هام وعاجل لجميع مدرسي اللغة الفرنسية في المرحلة الاعدادية.
صدرت تعليمات لجميع الادارات التعليمية بعدم تدريس منهج الصف الثالث الاعدادي والذي جاء في توزيعة المنهج المقرر علي المرحلة الاعدادية واعتبار الترم الاول هو عباره عن مراجعة لما تم تدريسة في الصف الاول الاعدادي والترم الثاني مراجعة لما تم تدريسة في الصف الثاني الاعدادي ؟؟؟؟؟؟
اي لا وجود لمنهج الصف الثالث وستكون الدراسة في هذا العام عباره عن مراجعة لما تم دراستة في العامين السابقين فقط..........

معنى الكلام ده ايه يعنى مش هيدرسوا فرنساوى فى سنة 3 طيب احنا دلوقتى درسنا المنهج كله 3 وحدات وخلصنا يعنى الشغل ده كله على الفاضى وبعدين التقسيم الى نازل فيه منهج 3 اعدادى

اخي الحبيب كأنة لم يكن هذا الكلام مؤكد جدااااااااااااااااااااا ومن مصادر موثوق فيها جدا جدا

هذا الكلام صحيح والمنشور كان معى اليوم بالمدرسة وهو صادر بتاريخ 4/11/2010 وقمت بالتوقيع علية وقد اكد لى الموجة ايضا انة للاسف سيتم الغاء تدريس اللغة الفرنسية ابتدءا من العام القادم

ممكن تقولي احنا هنروح فين وليه الفرنساوي هيتلغي
علي فكره كدا حرام جدا
وكمان ممكن تقولي انت جبت الخبر دا منين
احنا خلاص ظبطنا حياتنا علي كدا
حررررررام والله

ممكن تقولي احنا هنروح فين وليه الفرنساوي هيتلغي
علي فكره كدا حرام جدا
وكمان ممكن تقولي انت جبت الخبر دا منين
احنا خلاص ظبطنا حياتنا علي كدا
حررررررام والله

اخي الحبيب الخبر دة جاني من توجية عام اللغة الفرنسية وموجة اول المادة وتم التأكد منة من مستشارة اللغة الفرنسية زاتها بالقاهرة ولذلك قلت لكم انة من مصادر موثوق منها جداااااااااااااااااا

إن الله هو الرزاق ذو القوة المتين

على فكرة انا سالت التوجيه بتاعنا فى الغربية وقال انه مجرد كلام ولسه مفيش خبر اكيد وكمان المدرسين شغالين بيدرسوا المادة عادى ولو كلامك صحيح كانوا المدرسين بطلوا شغل

للاسف الشديد الاخوة الاعزاء الخبر صحيح 100 % واعتقد انه مقدمه الغاء التجربة فى العام القادم

شكراً للسيد المحترم وزير التعليم على هذه التجربة لفاشلة

وإن كنت لا أعرف ما سبب فشلها

ايه مدي صحة الخبر
وهل التجربه فشلت ام نجحت ؟
وايه اساب الفشل ؟

حسستوني ان الموجه دخل وقعد مع المستشاره قعدة انس وقالت ياواد الفرنساوي اتلغي
وهو بدوره جه وقالك وانتوا قعدين في قعدة انس ده المستشاره بذات نفسيتها اكدت الكلا ومش بعيد يكون قالك ده الوزير اكدهولي
احنا مشكلتنا ان احنا بنفتي
الموضوع ان موقع برافو نزل الكتاب قبل الوزاره علي المواقع التعليميه وكمان رفضوا يدفعوا للوزاره
فالوزير قال بلاش المنهج السنه دي بما انه جديد وهديهم مهموز يطلع من عنيهم وهنشتغل السنه الجايه المنهج عادي جدا
هو ممكن بس ميتعممش السنه الجايه
مووووش هيتلغي حته واحده
ليه هي حفله
ده منهج ومدرسين وموجهين وتلاميذ ومستشاره
وهيتلغي
يامفتي انت وهو

من فضلكوا ايه الخبر الصحيح بالظبط
فعلا هيتلغى الفرنساوى وموضوع الصف الثالث الاعدادى هنعمل فيه
نكمل شغل عادى ولا نوقف

