أحبائى ألاعزاء...........
كل عام وانتم بخير.............http://www.youm7.com/images/NewsPics/large/smal3201026144938.jpg

أردت اليوم أن أطرح موضوعا للمناقشة الهادفة...
و أتمنى من الجميع ان يشارك في الرد على السؤال التالي و خاصة اننا جميعا اما طلبة او مدرسين فلابد ان يكون لنا رأي وهدف والان مع السؤال !!!!!!!!!!
من هو وزير التعليم القادم؟ وهل تحب ان يبقى الدكتور زكى بدر وزيرا في المرحلة القادمة؟ وما الذى اعجبك/ لم يعجبك ف الوزير الحالي؟ نريد نقدا موضوعيا ....................

انا مدرس و اعمل ف حقل التعليم ومن اشد المعجبين بسياسة الاستاذ الدكتور وزير التعليم ..وأجد في هذا الرجل الخير الكثير فأنا متابع له جيدا..هذا الرجل يعرف ماذا يفعل .....دماغه شغاله ف جميع الاتجاهات .......حرب للفساد .........تطوير بقدر المستطاع للتعليم......يحاول ان يعيد هيبة المعلم.....عودة الطلبة للمدرسة بعد غياب طويل اعتبره اكبر نصر لهذا الرجل....عدم الاهتمام بأقوال الصحافة او التأثر بهم...دارس جيد لقراراته...بارك الله فيه..وأعتقد هذا رأي اي منصف عادل

رجل كويس بس لسه فيه فى التعليم شويه كمان

احمد زكى بدر رجل هذا الزمان
التعليم دلوقت زى مخزن قديم مليان ****يب وبلاوى ومش منظم
ومش هينفع نكنسه بفرشاة اسنان ومناديل كلينكس !!
لازم قلب وهمة ونظافة بكل انواع المنظفات اللى فى الدنيا

اللى مش عاجبه بدر آسف انى اقول نظرته سطحية بعض الشئ
والأيام هتثبت ان كل خطوة وكل قرار كان لمصلحة التعليم بالفعل
مفيش على راسه بطحة وعايز يعمل حاجة ويصلح من الفساد المعشش

اعتقد الموضوع مكانه العام افضل

له الكثير من الايجابيات

وعليه الكثير من السلبيات

أحسن وزير مسك التعليم حتى الأن هو الوزير ده
واللى مش عاجبه سياسته أكيد مبيشتغلش
وعاوز يفضل نايم فى العسل
بيصلح اللى يقدر عليه رغم الهجوم الشديد عليه

اتفق معكم مئة بالمئة

ده راجل صح في المكان الصح بس في الزمن الغلط

كل واحد له سلبيات وايجابيات والاهم أن تكون الايجابيات أكثر
والحمد لله الايحابيات أكثر أهمها
1-خضور الطلبة بعل مختلف عما كان
2-اهتمام المدارس والادارات الذي اختلف
3-تحرك مدير المديريات والادارات
4-كتاب المدرسة الذي اتغير ومن يريد انيلاحظ فعليه بكتاب الرياضيات الصف الثالث الاعدادي
ولااطيل عليكم مدرس رياضيات ثانوي

نعم .......انه الرجل المناسب ف المكان المناسب


صح والله

احنا من هنا بنقوله

كمل واحنا وراك

ربنا يوفق وزيرنا الدكتور أحمد ذكى بدر ونتمنى له ان يكون وزير دائم للتربية والتعليم .
وكل سنة ووزيرنا ونحن جميعا بخير.

هو بصراحة كويس جداااااااااااااا

بس من ناحية تحكمه بالغياب وليه نسبة معينة فده ما ينفعشي مع طلبة ااالثانوية العامة

عايز يبقى رئيس الوزراء
والله كلهم واحد غاوين زل في الطلاب
واللي نعرفه احسن من اللي مانعرفوش
ربنا معانا بقى

(اظن ان ده مش المكان المناسب للموضوع)

