ابو الفضل
14-09-2007, 10:47 PM
الرجاء موقع نتيجة الشهادات المعادله
|
مشاهدة النسخة كاملة : اين نتيجة الشهادات المعادلع ابو الفضل 14-09-2007, 10:47 PM الرجاء موقع نتيجة الشهادات المعادله salo0om 14-09-2007, 10:51 PM والله باين كدة مفيش أمل salo0om 14-09-2007, 10:51 PM أحنا دمنا أتحرق خلاااااص الدراسة بكرة و أحنا ولا نعرف أحنا فين ..... هو أحنا مش مصريين و إلا أيه حراااااااااااااااام عليهم كدة ahmed221 14-09-2007, 10:56 PM مش عارف بقالهم يومين كاتبين إنها بتتحمل و الدراسه يوم الحد كل سنه على الإستهبال ده من الوزاره ما يخلصونا و يعملوا موقع للمعادله هو إحنا صح مش مصريين و لا إيه salo0om 14-09-2007, 10:56 PM ممكن أيملك يا ahmed221 little reto 14-09-2007, 11:01 PM جاري الآن تحميل اسماء ونتيجة تنسيق الطلاب الوافدين والشهادات المعادلة ينفرد بها موقعنا الثانوية العامة انتظروها خلال ساعات هذه الرسالة موجودة من الساعة العاشرة صباحا شهادات معادلة يعني مفيش تنسيق الكتروني ولكن نلزق 48 طابع ونحترم نفسنا شهادات معادلة يعني ملناش مدن جامعية شهادات معادلة يعني ملناش اننا نعرف نتيجة التنسيق من على موقع مكتب التنسيق ahmed221 14-09-2007, 11:03 PM و الله ما ينفعش كده يا جماعه ده إيميلي يا سلوم a2_memphis@yahoo.com little reto 14-09-2007, 11:03 PM اسلم حل نروح مكتب التسيق بكرة ونعرف النتيجة من هناك بلا نت بلا كلام فاضي salo0om 14-09-2007, 11:04 PM والله مظنش مكتب التنسيق هيقولنا حاجة مفيدة salo0om 14-09-2007, 11:05 PM أنا أتصلت بيهم قبل الفطار و رد واحد و قالي احنا معندناش معلومات لحد دلقوتي عن الشهادات المعادلة ممكن حضرتك تروح مكتب التنسيق بتاعك و تسأل هنااااااااااااااااااااااك و بعدين قفل ahmed221 14-09-2007, 11:07 PM بتوووع التنسيق ما تعرفش تاخد منهم كلمه و لا حد فاهم حاجه عن أي حاجه little reto 14-09-2007, 11:28 PM http://www.natgie.thanwya.com/ ahmed221 14-09-2007, 11:41 PM جاري الآن تحميل اسماء ونتيجة تنسيق الطلاب الوافدين والشهادات المعادلة ينفرد بها موقعنا الثانوية العامة انتظروها خلال ساعات انا أعرف خلال ساعات دي تبقى 8 ساعات بالكتير أوي أما إن الرساله دي بقالها أكتر من يومين مش عارف أقول إيه يعني هو لعب بينا و خلاص و إيه حكاية الآن و إنفراد بلد كوسه صحيح منى الشقية 15-09-2007, 12:49 AM متحطش في دماغك اخي احنا ياما بنسمع ونشوف آماال 15-09-2007, 12:53 AM السلام عليكم .. يا جماعة متقلقوش إن شاء الله خير بالنسبة للموقع الي هتطلع فيه النتيجه المفروض انه على الموقع ده ولكن إذا الموضوع طول بما إن بكرة أجازة وأتوقع انها هتطلع الحد أول بكرة أن شاء الله ادخلوا على google وأكتبوا نتائج تنسيق الشهادات المعادلة أو تكتبوا الصحف والجرائد العربية واختاروا البلد الي كنتم فيها وإذا نزلت في جرايد البلد ده هتلقوها أن شاء الله . وأنا عندي معلومة إنها بتنزل في جرايد البلد إلي أنت كنت فيها قبل ما بتنزل في مصر ... والله المستعان .. أصبروا وإن شاء الله خير إحنا استنينا كتير وربنا يكتبلنا الي فيه الخير SAMO88 15-09-2007, 01:24 AM الخبر ده منقول من جريدة القبس مصر: إعلان نتائج الشهادات العربية المعادلة قريبا 10/09/2007 القاهرة - القبس: يعلن مكتب تنسيق القبول في الجامعات المصرية نتائج تنسيق الشهادات المعادلة العربية والاجنبية خلال الايام القليلة المقبلة. وقال رئيس قطاع التعليم في وزارة التعليم العالي ابراهيم عليوه، ان المكتب بدأ في مراجعة اوراق الطلاب والبدء في توزيعهم على الكليات والمعاهد حسب ترتيب رغباتهم، مؤكدا ان المكتب غير مسؤول عن اي اخطاء يرتكبها الطلاب، خاصة عند ترتيب الرغبات. واوضح ان عدد المتقدمين وصل الى نحو 15 الف طالب وطالبة وان بطاقات الترشيح ستصل خلال ايام من اعلان النتيجة على ان تبدأ طلبات التحويل من كلية الى اخرى نهاية الاسبوع المقبل. واشار الى ان الكليات ستقوم بإنهاء اجراءات قيد حملة المعادلة بمجرد تقديم بطاقات الترشيح، كما ان الاقسام العملية المختلفة خصصت اماكن فيها لهؤلاء الطلاب وسيتم التنسيق حسب الدرجات. وقال ان المدن الجامعية خصصت ايضا اماكن خاصة لطلاب الشهادات المعادلة لمن يرغب في الاقامة فيها. صفوان 15-09-2007, 01:33 AM ياعم بتوع التنسيق كل واحد واخد فيهم دكتوراه في الفلسفة ولا حد فاهم