مسيو محمد رشاد عايزين اجابة واضحة وصريحة ندرس منهج الاعدادى ولا لا وهل السنة دى مش هيبقى فيه امتحان فى المادة ولا ايه ياريت تقولنا الحقيقة وهل المستشارة فعلا اكدت انه هيتلغى السنة الجاية ؟؟؟؟؟؟؟؟؟؟؟؟؟؟؟؟

الاخوة الاعزاء
اولا احب ان اهنئكم جميعا زوار واعضاء بعيد الاضحي المبارك اعادة الله علينا جميعا مسلمين ومسيحين بالخير والحب ان شاء الله واعز الله مصرنا الحبيبة وحفظها في يمينة
ثانيا انا عندما قلت ان منهج اللغة الفرنسية للصف الثالث الاعدادي تم الغائة هذا العام وسف يكون عبارة عن مراجعة للصفين الاول والثاني الاعدادي لم اذكر بتاتا انة سوف يتم الغاء المادة من المرحلة الاعدادية العام القادم او سوف يتم تعميمها
ان الغاء المنهج هذا العام من الممكن ان يرجع الي عدم وجود اعتمادات مالية او ماشابة ولكن ليس بالضرورة الغاء التجربة في العام القادم بل من الممكن ان يكون خطوة جديدة للتعميم في العام القادم ولي في ذلك وجة نظر......
ان التلميذ في المرحلة الاعدادية اذا درس لغة فرنسية في الثلاث صفوف صدقوني سيكون حصل علي معلومات قيمة جدا وحصل له نوع من التقدم الكبير في اللغة ثم يأتي في المرحلة الثانوية ويدرس منهج BienVenu يعني حيبدء من الاول مرة ثانية مع طبعا عدم امكانية تغيير المنهج علي مستوي الجمهورية وذلك لعدم تعميم تجربة المرحلة الاعدادية علي جميع المحافظات وعندما يعمم منهج اللغة الفرنسية علي مستوي الجمهورية في تلك الحالة سوف يكون من الممكن تدريس منهج المرحلة الاعدادية بالكامل ومن ثم تغيير منهج المرحلة الثانوية ليتناسب مع التلميذ الذي درس لغة فرنسية في المرحلة الاعدادية.
هذا رائى انا والسلام لكم

طيب ممكن اعرف من سيادتك الخبر دا انت جبته منين
وايه مدي التأكد منه
يا ريت ترد عليا رد مقنع

الاخوة الزملاء الافاضل
الخبر اكيد 100% ولكن كما اكد الاستاذ الفاضل ليس معنى القرار الغاء التجربة او فشلها ولكن كل التوقعات تقول ان الوزارة تعيد النظر فى كل ما هو جديد ويمكن الاستغناء عنه .. وليس كما قال احد الزملاء الافاضل ان الوزارة الغت كتاب الصف الثالث بوجه نظر انها زعلانه ان برافوا نزلوا الكتاب ... على فكرة الكتاب لم يطبع فى الاصل اانما ما تم نشره هو النسخة الاصلية بدون تعديل وكالن الاولى ان تلغى كل المناهج اللى نزلت فى الكتب الخارجيه من نصف اغسطس

المهم الان هو ان نسال انفسنا عن الاسباب التى قد تؤدى الى فشل التجربة وهى للاسف ان معظم الزملاء الافاضل تعاملوا مع الموضوع على انه سبوبه للدرروس مما زاد من صعوبه الامر الى الحد الذى جعل من غالبية الطلاب تفكر جديا فى دراسة اللغة الالمانية بالمرحلة الثانوية .. ياجماعة المنهج رائع وفوق الرائع ويحتاج الى المزيد من المجهود لرفع مستوى الطلاب والتركيز على فكرة التواصل مع الطلاب وتعليمك لغة للمارسة وليس للقواعد التى اشهد للجميع باتقانها .. لكن كلنا تناسينا ان الموضوع ليس قواعد وحفظ كلمات فقط هذه التجربه كانت ستغير معنى تدريس اللغة الفرنسية فى مصر بالكامل ... لكن للاسف ....... يبدو لى شخصيا بعيد عن اى مصدر بالوزارة ان هذا اخر عام لمنهج le Mag

