ارجو من حضراتكم الاجابه علي سؤال
هل سيتم الغاء تدريس اللغه الفرنسيه في المرحله الاعداديه ام لا ؟
الاشاعات كثيرة
المهم الخبر الاكيد والتأكد من مصدره
وكفايه لعب بأعصابنا
بصراحه الواحد زهق من كتر الكلام , هيضيفوه للمجموع مرة ومرة تانيه هيتلغي ومرة تالته مش هيضاف
من فضلكم خبر اكيد
ولكم جزيل الشكر

هههههههههههههههههههههههههههههههههههههههههههههههههه هههههههه

يا استاذنا انت مقلق نفسك اوى ليه كدا انت محسسني ان لو الفرنساوى فعلا اتلغي من الاعدادي هتبقي هى دى نهايتك ونهاية الدنيا معاك لا طبعا ياريت ماتقلقش خالص وعادي جدا فيها ايه يعني لو اتلغي من الاعدادي؟ انت ناسي ان فيه ربنا موجود وعالم بكل اللى بيحصل ماتخافش ربنا هيرزقك برزق احسن منه كمان وهتشتغل شغل احسن من كدا كمان خد الامور ببساطه يعني لو الفرنساوى اتلغي ماتزعلش عادري ربنا قال ( وفي السماء رزقكم وماتوعدون ) ولو ما اتلاغاش يبقي ادينا شغالين وبرده هى هى نفس الايه ( وفي السماء رزقكم وما توعدون )

هو طبعا يا استاذة حاجة تضايق يعنى هقولك حاجة لو هو دلوقتى بيدى دروس يعمل ايه يلغيها ولا يسبها ولا يقول ايه للطلبة هى حاجة محيرة محدش عارف حاجة

لو هو بيدي دروس ولو انتى بتدى دروس ولو الكل بيدى دروس وده طبعا حاجه اكيده احب اقولك انه وانت وانا والكل يشتغل عادي خاااااااااااالص مع الطلاب وبشكل طبيعي جدا وتشتغلوا مع مادتكم وكإنها من ارقي المواد وكإنها بتنضاف للمجموع وتحسسوا الطلاب بأهميتها يعني معني الكلام انكم تشتغلوا بشكل طبيعي جدا ويااااااااااااااعاااااالم هو بكره هيحصل فيه ايه ؟ دا انتم بتتكلموا في حاجه لسه ياعالم ممكن تحصل ولا لا والسنه الجايه كمان فياريت لو تعيشوا السنه دى بشكلها العادي وتدرسوا الفرنساوى عادي جدا وكل واحد يفضل في شغله وكل الامور هتاخد شكلها الطبيعي ما تقلقوش يا جماعه وبإذن الله كل حاجه بتتقال عن الغاء الفرنساوى وكدا كل دى اشاعات وياريت كل مدرس يشوف شغله على اكمل وجه وشكرا

صح بارك الله فيكى ياشرووووق وفعلا ياجماعه مش عاوزيييين ياس لازم نحارب عشان مادتنا ونشتغل كويس جدا كمان ومنفكرش فى حاجه احنا نركز دلوقتى كويس وبطلوا ياس بقى احنا نشجع بعض ونحبب الطلبه فى اللغه هى لغه راقيه بس بمدريسنها ان شاء الله حنخليها ارقىىىىىى على فكره احنا فالمدرسه اسره اللغه الفرنسيه اسره جامده جدا وبنعمل مسابقات ورغم حرب مدرسين باقى المواد لنا الا اننا ولله الحمد محبوبين من الطلبه ومادتنا محبوبه جدا وشعبيتها بتزييد فاللى عاوز اقوله انكم لازم تدافعوا عن مادتكم وادخلوا فصولكم واشرحوا عادى جدا وسيبكم بقى من الاشعات احنا فى انتظار قرار تعميم اللغه الفرنسيه ان شاء الله قولوا ان شاء الله

الذى نتمنى حذفه هو وزير التعليم نفسه لتستريح اعصابنا

السلام عليكم ورحمة الله وبركاتة
صحيح

ان شاء الله

وزير التعليم بيوفر محدش بيهمه حاجة لاتطوير ولا كلام فاضى اهم حاجة المصلحة يا جماعة لو فرنسا دفعت تاكدوا هيبقى الفرنساوى اهم مادة انما لو مدفعتش هيبقى لغة ملهاش لازمة وتجربة فاشلة