السلام عليكم ....



أهلا بالجميع . وعيد أضحي سعيد عليكم ان شاء الله .

دلوقتي أنا مشكلتي ان المدرس بتاعي بتاع الدرس قوي جدا في المادة وشرحه ممتاز لكن المراجعة عنده مفيش ، هو يشرح الدرس كويس ويحل المسألتين ومع نفسك انت بقي ، فدلوقتي أنا وكتير من زمايلي مبنضغطش علي نفسنا الا بامتحانات ومراجعه في الدرس فرأيكم هل من الافضل اني آخذ درس تاني ولا هيكون تشتيت ؟

وكمان أنا عندي من الكتب الامتحان مسائل والوسام مسائل بس جداد وممكن أجيب المثالي أو الماسي كمان بس قدام طبعا فأنا مش عارف أبدأ الحل والمراجعة بأي كتاب فيهم الأول فياريت تشوروا عليا ؟

شكراا

نفس الحال عندنا بس الافضل مدرس تانى

انا كمان مدرسي نفس النظام والله بس انا بضغط على نفسي وبحل لوحدي

لان حكاية مدرس تاني دي تشتيت وضياع وقت على الفاضي

لو هتقدر تحل مع نفسك يبقى تمام لو مش كدة سيبه وروح عند حد تاني

الأفضل الاكتفاء بمدرس واحد ده لمصلحتك ولا تحاول تشتيت نفسك والمسئله اللي توقف معاك ناقش فيها المدرس وأكيده هيحلها معاك والجميع سوف يستفيد
يجب الاعتماد علي النفس في حل المسائل لأن المدرس لو حاول يعطي كل أفكار المسائل في حصة الدرس هيحتاج وقت كبير جدا ولان يستطيع انهاء المنهج في الوقت المناسب أرجوا انك تكون فهمت وجهة نظري
كل عام والجميع بخير

احسن حاجه تسيبى الماده

احسن حاجه تسيبى الماده
ايه الكلام ده لو عندك حاجة مفيدة قولها احنا بنساعد بعض
مش بنتخانق

شكرااااا ليكم يا شباب علي آرائكم بس أنا شايف ان الحل هو إن الدرس التاني يكون درس مراجعة ومسائل بس فصل بفصل لكن المشكلة إن في كتير من المدرسين ممكن ميرضوش بكده بيحسوا بالاهانة يعني لكن ادعولي اننا نحاول نقنع أحد المدرسين بانوا يراجعلنا ويحللنا تمارين بس ، وربنا يعدي السنة دي علي خير .





احسن حاجه تسيبى الماده


أنا محمود يعني الياء دي مش عارف ايه لزمتها

اكيد من الصعب انك تأخذ درس تانى وخاصة لو المدرس بتاعك بتعزه جدا ومش اى مدرس وفى الحالة دى ممكن تكلمه على اللى انتم عايزينه

لكن لو مجرد مدرس عادى اكيد الدرس التانى هو الحل

انا اسف على تسيبى اصل موضوعك مستفز
لان انت بتفكر تاخد درس تانى
وفى ناس مبتخدش دروس خالص
انا لا اقص شىء