مشاهدة النسخة كاملة : ما عقاب المدرسة الراسبة فى الجودة ؟


عاشق القرآن والذكر
03-11-2010, 01:49 AM
ما عقاب المدرسة الراسبة فى الجودة ؟

توفيق رفعت عجيز
03-11-2010, 06:07 AM
هيعقبوها ازاي هيبقي عندها دور ثاني ولو رسبت هتعيد السنة ولو رسبت تاني هتروح المهنية.
بجد الجودة دي وجع دماغ وفي الاخر هي مجرد ترتيب ملفات وشوية اوراق ومفيش حد بيدور علي مستوي الطالب

عاشق القرآن والذكر
03-11-2010, 07:52 PM
معك حق وأنا اوافقك على ذلك

ربيع سلامه
03-11-2010, 10:02 PM
اين العقاب

محمد حسين الشربينى
03-11-2010, 10:05 PM
العقاب هو كثرة الموجهين مش من الاداره بس من الوزارة او من مكتب الوزير
يعنى الى داخلها يسقط وريح دمغه

Ala'a Eldin
04-11-2010, 07:43 PM
لقد أثبت موضوع الجودة هذا فشله وعدم جدواة
فهو كلام فارغ
لقد دخلت المدرسة التى أعمل فيها الجودة فى بداية العام الدراسى الماضى
وبعد عمل شاق لمدة ستة أشهر وترتيب ملفات ودوسيهات وتقدم بأوراق وناس رايحة وناس جاية
ولجان ومتابعات قبل وصول اللجنة
وفى النهاية رسبت المدرسة بجدارة لأن المبنى كان قديم ومهمل ومحتاج صيانة وموقع المدرسة سىء جدا
ولا يوجد بها إجراءات الأمن والسلامة
والحمد لله السنة دى دماغنا رايق والمدرسة شغالة زى الفل
وكل واحد بيعمل شغله فى هدوء

والمدارس التى دخلت معنا فى نفس الوقت ونجح قليل منها لاتتميز عنا فى العمل شيئا
وحتى بعد نجاحهم لم يتم إثابة أحد من العاملين بهذة المدارس

عاشق القرآن والذكر
05-11-2010, 05:11 AM
معك حق فى كل كلامك

محمد حلمي الدالي
05-11-2010, 06:21 PM
يا اخوانا الجودة دي سبوبة بيرزق من وراها ناس كبيرة من علية القوم فلوس ومرتبات عالية وبدلات سفر واقامة وعيشان الدور علي المدرسين يارب نكون فهمنا وربنا ما يجعلنا قطعين ارزاق ......

عاشق القرآن والذكر
06-11-2010, 03:00 AM
حسبي الله ونعم الوكيل

rashadbaker
06-11-2010, 08:22 AM
هياخد جائزة نوبيل للفشل
ده على قلب وزارتنا عسل اكيد
جودة ايه دائما نحب نبتدى من القمة

البرشومى
07-11-2010, 11:23 PM
ما عقاب المدرسة الراسبة فى الجودة ؟

سؤال ممتاز

وأوضح يا أخى اننا فعلا وللاسف شعب بتاع كلام وإذا تكلمنا للاسف اسأنا الا من رحم ربى
لان العارف بيتكلم ويفتى واللى مش عارف بيفتى اكتر والمفترض اننا رجال تربية
لابد من اعادة الثقة للتعليم المصرى
هيئة الجودة هيئة اعتماد
يعنى ايه
يعنى تعطى شهادة الجودة ( الاعتماد ) للمدارس التى تحقق الجودة فعلا ( الاعتماد عند تحقيق 65% من المعايير )
أما المدارس اللى بتستف الورق من غير فهم فمصيرها الفشل
واعلموا ان غرض الجودة الاساسي هو تحقيق نواتج التعلم يا من نسيتم الاهداف الوجدانية والمهارية وتقويمها
وجعلتم وحدات التدريب حبر على ورق


واعلموا يا سادة ان المدارس التى لن تحقق الجودة لن تنعم بالفوضى كثيرا لان القانون يجبرك على تحقيق الجودة حتى تكون شهادتك ومعلمك وطالبك وبرامجك معترف بها
واعلموا ان محدش هيسمى على حد


