مشاهدة النسخة كاملة : لا للمعاكسات


d00ry
01-11-2010, 06:53 PM
السلام عليكم و رحمة الله و بركاته
الموضوع كله عبارة عن ظاهرة منتشرة جدا دلوقتى و انا عارفة كويس ان فى مواضيع كتير اتكتبت عن المعاكسات و اتقال ان اللى بيعاكس بيبقى انسان مريض نفسيا وان البنات لازم يكونوا محتشمات و متدينات و على خلق عشان مفيش حد يعاكسهم وحصل ولبسنا محتشم وعملنا ده كله صحيح نسبة المعاكسات بالنسة لينا قلت بس المشكلة ان الموضوع رجع تانى وبقى فى عز النهار والناس موجوده و الادهى من كده ان لما واحده فينا تطلب مساعده من راجل ماشى بيبقى عامل ولا اكنه شايف ولا سامع وهو ده السبب الرئيسى اللى خلانى اكتب الموضوع ده يعنى انافعلا مش عارفة ايه الميزة اللى تخلى واحد شايف واحده قدامه بتتعاكس و ميدافعش عنها و المشكله ان الموضوع ده بقى منتشر قوى اليومين دول فى الناس الا من رحم ربى فى النهاية يا جماعة انا عايزة اقول ان ايام زمان ايام الرسول فى غزوة بنى قينقاع تحرك جيش باكمله عشان واحده عورتها انكشفت و احنا دلوقتى حالنا ايه
http://www.islamstory.com/%D8%BA%D8%B2%D9%88%D8%A9-%D8%A8%D9%86%D9%8A-%D9%82
%D9%8A%D9%86%D9%82%D8%A7%D8%B9
ربنا يرحمنا يارب

**تسابيح**
02-11-2010, 08:25 PM
شوفي مش كل الناس فيه ناس وناس
يعني انا فعلا ساعات بشوف ناس رجالة بمعني الكلمة
وناس عايزة عود كبريت !!!
المشكلة ان حتي لو الولد انتحر وهو بيعاكس
البنت ولا تعبره ...
لانه مجرد ....
مينفعش نهتم بناس زي دا
بس فيه بنات بتقعد تتخانق
والولد بيعتبر دا مقدم للتعارف
مرض ربنا يهدي

مهند مقلد2
02-11-2010, 08:32 PM
ياريت حضرتك توضحي ايه اللبس المحترم اللي حضرتك تقصديه ؟؟
اسدال يعني ؟
ارجوا التوضيح وبعدين هرد ان شاء الله

d00ry
02-11-2010, 08:41 PM
شوفي مش كل الناس فيه ناس وناس
يعني انا فعلا ساعات بشوف ناس رجالة بمعني الكلمة
وناس عايزة عود كبريت !!!
المشكلة ان حتي لو الولد انتحر وهو بيعاكس
البنت ولا تعبره ...
لانه مجرد ....
مينفعش نهتم بناس زي دا
بس فيه بنات بتقعد تتخانق
والولد بيعتبر دا مقدم للتعارف
مرض ربنا يهدي
اولا جزاكى الله خيرا على الرد
ماشى انا عارفة ان فى ناس وناس وطبيعى طبعا ان لو حد عاكس بنت ماتعبروش بس المشكله ان موضوع ان راجل يشوف واحدة بتتعاكس قدام عينه وما يدافعش عنها
يعنى انا اللى خلانى كتبت الموضوع ان ليا واحده زميلتى كان بيعاكسها واحد وعمال يقطع عليها الطريق ولما لقت راجل معدى ندهت عليه وقلتله على الولد ده والراجل كان ماشى ولا اكنها كانت بتكلمه اصلا وسابها ومشى . فهى دى الحاجة اللى حارقه دمى ومش عارفه ليه الموضوع ده بقى منتشر قوى - ( فى ناس وناس طبعا ) - واكنه عادى يعنى

d00ry
02-11-2010, 08:44 PM
ياريت حضرتك توضحي ايه اللبس المحترم اللي حضرتك تقصديه ؟؟
اسدال يعني ؟
ارجوا التوضيح وبعدين هرد ان شاء الله
فى ناس فينا بيليسوا اسدالات و ناس تانيين بيلبسوا خمار و جيبات واسعه و بتبقى كلها الوان غامقة