حاجة كلام فار غ قال انا مصري قال SAMO88 15-09-2007, 01:36 AM ezay ya3m maho mlyan 2damk aho enta msh shayfo? صفوان 15-09-2007, 01:54 AM الواحد دمه اتحرق pepsimanii 15-09-2007, 01:54 AM يا جماعة انتم مستعجلين على الدراسة قوي كده ليه !! اطمنوا خالص انا كنت شهادة معادلة السنة اللي فاتت والتنسيق ظهر الجمعة والدراسة كانت الاحد .. وعادي يعني بكرة تخشوا الكليات وتزهقوا منها :)) ربنا يوفقكم .. ولو عرفتوا حاجة ابقوا قولوا لي ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،، صفوان 15-09-2007, 01:55 AM هروحلهم بكرة الصبح الساعة 9 كده وهديكم خبر SAMO88 15-09-2007, 02:00 AM shaklk da7e7 ahmed221 15-09-2007, 02:26 AM إيه يا أخ بيبسي مان هو مش من حقنا نقلق خصوصا في البلد اللي كل سنه في قانون دا في كليات الدراسه فيها بكره ؟؟ و اللي يغيظ إسمنا وافدين في الدول العربيه و إسمنا وافدين برضه في بلدنا ؟؟ salo0om 15-09-2007, 02:46 AM يا عم صفوان لو قلولك حاجة بكرة تبقا تقولنا على المنتدى .............................. pepsimanii 15-09-2007, 04:29 AM احمد ما تقلقش ان الدراسة بكرة ما فيهاش حاجة الدنيا مش هتطير الكليات على ما تخش في المود قدامك شهر !! انا بريحكم مش اكتر بدل من اللي يمسكك يكسر في مجاديفك من اولها عموما احنا معاكم ولو عرفنا حاجة هنجيبهالكم .. redeye007 15-09-2007, 10:13 AM طيب يا جماعة لما تطلع الشهادة على النت إزاي هنعرف رقم الجلوس يعني إيه إلهنكتبه في خانة رقم الجلوس هنكتب الأرقام إلفي الوصل إلإإحنا أخدناه ولا هنكتب إيه بالظبط ahmed221 15-09-2007, 10:17 AM هو إنت فاكر إن النتيجه هتطلع على موقع التنسيق زي الناس أنا رحت النهارده الزفت التنسيق حاجه فظيعه بجد المهم بيقولوا نتيجة المعادله يوم الإثنين صفوان 15-09-2007, 10:43 AM بتقول ايه ياعم الحاج Samo88 فسرلي عشان مش فاهم الله العظيم صفوان 15-09-2007, 11:24 AM اثنين مين ياعم الحج انا رحت ولقيت معلقين ورقة ان النتايج يوم الاربعاء كل سنة وانت طيب ياعم الحج واحتمال يأجلوها تاني ماعندهمش مشاكل واللي يستنى يتفلق انا يا اصحابي افتخر باني مصري enginering 15-09-2007, 11:44 AM please ya gama3a 7ad yekol amta eltansek bta3 elamerican diploma صفوان 15-09-2007, 11:45 AM ولا انا غلطان وعلى فكرة انا اتصلت بيهم وقالو السنة دي الدبلومات والمعاهد وتنسيق دول بره مالهمش تنسيق الكتروني شفتو بقى الاخبار اللي بتشرح القلب والصدر والرجلين والايدين والعمود الفقري كمان تحياتي stnn_stnn_stnn@hotmaIL.COM الحورية البيضاء 15-09-2007, 12:22 PM في ناس بيقولو انها هتظهر بعد دخول الجام عاتوأنا أعرف إنها هتظهر عن طريق مسج على الموبايل الأول وبعدين على النت :confused: الحورية البيضاء 15-09-2007, 12:26 PM الإثنين ولا الأربع المهم تظهر الأسبوع دا الحورية البيضاء 15-09-2007, 12:27 PM المهم يا جماعة مفيش أي أخبار عن التنسيق هيبقى عامل إزاي؟؟ الحورية البيضاء 15-09-2007, 12:31 PM 7"]المهم يا جماعة مفيش أي أخبار عن التنسيق هيبقى عامل إزاي؟؟وممكن أعرف إنتم مجامعكم إيه؟؟ أنا جايبة 96.17 :confused::confused::confused::confused:[/SIZE] الحورية البيضاء 15-09-2007, 12:38 PM إذا حد عرف أي حاجة بلييييز طمنوني لأني بجد قلقانة جدا و لحد دلوقتي مدا رقمي 0184202442ش عارفة مصيري إيه؟؟؟؟ SAMO88 15-09-2007, 01:14 PM enty katba elr3'ba el2ola eh?? آماال 15-09-2007, 02:54 PM السلام عليكم .. بالنسبة للرقم الي مفروض يتكتب .. إذا كان في ايصال عندكم وتقريبا هو الايصال الي خدتوا بيه نتيجة المستوى الرفيع فاذن هو ده انا مش متأكده لاني مش انا الي خدت النتيجة بس تقريبا اي ايصال عندكم يبقى هو ده الرقم ... بالنسبة للنتيجة الي هتظهر والله أعلم يوم الإثنين او الأربعاء زي ما الأخوة قالوا أعتقد أنها في مكتب التنسيق والنتجية بتطلع عالنت قبلها وبتطلع في الجرائد ((الي انا أعرفه إنها بتطلع في جرائد الكويت قبل ما بتطلع في مصر ومش عارفة باقي دول الخليج هيبقى نفس الموضوع ولا لأ)) بس إذا ظهرت في الجرائد هبلغكم وسعتها أكيد هتكون ظهرت في موقع الجريده . وربنا يستر وأعتبروا انكم لسه في أجازة بعد كدا هتنشغلوا في الدراسة ومش هتلاقوا أيام ... والله المستعان .. والسلام عليكم ورحمة لله وبركاته Ba6Bo6a 15-09-2007, 03:42 PM