فعلا الخبر صح قالولنا كده في المدرسه

http://knowledge.moe.gov.eg/Arabic/News/news440.htm

مش هقول اكتر من حرام عليك يا وزير التربية والتعليم

شالو ألدو جابوا شاهين ألدو قال منتش لاعبين
وكأن التعليم حقل تجار ب لن ينتهي
وزكريا بيقول ان السنة دي وبعد كده بح

فعلا ايها الأخوة الأعزاء الخبر صحيح واعتبار الترم الاول هو عباره عن مراجعة لما تم تدريسة في الصف الاول الاعدادي والترم الثاني مراجعة لما تم تدريسة في الصف الثاني الاعدادي

سبحان الله وبحمده سبحان الله العظيم

للاسف ياجماعه خبر النشره الخاصه بالمراجعه للترم الاول للصف الثالث الاعدادى صحيحه بس ده ملوش دعوه بقرار التعميم او الالغاء احنا سمعنا ان فى اجتماع غدا ويارب خير اما بالنسبه للتعميم مفيش حد عارف اى حاجه

كدة حرام عليهم دى مادة شيقة جدا تسهل علينا لما ندخل الثانوى ان شاء الله
كدة مينفعش المفرود يقررو وميحزفوش الفرنساوى

يعنى يا جماعة الكلام دة صحيح
ممكن حد ير عليا

يعنى يا جماعة الكلام دة صحيح
ممكن حد ير عليا
الخبر صحيح طبعا يا ولاء واكيد بس مش من المؤكد ان اللغة الفرنسية سوف يتم الغائها العام القادم

هل يوجد امتحان نصف العام وآخر العام ؟

ابقوا ردوا على؟

ابقوا ردوا على؟
حبيب قلبي طبعا في امتحان لنصف العام وامتحان لاخر العام دة شيئ طبيعي جدا طالما في منهج بنتكلم فية يبقي لازم يكون فية امتحان علية
وشكرا

طيب هيمتحنوا ازاى دلوقتى عندنا فى الغربية90%من الطلبة مخدوش ولا حصة فى الفرنساوى من بداية الترم لعدم وجود مدرسين يمتحنوا ازاى فى مادة مخدوهاش وكمان لغة بالنسبة ليهم اول مرة يعرفوها مش سنة 3 بس وسنة 1 وسنة 2 كمان مش بيخدوا حصص فرنساوى خالص

طيب هيمتحنوا ازاى دلوقتى عندنا فى الغربية90%من الطلبة مخدوش ولا حصة فى الفرنساوى من بداية الترم لعدم وجود مدرسين يمتحنوا ازاى فى مادة مخدوهاش وكمان لغة بالنسبة ليهم اول مرة يعرفوها مش سنة 3 بس وسنة 1 وسنة 2 كمان مش بيخدوا حصص فرنساوى خالص
ممكن بس اعرف من حضرتك اي مكان في الغربية حضرتك بتتكلم عنة؟؟؟؟
الي انا اعرفة ان مافيش مدرسة اعدادي مافيهاش مدرسين فرنساوى والكل شايف شغلة وبيقوم بعملة وعلي العموم في رب بيحاسب كل واحد ان كان بيرضي ربة وضميرة ام لا!!!!!!!!!!!!!!!!!!!!!!!!!!!!

استاذى الفاضل عندنا كل مدرسة فيها مدرس واحد بيدرس لكل المراحل حضرتك قولى ينفع مدرس يدرس 3 مراحل كل مرحلة 12 فصل يعنى هيدرس 36 فصل ينفع الكلام ده

ياجماعة الكلام ده اللي بيثبتوا بيه ان التجربة فشلت
انتم مع ام ضد ياريت يبقي الكلام منطقي شوية

يا جماعة في كتاب مراجعة نزل في السوق للصف الثالث الاعدادي بالتعديلات الجديدة بس مش عارف المفروض اقول اسمة ولا لأ؟؟؟؟؟؟؟؟؟؟

استاذى الفاضل عندنا كل مدرسة فيها مدرس واحد بيدرس لكل المراحل حضرتك قولى ينفع مدرس يدرس 3 مراحل كل مرحلة 12 فصل يعنى هيدرس 36 فصل ينفع الكلام ده
استاذي الفاضل ممكن بس اعرف من حضرتك عندنا دي تطلع فين يعني؟