محبة الرسم
02-11-2010, 08:49 PM
ياجماعة لو البينت ماشية محترمة ومابتهزرش ولا بتضحك بصوت عالى ولا ماشية بطريقة مش كويسة مش هاتتعاكس
واذا كانت كويسة وكل حاجة واتعكست خلاص هى مالهاش دعوة باللى عاكسها وماتبصش حتى لانة هو ليه بيعمل كدا علشان عايز يفتح حوار مع البينت دى
وانا عارفة ان فى كلام جارح جدا بيتقال وكل اللى هانقولة حسبى الله ونعم الوكيل فيهم وربنا يهديهم


والمفروض طبعا ان اللى يشوف حاجة مش كويسة يعمل حاجة مش يقعد يتفرج
لان الساكت عن الحق شيطان اخرص

وشكرا على الموضوع

d00ry
02-11-2010, 08:51 PM
ياجماعة لو البينت ماشية محترمة ومابتهزرش ولا بتضحك بصوت عالى ولا ماشية بطريقة مش كويسة مش هاتتعاكس
واذا كانت كويسة وكل حاجة واتعكست خلاص هى مالهاش دعوة باللى عاكسها وماتبصش حتى لانة هو ليه بيعمل كدا علشان عايز يفتح حوار مع البينت دى
وانا عارفة ان فى كلام جارح جدا بيتقال وكل اللى هانقولة حسبى الله ونعم الوكيل فيهم وربنا يهديهم


والمفروض طبعا ان اللى يشوف حاجة مش كويسة يعمل حاجة مش يقعد يتفرج
لان الساكت عن الحق شيطان اخرص

وشكرا على الموضوع

جزاكى الله خيرا يا محبة على الكلام الجميل ده

**تسابيح**
02-11-2010, 08:53 PM
ممكن انت شفت حالة من الحالات الشاذة
واللي بتقول وانا مالي ....!!
دول مش تهتمي بيهم
لان زي ما فيه الشر فيه الخير
وبصراحة كثير بشوفهم ....



ياجماعة لو البينت ماشية محترمة ومابتهزرش ولا بتضحك بصوت عالى ولا ماشية بطريقة مش كويسة مش هاتتعاكس
واذا كانت كويسة وكل حاجة واتعكست خلاص هى مالهاش دعوة باللى عاكسها وماتبصش حتى لانة هو ليه بيعمل كدا علشان عايز يفتح حوار مع البينت دى
وانا عارفة ان فى كلام جارح جدا بيتقال وكل اللى هانقولة حسبى الله ونعم الوكيل فيهم وربنا يهديهم


والمفروض طبعا ان اللى يشوف حاجة مش كويسة يعمل حاجة مش يقعد يتفرج
لان الساكت عن الحق شيطان اخرص


انا متفقة مع الراي دا جداا

محبة الرسم
02-11-2010, 08:56 PM
ميرسى ليكوا يابنات
ويارب تهدى كل الشباب المصرى والعربى والمسلم
وتمنع عن بنات العرب كل الحاجات اللى مش كويسة دى

بس انا لاحظت ان عدد الناس اللى عادوا بيعاكسوا فى الشارع وماعدتش زى زمان
الحمد لله قل عن زمان

Mohamed.Helmy
02-11-2010, 08:56 PM
بصراحة فى أولاد بيبقوا مش متربيين بجد بيعاكسوا الكبير والصغير والمحترم واللى مش محترم ودول عاوزين الحرق ..