أما بقى كون المدارس مليانه سلبيات فهذا أدعى لتسيير منظومة الجودة وباقى ع العموم سنتين مهلة للوزارة تستوفى فيهم معايير الجودة لمدارسها
واعلموا ان كل صاحب فكر أو ضمير أو مبدأ لابد وأن يحقق الجودة فى عمله
أما متسولو الارزاق و بائعى الضمير فاقول لهم
منكم لله
اتقوا الله
ومن أخذ الاجر حوسب عن العمل


أخيرا : التربية والتعليم مليانه ناس بحق مربون ومعلمون شرفاء وأفاضل أقبل أيديهم جميعا

أ/محمد ابراهيم
08-11-2010, 12:32 AM
هيعقبوها ازاي هيبقي عندها دور ثاني ولو رسبت هتعيد السنة ولو رسبت تاني هتروح المهنية.
بجد الجودة دي وجع دماغ وفي الاخر هي مجرد ترتيب ملفات وشوية اوراق ومفيش حد بيدور علي مستوي الطالب
اعتقد انك برأيك هذا اسات للصفة الموجودة تحت اسم عضويتك
راجع نفسك وردودك حتى لا تسيئ لمن وضعك فى هذا المكان

البرشومى
08-11-2010, 03:52 PM
اعتقد انك برأيك هذا اسات للصفة الموجودة تحت اسم عضويتك


راجع نفسك وردودك حتى لا تسيئ لمن وضعك فى هذا المكان


أؤيدك يا استاذ محمد

محمد حسن ضبعون
08-11-2010, 05:06 PM
السادة الأفاضل
شكراً لكل من أبدى برئيه
ولى تعريف وتعليق
مسمى الجودة وإن كان جديد علينا فجوهره ليس بجديد فكل ملفات الجودة بالفعل موجودة مع أختلاف المسمى ،. ولكن الجديد هو تفعيل كل ذلك ووضع نصاب ومقاييس للتنفيذ . مع دفع المتقاعسين للعمل بجدية لوجود محاسبة ( القيادة والحوكمة ) وتشجيع من يعمل بجد ( استثمار الموارد البشرية )
أعزائى للنظر للما يحدث بنظرة شاملة ( مش قطاعى)
1- انشاء اكاديمية المعلم ( لوضع ضوابط ومقاييس وتحاليل وخرائط زمنية للتنفيذ )
2- تحديث المناهج وتنقيتها وربطها بالبيئة المحيطة + موضوعات اثرائية + تقويم وتأمل ذاتى
3- التقويم التربوى الشامل وملف انجاز المتعلم ( أكبر خطوة على الطريق الصحيح )
4- دورات تدريبية مستمرة للمعلمين على استخدام الأساليب الحديثة فى التدريس من استراتيجيات وطرائق واجهزة معينة ( وسائل تعليمية ) بالأضافة لملف انجاز المعلم
5- شراكة المجتمع المدنى ومجلس الأمناء وأولياء الأمور فى وضع الخطط واتخاذ القرارات ودعم عمليتى التعليم والتعلم
6- تفعيل الأنشطة الصفية واللاصفية واستحداث برامج لتنمية عقل المتعلم
7- اللامركزية القائمة على المسؤلية بما يخدم الصالح العام
كل هذا وذاك لننظر إليه فى مضمونه وتطبيقه
للنقاش بقية لأولى الألباب

