حرمان الطلاب الذين تعدت نسبة غيابهم 20% من دخول الامتحانات [الأرشيف]

Observer

13-11-2010, 03:38 PM

وزيــر التعليــــم

حرمان الطلاب الذين تعدت نسبة غيابهم 20%
من دخول الامتحانات

http://productnews.link.net/general/News/30-09-2010/zaki_badr_370.jpg

أصدر الدكتور أحمد زكي بدر وزير التربية والتعليم قرارا بتحديد الطلاب المتجاوزين
لنسب 20% غياب وإنذارهم بأن أي يوم غياب آخر عن هذه النسبة سوف يؤدي إلى
حرمانهم من دخول امتحان نهاية العام وفقا لنص القانون.

وطالب بدر مديري التعليم بالمحافظات حصر نسب الغياب لجميع الطلاب في
جميع المدارس اعتبارا من بداية العام الدراسي حتى الخميس الموافق 11 نوفمبر 2010.

جاء ذلك ضمن إجراءات بدر لإعادة الانضباط للمدارس وعدم الإخلال
بنسب الحضور القانوني للمدرسة .. مؤكدا أنه لن يتم منح أي استثناءات لأي
طالب يتجاوز نسب الغياب وأنه سوف يتم حرمانه من الامتحان.

http://www.masrawy.com/News/Egypt/Politics/2010/november/13/attandes_exams.aspx

samar saad

13-11-2010, 03:40 PM

انا سمعت انهم بيقولوا الطلاب هتتحرم السنة دى واللى جاية يعنى هيقدموا على 2012 مش عارفة ده صح ولا لا بس انا مش مصدقة اكيد
ميرسى على الخبر وربنا يستر علينا بس الواحد والله ملتزم معاهم

ا/توفيق عزت

13-11-2010, 09:47 PM

هل سوف يتم حرمان الطالب نهائيا من دخول الامتحان ؟؟؟؟؟؟
- او - سوف يتم تحويله الى منازل ( حسب القانون ) ؟؟؟؟؟؟؟؟؟؟؟؟؟؟؟؟؟؟؟

عاشقة الطفولة

13-11-2010, 09:49 PM

ربنا. يسامحه والله حرام عليه اللي بيعملوا فينا ده

يعني احنا طلبة ثانوية عامة يعمل فينا كده

حسبي الله ونعم الوكيل

مهند مقلد2

13-11-2010, 09:56 PM

ربنا عالظاااااااااااالم
20 % لييييييييييييييييييييه

مهند مقلد2

13-11-2010, 09:57 PM

و 20% دول يطلعو كام يوم ؟
اصل انا غبت 10 ايام

samar saad

13-11-2010, 10:21 PM

صحيح عشرين يعنى كام انا اعتقد غبت 6 ايام
وعلى فكرة بيمنع اى حد يجي يسال عن عدد الايام اللى غبها فى شئون الطلبة مش عارفة ليه بيعمل كده
وفعلا بيبعتوا انذارات كتير وكتير عندنا اتفصلوا بس بيجوا المدرسة مش فاهمه حاجه

عاشقة الطفولة

13-11-2010, 10:47 PM

انا اخر انذار وصلني كان ب11 يوم وموش عارفة بقيوا كام دلوقتي

حسبي الله ونعم الوكيل

samar saad

13-11-2010, 10:54 PM

انا اخر انذار وصلني كان ب11 يوم وموش عارفة بقيوا كام دلوقتي

حسبي الله ونعم الوكيل

معقول 11
بس هما بيقولوا عندنا 15 الترم الاول و15 الترم التانى
مش عارفة هياخد 20 على اساس ايه

learnme1000

13-11-2010, 11:27 PM

والله ياريت نتمنى ذلك لحلول الانضباط

صفاء عزمى

14-11-2010, 07:44 AM

عدد ايام الترم الاول 16*6=96 يوم منها 6 ايام اجازات اي 60 يوم *20/100=18 يوم
الترم الثاني حوالي 14*5=70 يوم اي 14 يوم
اجمالي 32 يوم
اي زنهم للشهر ابريل ومايو

