الحكومة دى حكومة مين
لو حد يعرف يتصل
على زيرو تسعمية تسعتيين
ويكسب وزير وياخد عليه
زير وقلتين
......يكسرهم وراه علشان العين

...ولو عايز ياخد الوزرا كلهم
يبقى عمل خير
ويأخد كمان المحافظين
ويبقى بدل الاجر
له اجرين

ويبقى فرح الملايين
اللى شربين المر
وشايفين الذل
وشيلين الطين

ياترى حد يعرف يجاوب
البتاعة دى بتاعة مين
مع العلم كلنا عارفين
ان عمرها ما كانت
بتاعتنا
ولا تعرف حاجة عن مصر
ولا عن المصريين

طيب هى هاتعرفنا منين
طالما الكل بيتعين تعيين
اذا كانت حكومتنا
تقدم يا ناس
دليل
والله ولا تعرفنا
ولا عمرها
عملتنا اننا بنى ادمين
وقال بيقولوا المفروض
الحكومة تشتغل
عند الشعب خدمين
دا احنا العدوين
احنا اللى نفسها تخلص مننا
ومش عارفة تودينا فين


دى حكومة الفساد والجلاد
والتعذيب
والتزوير
والبلطجة والتضليل
الحكومة دى كل حاجة فيها
بتقول انها فى خدمة اسرائيل

الشاعر
عبد الحميد بدوى

جميل جدا ... لكن أرجو النقل لقسم ( أبداعات الاعضاء )

رائع ووصف ممتاز للحكومة المصرية !!
بس أنا لو اتصلت عايز أكسب وزير معين !!!!!

شكرا لحضرتك على كلماتك

بس لا زلت اقول يجب ان نعتدر لمصرنا اننا سيبين حكومة زى دى تتحكم فيها واحنا بايدنا نحميها

لا تلومو مصر بل اعتذرو لحبيبتكم

ولو كل انسان صلح من نفسه هينصلح حال البلد فكيفما تكونو يولى عليكم

**********

دمت مبدعا

الحكومة دى حكومة مين
لو حد يعرف يتصل
على زيرو تسعمية تسعتيين
ويكسب وزير وياخد عليه
زير وقلتين
......يكسرهم وراه علشان العين

...ولو عايز ياخد الوزرا كلهم
يبقى عمل خير
ويأخد كمان المحافظين
ويبقى بدل الاجر
له اجرين

يا بخته عند ربنا اللى يفرح الملايين
اللى شربين المر
وشايفين الذل
وشيلين الطين

ياترى حد يعرف يجاوب
البتاعة دى بتاعة مين
وكل واحد فيهم عامل بتاع
وبيضحك علينا بكلمتين
مع العلم كلنا عارفين
ان عمرها ما كانت
بتاعتنا
ولا تعرف حاجة عن مصر
ولا عن المصريين
وكل واحد هدفه يفضل قاعد
زى البتاع هو يعنى هيروح فين
اهم حاجة يقدم الولاء والطاعة
والنعمة كل واحد فيكم
محصلش حتة بتاعة

واتحدى اى واحد فيهم
يقولك مصر رايحة فين
ولا جاى منين
كل واحد فيهم صحى الصبح
لاقى نفسه وزير
احنا نطلعوا مين
احنا الشعب المسكين
اللى لا له فى الطور ولا فى الطحين
احنا سبب الكوارث وهما الفوارس
وكتر خيرهم انهم مستحملين

طيب هى الحكومة دى هاتعرفنا منين
طالما الكل بيتعين تعيين
طالما واحد هو اللى شايف
وهو اللى عارف
وهو اللى حكمته سابقة الزمان بزمان
وهو اللى بيلعب فى الملعب لوحده
وهو المتفرج وهو اللى بيحط الاجوان
اذا كانت حكومتنا واذا كان رئيسها ورئيسنا
يقدموا ياناس دليل
يمكن أ حنا مش فاهمين