لان قبل كده كانوا جايبين تقرير فى برنامج 90 دقيقة عن ولد كان بيعاكس البنات قدام الكاميرا و البنات ولا بتعبره والولد مش هامه كاميرا ولا ناس واقفين ولا أى حاجة وعمال يعاكس فى اللى رايح واللى جاى ...

يلا بقى ربنا يهدى الجميع ..

**تسابيح**
02-11-2010, 08:59 PM
بصراحة فى أولاد بيبقوا مش متربيين بجد بيعاكسوا الكبير والصغير والمحترم واللى مش محترم ودول عاوزين الحرق ..

لان قبل كده كانوا جايبين تقرير فى برنامج 90 دقيقة عن ولد كان بيعاكس البنات قدام الكاميرا و البنات ولا بتعبره والولد مش هامه كاميرا ولا ناس واقفين ولا أى حاجة وعمال يعاكس فى اللى رايح واللى جاى ...

ع ما اظن انه عاكس المذيعة كمان:d
مش عارفة ليه مش ضربته بالمايك :bosyht9:وقتها
عالم دماغها فاضي وربنا
عايشيين في فراغ
وف الاول والاخر كما تدين تدان ولو بعد حين

d00ry
02-11-2010, 09:02 PM
جزاكم الله خيرا جميعا على الردود
و ربنا يهدينا يارب جميعا و يصلح حالنا

d00ry
02-11-2010, 09:06 PM
ع ما اظن انه عاكس المذيعة كمان:d
مش عارفة ليه مش ضربته بالمايك :bosyht9:وقتها
عالم دماغها فاضي وربنا
عايشيين في فراغ
وف الاول والاخر كما تدين تدان ولو بعد حين
هههههههههههه اه والله علم دماغها فاضيه فعلا
هو تلاقيه كان فرحان بقى انه طلع على التليفزيون وافتكر نفسه هيتشهر بقى و ياخدوه يمثل ف التليفزيون ولا حاجة :av4056bb7jp3:

خير الكلام
02-11-2010, 09:28 PM
ربنا يهدى الجميع

Ahmed 3030
03-11-2010, 05:38 AM
فى ناس فينا بيليسوا اسدالات و ناس تانيين بيلبسوا خمار و جيبات واسعه و بتبقى كلها الوان غامقة





وفيه بنات من دول وان كان عددهم قليل بيمشوا في الشارع يضحكوا أو يتكلموا بصوت عالي أو يلتفتوا كتير أو يمشوا بشوية دلع أو نظراتهم بتكون زايدة :028ja7:
وزي ما دول قلة , فيه بردوا قلة من الشباب بتعاكس البنات المحجبة :bosyht9:
يعني زي ما فيه هنا فيه هناك أيضاً , صح ولا غلط ؟:excl:

d00ry
03-11-2010, 04:49 PM
وفيه بنات من دول وان كان عددهم قليل بيمشوا في الشارع يضحكوا أو يتكلموا بصوت عالي أو يلتفتوا كتير أو يمشوا بشوية دلع أو نظراتهم بتكون زايدة :028ja7:
وزي ما دول قلة , فيه بردوا قلة من الشباب بتعاكس البنات المحجبة :bosyht9:
يعني زي ما فيه هنا فيه هناك أيضاً , صح ولا غلط ؟:excl:
شوف انا هقولك حاجه انا عارفة ان فى بنات بتعمل اللى انت بتقول عليه ده و فى ولاد طبعا بتعمل كده برده بس المشكله ان كله بقى بيتعاكس المحترمة واللى مش محترمه وانا سبق وقلت فى الموضوع ان المعاكسات بقت فى عز الظهر :o يعنى اللى بيعاكسوا دول ماعادش بيهمهم ده اولا
ثانيا حضرتك بتقول ( يعني زي ما فيه هنا فيه هناك أيضاً ) طب ده معناه ايه ان الموضوع بقى عادى يعنى ولا ايه ؟؟؟؟؟