menna.mahmoud.abed

14-11-2010, 10:08 AM

حسبنا الله و نعم الوكيل :giljotiiniug3::040vk0:

menna.mahmoud.abed

14-11-2010, 10:11 AM

يا بدر البدور أرحمينا شوية

laila2

14-11-2010, 10:27 AM

ياريت يا جماعة بلاش الغياب كثير
ونحاول نركز شوية لان دة مستقبلكم

Mohamed.Helmy

14-11-2010, 11:15 AM

انا غبت حوالى 9 او 10 أيام .. والنسبة اللى هى 20 % ... دى 29 يوم .. يعنى لو غبت فوق الـ 29 يوم .. هتتحرم من الامتحانات على حد قولهم .. وربنا يستر ومحدش يغيب كتير يا جماعة او ممكن تاخدوا اجازات وبرضه محدودة ..

حسبنا الله ونعم الوكيل. .

Observer

14-11-2010, 11:59 AM

هل سوف يتم حرمان الطالب نهائيا من دخول الامتحان ؟؟؟؟؟؟
- او - سوف يتم تحويله الى منازل ( حسب القانون ) ؟؟؟؟؟؟؟؟؟؟؟؟؟؟؟؟؟؟؟

حرمان نهائى حسبت مافهمت من نص لخبر

Observer

14-11-2010, 12:02 PM

حسبنا الله و نعم الوكيل :giljotiiniug3::040vk0:

عشان عايز يظبط الموضوع
تقولى حسبنا الله ونعم الوكيل ؟!!!!

عجبت لك يا شعب مصر
لا نايم عاجب ولا شغال عاجب :o

samar saad

14-11-2010, 02:46 PM

طب يا جماعه بياخدوا كام يوم يعنى انا عايزة استفسر

عاشقة الطفولة

14-11-2010, 03:45 PM

يا استاذ محمد فوزي لو هو عايز يعدل النظام

يطبقه على الناس الجداد موش احنا احنا قدام وموش متعودين يعني حراااااااااااااااااااااام اننا نروح المدارس

وبنذاكر وبنروح الدروس حراااااااااااااااااااااااااااااااااااااااااااااااا اااام

مهند مقلد2

14-11-2010, 04:53 PM

دي بقت حاجة تشيب الكتكوت
ياترى 29 يوم في السنة بحالها ولا نص بس ؟

مهند مقلد2

14-11-2010, 04:55 PM

طب كويس انا كنت مفكر 20 % من ال 30 يوم اللي مسموح بيهم لنا

samar saad

14-11-2010, 05:15 PM

لا انا سنعت فى السنة كلها
30 يوم وفى ناس بتالف كمان ةبتقول 28 يوم
الله واعلم الحقيقة فين
المهم اننا نلتزم بس وربنا معانا

Doctor S.E

14-11-2010, 06:16 PM

لا و الله لو كده يبقى اقول على نفسي يا رحمن يا رحيم
بس يا ريت يقولولي بسرعه عشان اسيب الدروس بما ان مفيش امتحانات :d
و لاااااااااااااا تفرق معايا ...البنت اخرها المطبخ اصلا :006et4::d

Observer

14-11-2010, 06:34 PM

samar saad

14-11-2010, 06:43 PM

لا و الله لو كده يبقى اقول على نفسي يا رحمن يا رحيم
بس يا ريت يقولولي بسرعه عشان اسيب الدروس بما ان مفيش امتحانات :d
و لاااااااااااااا تفرق معايا ...البنت اخرها المطبخ اصلا :006et4::d

ههههههههههههههههههههههههههه
على رأيك يا دكتورة شعارنا الكبشة والمعلقة هههههههههههههه

Doctor S.E

14-11-2010, 06:52 PM

ههههههههههههههههه انا بقول كده برضو
بلا هم ياختي

انا عن نفسي بعد الي شوفته من اول السنه ...لو حرمني من الامتحان هقولو (( مييرسي كتييييييييير ))

