حبيبي
عارف انك بعيد
ومستحيل نتلاقي
ولو حتي صدفة
عشان بعدنا .. مكنش صدفة
حبك كان صدفة
بالنسبة لي اجمل صدفة

بس بسرعة راح
وبقيت لوحدي ويا ذكريات
كانت ليك معايا
بس مش كفايا
عشان قلبي
خلاص.. انجرح
ودموعي نزلت
وكأنها عرفت انك
مهنش عليك ضعفها
وبعت وبعدت
ومشيت ورا غرور
جواك .. عشان شايف
نفسك كبرت ..مع اني
حلفت بقلبي
انى خوفي عليك
مش عادي
بس اظاهر عليا
غلطت .. لما قلت
وانت اخدتها نقطة ضعف
وكبرت ....

بس عشان انت حبيبي
وعشان انا اول تجربة ليك
وايدي عمرها م لمست ايديك
بقولك ... حبيبي
مش كلمة ... ده الاحساس
اللي لقيته
م البداية ليك
ولحد النهاردة
عايش ليك ...
وزي م حلفت
انى مش هعرف حب بعدك
هحلف ليك دلوقت
وانت بعيد
انك حب غيرت عشانه قلبي
مش كذبة دي الحقيقة
ولو مش مصدق
روح لاقرب مكان
اتقابلنا فيه
وهناك .. هتلاقي
قلبي القديم

تسلم ايد حضرتك
.........
هي جميله جدا بس كلها فراق والم

تقبل مروري