هو ده التطور الطبيعي
04-11-2010, 08:51 AM
البنات بقت دلوقت هيه اللي بتعاكسنا هههههههههههههههههه
ربنا معانا بعد كده هتلاقيهم يتحرشوا بينا وربنا يستر بقى ههههههههههههههه
انا بصراحة جربت مرة اعاكس يعني تقريبا كده مرتين او تلاته مش فاكر ههههههههههه
بس لقيت استجابة غريبة (متوقعين ايه يعني البنات اللي بتتمايص في الشارع دي مش عايزة تتعاكس)
ربنا يهدي بنات المسلمين

Ahmed 3030
04-11-2010, 09:11 AM
شوف انا هقولك حاجه انا عارفة ان فى بنات بتعمل اللى انت بتقول عليه ده و فى ولاد طبعا بتعمل كده برده بس المشكله ان كله بقى بيتعاكس المحترمة واللى مش محترمه وانا سبق وقلت فى الموضوع ان المعاكسات بقت فى عز الظهر :o يعنى اللى بيعاكسوا دول ماعادش بيهمهم ده اولا

ثانيا حضرتك بتقول ( يعني زي ما فيه هنا فيه هناك أيضاً ) طب ده معناه ايه ان الموضوع بقى عادى يعنى ولا ايه ؟؟؟؟؟





المعني واضح جداً :excl::excl:
تقدري تجبري كل البنات تبقي محترمة ؟:excl:
لما دا يحصل حجبر الشباب كلهم يبقوا محترمين :p:p
وبعدين مش كل البنات بتتعاكس زي ما بتقولي :blush::blush:
المشكلة ان كل واحدة فاكرة نفسها محترمة , عمرك سمعتي واحدة يتقول علي نفسها
انها مش محترمة ؟؟
البنت ممكن تمشي في الشارع وتعمل حاجة ممكن من غير قصد لكن الشباب بتفسرها
كما رأتها , مش بنية البنت :excl::excl:
زمان كانت الواحدة لما تستنجد من شيء , كان كل الرجال تسرع لنجدتها , أما الأن
وبعد أن اتضحت الصورة السيئة جدا جدا لمعظم الفتيات , ومن كتر النكد اللي الراجل
شايفه من الستات , لما الواحدة تدن في مالطة , مش حيعبرها وهي السبب بردوا !

d00ry
05-11-2010, 09:04 PM
المعني واضح جداً :excl::excl:
تقدري تجبري كل البنات تبقي محترمة ؟:excl: اكيد لا طبعا بس كل واحد يبدا بنفسه
لما دا يحصل حجبر الشباب كلهم يبقوا محترمين :p:p هههههههههه يا سلام !! واكيد طبعا مستحيل كل الشباب يبقوا محترمين و بردوا كل واحد يبدأ بنفسه
وبعدين مش كل البنات بتتعاكس زي ما بتقولي :blush::blush:
المشكلة ان كل واحدة فاكرة نفسها محترمة , عمرك سمعتي واحدة يتقول علي نفسها
انها مش محترمة ؟؟ لا بس بتبقى معروفة لوحدها يعنى واكنها بتبقى ماشيه بتقول للشباب والنبى عاكسونى . بس مش دى اللى انا اقصدها والله انا اقصد ناس والله محترمين جدا و كانو بيتعاكسوا برده
البنت ممكن تمشي في الشارع وتعمل حاجة ممكن من غير قصد لكن الشباب بتفسرها
كما رأتها , مش بنية البنت :excl::excl: طيب وايه اللى يخلى ولد اصلا:049gc0: يعاكس بنت ؟ مايبقى ف حاله وهى ف حالها وخلاص :028ja7:
زمان كانت الواحدة لما تستنجد من شيء , كان كل الرجال تسرع لنجدتها , أما الأن
وبعد أن اتضحت الصورة السيئة جدا جدا (اللى هى ايه ؟ ) لمعظم الفتيات , ومن كتر النكد اللي الراجل