وجدان حنفي

14-11-2010, 06:54 PM

Doctor S.E

14-11-2010, 06:56 PM

لالالا انا بقى مش هاخدها في اربعه
انا مش هاخدها خالص ...و احسن لما تيجي منهم

و كل سنه و حضرتك طيب يا دكتور

وجدان حنفي

14-11-2010, 06:58 PM

وحضرتك طيبة يا فندم

بس بجد نصيحة اخلصي من الثانوية بنت التييييييييييييييييييييييييييت دي

بجد الحياة الجامعية احلى بكتيييييييييييييير كفاية الحرية اللي بتتمتعي بيها بعد بدأ الحياة الجامعية

Doctor S.E

14-11-2010, 07:00 PM

....I hope so

وجدان حنفي

14-11-2010, 07:03 PM

ان شاء الله خير خليكو متفائلين يا شباب وفككو من كلام الجرايد الاهبل واسألو مجرب واسألو بردو طبيب !!!!

Jehad Mohamed

14-11-2010, 07:18 PM

طيب ده انا جايبلكو شغلانه قريت عنها انهارده

وبلا دروس او مدارس بلا وجع دماغ او هم

شغلانة فى مطعم بيتزا فى اليابان فى اليوم الواحد 100 الف دولار مش حلوة برضو

dodda1

14-11-2010, 07:47 PM

ازاي يعني كده 20% كام بوم يعني
انا كنت حاسة انه هيغدر بجد ارحموناااااااااااااااااااااااااابقي كفاية علينا الفيزياء

ahmed ibrahem2

14-11-2010, 07:49 PM

على ما أعتقد إن الوزير ده هدفة تقليل الطلاب عشان بردوه فى عجز فى المدارس وبجد أنا بشكر الوزير ده على كل اللى عمله لينا ربنا ينتقم منه ويزود من مرارته . أنا عمتا غبت حوالى 12 يوم يعنى داخل فى كام فى المية مش عارف ياريت حد شغال فى شئون الطلبة يفهمنا يعنى إيه 20% دى . وشكرا للخبر .

نقاء الروح

14-11-2010, 07:54 PM

الله يعينكم بجد ،
بس مش تقلقوا كله كلام فالهوا
السنة ال فاتت قالوا الكلام ده
وطلع فالاخر مش ليه لازمة

سياسة غلط انه يجبر الطلبة انهم يروحوا المدرسة
والمدرسة مش بتقوم بدورها وبتضيع الوقت

عليكم بالدعاء وربنا معاكم ،

Jehad Mohamed

14-11-2010, 08:02 PM

بس والدتى اخصائيه ووصلهم كلام بكده للمدرسه

يعنى شكله مش بيهزر ناويها بجد

ولكن ربنا يستر

Jehad Mohamed

14-11-2010, 08:07 PM

وبعدين هدف الوزير حاجة واحدة

عاوز يصفينا نهائيا يعنى

هدفه اننا ندخل كليات خاصة

ويستفيد هو من الفلوس

عاوزين نبقوا متقدمين ازاى اذا كانو عاوزين يمنعونا من تحقيق احلامنا ودخولنا الكليات اللى بنتمناها

Doctor S.E

14-11-2010, 08:16 PM

لا انا ميتلويش دراعي ابدا
كليات خاصه ايه ان شاء الله ... ده انا اروح اشتغل في المطعم الياباني اكرملي
و بعدين يا جماعه الي خايفين انهم غابوا 11 يوم و مش عارفه ايه
انا و بكل فخر مروحتش المدرسه غير تلات ايام من اول السنه !!! ادعوووولي بالرحمه

Observer

14-11-2010, 10:20 PM

بس والدتى اخصائيه ووصلهم كلام بكده للمدرسه

يعنى شكله مش بيهزر ناويها بجد

ولكن ربنا يستر

يبقى كدة مش بيهزر ولازم الكل ياخد باله
بدر ده فقر فى قراراته بس لو ركزنا فيها هنلاقيها للصالح العام
هى المدارس اتعملت ليه أصلاً غير للحضور ؟!!!

