الإسكندرية - أ ش أ
أعلن وزير التربية والتعليم الدكتور أحمد زكي بدر أن إحتفالية "عيد المعلم" الشهر المقبل ستقام تحت رعاية الرئيس محمد حسني مبارك، مشيراً إلى أن هذا التمييز لا يحظى به سوى الفئات التي تشكل فارقاً في مستقبل مصر وحاضره، وإهتمام القيادة السياسية في مصر بدور المعلم التربوي.
جاء ذلك في كلمة بدر مساء الثلاثاء خلال اللقاء الذي نظمته نقابة المعلمين بالإسكندرية بحضور وزير التنمية المحلية عبدالسلام المحجوب ومحافظ الإسكندرية عادل لبيب، ورئيس المجلس الشعبي المحلي أحمد عوض، ونقيب المعلمين بالإسكندرية محمد فريد.
وأكد بدر أنه سيتم خلال الأيام القليلة القادمة تعيين نحو 43 ألف معلم مساعد طبقاً للقانون ممن يستوفون الشروط، مشيراً إلى أن هذا الإجراء يأتي في إطار حرص الوزارة على مكانة المعلم تقديراً لجهوده في المجتمع

المصدر ياجماعة اخبار مصر شئون مصرية

الايام القادمة دى مش بتيجى لية ياجماعة

يبدو ان الايام القادمه معناها احنا مش فاهمينه يا جماعه دى معناها السنين القادمه

الايام القادمة بتفكرنى بكلمة مشهورة " اهلا ومرحبا بك فى اى وقت ما عدا الان " او تخفيض 50 % على كل سلعنا غدا ولما يجى غدا انا مش قلت لك غدا وهكذا غدا ده يبقى هايجى غدا

الأيام القليلة القادمة يعني بعد كام سنه

وده ان شاء الله تاكيد لكلامى وربنا يسهل

الظاهر ان الايام بقي فيها خير زي خير ايام زمان وبقت بتعدي بصعوبه

وأكد بدر التمام
أنه سيتم خلال أو عبر أو فوق و تحت مدة من الزمان ...........
القليلة مش قوى و القادمة بحنان
تعتيم نحو 43 ألف معلم مشاعد غلبان
قبل ما يطع على المعاش طبقا للقانون الغلطان
ممن يشتوفون الشروط،
ملفتاً إلى أن هذا الإجراء يأتي في إطار من الضغوط
و حرص الوزارة على مكانة المعلم وتقديرا لجهده المنوط
و إخراجا الى بوتقة الحرية المعملية
التى تتناسب مع قيمة جزر 4 فى اتنين مش عارفين ايه هى
و بعد كل هذا الصياح
أدرك شهريار الصباح
فسكت اللسان عن الكلام المباح
و توته توته خلصت الحدوته

.

هههههههههههههههه هههههههههههههههههههههههههه هههههههههههههههههههههههههه هههههههههههه يلا منهم لله وحسبى الله ونعم الوكيل فى اللى وصلونا لكدة

ربنـــــــــــــــــا يوفق الجميــــــــــــــــــــــع

الظاهر ياجماعة ان الوزير اتاثر بهوا البحر وانتو عارفين بقى اسكندرية وبحراسكندرية وهوا اسكندرية ايوووووووووه

ان شاء الله القادم خير

يا جماعه انا باكد على الكلام ده زملائنا حضروا المؤتمر ده وهو قال فى الاخر ان العقود هتتعين سالوه اللى امتحنوا بس والباقى ايه قالهم كل العقود هتتثبت وعليه بدأ الموجهين فى الادارات يبلغوا العقود بخبر التثبيت بس الله اعلم يمكن بروباجانده علشان الانتخابات وان كان عبد السلام محجوب مش محتاج دعايه افلح ان صدق

السلام عليكم يقزل الله تعالي :أنا عند حسن ظن عبدي بي وانا متفائلة مما هو أتي لنا بإذن الله تعالي في الوقت الذي قدره الله لنا ولو ماطلت الحكومة في إتخاذ قرار لنا فأنا اطلب الصبر لأن كل شيء مقدر بميعاد من عند الله وليس من عند الحكومات ( إن الله مع الصابرين)

خلال الأيام القليلة القادمة

لو بكره راجل كنت ........................

تتنوع المصادر والاخبار والنتيجه واحده احنا بنصبر نفسينا بالكلام

يجماعة لما قلنا لازم نعمل حاجة الكل كش وخاف يبقى نصبر شوية لما نشوف اخرتها اية احنا معاهم لحد انتهاء السنة التالتة لاول المتعاقدين واخرها 30\12 وبعد كدة هنشوف هيقدروا يمدوا سنة رابعة ازاى وعلى الاساس دة الكل يقف واقفة راجل واحد ومحدش سعتها لايخاف ولايهرب لان كدة خلاص هتبقى بانت النية اية

برجاء التفاؤل يعنى احنا كنا في وبينا فين. ان شاء الله خير

يا جماعه انا باكد على الكلام ده زملائنا حضروا المؤتمر ده وهو قال فى الاخر ان العقود هتتعين سالوه اللى امتحنوا بس والباقى ايه قالهم كل العقود هتتثبت وعليه بدأ الموجهين فى الادارات يبلغوا العقود بخبر التثبيت بس الله اعلم يمكن بروباجانده علشان الانتخابات وان كان عبد السلام محجوب مش محتاج دعايه افلح ان صدق

انت متفائل وده كويس انا بحب الانسان الطموح والمتفائل

انا عايزة انقل من المدرسة اللى انا فيها علشان بعيدة اوى عليا وكل لما اعمل طلب يقولولى غيرك يا ابلة بقالهم عشر سنين ولسه . بجد تعبت ومش عارفة اعمل ايه
ياريت لو حد عنده حل