شايفه من الستات , لما الواحدة تدن في مالطة , مش حيعبرها وهي السبب بردوا ! هههههههههههههه يالهوى دا انت شايل قوى

بس بردوا اللى بيحصل ده كله من فقدان الدين

d00ry
06-11-2010, 05:17 PM
البنات بقت دلوقت هيه اللي بتعاكسنا هههههههههههههههههه
ربنا معانا بعد كده هتلاقيهم يتحرشوا بينا وربنا يستر بقى ههههههههههههههه
انا بصراحة جربت مرة اعاكس يعني تقريبا كده مرتين او تلاته مش فاكر ههههههههههه
بس لقيت استجابة غريبة (متوقعين ايه يعني البنات اللي بتتمايص في الشارع دي مش عايزة تتعاكس)
ربنا يهدي بنات المسلمين
هو انا عايزة اعرف حاجة واحده دلوقتى هو انتو بتعاكسوا عادى يعنى كده ؟؟
و يعنى ايه جملة ( البنات اللى بتتمايص فى الشارع دى مش عايزة تتعاكس ) :040vk0:ما تتمايص ولا انشالله تقف على شعر راسها ما كل واحد يمشى ف حاله وخلاص و هو ايه اصلا اللى يخلى ولد يعاكس بنت هو مش المفروض فى غض بصر و ان الولد المفروض لو شاف بنت بيعتبرها اخته !! طب هو فيه حد ممكن يعاكس اخته !!!

fatakat400
06-11-2010, 07:01 PM
ياريتها عالمعاكسعه
طب انا وحده زميلتى بيبقى ورانا درس قبل المعهد الساعه 6 ونصف
كانت هتتخطف فتكتك من يومين
والولد ماشى وراها فكل حته وعاملها رعب البت ياعينى مش راضيه تخرج مالبيت خايفه
واهلها مش عارفين شكله عشان يتصرفوا
ده يبقى اسمه ايه ان شاء الله العيب عيب بنات
البنت راحه المعهد يعنى بزى المعهد جلياب وخمار تعملكوا ايه اكتر من كده\

قبل ماتجيبوا العيب عالبنت اللى بتلبس شوفوا الولاد قلالات الاحترام

على الحفناوى
07-11-2010, 11:48 AM
الجديد أنا شوفت واحد بيعاكس ست متزوجه ومعها طفله فى ايدها

d00ry
07-11-2010, 09:47 PM
ياريتها عالمعاكسعه
طب انا وحده زميلتى بيبقى ورانا درس قبل المعهد الساعه 6 ونصف
كانت هتتخطف فتكتك من يومين
والولد ماشى وراها فكل حته وعاملها رعب البت ياعينى مش راضيه تخرج مالبيت خايفه
واهلها مش عارفين شكله عشان يتصرفوا
ده يبقى اسمه ايه ان شاء الله العيب عيب بنات
البنت راحه المعهد يعنى بزى المعهد جلياب وخمار تعملكوا ايه اكتر من كده\

قبل ماتجيبوا العيب عالبنت اللى بتلبس شوفوا الولاد قلالات الاحترام
لا حول ولا قوة الا بالله
و الله انا ليا واحده زميلتى كانت ماشيه وقطع عليها الطريق 3 شباب و لما حاولت تجرى حدفوها بطوبة كبيرة فى دراعها وكمان دراعها كان هينكسر وجرت الحمد لله وجت الدرس بتعيط على اخرها

BlaCk..!i
07-11-2010, 09:56 PM
بصي ...

دلوقتي الكبير والصغير بيعاكس !! يعني واحد يكون قد ابوكي وتلاقي فيييه عيين يبص عليكي !! مش عارف ان ممكن يحصل كده في بناتو

ولا الشباب وما ادراك ما الشباب!! انا عايزة اعرف هما مش عندهم ام ولا اخت يخافو عليها؟ بلاش ..