Observer

14-11-2010, 10:22 PM

روووووز

14-11-2010, 10:50 PM

يا نهار روووز
ايه ده انا اكتر حاجة بعملها الغياب
اعمل ايه ياربى انا جالى انذار لحد الوقتى مش راضية افتحه

منك لله
حسبنا الله ونعم الوكيل
ربنا على الظالم والمفترى

Observer

14-11-2010, 10:52 PM

منك لله
حسبنا الله ونعم الوكيل
ربنا على الظالم والمفترى

الله يكون فى عونك يا زيكو
هتلاقيها منين ولا منين بس :(

روووووز

14-11-2010, 11:41 PM

الله يكون فى عونك يا زيكو
هتلاقيها منين ولا منين بس :(

ههههههههه زيكو حضرتك بدلعه :040vk0::stickjo4:

Doctor S.E

15-11-2010, 12:53 AM

هو انا دخلت التاريخ بعقل ؟؟؟
ده الوزير هيجيلي يقول امشي اطلعي برااااااااااااااااااااااااااااااا التعليم كله !!!! :slap1qk6:
و رفد من وزاره التربيه و التعليم مع مرتبه الشرف و مصادره كل الشهادات الحاصله عليها ... و شكرا

الي يضحك بقى يا جماعه ...انا مجاليش انذارات متهيألي نسيوني او اني اترفدت من زمان و انا مش حاسه :p:p

عاشقة الطفولة

15-11-2010, 01:51 AM

ربنا يرحمك يا دكتورة

ده انتي احسن حاجة بتعمليها انك موش بتروحي

ده انا والله الايام اللي بغيبها للضرورة القسوة ولما بروح موش بستفاد خالص

بس بصراحة بستفاد اني بنام على الديسك او بذاكر تحته

يلا ادعيلوا دعوة حلوة في وقفة عرفات

ينتقم منك زي ما ها تشلنا

Dr.Gehad

15-11-2010, 03:34 AM

يانهااااااااااااااار دا على كده انا مش همتحن لا السنه دى ولا اللى جايه ولا اللى بعدها بصوا انا هكتفى كده واتجوز احسن هههههه
دا كده والله ماحد داخل الامتحانات لو القانون دا اتطبق الراجل دا اتجنن رسمىىىىىى

samar saad

15-11-2010, 05:02 AM

samar saad

15-11-2010, 05:03 AM

بس هو تهديد وخلاص زى ما عملوا السنة اللى فاتت وبهدلونا معاهم ربنا يرحمنا برحمته بجد

جريحة الزمان

15-11-2010, 05:05 AM

سلام عليكم ورحمة الله
يمنع مصر كلها بقى من دخول امتحانات

عاشقة الطفولة

15-11-2010, 10:13 AM

ايوة فعلا ده لو ها يرفد يبقى ها يرفد طلاب مصر كلهم

وهو ده اللي عايزة عشان دي سياسة

موش عاز يدخل اي حد كليات القمة الا 70

شوفوا انتوا بأه سبعين من كام طالب مصري في الجمهورية

روووووز

15-11-2010, 11:27 AM

الحمد لله

انا اخدت ثانوية عاملة في 4 سنين حضرت فيهم 4 أيام

اللي هي ايام الاستمارة وايام اعادة القيد وشكرا والحمد لله دخلت الكلية اللي بحلم بيها

بجد بجد ربنا معاكو

زكي بدر . . . . مش هتقدر تغمض عينيك

هههههههههههههه انا هموت من الضحك 4 سنين و4 ايام حضرتك كنت بتروح تمضى فى المدرسة وترجع
اه مش هتقدر تغمض عنيك :040vk0::040vk0::giljotiiniug3:

Observer

15-11-2010, 12:38 PM

سلام عليكم ورحمة الله
يمنع مصر كلها بقى من دخول امتحانات

قادر ويعملها :d

Jehad Mohamed

15-11-2010, 04:00 PM

ربنا يسترها علينا

Free Love

15-11-2010, 04:03 PM

الكلالالالالالالام ببلاش

Observer

15-11-2010, 11:45 PM

http://forum.7dod.com/imgcache/8/80013.gif

أيمن الوزير

15-11-2010, 11:57 PM

asdzaza

16-11-2010, 12:19 AM

حسبنا الله ونعم الوكيل. .