أهم كاتبين انها بكرا بليل .. يارب يكون بجد enginering 15-09-2007, 03:51 PM من اللي قال انها بكرة بالليل enginering 15-09-2007, 03:52 PM كلوا بيتكلم الشهادات اللي من الخارج بس ياجماعة الدبلومة الامريكية امتي?:confused::confused::confused::confused::conf used: goldenbelal_007 15-09-2007, 03:59 PM نتيجة تنسيق الطلاب الوافدين والشهادات المعادلة ينفرد بها موقعنا الثانوية العامة انتظروها غداً الأحد ليلا يا رب الموقع يصدق فى كلامه 3asola 15-09-2007, 04:49 PM هاى يا جماعة يا رب يكون بكرة بليل زي ما بيقولو , وربنا يوفقنا كلناااا آماال 15-09-2007, 05:17 PM السلام عليكم ..... الحمد لله ان شاء الله هتبقى بكرة وإن شاء اللع كلنا تجلنا كليات كويسة وكل واحد يكون راضي بلي ربنا هيجبهولوا والحمد لله إن كلامنا جاب فائدة ... وبخصوص الدبلومة الأميركية الجمله ده مقتبسة من موقع www.natgie.thanwya.com (((· قريباً نتيجة تنسيق الشهادات المعادلة والدبلومة الأمريكية ))) وأتوقع أنها هتطلع مع نتيجة الشهادات المعادلة وإن شاء الله خير أهم حاجة الرضا بما سيقسمه الله لنا ... والسلام عليكم ورحمة الله وبركاته didodada 15-09-2007, 05:25 PM انا فى سنة تالتة طب كنت امر بنفس القلق لمن النهاردة بقول على ما تخفى الكلية يا عم ومش عارف فعلا المعادلة بيعتبروهم عدو داخل الحدود ولا ايه وما تقلقوش ;);););););) didodada 15-09-2007, 05:30 PM طيب يا جماعة لما تطلع الشهادة على النت إزاي هنعرف رقم الجلوس يعني إيه إلهنكتبه في خانة رقم الجلوس هنكتب الأرقام إلفي الوصل إلإإحنا أخدناه ولا هنكتب إيه بالظبط ايوة تكتب رقم الوصل pepsimanii 15-09-2007, 06:55 PM بالنسبة للي بيسأل هتظهر ازاي السنة اللي فاتت اسماء المعادلة كلهم كانت في ملف ادوبي بصيغة Pdf متصور من جريدة الوطن الكويتية .. يعني مجموعة جداول مترتبة تحت بعضها فيها اسماء المعادلة كلهم والبحث فيها بيكون برقم الإيصال الإيصال هو الورقة اللي انتم بتسلموها لـمكتب التنسيق !! وربنا يوفقكم .. صاحبة السمو 15-09-2007, 07:27 PM يا جماعه انا رحت مكتب التنسيق بتاعي النهارده وقالولي بكره بالليل ان شاء الله بس انا ما اوعدكمش انهم هيصدقوا معانا لانه كل واحد في المكتب بيفتي من دماغه انا عارفه بعاملونا زي اليهود ليه دا حتى اليهود احسن منا ahmed221 15-09-2007, 08:54 PM آخر الأخبار مع إن و الله سألت في مكتب التنسيق قالوا مش هتطلع على النت مصر: إعلان نتائج تنسيق الشهادات العربية المعادلة 16/09/2007 اعلن رئيس قطاع التعليم في وزارة التعليم العالي المصري عن اعلان نتائج الشهادات المعادلة العربية والاجنبية الكترونيا. واضاف ان المكتب يواصل الليل بالنهار من اجل اعداد نتائج الطلبة من دون اخطاء وفي احسن صورة وان ساعات العمل تستمر حتى منتصف الليل. ورفض عليوه تقديم اي مؤشرات للقبول سواء بالنسبة للشهادات الاجنبية او العربية السعودية، الكويتية، الاماراتية، موضحا ان لكل دولة حدا ادنى خاصا بطلبتها ونحن الان في مرحلة اعداد النتيجة وبالتالي يصعب التكهن باي مؤشرات حاليا. وصرح مصدر مسؤول في مكتب تنسيق الجامعات ان عملية تغيير طريقة اعداد نتائج المعادلة من يدوي الى الكتروني كانت وراء تأخر اعلان النتائج، والتي كان مقررا لها ان تعلن منتصف الاثنين الماضي. وقال المصدر ان مشكلات التحويلات الخاصة بطلبة الثانوية العامة والتي لم يعلن المكتب نتائجها القت بأعباء اضافية ثقيلة اخرت ايضا انجاز باقي النتائج خصوصا ان نتائج الدبلومات الفنية لم تعلن ايضا حتى الان رغم ان الدراسة ستبدأ السبت المقبل. ونفى المصدر ان يكون لهذا التأخير اي تأثير على انتظام الدراسة بالنسبة لحملة الشهادات المعادلة، موضحا ان الدراسة لا تنتظم بشكل عام في الاسبوع الاول خصوصا بالنسبة للطلبة المستجدين، مشيرا الى ان الجامعات وضعت برنامجا شاملا لقيد طلبة الشهادات المعادلة في مختلف الكليات وانهاء اجراءات الكشف الطبي عليهم وتوزيعهم على الاقسام المختلفة وصرف استمارات الاقامة في المدن الجامعية لمن يقيمون خارج نطاق الجامعة. الى ذلك يستقبل المكتب الثقافي الكويتي الدارسين لارشادهم http://www.alqabas.com.kw/Final/NewspaperWebsite/NewspaperPublic/ArticlePage.aspx?most=1&ArticleID=314383 Ba6Bo6a 15-09-2007, 09:01 PM أنا قريت الخبر ده من شويه .. ولسا أن شاء الله اول ما تنزل أخبار