العيب فى مين
والله ولا تعرفنا
ولا عمرها
عملتنا اننا بنى ادمين
وقال بيقولوا المفروض
الحكومة تشتغل
عند الشعب خدمين
دا احنا العدوين
احنا اللى كل امالها تخلص مننا
ومش عارفة تودينا فين

اهى بتحاول على قد ما تقدر
بتستورد امراض
علشان الشعب يخف حبيتن
هى شايفة العيب فينا احنا
امال يعنى العيب هيكون فى مين

دى حكومة الفساد والجلاد
والتعذيب
والتزوير
والبلطجة والتضليل
الحكومة دى كل حاجة فيها
بتقول انها فى خدمة اسرائيل

الشاعر
عبد الحميد بدوى

خلاص اعتذر لمصرنا برحتك وبعدين هى صرنا منين عندك دليل؟؟؟؟؟؟

قل مصرهم ولا تقل مصرنا

اخى الشاعر عبد الحميد بدوى
انا مُقدر إحساسك جداً وكلماتك
الجميله المُعبره عن الوضع
ولكن يا اخى ليس من المنطق
ان نغير نظام حكومه
ماذا برأيك لو غيرنا أنفسنا نحن
بالعربى كده
الشعب فى ناس مُثقفه وفى ناس مش كده
الشعب فى ناس بتفهم وناس بتحاول
قبل ما نرمى اللوم على الحكومه
مانشوف الشعب الاول
انا مش بدافع عن الحكومه ولا عن الشعب
بعيد ً عن القصيده
انا بحترم حضرتك جداً
والى الامام دائما ً
تقبل مرورى

مش منطق لية الحكومة دى بتشتغل عندنا المفروض اننا احنا اللى بنحطها واحنا اللى بنشيلها وهو دة الفرق اللى بينا وبين العالم المتقدم اللى بيحترم نفسه انما احنا للاسف عاملين معاهدة مع الذل والضعف والهوان

(اخى الشاعر عبد الحميد بدوى
انا مُقدر إحساسك جداً وكلماتك
الجميله المُعبره عن الوضع
ولكن يا اخى ليس من المنطق
ان نغير نظام حكومه
ماذا برأيك لو غيرنا أنفسنا نحن
بالعربى كده
الشعب فى ناس مُثقفه وفى ناس مش كده
الشعب فى ناس بتفهم وناس بتحاول
قبل ما نرمى اللوم على الحكومه
مانشوف الشعب الاول
انا مش بدافع عن الحكومه ولا عن الشعب
بعيد ً عن القصيده
انا بحترم حضرتك جداً
والى الامام دائما ً
تقبل مرورى)
انا مع حضرتك اننا نحاول نغير من نفسنا
بس ممكن سؤال
(واحد بيقبض 200 جنية فى الشهروعندة ابنين
هيعلمهم ولا هياكلهم ولا هيلبسهم
مع العلم ان المرتب دا هو كل اللى بياخده من الحكومة )
تقدر تحل مشكلته
ومتقلش الغلط منه
اوكى

المشكلة سهلة جدا ينتحر ههههههههههههههههههههه طبعا انا بضحك كلنا من نفس العينة اللى بتقبض 200 هو اول واحد
لازم يقف ويصرخ ويرفض ولازم فى الاول وف الاخر يرفض الظلم هناك حكمة بتقول لا تسأل الظالم كيف ظلمت ولكن اسأل
المظلوم لما تحملت يعنى بالعربى اية اللى جبرك على كدا وانت وانا شايفين ناس بتنهب بالملايين والمليارات
احتج ارفض
وفية مثل بيقول هيسخطوك يقرد
اوعى تسكت على الظلم
احنا اكبر انجاز للحكومة هو صنع منافقين فى كل الاجيال والكل والجميع فى خدمة جمال
الفرق بينا وبين العالم ان الشعوب عارفة ان الحكومة بتشتغل عن الشعب
انما عندنا الكل بيشتغل عن الرئيس مع انه لازم يكون خادم لكل واحد فى البلد