اول وزير ( و هو ككل سابقيه ليس مدرسا فى الاصل )
اول وزير يبدأ فى اعادة التعليم الى سابق عهده
ألغى المنتفعين بالملايين فى ديوان الوزارة
و بدأ فى عمل حصر سليم للمدرسين و الطلبة
و بدأ يضع التلاميذ فى مكانهم الصحيح - و المدرسين فى وضعهم اللائق
و أى حادثة شاذة لا يتم التكتيم عليها بل فضحها
لكن للاسف : -
لن يستطيع ان يفعل شيىء مع الحكومة لتزويد دخل المدرسين
و لن يستطيع الاقتراب من النقابة.. لان الحزن الوثنى يعتبر ان النقابات المهنية عموما ( و ليس نقابة المعلمين فقط ) يعتبرها رجس من عمل الشيطان يجب القضاء عليه
و على ذلك نقول :
انه يحاول العلاج بالمسكنات و ليس بالدواء الشافى

هو بصراحة كويس جداااااااااااااا

بس من ناحية تحكمه بالغياب وليه نسبة معينة فده ما ينفعشي مع طلبة ااالثانوية العامة

بكرة هيناسب الثانوية العامة لما الدروس تقل والامتحاانات تيجي من الكتاب المدرسي

وميخرجش الا حاجة بسيطة توضح الطالب الشاطر من غيره

من رأيي المتواضع ان احمد زكى بدر سياسته كويسة جدا وحقق نجاح فى حاجات كتير
بس للاسف من ناحية تانية بيسبب مشكلة كبيرة وهى الكليات الخاصة والتعليم بقا عبارة عن تجارة
فبتمنا اننا نرجع زى ايام زمان التعليم تعليم صح
لذلك انا بختار انه يفضل بس لو نجح فى كل حاجه بجد
ومايفضلش محيرنا معاه وبقرارته المفاجأة لينا
مناقشة مهمه جدا
تحياتى

احمد ذكى بدر وزير اقل ما يكون وكل ما يفعله هو الشو الاعلامى والظهور بمنظر البطل وكل قراراته حتى الان منظرة فى منظرة والاهانات تاتى للمدرس من كل جانب

انا مدرس انا معجب جدا بدكتور احمد بدر واشاء اللة سوف يكون للتعليم ازدهار على استمرارة ولابد وتعديل فى منهج رياضيات الصف الاول الاعدادى وكزلك حزف اجزاء من منهج الصف الثالث الاعدادى وجزء من الميكانيكا

انا مدرس و اعمل ف حقل التعليم ومن اشد المعجبين بسياسة الاستاذ الدكتور وزير التعليم ..وأجد في هذا الرجل الخير الكثير فأنا متابع له جيدا..هذا الرجل يعرف ماذا يفعل .....دماغه شغاله ف جميع الاتجاهات .......حرب للفساد .........تطوير بقدر المستطاع للتعليم......يحاول ان يعيد هيبة المعلم.....عودة الطلبة للمدرسة بعد غياب طويل اعتبره اكبر نصر لهذا الرجل....عدم الاهتمام بأقوال الصحافة او التأثر بهم...دارس جيد لقراراته...بارك الله فيه..وأعتقد هذا رأي اي منصف عادل
ولكني متأكد انه ها يمشي لأن كل واحد شايف مصلحته بيمشي
فهو وعل المصيلحي ماشيين من غير كلام

انا مع كل الكلام الجميل وبارك الله فيه على الانجازات ودائماللامام واحنا معاك

قطاع التعليم بلا شك هو واحد من أهم القطاعات في الدولة
وهذا القطاع خرب منذ زمن بعيد , ويحتاج وقت وجهد وتخطيط
وتنفيذ وصرامة لكي يعاد اصلاحه ويكون قطاع مفيد لكل القطاعات
الأخري بالدولة .
وأحمد بدر أراه يحاول أن يصحح بعض الأوضاع المقلوبة في التعليم
ولكن يلزمه الوقت والمعاونة من الجميع .
والأفضل هو وضع سياسات لتصحيح التعليم في مصر ويقوم بتنفيذ
هذه السياسات الوزير المختص .
يعني مش كل ما وزير جديد يتعين , يطبق السياسات اللي علي مزاجه .
المفروض ان هذه السياسات يقوم بوضعها مجموعة من الخبراء المختصين
بهذا المجال , ولا يقوم بوضعها كل وزير بما يراه يتوافق مع فكره واعتقاده
وهذا الأمر يجب تطبيقه في كل الوزارات وليست وزارة التربية والتعليم فقط !!!

