متوازي مستطيلات من الخشب طوله 3م وعرضه 2م وارتفاعه 1/2م وكثافة مادته 600 كجم/م3 احسب عمق الجزء الذي يختفي منه تحت سطح الماء عندما يجلس فوقه شخص كتلته 80 كجم وما اقصي كتله يمكن ان توضع فوقه حتي ينغمر بالكامل في الماء

ارجوا المساعده لاني محتاجها ضروري

هتجيب الحجم ... الطول فى العرض فى الارتفاع

هتجيب وزنه ( باستخدام كثافة مادته ومعاك حجمه هتجيب كتلتة .. تضربها فى عشره هيطلع وزنه )

هتساوى قوة الدفع بالوزن لأنه طافى .....

يبقى هتقول الحجم المغمور فى كثافة الماء فى العجله = وزن الجسم

يبقى معاك حاجه واحده مجهوله وهى حجم الجسم المغمور تجيبه ويبقى اول مطلوب تمام

وعندما يجلس بقى واحد كتلته كذا

هتعمل حاجه بسيطه تزود لوزن المتوازى وزن الشخص

وهتساوى قوة الدفع بالوزن الجديد وتجيب الجزء المغمور زى الخطوه اللى فاتت

....
لو عايز بقى تجيب العمق هتعمل الحجم الكلى على حجم المغمور ... بيساوى الارتفاع كله على ارتفاع الجزء المغمور

انا قولتلك فكرتها ... لو حليتها هتاخد وقت كتير ... شوف انت لو معرفتش قولى وانا احاول اكتب حلها

انا عملت كده فعلا بس للاسف النواتج مش بتطلع معايا مظبوطة فلو ممكن تساعدني وتكتب الحل معلش هاتعبك معايا وانا متشكر جدا ليك

لاء سورى ياباشا انا قرأت المطاليب غلط . بس هى نفس الفكره .. ثوانى هحلها

اول حاجه هنجيب حجم المتوازى ... 3*2*0.5 = 3 متر مكعب
كثافة مادته بتساوى كتلتها على حجمها = 600
معانا الحجم هنجيب الكتله هتطلع 1800 كجم .. دى كتلة المتوازى
لما شخص كتلته 80 يقعد هتزداد كتلة الجسم هتساوى
1800+80 = 1880
يبقى الوزن اللى مؤثر عل الماء = 18800 نيوتن
هنقول وزن الجسم بيساوى قوة الدفع
قوة الدفع = حجم الجزء المغمور * كثافة الماء * العجله = Vs * 1000 *10 = 18800
هنجيب الحجم المغمور هيساوى 1.88 مترمكعب
هنقول : ... الحجم الكلى على الحجم المغمور بيساوى الارتفاع كله على ارتفاع الجزء المغمور
3\1.88 = 0.5 \ L
هنجيب الارتفاع هيساوى >>>> 0.313 متر
اقصى كتلة يمكن وضعها
هنجيب قوة الدفع على الحجم الكلى للمتوازى ... هتساوى 30000 نيوتن .
يبقى اقصى وزن يمكن وضعه هو 30000 نيوتن ... اذا اقصى كتلة يمكن وضعها 3000 كجم
هنطرح 3000 - كتلة المتوازى = اقصى كتلة خارجيه يمكن وضعها
3000 - 1800 = 1200
يبقى اقصى كتلة يمكن ان توضع فوقه هى 1200 كجم
يارب بقى ميكونش فى اى اخطاء حسابيه .. بس هى الفكره خلاص اتعرفت

شكرا ياباشا فعلا النواتج صح والمطلوب الاول طلع معايا فعلا كده دلوقتي اما الموطلوب التاني هو اللي معرفتش اطلعه والناتج تمام كده الف شكر ليك