stoof

16-11-2010, 12:35 AM

الحمد لله الواحد عدى من الوزير ده ودخل الكلية ^_*

Magic Sword

16-11-2010, 01:25 AM

الحمد لله اني خلصت الثانويه العامه قبل بدر ده لو شافني كان اقام عليا الحد ده انا مش رحت غير يومين بس في الثانويه العامه كلها وكمان مش كملتهم للاخر كنت بهرب وبنط من ع السور قبل الفسحه:d:d

Mr.Abdallah Habashy

16-11-2010, 02:14 AM

والله أري الرجل يمشي في الطريق السليم ولا حجة في الغياب من المدارس وهو الطريق الأول لإصلاح التعليم وليعتمد الطالب علي معلمه في الفصل وليعمل المعلم بجد بدلا من اعتماد الاثنين علي الهروب من المدرسة الطالب بحجة الدروس الخصوصية فالمعلم في الفصل ضعيف والمعلم ليس له جدول حصص بسبب غياب الطالب وخاصة في معظم مدارسنا الثانوية وبعض المدارس الإعدادية
أعانك الله يا بدر

معلش يعني

انت سيبت المنظومة كلها البايظه وجاي على غياب الطلبة وعايز تعاقبهم عليها

فينك من اجور المعلمين اللي بيتصرف اكتر منها على المواصلات

فينك من المدرسين الكتير اللي مش لاقيين ولا عقد عادي حتى يشتغلوا بيه

هل لو كان المدرس في الفصل دا بياخد حق المجهود اللي بيعمله كان هيبقى الحال كدا ؟

وفينك من المناهج الزباله اللي محطوطه دي للعيال

والله مش هقول غير حسبنا الله ونعم الوكيل

حسبنا الله ونعم الوكيل
حسبنا الله ونعم الوكيل

الوزير دا مش هيصلحها
دا هيخربهااااااااااااااااااااااااااا

CaStLeS In ThE AiR

16-11-2010, 02:57 AM

لو القرار ده اتنفذ يبقي أعتبر نفسي مش داخلة امتحانات
هو خلاص القرار ده أكيد؟

Doctor S.E

16-11-2010, 03:32 AM

شكله هيقيم عليا انا بقى الحد
العوض على الله بقى

Doctor S.E

16-11-2010, 03:34 AM

بس انا حاسه انه كلام تخويف و خلاص و مفيش اي حاجه هتحصل
بس مش عايزه اصدق نفسي لأتصدم بالحرمان من الامتحان في وشي .... احنا برضو نتوقع اي حاجه

Dr. Toka

16-11-2010, 11:22 AM

ياجماعة حرام عليكم الناس اللى مبسوطة من قرار الوزير دى وبتقول دة حاجة كويسة بيقولوا كدة عشان هما مش فى ثانوية عامة مش عارفين يعنى ايه اروح المدرسة من 8 الصبح لحد 2 العصر وبعديها اروح درس ارجع بيتنا الساعة 6 7 بالذمة اذاكر امتى لا ومطلوب منى اجيب اخر السنة مجموع طاب ازاى حد يرد عليا وبعدين مدرسة ايه اللى اروحها وانا بلاقى فيها مدرسين معندهاش ضمير ماهو لو كل مدرس بيشرح فى الفصل زى ما بيشرح فى الدرس مكانش حد اخد دروس وكنا اعتمدنا على المدرسة ومكانش هيبقى فيه مشكلة هو ماسك فى الطلبة ومبيبصش للمدرسين طاب ما يخليهم يشرحوا بضمير وبعدين يجى يكلمنا بجد القرار دة فاشل ومش صح ومفيش طالب هيقبلوا لانه لو فعلا روحنا المدرسة كل يوم مش هنخش كليات عدلة يبقى نقعد فى بيتنا احسن من دلوقتى ونخلص بدل ما ندفع فلوس فى الدروس وفى الاخر مش هنستفاد حاجة