اي حد يمسك الوزاره غير زكي بدر دا

زكى بدر ماشى بمبدا صح

احنا فاهمينه غلط

هو عايزنا نعتد على كتاب الوزارة وده صح مش غلط

وشايف اننا بنعتمد على الدروس اكتر من المدرسه وده غلط

المفروض علينا نوازن ما بين الاتنين

بس علشان احنا خدنا على الدروس اكتر من المدرسه

فشايفين انه هو لما يجبرنا نروح المدرسه ده غلط فى صالحنا

مع ان ده صح وفى صالحنا

هو ماشى صح احنا اللى ماشين وفاهمين غلط

وده من رايى

انا مدرس و اعمل ف حقل التعليم ومن اشد المعجبين بسياسة الاستاذ الدكتور وزير التعليم ..وأجد في هذا الرجل الخير الكثير فأنا متابع له جيدا..هذا الرجل يعرف ماذا يفعل .....دماغه شغاله ف جميع الاتجاهات .......حرب للفساد .........تطوير بقدر المستطاع للتعليم......يحاول ان يعيد هيبة المعلم.....عودة الطلبة للمدرسة بعد غياب طويل اعتبره اكبر نصر لهذا الرجل....عدم الاهتمام بأقوال الصحافة او التأثر بهم...دارس جيد لقراراته...بارك الله فيه..وأعتقد هذا رأي اي منصف عادل


وهكذاتعتقد إنك سديت الطريق أمام أى حوار أومناقشة !!!!!!!!!!!!!!!!!!!!

لا يا أستاذ

أنا عملت فى هذا المجال ومر عليا 12وزير

لم أرى وزيرا يهتم برأى الصحافه أولا قبل هذا الوزير

لم أرى وزيرا أهمل أراء وأفكار ومطالب أولياء الأمور مثل هذا الوزير

لم أرى وزير ا يسىء لقدامى المعلمين مثل هذا الوزير

لم أرى وزيرا كل سعادته فى أن تعلن الصحف كل شروق شمس

عن 30مدرس تم نقلهم و40 تم عقابهم و50تم ضياع حقوقهم فى وضح النهار

انزل المدارس وشوف بعنيك

هتلاقى وكيل الوزارة ومدير الادارة ومدير المدرسة فى رعب يومى

وتكون الضحية دائما أنا وانت

هات لى مدرس واحد قدر يوصل لمكتب الوزير أوحتى يوصل شكوته أو مظلمته له

الكل يعمل حاجزا حوله لان الكل يريد أن يحمى نفسه أولا

وهذا هو المناخ المثالى لضياع الحقوق للناس الغلابه

تصدق إن فيه طلبه فى الصف الثالث والرابع لحد النهارده لم يدخل عليهم مدرس انجليزى ؟!!!!!


هى دى المثاليه والسياسه الناجحه !!!!!!!!!

لوإبنك مابين هؤلاء الطلبه هل سيكون هذا رأيك ؟

ومئات الفاكسات والتظلمات من أولياء الأمور

ولارد واحد ؟؟؟!!!!!!!!!!!!!!!!!!!!!

بارك الله فية

شكرا لكاتب الموضوع اولا تحياتى لمعالى سيادة الدكتور المهندس الوزير احمد ذكى بدر
بس تعليق صغير , انا طالبة في ثانية ثانوى ومش حاسة بالفرق العظيم اللى اغلب المعلقيين هنا اشادوا باللى عمله معالى الوزير مع كامل احترامى ليهم , هو بيضغط علينا وبس عشان نبطل دروس خصوصية
ياريت يحط عسكري على باب كل فصل عشان يشوف العملية التعليمية ماشية ازاى !!!!
معالى الوزير لما راح مدرسة مصر الجديدة واللى حصل فيها واقعة من ابشع الوقائع ودى مش الاولى في تاريخ المدارس المصرية
معاليه اتكلم عن عدم وجود احترام من الطلبة لمدارسيهم !!!!
صراحة اكتر من اننا بنقف اول ما يدخل الفصل ولما نتكلم مع المدرس او نجاوب او نقول اى كلمة بنقف احتراما له
والا كمان عايزنا نضرب تعظيم سلام !!!!؟
يقولنا نعمل ايه واحنا هنعمله اكيد عشان نبيين احترامنا , عندنا مدرسيين استغفر الله العظيم مش بس المفروض يترفدوا لا دول يتعدموا
يلا بقي هنعمل ايه