الخليج في الامارات .. هقولكم كمان أخر خبر لو في أساسا .. ahmed221 15-09-2007, 09:03 PM بس اللي يغيظ أكتر إن ده جرنان كويتي و مهتم بالموضوع طيب فين جرايد مصر و لا كإننا يهود فعلا little reto 15-09-2007, 09:28 PM يا جماعة اناكنت اليوم في مكتب التنسيق وقالوا انها هتظهر يوم الثلاثاء على موقع التنسيق بعد ذلك يتم طباعة جواب الترسيح من على هذا الموقع ونروح به الكلية صاحبة السمو 15-09-2007, 10:59 PM والله كل مكتب بيألف من دماغه بيلعبوا باعصابنا وبـــس madharry 16-09-2007, 02:19 AM hal bardo nateeeget tansee2 el IGCSE bardo hatetla3 bokra m3 el american diploma walla la2 salo0om 16-09-2007, 02:40 AM يا رب الموقع يصدق وتطلع بكرة بالليل عشان الواحد خلاااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااص -=MoDyBaShA=- 16-09-2007, 03:46 AM يا جدعان انا مش عارف الناس مستغربة أوي كدا ليه على التأخير دا ..... يا حبيبي انت في مصر يعني انت في التوكيل الرسمي لسياسة التنطيش و التأجيل ... انا عن نفسي رحت مكتب التنسيق يمكن 10 مرات اللي في المدينة الجامعية جامعة القاهرة ... رحت يوم الجمعة قالي كارنيه الترشيح يوم 20 و النتيجة هتظهر السبت على النت ... قلت طيب كويس أوي و قلبي انشرح و قلت هنعرف آخيرا هندخل ايه قعدت يوم السبت كله في البيت على النت لا في نتيجة و لا أي حاجة .. ولا حتى أخبار عن النتيجة !!! المشكلة اني كنت قرأت في جريدة أخبار اليوم بتاعت السبت اللي فات بتاريخ 8 سبتمبر ان نتيجة الشهادات المعادلة يوم الخميس الموافق 13 سبتمبر !!! المهم بعد ما يوم السبت خلص جالي بجد إحباااااااااااااط قلنا يمكن الويندوز و قع ولا حاجة في الوزارة اهو اي عذر نهدي بيه نفسنا ... رحت يوم الأحد مكتب التنيسق تاني لقيت بيقولي يوم الإتنين على النت و بطاقات الترشيح من 20ّ لحد 25 في الحدود دي !!! اللي مش فاهمه حاجة واحدة بس .... هو فاكرينا مختومين على قفانا يعني ... ما يقولو النتيجة هتظهر أمتى و يريحوا قلوبنا .... !!! آخر ما زهقت طلعت على الإدارة سمعوني أحلى نكتة .,... مع انها بتكرر كل سنة اسمع بقى يا باشا قلي ايه ... سيادة المدير بيقولي ان مكتب التنسيق وزع الطلاب جغرافيا من زمان بس فاتهم ان في حاجة إسمها مستوى رفيع فلسه هيوزعوا كل الطلاب من اول و جديد !!! بالذمة دا كلام ... دا انا لو قلته لعيل صغير هيضحك على كلامي !! يعني ايه بالظب نسيوا دي!!! قال حكومة إلكترونية قال !! دي حكومة ألكتروإستهبالية !!! ولا عزاء و يحميكي الله يا مصر و دمتي لنا دائما كلمة أخيرة بس تلخيصا ً لكل اللي فات دا " يبقى انت أكيــــــــــــــــــــد أكيـــــــــــــــــــد في مصر !!! " -=MoDyBaShA=- 16-09-2007, 03:49 AM يا جماعة اناكنت اليوم في مكتب التنسيق وقالوا انها هتظهر يوم الثلاثاء على موقع التنسيق بعد ذلك يتم طباعة جواب الترسيح من على هذا الموقع ونروح به الكلية معلش يا باشا ... انت تبع آني مكتب تنسيق بس اللي قالك ان احنا نبطع بطاقة الترشيح !! امال احنا حاطين العنوان ليه في بطاقة الإختيار .... !!! والله انا ما بقيت فاهم اي حاجة ... انا داخل أنام بلا وجع دماغ -=MoDyBaShA=- 16-09-2007, 03:52 AM طيب يا جماعة لما تطلع الشهادة على النت إزاي هنعرف رقم الجلوس يعني إيه إلهنكتبه في خانة رقم الجلوس هنكتب الأرقام إلفي الوصل إلإإحنا أخدناه ولا هنكتب إيه بالظبط يا باشا اللي عرفته انه مش برقم الجلوس برقم الوصل ... وصل المعادلة اللي مكتوب فيه المجموع الإعتباري ... دا اللي عرفته لما سالت .... صفوان 16-09-2007, 05:38 AM تنسيق مين ياعم الحج انت عايش في الاحلام ولا لسه هتحلم انا عايز اعرف على العموم انا مقبول طب بيطري بره مصر منحة من الدولة و على العموم الموقع بيقول بالليل وادينا هنشوف اتمنى ليكم المستقبل الباهر وحتى لو ماكنتش الكلية اللي هي بس برضه نبقى حاجة فيها والشعار بتاعي لا حياة مع اليأس ولا يأس مع الحياة تحياتي ياحبايبي stnn_stnn_stnn@hotmail.com goldenbelal_007 16-09-2007, 07:36 AM شوفوا طالما جرنان كويتي كتب الكلام ده يبقى هتظهر النهاردة خدوا الكلام ده ثقة و زى ما بيقول أهل مكة أدرى بشعابها وأنا أثق فى كلام جرايد الكويت صراحةً 3asola 16-09-2007, 08:20 AM يا رب تظهر النهردة زي ما بتقول , ادينا اعدين متابعين ربنا يوفقنا كلنا MoH@MeD 16-09-2007, 08:54 AM يارب يا عسولة جماعة انتو مجاميعكو ايه نظامها وصحيح التنسيق متوقف على المجاميع؟ يعني المجاميع عليت التنسيق يعلا المجاميع نقصت التنسيق يقل؟؟ وحد هنا من اسكندرية؟ goldenbelal_007 16-09-2007, 09:26 AM طبعاً النسيق يعتدم على المجاميع و البلد الى أنت جي منها الحورية البيضاء 16-09-2007, 09:39 AM يا جماعة الي يعرف أي حاجة بليييييييييييز يبلغنا على طول enginering 16-09-2007, 10:08 AM يا جماعة طب و الدبلومة الامريكية ما انا مصرية اهو و عيشا في مصر و لا حد معبرنااااااااااااااااااااااااااااا goldenbelal_007 16-09-2007, 10:31 AM الدبلوما الأمريكية معانا little reto 16-09-2007, 11:09 AM عند ظهورها على النت يتم طباعة جواب الترشيح لكي يتم السماح لنا بدخول الكلية اما جواب الترشيح اللي هيجي عن طريق البريد لسة يوم 25 /9 little reto 16-09-2007, 11:11 AM مصر بتتقدم كل يوم بينا little reto 16-09-2007, 11:16 AM ريحوا نفسكم شوية من الحكاية دي بكرة متش الاهلي والزمالك برجاء الدعاء للزمالك وكفاية كدة على الاهلي mos6afa 16-09-2007, 12:51 PM يا جماعة ما فيش كلام نهائي الواحد ياخد بيه mos6afa 16-09-2007, 12:55 PM ردي يا اماال ولا انت ما تعرفيش؟؟؟؟؟؟؟؟؟؟؟؟؟؟؟؟ -=MoDyBaShA=- 16-09-2007, 12:59 PM يارب يا عسولة جماعة انتو مجاميعكو ايه نظامها وصحيح التنسيق متوقف على المجاميع؟ يعني المجاميع عليت التنسيق يعلا المجاميع نقصت التنسيق يقل؟؟ وحد هنا من اسكندرية؟ لا يا باشا التنسيق مش معتمد أصلا على المجاميع يعني مفيش حدود دنيا بص هفهمالك بإسلوب بسيط أوي .... لو طب عين شمس عايزة 100 واحد وافدين مثلا من السعودية و أتقدم 200 واحد هياخدوا أعلى 100 مهما كان مجموعهم .... وصلت كدة ؟ ! -=MoDyBaShA=- 16-09-2007, 01:01 PM يا جماعة طب و الدبلومة الامريكية ما انا مصرية اهو و عيشا في مصر و لا حد معبرنااااااااااااااااااااااااااااا انتي عايشة في مصر .... طب ما احنا برده عايشين في ام الدنيا و مفيش اي حد معبرنا خالص ... كلنا مع بعض في نفس المركب .. و ربنا يسنر و ما يحصلش زي اللي حصل مع ناس كتير سنة 2005 -=MoDyBaShA=- 16-09-2007, 01:07 PM ألف مبروك با شباب النتيجة ظهرت أخيرا ً نتائج الدبلومة الأمريكية (http://www.tansik.egypt.gov.eg/results/Default.htm?ResType=1) نتائج الشهادة الإنجليزية (http://www.tansik.egypt.gov.eg/results/Default.htm?ResType=2) نتائج الشهادات العربي ( السعودية -الكويت -الامارات) (http://www.tansik.egypt.gov.eg/results/Default.htm?ResType=3) Ba6Bo6a 16-09-2007, 01:20 PM لا مظهرتش قوي ... ههههههههه لما بندخل رقم الايصال بيطلع لا يوجد نتيجه .. -=MoDyBaShA=- 16-09-2007, 01:21 PM لا مظهرتش قوي ... ههههههههه لما بندخل رقم الايصال بيطلع لا يوجد نتيجه .. لسه كنت هقولك .... بيشتغلونا باينهم -=MoDyBaShA=- 16-09-2007, 01:22 PM صباح الإستهبال .... حد طلعت معاه النتيجة ولا كله لا توجد نتيجة لهذا الرقم ؟؟ salo0om 16-09-2007, 01:24 PM لا توجد نتيجة ........... amro89 16-09-2007, 01:26 PM شكلهم بيحبونا وعايزين يطولولنا الأجازة -=MoDyBaShA=- 16-09-2007, 01:26 PM طب ليه كاتبين الآآآآآآآآآآآآآن نتيجة الشهادات المعادلة على موقع الحكومة الإلكترونية www.tansik.egypt.gov.eg حد يدخل يشوف يمكن اكون اتحولت -=MoDyBaShA=- 16-09-2007, 01:29 PM شكلهم بيحبونا وعايزين يطولولنا الأجازة يا باشا يطولوها زي ما هم عايزين مش هنقول لا أبدا ً :) بس يقولونا أحنا دخلنا ايه بس Ba6Bo6a 16-09-2007, 01:30 PM ده حتى الموقع هنا عمل زيهم وكتب الآن نتيجه الشهادات المعادله اطلعوا بصوا فوق ولما تدخل تلاقي مكتوب قريبا .. مش عارفه انا ايه تعب الأعصاب ده -=MoDyBaShA=- 16-09-2007, 01:35 PM ده حتى الموقع هنا عمل زيهم وكتب الآن نتيجه الشهادات المعادله اطلعوا بصوا فوق ولما تدخل تلاقي مكتوب قريبا .. مش عارفه انا ايه تعب الأعصاب ده انا زهقت و الله ...... دي حكومة بنت .... ولا يلاش بعد الفطار هفش غلى فيها انا البيت عندي كله واقف كان مفيش كراسي في البيت ... يا رب يا مسهل salo0om 16-09-2007, 01:38 PM انا زهقت و الله ...... دي حكومة بنت .... ولا يلاش بعد الفطار هفش غلى فيها انا البيت عندي كله واقف كان مفيش كراسي في البيت ... يا رب يا مسهل والله أنا نفس النظاااااااااااااام