بنت خاله او بنت عمه ولا اقولك جاره !!! بعدنا اهو عن صلة القرابه ودخلنا في حق الجيره

دلوقتي البنت ساكنه معاه في الشارع ويكون هوا اول واحد معاكسها ..

انا مش عارفه اييه اللي جرا للدنيا

وكل يوم بقعد مع نفسي واقول هوا العيب فينا احنا البنات ؟

ولا العيب في اللي شايفنا مش محترمين ومش متربيين؟؟؟؟ انا عارفه ان اللبس عامل مؤثر .. بس اللي مش عايز يبص مش هيبص ولا ايييه يا جماعه؟


كلمة الرجاله حاليا " مع احترامي للبعض " الكل بيعاكس جت عليا انا ؟!!

هانى الشرقاوى
07-11-2010, 09:59 PM
المشكلة هى
الشباب مش دائما بيكون هو اللى بيعاكس
أحيانا كثيرة هو اللى بيتعاكس


أرى المعاكسة ضربا من ضروب التخلف و******ا لحق من حقوق الأخرين
خصوصا إذا كانت بأسلوب مهين أو محرج ( وما أكثر ذلك )

d00ry
13-11-2010, 02:45 PM
المشكلة هى
الشباب مش دائما بيكون هو اللى بيعاكس
أحيانا كثيرة هو اللى بيتعاكس
ايوة فى معاكسات بس ليه مش بتتمنع خالص من كلا الطرفين ؟؟


أرى المعاكسة ضربا من ضروب التخلف و******ا لحق من حقوق الأخرين
خصوصا إذا كانت بأسلوب مهين أو محرج ( وما أكثر ذلك )
احنا مجتمعا مرجعش لورا الا بفقدان الدين
" ان الله لا يغير ما بقوم حتى يغيروا ما بانفسهم "

العميل السرى
13-11-2010, 03:04 PM
بصو بقو دلوقتي الواحد هيدخل علشان واحدة لية ؟؟

مع احترامي ليكم لاني معرفش حد فيكم

لكن الي بشوفة في الواقع ميخليش اي راجل يتدخل لاي واحدة علشان مفيش واحدة تستاهل

والي بتمشي محترم بمعني اخلاقها ولبسها بيحترمها الصايع قبل المحترم ولو اتعاكست هتشوفي الرجالة هيعملو اية في الواد لو مسكتش

d00ry
14-11-2010, 08:00 PM
بصو بقو دلوقتي الواحد هيدخل علشان واحدة لية ؟؟

مع احترامي ليكم لاني معرفش حد فيكم

لكن الي بشوفة في الواقع ميخليش اي راجل يتدخل لاي واحدة علشان مفيش واحدة تستاهل
ما تعممش :040vk0: الكلام ده غلط خالص يعنى ايه مفيش واحده تستاهل ؟؟ :mad:
والي بتمشي محترم بمعني اخلاقها ولبسها بيحترمها الصايع قبل المحترم ولو اتعاكست هتشوفي الرجالة هيعملو اية في الواد لو مسكتش
لدرجة ان كان ليا واحده زميلتى كانت ماشيه لوحدها ورايحة الدرس وماشيه عادى و بتلبس خمار وهدوم واسعة ووهى ماشيه لقت واحد جه ناحيتها و حط ايده على كتفها وصاحبه كان واقف يتفرج ده اولا
ثانيا انا شفت بعينى واحده كانت ماشيه وجه واحد ف عز الظهر كان عاوز يضربها يا اما تديلو الفلوس اللى معاها وكان معاه عصايا فيها مسامير وكانت لابسه محترم جدا و كانت ماشيه لوحدها بردوا والشارع كان فيه رجاله كتير و محدش فتح بقه
فين بقى اللى انت بتتكلم عنهم دول !!!!