نسمة سحاب

16-11-2010, 01:01 PM

حسبى الله ونعم الوكيل على الظالم
طيب ايه العمل انا غبت اكتر من 11 يوم
يارب يكون مجرد تخويف

samar saad

16-11-2010, 02:39 PM

adel shafeek

16-11-2010, 03:49 PM

يكون انظار الاول وبعدها يطبق القانون حتى لاضيعوا اولادنا وفى لمح البصر يكون نصف الطلبة محرومين .......
كفاية علينا الغلاء الفحش ولا هية حرب على الناس من كل جهة

Doctor S.E

16-11-2010, 03:52 PM

و الله العظيم سبب مإني مبروحش هو اني روحت يوم لا و رجعت الساعه 11 مش 2 و لا 1 حتى
و كان عندي دروس لحد الساعه 6 بليل انتو متخيلين انا رجعت نمت لتاني يوم لا زاكرت و لا فتحت كتاب
هعمل ده بقى كل يوم ...استحاااااله

Observer

16-11-2010, 05:36 PM

hoobaa ezz

16-11-2010, 06:09 PM

ههههههههههههههههههههههههههههه

على فكره فى ناس عملرهم ماشافو المدرسه ديه وملجلهومش انظارات خالص وناس بتروح وجالها انظارات بالهبل

hoobaa ezz

16-11-2010, 06:13 PM

انتو بتتكلمو فى ايه

ايه تلات تيام و11 و12

بقولكم فى ناس معتبتش باب المدرسه

Doctor S.E

16-11-2010, 06:38 PM

يبقى بلاش دروس

مهي لو المدرسه بتقدم الي بيقدمه الدروس مكنتش رحت دروس خالص
انما احنا في المدرسه نقرا الدرس من الكتاب و لا حل و لا تمارين و لا يحزنون
خساره و الله ...انا انام الكام ساعه بتوع المدرسه اكرملي :bosyht9:

Observer

24-11-2010, 01:00 AM

مهي لو المدرسه بتقدم الي بيقدمه الدروس مكنتش رحت دروس خالص
انما احنا في المدرسه نقرا الدرس من الكتاب و لا حل و لا تمارين و لا يحزنون
خساره و الله ...انا انام الكام ساعه بتوع المدرسه اكرملي :bosyht9:

منه لله اللى كان السبب

APIDO

24-11-2010, 09:19 AM

الموضوع كبير و الأراء كتييييييييرة .. لكن الحاجة الأكيدة انه ميقدرش يلغى اعاده القيد و اذا لغاها ميقدرش يلغى نظام المنازل و هنمتحن يعنى هنمتحن ... بدليل السنة اللى فاتت قال كلام زى ده و حوارات كتير و ف الأخر عملنا اعاده قيد و لغاها لكل طلاب مصر لأن احنا كلنا كده .. دى مش ظاهرة دى حقيقة .. الظاهرة الللى هما بيحضروا المدرسة .. ف أكيد الكلام ده مش حقيقى .. و ألا فى الأنذارات كان اتوضح او ف المدرسة نفسها ينبهوا و يقولوا .. و متهيئلى انه مينفعش يطبق قانون زى ده خلال السنة الدراسية نفسها .. لكن ده ممكن يطبق السنة الجاية .. على ما أظن .. هل فى حد متفق معايا فى رأيى ولا كلوا خاف من الكلام ولا انا اللى باخد الكلام بالشقلوب :d ولا ايه ؟
و انا ع العموم غايب حوالى 20 يوم ... فاضلى 10 و اطلع بره :blush:

APIDO

24-11-2010, 09:29 AM

بس فعلا الخبر ده من موقع وزارة التربية و التعليم .. يعنى مش اشاعه .. دى حقيقة .. يبقى هنموت يعنى هنموت .. ربنا معانا .. بس اللى عايز افهمه .. هو لما يحرمنا من الأمتحان هنعمل ايه بقى .. هناخد الأجازة بدرى يعنى ولا هندرس ف وقت الأمتحان ده .. و لا هنمتحن السنة الجاية ولا ايه ؟؟؟؟؟
:************

http://knowledge.moe.gov.eg/Arabic/News/main.htm

teacher_2

24-11-2010, 11:38 AM

Observer

24-11-2010, 12:41 PM