البرشومى
08-11-2010, 08:32 PM
السادة الأفاضل

شكراً لكل من أبدى برئيه
ولى تعريف وتعليق
مسمى الجودة وإن كان جديد علينا فجوهره ليس بجديد فكل ملفات الجودة بالفعل موجودة مع أختلاف المسمى ،. ولكن الجديد هو تفعيل كل ذلك ووضع نصاب ومقاييس للتنفيذ . مع دفع المتقاعسين للعمل بجدية لوجود محاسبة ( القيادة والحوكمة ) وتشجيع من يعمل بجد ( استثمار الموارد البشرية )
أعزائى للنظر للما يحدث بنظرة شاملة ( مش قطاعى)
1- انشاء اكاديمية المعلم ( لوضع ضوابط ومقاييس وتحاليل وخرائط زمنية للتنفيذ )
2- تحديث المناهج وتنقيتها وربطها بالبيئة المحيطة + موضوعات اثرائية + تقويم وتأمل ذاتى
3- التقويم التربوى الشامل وملف انجاز المتعلم ( أكبر خطوة على الطريق الصحيح )
4- دورات تدريبية مستمرة للمعلمين على استخدام الأساليب الحديثة فى التدريس من استراتيجيات وطرائق واجهزة معينة ( وسائل تعليمية ) بالأضافة لملف انجاز المعلم
5- شراكة المجتمع المدنى ومجلس الأمناء وأولياء الأمور فى وضع الخطط واتخاذ القرارات ودعم عمليتى التعليم والتعلم
6- تفعيل الأنشطة الصفية واللاصفية واستحداث برامج لتنمية عقل المتعلم
7- اللامركزية القائمة على المسؤلية بما يخدم الصالح العام
كل هذا وذاك لننظر إليه فى مضمونه وتطبيقه

للنقاش بقية لأولى الألباب


تمام يا عملاق
زادك الله علما

سيد رواش
08-11-2010, 09:28 PM
بسى للاسف كل الى يهم فريق الجوده ورق وبس يعنى على سبيل المثال مدرسة بها المدرس يعمل 36 حصة حتى اليوم كيف تحصل على الجوده وكل يوم فريق الجوده يأتى لعطلة المدرسة وذلك تحت مسمى الدعم الفنى نفسنا فى جوده مش زيادة ورق وسجلات
الجوده تلميذ مش مبنى شكله جمبل انا اعرف مدارس حصلت على الجوده نسبة التعليم بها 30% يبقى فين الجوده
الجوده لا بد ان تنبع من داخل المدرس مش سجلات وبس
وربنا يهدينا جميعا ويفقا للصواب

عاشق القرآن والذكر
09-11-2010, 12:52 AM
شكراً لكل من أبدى برئيه وجزاكم الله خيرا

lader1970
09-11-2010, 03:13 AM
من يجادل بلا علم فعدم الرد عليه افضل و الايام القادمه ستخبرنا با الاستمراريه و البقاء لمن يساير العصر و يجتهد في عمله و يجود من اداءة الفعلي (( هي دي الجودة اللي بنهرب منها )) مش ورق و خلافه ذي ما بعض الزملاء بيقولوا

محمد حلمي الدالي
09-11-2010, 06:33 PM
اشعر بعد قراءة تعليقات الاخوة المدافعين عن الجودة بكل هذه الحماسة ان المدارس والحياة في بلدنا لونها بمبي في بمبي وان اولياء الامور والطلاب والمسئولين في هذا البلد ملائكة وان الشياطين هم فقط المدرسين واننا معشر المدرسين من المفسدين في الارض ويجب القضاء على هذه الشرذمة في اسرع وقت وان مصر كلها تتقدم في الزراعة والصناعة ومياه الشرب وعلى المستوي الدولي تهابنا كل الدول خاصة دول حوض النيل وبيبوسوا اقدام وزرائنا علشان ناخذ منهم مياه زائدة عن حصتنا ونحن نرفض بكل اصرار .
التعليم حلقة فساد متعمد من مجموعة حلقات الكل يعلمها ويعرفها ويعرف من هم السبب في افساده وعلي فكرة انا مدرس من 18 سنة اقول للاخوة المدافعين عن الجودة اننا كمدرسين لانريد مقابل مادي بل يكفينا المقابل المعنوي الذي تسبب الوزراء الحلوين حسين كامل بهاء الدين ويسري الجمل والحلو الذكي زكي بدر الاين في خلق كراهية مزمنه في التعليم كراهية المدرس للمهنة وكراهية اولياء الامور للمعلم وكراهية الطالب للمعلم وللاسرة .
وبعدين احنا لحد دلوقت ماسمعناش ان في بلد في العالم قررت انها ترسل ابنائها للتعليم في المدراس المصرية التي حصلت على الجودة او ان هذه المدارس خرج منها عباقرة اذهلوا العالم . الاكراه في العمل بدون اصلاح وتغيير شامل في مصر كلها بدعوي ان الاصلاح يبدأ بالتعليم كلمة حق يراد بها باطل والسلام

