايل ولو الموبايل معفن .. وكمان بتتعايق
بموبايل معفن امال لو كان موبايل عدل شوية كنت عملت ايه

نمرة خمسة :-

لو انتا بقا طالع والسواق مشغل اغنية بيئة ومعلي الصوت بقا وانتا عايز تتكلم في الموبايل

طبعا لو انتي بنت القانون بيديكي الحق الكامل انك تقوليله وطي الكاسيت او اطفيه ( قانون ساكسونيا طبعا)

انما لو ولد هاتلاقي السواق من غير ما يرد عليك يادوب يبصلك بصة بقرف ويلف وشه
تاني ويعلي الصوت كمان ويفضل يبرطم بقا انتا هاتشترينا بأم النص جنيه اللي هاتدفعه

ساتت حاجة :-

طبعا بقا انتا وصلت الحمد لله بعد القهر والتفرقه العنصرية اللي اتعرضت ليه طول
الطريق عايز تنزل بتقول للسواق على جنب وطبعا لايمكن هايسمعك ماهو مشغل
الاغاني ومعلي الصوت على اخره

طبعا لو انتا ولد هاتقول مرة واتنين وعشرة وينزلك بعد الحتة اللي انتا عايز تنزل عندها
بشارعين تلاته وطبعا هايقولك ماسمعتكش مانتا اللي صوتك واطي زي البنات


انما بقا البنت يادوب كل اللي هاتعمله انها توشوش نفسها على جنب وكأنها
بتكلم نفسها هاتلاقي بقيت الاربعتاشر نفر اللي قاعدين في الميكروباص
بصوت واحد بيقولو للسواق على جنب ..... انتا اطرش ؟؟؟

(http://www.shabour.com/vb/forumdisplay.php?f=5)

تصدق والله حضرتك عندك حق
بس دلوقتى الناس مش بقي عندها دم حتى
كنت ادخل المترو ميت واحد يستظرف بس فى الاخر بيقوموا
دلوقتى لو صوتت حتى عشان اقعد لا حياة لمن نادى
ربنا يهدي الجميع

هههههههههههههههههههههههههههههه
كل كلامك صح , بالرغم من ان العكس هو اللي مفروض يحصل
عشان البنات تقعد شوية في البيت بدل ما هما ناطين في كل
حاجة وكل مكان !!!
بلد بتاعت بنات صحيح !!

ههههههههه علي فكره فيه بنات كتيره عاوزه تتعاكس

والعيب برضوا مش ممكن سعات بيكون من الولد لان في ساعات بنت عاوزه تتعاكس
والعكس صحيح

هههههههههههههههههه

كلامك صح 200%

بيحصل بالظبط كله ده

ضيف عليهم سابع حاجه

الكرسى اللى جنب السواق يفضل فاضى طول الطريق

لو انت ولد والله ما يعبرك ولا يوقف

لو بنت مجرد بس مشاوره هايقف ويركبك على الكرسى اللى جنبه

انا مبركبش الحاجات دي منعا للاحراج
ما التاكسيات ماليه البلد

بصراحه المواصلات بقت حاجه تخنق
1- لازم يحصل خناقة على الاجره كل مره
2- كل مره تركب مزنوق الكرسى اربع انفار وانت وحظك والى قاعدين معاك والمسافة طويلة والجو حر وانت وحظك الى قاعدين جنبك اجسامهم عامله ازاى

وربنا احنا بنعانى الغربية مواصلاتها بجد حاجه تخنق

هههههههههههه
واحد وطالع

ما هو لازم يكون فية فرق بين الولد والبنت

علشان الناس اكترها بقو ناس مش محترمة وعايزين اي بنات معاهم في اي حتة دراسة او شغل او حتة في المواصلة

النهاردة واحنا راجعين بنتخانق مع بعضنا علي التاخير ودة اية احنا بنركب مكروباص خاص الا وفي واحدة معدية بس بتفكر وبتبص ياتري في مكان ولا لا الا والكل عايز يوجب بقي تعالي تعالي يا سطة شوف مكان فاضي هههههههه طبعا هو مفيش والبنت عندها اخلاق طبعا قالت مش مشكلة هشوف مكروباص تاني

ههههههه
بس انت نسيت سابع حاجة
لو انت نسيت الفلوس :stickjo4:..... طبعا السواق ولا كأنه سمع حاجة:stickjo4::stickjo4:
وفين وفين لما تلاقي واحد يتمطع ويقول انا حدفعله الأجرة :mad::mad:
لكن لو بنت كل الميكروباص حيتسابقوا في دفع الأجرة لها :(:(

صراحة الناس اتغيروا اووووووووي قليل اوي لما بلاقي حد كويس في الزمن دة..
صراحة موضوع جميل وصريح واتمنى لو الناس ترجع وتبقى قلوبهم صافية ..

هههههههههههههههههههههههههههههههه

لا والله موش دايما الحاجات دي بتحصل

بس احنا الحمد لله ربنا تاب علينا شوية من ركوب المواصلات

صح لسانكم فيما طرحتم

هههههههههه...

عندك حق في معظم الحاجات.....بصراحة المواصلات بقت حاجة صعبة اوي...

شكرا على التوبيك......