المحافظات بها معلمون كافين بعد سحب بعض العمالة الزائدة بالثانوي

يوجد امتحان للترم الاول و قد تم تكليف اقدم مدرس في كل مدرسة لعمل الامتحان و الحضور الي ادارة شرق للتأكد من مواصفات الامتحانات للصف الاول و الثاني الاعدادي في اللغة الفرنسية يوم 21/21/2010

يوجد امتحان للترم الاول
و قد تم تكليف اقدم مدرس في كل مدرسة لعمل الامتحان
و الحضور الي ادارة شرق للتأكد من مواصفات الامتحانات للصف الاول و الثاني الاعدادي
في اللغة الفرنسية يوم 12/12/2010

ثالثة اعدادي لن يكون فيها امتحان للشهادة الاعداية
لانها توجد في بعض المحافظات
و هي مادة نشاط
ولا يوجد لها كتاب
او منهج

ثالثة اعدادي لن يكون فيها امتحان للشهادة الاعداية
لانها توجد في بعض المحافظات
و هي مادة نشاط
ولا يوجد لها كتاب
او منهج
اخي الفاضل بالله عليك لا تعطي معلومة غير مؤكدة يوجد امتحان عادي جدا للصف الثالث الاعدادي وسيكون يوم امتحان الصيانة وسوف يكون علي مستوى الادارة التعليمية

يا استاذ رمزى انا مدرسة واسمى نورة من سمنود فى محافظة الغربية معظم 90%من الطلبة مش بياخدوا حصص الفرنساوى لان مفيش مدرسين وده انا متاكدة منه

والله واله العظيم حرام انا طالبه فى الصف الثالث وخلصنا منهج كله وفى الاخر يقول المنهج تحذف
(حسبى الله ونعم الوكيل)

يا استاذ رمزى انا مدرسة واسمى نورة من سمنود فى محافظة الغربية معظم 90%من الطلبة مش بياخدوا حصص الفرنساوى لان مفيش مدرسين وده انا متاكدة منه

استاذة نورة اهلا بحضرتك ومتشكر جدا لمرورك بس حضرتك عارفة ان كل ادارة وليها ظروفها وكان المفروض ان التوجية في الغربية بعد ما اصبح الاستاذ محمد بيومي الموجة العام هناك يستغل الفرصة لتعيين الشباب الي كل يوم بيروح التوجية للسؤال عن تعينات او حتي عقود بس للاسف ؟؟؟؟؟؟؟؟؟؟؟؟؟؟؟

الصبر طيب ...... هنروح بعيد ليه كلها كام شهر وتبان الحقيقة " إلقى على الله همك ، فهو يعولك "

بجد لو المنهج دة اتلغى يبقى الوزير دة كدة دمر مستقبلنا بجد
ربنا يتولانا بقى برحمتة

لا يوجد امتحان لغة فرنسية فى جدول الصف الثالث الاعدادى وهيكون الامتحان شفوى او تحريرى مع امتحان العملى
ياريت حد يأكد الخبر ده

لا يوجد امتحان لغة فرنسية فى جدول الصف الثالث الاعدادى وهيكون الامتحان شفوى او تحريرى مع امتحان العملى
ياريت حد يأكد الخبر ده

حبيب قلبي طبعا امتحان اللغة الفرنسية مش حينزل مع جدول امتحان الصف الثالث الاعدادي لانة حتي الان مش معمم علي مستوى الجمهودرية ففعلا الامتحان ان شاء الله حيكون مع العملي واخر حاجة عرفتها انة يوم امتحان الصيانة وحيكون علي مستوى الادارة مش المحافظة ولك الشكر

امتحان اللغة الفرنسية للصف الثالث الاعدادي بمحافظة الغربية سوف يكون ان شاء الله يوم الاثنين الموافق 3/1/2011 والاجابة ستكون في نفس ورقة الاسئلة ولكم جزيل الشكر

يا جماعه احنا فعلا هندرس منهج سنه اولى كله فى الترم الاول ودا اللى هنمتحن فيه اما الترم الثانى فهندرس فيه منهج سنه تانية

ايه الخربطه دى

عدنا في ادارة العجوزة جاءتنا تعليمات بهذا