عاشق القرآن والذكر
09-11-2010, 09:49 PM
شكراً لكل من أبدى برئيه وجزاكم الله خيرا

salaholom
11-11-2010, 10:59 AM
بسم الله الرحمن الرحيم
شكرا لكل من يشارك برأيه أو بخبرته قى كل مايهم العملية التعليمية والرأى يجب أن تحكمه الامانة فى العرض فمثلا الجودة فعلا نسنيف ورق ولكنه مــــــفـــــــــعــــــــــــــــــل اما عن موضوع ان الجودة غير مهتمة بالتلميذ قهذا كلام عارى من الصحة فهناك مدارس غاية فى النظافة والجمال ولم توفق فى الجودة بسبب مستوى التلاميذ

abedmm
12-11-2010, 12:57 AM
ان الله يحب اذا عمل احدكم عملا ان يتقنة ..... هى دى الجودة من ديننا و ياريت ناخذ موضوع الجودة هذا فعلا مأخذ الجد فلو استفادة مدرسة1% احنا الكاسبنين

وكيل مدرسة
12-11-2010, 04:19 PM
فعلا الجودة ورق فقط المعلم عليه التربية والتعليم (شكل المدرسة والبناء والكهرباء والسباكة الخخخخخخخخخخخخخخخخخخخ اختصاص هيئة الابنية مع الرقابة وعلى المعلم توعية التلاميذ للحفاظ على المدرسة )مثلا انا مدير مدرسة عندى تدريب و معى 3 معلمين واخصائى من الصباح وتعطيل للعمل بسبب الجودة و اصلاح شكل المدرسة( وكل المدرسة تنشغل بالملفات التسعة للجودة و لجنة رايحة واخرى جاية ومعهم بعض البنود للتقييم وهذا للانشغال عن اولادنا وهذا مخطط كبييييييييييير لافساد التربية والتعليم )هل الدول المتقدمة المعلم يعامل بهذه الطريقة والله مفيش احسن من التعليم قديما الاجيال التى خرجت احمد زويل وغيره ممن تعلم فى مصر ثم خطفته الدول على الجاهز وتبنته علميا جودة ايه والطلبة الان مفيش تربية والدليل مصر الجديدة واقسم بالله يوجد فى مدارس كثير ذلك ليس واحدة ولا اثنين بسبب الكمبيوتر و سوء استخدامه (لان الاب مشغول لتوفير فلوس الدرس و الام) والمعلم وكل هيئة التدريس بيصلحوا المدرسة ويراقبوا الصنايعية ونحن لانفهم طبعا فى شغلهم والله هذه مهزلة لازم يرجعوا هيئة الابنية مع الرقابة لان هذا عملهم ويتركونا نحن لتعليم و يارب تربيتهم كمان لاننا مش ناقصيين كفاية كده

الأستاذ/ محمد السعدي
12-11-2010, 04:58 PM
آخر الكلام
الجودة كمن أعطي ابنه بندقية وأعطاه الرصاص وحدد له الهدف ليصيبه
ولكن نسى الأهم من ذلك .................................................

ألا وهو ان يعلمه كيف يصوّب !!!!!!!!!!!!!!!!!!!!!!

abuwaheed
12-11-2010, 08:28 PM
:av4056bb7jp3:السلام على كل معلم حاصل على المعلمين الاصلية خمس سنوات بعد الاعدادية

اما السادة الاداريون الذين حولوا المسار واصبحوا مدرسين ( فحسبى الله ونعم الوكيل )

والسادة اصحاب قرار 106 ثانوية عامة ثم غير المسار للمعلمين ( فاقد الشىء لا يعظيه )

واصحاب المؤهلات العليا ودخلوا التعليم الابتدائى انزل لمستوى التلميذ (حلم الدكتور والمهندس و000 و000و000 رااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااح )

الجودة كانت زمن المفتش لانها حولت المعلم الى كاتب للملفات :078111rg3:

abuwaheed
12-11-2010, 08:39 PM
:022yb4:مرحبا بالجودة
ولكن ابدءوا بالسادة الموجهين
دون تحميل المعلم الاشتراك فى اى فريق لانه عضو اساسى فى جميع الفرق
اهتموووووووووووووووووا بتلميذ المدارس الحكومية
اثابكم الله

abuwaheed
12-11-2010, 08:45 PM
:romarioxp6:quote][/quote]كل عام والجميع بخير و سعادة



بمناسبة عيد الاضحى المبارك

عاشق القرآن والذكر
12-11-2010, 09:39 PM
إنى اتفق مع السادة الذين ابدوا آرائهم ونريد العديد من الآراء

ليمو161977
24-12-2010, 02:41 AM
يا جماعة المشكلة ليست فى الجودة او تطبيقها من عدمه المشكلة هى الناس اللى مش فاهمة وعاوزة تفهم ومش لاقية حد يفهمها حاجه انا واحد من الناس كل زملائى بالمدرسة ناس افاضل ويحبوا المدرسة تحصل على الجودة بس مش فاهمين حاجه وان حاولوا يبذلوا مجهود للفهم لا يوجد من يقوم بهذا الامر لافهامهم ولو بالقدر اليسير يا اخواننا الرحمة بالمعلمين كان لابد من كل ادارة تدريب المعلمين الذين ادرجت مدارسهم لكى تعتمد من الجودة اولا قبل تنفيذ ممارسات الهيئة

محمد حسن ضبعون
24-12-2010, 01:55 PM
سؤال ممتاز

وأوضح يا أخى اننا فعلا وللاسف شعب بتاع كلام وإذا تكلمنا للاسف اسأنا الا من رحم ربى
لان العارف بيتكلم ويفتى واللى مش عارف بيفتى اكتر والمفترض اننا رجال تربية
لابد من اعادة الثقة للتعليم المصرى
هيئة الجودة هيئة اعتماد
يعنى ايه
يعنى تعطى شهادة الجودة ( الاعتماد ) للمدارس التى تحقق الجودة فعلا ( الاعتماد عند تحقيق 65% من المعايير )
أما المدارس اللى بتستف الورق من غير فهم فمصيرها الفشل
واعلموا ان غرض الجودة الاساسي هو تحقيق نواتج التعلم يا من نسيتم الاهداف الوجدانية والمهارية وتقويمها
وجعلتم وحدات التدريب حبر على ورق


واعلموا يا سادة ان المدارس التى لن تحقق الجودة لن تنعم بالفوضى كثيرا لان القانون يجبرك على تحقيق الجودة حتى تكون شهادتك ومعلمك وطالبك وبرامجك معترف بها
واعلموا ان محدش هيسمى على حد


أما بقى كون المدارس مليانه سلبيات فهذا أدعى لتسيير منظومة الجودة وباقى ع العموم سنتين مهلة للوزارة تستوفى فيهم معايير الجودة لمدارسها
واعلموا ان كل صاحب فكر أو ضمير أو مبدأ لابد وأن يحقق الجودة فى عمله
أما متسولو الارزاق و بائعى الضمير فاقول لهم
منكم لله
اتقوا الله
ومن أخذ الاجر حوسب عن العمل


أخيرا : التربية والتعليم مليانه ناس بحق مربون ومعلمون شرفاء وأفاضل أقبل أيديهم جميعا
بارك الله فيك أخى الفاضل

العربى446
25-12-2010, 01:52 AM
يا اخوانا الجودة دي سبوبة بيرزق من وراها ناس كبيرة من علية القوم فلوس ومرتبات عالية وبدلات سفر واقامة وعيشان الدور علي المدرسين يارب نكون فهمنا وربنا ما يجعلنا قطعين ارزاق ......
انا اتفق معك تماما فى انها سبوبة وفلوس مالهش عدد تصرف فى الفاضى وبكرة الايام تثبت كلامنا