البيت كله واقف و مكتب التنسيق و لا هوا هنااااااااااااااااااااا:eek: -=MoDyBaShA=- 16-09-2007, 01:41 PM والله أنا نفس النظاااااااااااااام البيت كله واقف و مكتب التنسيق و لا هوا هنااااااااااااااااااااا:eek: مكتب التنسيق .... يا باشا متجيش السيرة دي ... مكتب التنسيق دا يولوعوا فيه احسن ... لا حد بيفيدك ز لا بيقولك لا ابيض و لا اسود .. هو انت تبع آني مكتب تنسيق ؟! ahmed221 16-09-2007, 01:41 PM صباح الإستهبال حكومة إيه دي الإلكترونيه بكتب رقم الإيصال و الجلوس و مافيش أي حاجه salo0om 16-09-2007, 01:42 PM جامعة الأأأأأهرة .... مبنى 4 -=MoDyBaShA=- 16-09-2007, 01:43 PM صباح الإستهبال حكومة إيه دي الإلكترونيه بكتب رقم الإيصال و الجلوس و مافيش أي حاجه دول بيشتغلونا يا باشا .... انا آخر ما هزهق هدخل انام !! -=MoDyBaShA=- 16-09-2007, 01:43 PM جامعة الأأأأأهرة .... مبنى 4 انا زيك برضه مكتب التنسيق اللي في المدينة الجامعية ahmed221 16-09-2007, 01:50 PM عفوا. النتيجة المطلوبه غير موجوده في الخدمه الرجاء ترك رقم الإيصال بعد سماع الصفاره ......... تووووووووووت ahmed221 16-09-2007, 01:50 PM وبعد قليل سيتم معالجة أخطاء نتيجة الوافدين والأمريكية Ba6Bo6a 16-09-2007, 01:51 PM ههههههههههههههه شفتوا آخر حاجة .. واحنا قاعدين منتظرين ليل نهار على الموقع ده على اساس انه هيجيب النتيجه اللي محدش عارفاها لما تدخل تلاقيه بينقلك لموقع بوابهالحكومه المصريه .. بجد بجد تحيا مصر -=MoDyBaShA=- 16-09-2007, 01:52 PM عفوا. النتيجة المطلوبه غير موجوده في الخدمه الرجاء ترك رقم الإيصال بعد سماع الصفاره ......... تووووووووووت :D:D:D:D:D:D:D:D:D:D:D:D:D:D:D:D:D:D:D:D:D salo0om 16-09-2007, 01:55 PM ههههههههههههههه شفتوا آخر حاجة .. واحنا قاعدين منتظرين ليل نهار على الموقع ده على اساس انه هيجيب النتيجه اللي محدش عارفاها لما تدخل تلاقيه بينقلك لموقع بوابهالحكومه المصريه .. بجد بجد تحيا مصر كووووووووووووسة تحيااااا مصر كوووووووووووسة -=MoDyBaShA=- 16-09-2007, 01:59 PM ههههههههههههههه شفتوا آخر حاجة .. واحنا قاعدين منتظرين ليل نهار على الموقع ده على اساس انه هيجيب النتيجه اللي محدش عارفاها لما تدخل تلاقيه بينقلك لموقع بوابهالحكومه المصريه .. بجد بجد تحيا مصر " يبقى انت أكييد أكييد في مصر !!! " ahmed221 16-09-2007, 01:59 PM و صباح الإنفرادات Ba6Bo6a 16-09-2007, 02:06 PM و صباح الإنفرادات هههههههههههههههههه حلوة .. والله يعني لعبوها بجد .. تمام جدا .. -=MoDyBaShA=- 16-09-2007, 02:11 PM طيب و بعدين !! هنفضل مستنين كدا ... حد نزل مكتب التنسيق يا شباب ... !! ahmed221 16-09-2007, 02:13 PM إنت عارفين عشان نصدقهم تاني المفروض يكتبوا الآن بجد و بدون إشتغالات نتائج المعادله -=MoDyBaShA=- 16-09-2007, 02:16 PM إنت عارفين عشان نصدقهم تاني المفروض يكتبوا الآن بجد و بدون إشتغالات نتائج المعادله ههههههههههههه و الله معاك حق .. انا خلاص مرارتي اتفقعت و الله Ba6Bo6a 16-09-2007, 02:17 PM في مكتب التنسيق محدش عارف حاجة .. كل واحد يقولك يوم بمزاجه كأن النتيجه عندهم في البيت هنشوف اهم كاتبين بيعدلوا فيها .. ههههههههه على أساس انها لحقت تتعطل .. -=MoDyBaShA=- 16-09-2007, 02:27 PM في مكتب التنسيق محدش عارف حاجة .. كل واحد يقولك يوم بمزاجه كأن النتيجه عندهم في البيت هنشوف اهم كاتبين بيعدلوا فيها .. ههههههههه على أساس انها لحقت تتعطل .. المشكلة ان موقع الحكومة الإلكترونية مش كاتب حاجة عن التعديل دا !!! يعني حد بيشتغلنا من الآخر يا الموقع دا يا موقع الحكومة الإلكترونية ahmed221 16-09-2007, 02:30 PM يعني حد بيشتغلنا من الآخر يا الموقع دا يا موقع الحكومة الإلكترونية :) :) :) :o 3asola 16-09-2007, 02:49 PM ايه اللى يخليهم ينزلوها وهما لسه بيعدلوا فيها ؟؟ هيا حرقة دم وخلاص يا جماعة اى حد تطلع معاه يقولنا عشان نحاول نجيبها احنا كمان ربنااا معاانا جميعاا Ba6Bo6a 16-09-2007, 02:51 PM ايه اللى يخليهم ينزلوها وهما لسه بيعدلوا فيها ؟؟ هيا حرقة دم وخلاص يا جماعة اى حد تطلع معاه يقولنا عشان نحاول نجيبها احنا كمان ربنااا معاانا جميعاا هو كده علشان يحرقوا لنا اعصابنا 3asola 16-09-2007, 02:54 PM بعد قليل سيتم معالجة أخطاء نتيجة الوافدين والأمريكية حاااجة تنرفز بجد يا:confused: Ba6Bo6a ربنا يسهل ادينا مستنيين -=MoDyBaShA=- 16-09-2007, 02:56 PM انا زهقت بجد .... شكلي هنزل مكتب التنسيق بعد شوية أشوف ايه النظام ... -=MoDyBaShA=- 16-09-2007, 02:57 PM حد هنا من مدينة نصر ؟؟؟؟ ولا انا الوحيد اللي في مدينة نصر ؟؟ ! 3asola 16-09-2007, 02:59 PM لا هتلاقي كتير من مدينة نصر بس يمكن مش هنا -=MoDyBaShA=- 16-09-2007, 02:59 PM 16/09/2007 اعلن رئيس قطاع التعليم في وزارة التعليم العالي المصري عن اعلان نتائج الشهادات المعادلة العربية والاجنبية الكترونيا. واضاف ان المكتب يواصل الليل بالنهار من اجل اعداد نتائج الطلبة من دون اخطاء وفي احسن صورة وان ساعات العمل تستمر حتى منتصف الليل. ورفض عليوه تقديم اي مؤشرات للقبول سواء بالنسبة للشهادات الاجنبية او العربية السعودية، الكويتية، الاماراتية، موضحا ان لكل دولة حدا ادنى خاصا بطلبتها ونحن الان في مرحلة اعداد النتيجة وبالتالي يصعب التكهن باي مؤشرات حاليا. وصرح مصدر مسؤول في مكتب تنسيق الجامعات ان عملية تغيير طريقة اعداد نتائج المعادلة من يدوي الى الكتروني كانت وراء تأخر اعلان النتائج، والتي كان مقررا لها ان تعلن منتصف الاثنين الماضي. وقال المصدر ان مشكلات التحويلات الخاصة بطلبة الثانوية العامة والتي لم يعلن المكتب نتائجها القت بأعباء اضافية ثقيلة اخرت ايضا انجاز باقي النتائج خصوصا ان نتائج الدبلومات الفنية لم تعلن ايضا حتى الان رغم ان الدراسة ستبدأ السبت المقبل. ونفى المصدر ان يكون لهذا التأخير اي تأثير على انتظام الدراسة بالنسبة لحملة الشهادات المعادلة، موضحا ان الدراسة لا تنتظم بشكل عام في الاسبوع الاول خصوصا بالنسبة للطلبة المستجدين، مشيرا الى ان الجامعات وضعت برنامجا شاملا لقيد طلبة الشهادات المعادلة في مختلف الكليات وانهاء اجراءات الكشف الطبي عليهم وتوزيعهم على الاقسام المختلفة وصرف استمارات الاقامة في المدن الجامعية لمن يقيمون خارج نطاق الجامعة wafaaanany 16-09-2007, 03:43 PM طيب ده الثانوية اللى من دول السعودية والامارات والكويت مالهمش نفس يطلعوا الثانوية السودانية ولا ايه Ba6Bo6a 16-09-2007, 03:47 PM طيب ده الثانوية اللى من دول السعودية والامارات والكويت مالهمش نفس يطلعوا الثانوية السودانية ولا ايه هههههههههههههههههههههه وحده وحده عليهم بعدين يحلفوا ميطلعوش حاجة خالص ahmed221 16-09-2007, 03:48 PM شوفوا كتبوا فوق إيه تاني الآن نتيجة تنسيق الثانوية الأنجليزية فقط أضغط هنا ahmed221 16-09-2007, 03:51 PM الأخ عبقرينو مان بيشوف الموضوع ده يعني ياريت يسأل فينا و يقولنا إيه النظام في اليوم اللي مش هيعدي ده و ياريت يعني إنت بتتعاملوا مع بشر من لحم و دم بلاش إشتغالات دا مستقبل ناس و متكتبوش حاجه إلا و إنتوا متأكدين منها و أنا عايز أفهم وبعد قليل سيتم معالجة أخطاء نتيجة الوافدين والأمريكية من فين بقى جبتوا المعلومه دي و لا هي إفتكاسه goldenbelal_007 16-09-2007, 03:53 PM حد ig ظهرت معاه wafaaanany 16-09-2007, 03:53 PM هما ناوين يدخلونا الجامعة من التيرم التنى ولا بالها جامعة خالص Ba6Bo6a 16-09-2007, 03:54 PM اه عاوزين نتأكد من الثانويه الانجليزيه حد موجود هنا انجليزيه goldenbelal_007 16-09-2007, 03:58 PM ياجماعة عايزين نوحد مكان كلمنا علشان نستفيد -=MoDyBaShA=- 16-09-2007, 04:01 PM انا كلمتهم على رقم الإستفسارات قالتلي طيب خليك معايا و فضلوا لاطعني ساعة الا ربع محدش بيقول حتى الو !! بالمناسبة رقم الإستفسارات :19468 ahmed221 16-09-2007, 04:04 PM إنفرااااد جامد قوي بيقولك النتيجه صباحا بعد ما كانت مساء و شكلها هتبقى ظهرا و العظمى 35 و مع طقس معتدل على جميع أنحاء الجمهوريه دا إستهبال و إستعباط كمان SAMO88 16-09-2007, 04:04 PM بخصوص نتيجة تنسيق المعادلة (الوافدين) وتنسيق الدبلومة الأمريكية سيتم نشر أسماء الطلبة بالكامل صباح غداً الأثنين بموقعنا وهي الآن موجودة على موقع الحكومة المصرية ولكن بها أخطاء فنية بقاعدة البيانات loooooooooooooooooooooooooooool elmafrod tnt7ro bsra7a rbna ykon fe 3onkm ana elsana ely fatt zahrt 3la al watan w 3ltol nzlt hna -=MoDyBaShA=- 16-09-2007, 04:07 PM إنفرااااد جامد قوي بيقولك النتيجه صباحا بعد ما كانت مساء و شكلها هتبقى ظهرا و العظمى 35 و مع طقس معتدل على جميع أنحاء الجمهوريه دا