dinalovespink
24-11-2010, 02:44 PM
يا جماااااااعه انا عندى مشكله انا باخد فزياء واحياء ودلوقتى بجد انا اتعقدت فى حياتى وصحابى فى المدرسه عقدونى من الفزياء هى دى المشكله بنعرف نذاكرها كويس ولما نيجى نحل نقف فيها ومش بنجيب الدرجه النهائية بس صحابى دول جايبين 97 و 94 لكن ان جايبه 85 وبيصوتوا امال انا اعمل ايه بقى انا محولتش ادبى من الاول عشان بحب الاحياء والفزياء وفى الخر اتعقدت والله انا بجد تعبتت مع انى بذاكرهم الاتنين اكتر وقتى انا والله بفكر حول دلوقتى والله ده مفيش حد بيشجعنى خالص كولوا بيخلينى فقد الامل يا ريت تقولولى الحل بسرعه
لوجين 3
24-11-2010, 05:43 PM
السلام عليكم
اولا انا عايزة اقولك ان الفيزياء فيها شكوي عامة من حيث كمية الافكار اللي فيها زي الرياضيات بس الفهم الكويس والتدريب الكتير هيساعدك جدا
انا ليا واحدة صاحبتي دايما تقول تفاءلوا بالخير تجدوه وكمان احنا بنذاكر مش بس علشان المجموع ده علشان ربنا هيسألنا عن عملنا في حياتنا وده هو عملنا في الوقت الحالي
وبالنسبة لاصحابك فحاولي تبعدي عن الناس اللي بتعقدك وطالما ةانتي بتحبي حاجة هتبدعي فيها حتي لو كان ده علي المدي البعيد وحاولي تحلي اكبر قدر من الاسئلة واللي يقف عليكي اسألي الاستاذ دايما
وان شاء الله ربنا يوفقنا جميعا
د/آية (ان شاء الله)
24-11-2010, 08:20 PM
استعيني بالله ولما تقف عليكي حاجه صلي ركعتين صلاة الحاجه وقربي من الناس المشجعه المتفاءله
DR_MOHAMED_97
24-11-2010, 11:16 PM
انا علي فكرة بحب الفيزيا جدااااا وانا واخد كيمياء السنادى وكمان صحابي مسمينى العبقري في الفيزياء بس والله الفيزياء جميلة جدا وبتشغل المخ وانا هقولك علي فكرة كويسة جدا لازم تحلي كتير واي فكرة مسالة جديدة اكتبيها في كشكول ونظمية وكل لما تيجى تراجعى راجعى الافكار دى وان شاء الله كلة خير
علي فكرة انا ابن عمى كان واخد احياء معايا بردو في تانية وجاب 93 وكمل بردو علوم وكان عامل موضوع علي الموقع هنا باسمى وكل الناس طمنتة بان التنسيق هايقل ان شاء الله مش تخاف اوى كدة وان شاء الله خير
واي سوال انا ببقا موجود هنا كل يوم
بس بالله عليك تدعيلي بالشفا ء لانى مريض وتعبان جدا اليومين دول ربنا يخليك..
ربنا يوفقك..
UW'KNIGHT
25-11-2010, 09:09 PM
ابعدى عن اصحابك دول فورا فى أى موضوع بخصوص الدراسة و المذاكرة لانك انتى ممكن تكونى فاهمة و حبة الموضوع و باللى هما بيقولوه ده يعقدوكى و واضح ان ده اللى بدأ يحصل
فا انتى صلى كل شوية ركعتين و اعملى اللى عليكى و ركزى انتى مع نفسك و ملكيش دعوة بيهم و مادام انتى حبة الأحياء و الفيزياء يبقى خلاص
بخصوص موضوع النتيجة فا سيبيها على ربنا انتى اعملى اللى عليكى و الباقى على ربنا ممكن انتى بال 85 دوول تبقى أحسن فى مجالك من اللى جايبين 99
ربنا معاكى و معانا ان شاء الله