العربى446
25-12-2010, 02:04 AM
سؤال ممتاز

وأوضح يا أخى اننا فعلا وللاسف شعب بتاع كلام وإذا تكلمنا للاسف اسأنا الا من رحم ربى
لان العارف بيتكلم ويفتى واللى مش عارف بيفتى اكتر والمفترض اننا رجال تربية
لابد من اعادة الثقة للتعليم المصرى
هيئة الجودة هيئة اعتماد
يعنى ايه
يعنى تعطى شهادة الجودة ( الاعتماد ) للمدارس التى تحقق الجودة فعلا ( الاعتماد عند تحقيق 65% من المعايير )
أما المدارس اللى بتستف الورق من غير فهم فمصيرها الفشل
واعلموا ان غرض الجودة الاساسي هو تحقيق نواتج التعلم يا من نسيتم الاهداف الوجدانية والمهارية وتقويمها
وجعلتم وحدات التدريب حبر على ورق


واعلموا يا سادة ان المدارس التى لن تحقق الجودة لن تنعم بالفوضى كثيرا لان القانون يجبرك على تحقيق الجودة حتى تكون شهادتك ومعلمك وطالبك وبرامجك معترف بها
واعلموا ان محدش هيسمى على حد


أما بقى كون المدارس مليانه سلبيات فهذا أدعى لتسيير منظومة الجودة وباقى ع العموم سنتين مهلة للوزارة تستوفى فيهم معايير الجودة لمدارسها
واعلموا ان كل صاحب فكر أو ضمير أو مبدأ لابد وأن يحقق الجودة فى عمله
أما متسولو الارزاق و بائعى الضمير فاقول لهم
منكم لله
اتقوا الله
ومن أخذ الاجر حوسب عن العمل


أخيرا : التربية والتعليم مليانه ناس بحق مربون ومعلمون شرفاء وأفاضل أقبل أيديهم جميعا
ياخى نريد نتحاور بالعقل
هل انا كمعلم لى دخل فى ان كثافة مدرستى تصل الى مئة تلميذ فى الفصل
هل انا كمعلم مسؤل عن سؤ المبنى او عدم ترميمة
هل انا كمعلم لى دخل فى ان موقع مدرستى فى حى شعبى ومعظمهم لايجيد القراءة والكتابة اقصد ولى الامر
هل انا كمعلم مسئول عن عمل غيرى واذا كنت انا مجتهد وغير مقصر لماذا لا يتم محاسبة المقصر فقط ومحاسبة المدرسة كلها شئ غير منطقى
هل انا كمعلم مسئول عن تدنى الاجور حيث ان المعلم لايمتلك حتى المال لعمل بحوث او وسائل تعلمية .....الخ
هل تتساوى مدرسة تقع فى مصر الجديدة مثلا او فى اى حى راقى ومدرسة تقع فى حى شعبى جدا
فى الف سؤال وسؤال وفى النهاية تجد ان اى عمل فى مصر ياخذة البعض سبوبة للرزق
وهل كل انسان التحق بالجوده عنده ضمير ويريد مصلحه الوطن
طيب تخيل انه عمل تطوعى كام واحد كان اشترك فية

zamica
25-12-2010, 03:57 PM
طيب تخيل انه عمل تطوعى كام واحد كان اشترك فية

محمدعبدالرحمن محمد
26-12-2010, 12:14 AM
[quote=abuwaheed;2826660]:av4056bb7jp3:السلام على كل معلم حاصل على المعلمين الاصلية خمس سنوات بعد الاعدادية

اما السادة الاداريون الذين حولوا المسار واصبحوا مدرسين ( فحسبى الله ونعم الوكيل )

والسادة اصحاب قرار 106 ثانوية عامة ثم غير المسار للمعلمين ( فاقد الشىء لا يعظيه )

واصحاب المؤهلات العليا ودخلوا التعليم الابتدائى انزل لمستوى التلميذ (حلم الدكتور والمهندس و000 و000و000 رااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااح )

الجودة كانت زمن المفتش لانها حولت المعلم الى كاتب للملفات :078111rg3:
لازم كل شئ جديد يحارب ويكون مكروه لازم نتعاون لمعرفة المعوقات التى جعلت التعليم فى مصر يتأخر عن جميع الدول كل مجموعة فى مدرسة تحدد مشاكلها والمعوقات التنى تواجهها وتحلها بكده نحاول نصل للجودة