إستهبال و إستعباط كمان ::D:D:D:DD والله انا أعصابي باظت بجد .... كل واحد بيألف من دماغه اللي يقولك الأحد ليلا ً و اللي يقولك الإثنين صباحا صباح الهبل -=MoDyBaShA=- 16-09-2007, 04:09 PM طيب عايزين نعرف ال I.G.S.C.E ظهرت و لا لسه ولا برضه اشتغالة تانية من الحكومة المصرية !! goldenbelal_007 16-09-2007, 04:11 PM خليما نكلم كلنا على هنا http://thanwya.com/vb/showthread.php?p=297872&posted=1#post297872 آماال 16-09-2007, 04:14 PM السلام عليكم ... إن شاء الله خير يا جماعة خليكوا متفائلين شوية عن كده أنا بدأت احسن بنبرة صدق لانهم طلعوا نتيجة الاجليزية ومفرقش انهارده من بكرة وان شاء الله ممكن تطلع صباحا يعني بعد الساعة 12 باليل هنحاول وإن شاء الله خير وهي أكيد بكرة هتظهر في الجريده وإذا في جديد هبلغكم .. وأعملوا حساب إن احنا في رمضان أكتموا غيظكم شوية وفرج ربنا قريب إن شاء الله .. محدش يدايق من الكلام وربنا يستر إن شاء الله .. وبالنسبة للأخت الي بتسأل عن نتيجة الشهاده السودانية خشي على google وأكتبي نتيجة تنسيق الشهادة السودانية وغن شاء الله هتطلع .... وأصبروا شوية هانت خلاص.. والسلام عليكم ورحمة الله وبركاته ... yassor89 16-09-2007, 04:19 PM بخصوص نتيجة تنسيق المعادلة (الوافدين) وتنسيق الدبلومة الأمريكية سيتم نشر أسماء الطلبة بالكامل صباح غداً الأثنين بموقعنا وهي الآن موجودة على موقع الحكومة المصرية ولكن بها أخطاء فنية بقاعدة البيانات ]دي اخر حاجة كتبوها على الموقع يامصبر... على .... ahmed221 16-09-2007, 04:21 PM ماهي إن شاء الله هتطلع بس المفروض يطلعوها بدري عشان اللي هيروحوا أقاليم يعرفوا يعملوا إيه بس حلوه نبرة الصدق دي -=MoDyBaShA=- 16-09-2007, 04:26 PM ماهي إن شاء الله هتطلع بس المفروض يطلعوها بدري عشان اللي هيروحوا أقاليم يعرفوا يعملوا إيه بس حلوه نبرة الصدق دي نبرة الصدق دي مش موجودة في قاموس الحكومة المصرية اصلا ً !!! yassor89 16-09-2007, 04:36 PM كان لازم يعملوا نظام التنسيق الالكتروني السنة دي يعني خلاص التكنولوجيا واخدة بعضها اوي صبرنا يا رب ...... ربنا يستر على الصيام بتاعنا هما ناوين يفطرونا النهاردة وبكرة كمان dr.miso 16-09-2007, 04:38 PM وهو الموقع ناوي يطلع بس نتيجة السعودية والامارات والكويت زي موقع الحكومة وبتوع قطر يولعوا ولا ايه ؟؟ wafaaanany 16-09-2007, 11:22 PM اخبار السودانية ايه Alex0v 16-09-2007, 11:22 PM .. الســلاامـ عليكمـ .. مسـااء النور والنوير ، انا متابعكمـ ليا يومين كدا وبصراحة من غير اي حاجة كده يعني بجد .،.، الموضوع يفور الدم ، بجد حرقة دم ! المهمـ خير ان شاء الله .. في شباب اتنين صحابي من السعودية عرفوو كلياتهم ايه خلاص (( ياااااااااحظهم )) :d ويالله عقبالنا ... بالمناسبة ،، انا كنت >> (( ثانوية قطرية )) وماا أدرااكمـ مااا الثاانوية القطريه .. خخخخخخخخخخ المهمـ ناويين يريحوو قلبناا امتى ؟!! :( كامل على 17-09-2007, 01:01 AM بطاقة الترشيح للقبول عام 2007م الطالب : محمد خالد صلاح الدين سويلميتـشـرف مكــتب التنســيق بإخطــــاركـم بأنه قد تم ترشيحكم لكلية / لمعهد:استنفذ رغباته رقم الجلوس / الإيصال :400027المجموع : شهادة الثانوية :الدول العربية شعبة : صاحبة السمو 17-09-2007, 07:12 PM ليش استنفذ رغباته ؟؟ شو مش مكمل كل الرغبات ولا ايه على العموم هي طهرت من بدري طبعا واكيد كير عرفوها صفوان 18-09-2007, 05:39 AM يمسيكم بالخير يا حبايبي أحب أضيف نقطة بسيطة قرار الوزي المصري الله يحفظه ويخليه لينا يارب أصدر قرار بتقليل نسبة قبول الطلاب في الجامعات ولذلك ارتفعت نسب القبول جدا في الجامعة حتى وصلت ان تجارة تاخد 97 ادبي واللي جاب 97 علمي دخل علوم وملحقش لا طب ولا صيدلة تقبلوني كمجرد رأي بسيط وما تنسوش تدعوا للوزير تحياتي لكم يا أبناء الغد stNN_stnn_stnn@hotmail.com سعيد111 18-09-2007, 08:08 PM بالرغم انى عضو جديد ولكن نظرا لعدم وجود نتيجة الوافدين من السعودية زى ماهو مكتوب يظهر انى حفقد الثقة فى هذا المنتدى سعيد111 18-09-2007, 08:51 PM ارجوكم ياجماعة اى حد يعرف حاجة عن تنسيق السعودية يدينى خبر ارجوووووووووووووووووووووكم ( ولى امر اعصابة اتحرقت ) صفوان 19-09-2007, 02:57 AM اي حد مش عارف يجيب النتيجة السعودية يديني رقم الايصال وانا هجبهاله stnn_stnn_stnn@hotmail.com |