العربى446
26-12-2010, 01:39 AM
لمعرفة المعوقات التى جعلت التعليم فى مصر يتأخر عن جميع الدول
اعتقد ان الكل يعرف ماذا ادى الى تاخر التعليم فى مصر واولها تهميش دور العلم والعلماء شوف الدول بتصرف كام على التعليم والبحث العلمى وشوف احنا بنصرف كام هذا هو مربط الفرس يااخى الدول تتقدم بالعلماء مش بالفنانين ولاعبين الكرة والكل يعرف

ندى عسكر
06-03-2011, 09:22 PM
مجال المشاركة المجتمعية هو تجميع الأموال والشحاته من أولياء الأمور وذلك لإذلال المعلم وإهانته أمام المجتمع

وكلما زادت عملية التسول والشحاته كانت النتيجة مميزة وطبعا فلوس الوزارة تعطى للهيئة 50 ألف جنيه عن كل مدرسة

إرحمنا يارب من الجودة بهذا الشكل المهين والحرااااام باين عينى عينك

momw5
06-03-2011, 09:30 PM
يا ليت تلغي



ويطبقوا شي ثاني في صالح الطلاب


ولتكن فقط علي نواتج التعلم لكل مادة

زوزو بوزو
08-03-2011, 03:01 PM
الاخ البرشومى لازم يتحيز للجوده علشان هو تبع الدعم الفنى وبياكل من وراء الجودة فلوس بالكوم

libero
11-03-2011, 03:37 PM
تسقط هيئة ضمان الجودة والاعتماد ......

smsmale
11-03-2011, 04:53 PM
على فكرة انا كنت عضو للدعم الفنى بالمنوفية وتركت الجودة ورجعت لمدرستى بعد رفضى العمل مع فريق الجودة وتحويلى الى الشئون القانونية وفى الاخر توصلوا الى تركى وجابوا واحد غيرى المدربين معظمهم واخدين الجودة من باب الوجاهة والكوسه ولا يقدمون شئ للمدارس واليك الصاعقة المراجعين الخارجيين يعتمدون بالكوسه وبعضهم غير ملم بالجودة ويذهبون للمدارس عشر مرات لان لهم ظهر والمراجع الفاهم يروح مرة فى العام ياراجل ارحمنا من المعايير والممارسات وكله سببوبه للكبار اعذرونى انا عندى بلاوى من بتوع الجودة وهذا اقل شئ بدل الجودة نهتم بالمناهج والمدارس احنا عندنا مدارس مؤجرة لاتصلح عشة فراخ ويهتموا بالمعلم من دورات ومن النواحى الماليه وبعدين نقول جودة

داودعلى
12-03-2011, 12:32 AM
لن تكون هناك جودة الا بمعلم تشغل باله العملية التعليمية وللاسف من منا لا يعطى الدروس الخصوصية ومن منا لايعمل اكثر من وظيفة اخرى ليحسن من دخله واكثر من ذلك
فاقد الشىء لايعطيه
اين الجودة من مدارسنا المنتشرة فى ربوع قرى مصر التى لاتغيب عن الكثير منا حيث لااسوار حول المدارس لاامكنيات مادية وبشرية انا اعرف مدارس قائمة على مدرسو الاجر من بداية الدراسة حتى نهايتها
الواقع المرير الذى نعيش فيه لا يساعد على تطبيق الجودة

محمد الشابوري
12-03-2011, 10:22 AM
اولا السلام عليكم
يااساتذه الافاضل
الجودة تم تفريغها من مضمونها
واصبحت تختذل في الاوراق فقط
ده مش ذنب الجودة
يعني الكوب ممكن اشرب فيه ماء وممكن اي شئ اخر
وانا من رائي ان الجودة شئ مش جديد
وانها مش اختراع
يعني لوكل واحد فينا ادي دوره في المدارس كما يجب ان يكون (وليس كما هو كائن )
سنصل للجودة
العيب فينا مش في الجودة
ودا رائي
وشكرا

محمد الشابوري
12-03-2011, 10:24 AM
بالنسببة للعقاب
طالما ان ليس هناك ثواب
مش حيكون فيه عقاب
المحاسبية غائبة في الجودة