السلام عليكم ورحمه الله وبركاته

ازيكوا يا أحلى اعضاء ؟

عاملين ايه ؟

يارب يكون الجميع بخير

وفى احسن صحه وافضل حال

انا النهارده عاوزه اكلمكم على موضوع مهم جدااااااااا

وبتكرر اوى اليومين دول

واحنا قاعدين كده فى امانه الله

لقينا واحده صاحبتنا جايه بتعيط

قولنالها ايه يابنتى

بتعيطى ليه

قالت اصلا الشنطه بتاعتى اتسرقت :o

قولنالها معلشى واهدى كده وان شاء الله هانشوفلك حل

وبعدين مش مشكله فداكى اهم حاجه محصلشى ليكى حاجه

قالتلى ماهى اتسرقت منى وانا كنت فى الجامع بصلى

كنت حطاها جنبى وبعد ماخلصت صلاه مالقتهاش

قولتلها معلشى وربنا يعوضك خير

والمشكله اللى سرقت الشنطه دى سرقتها هى وشنطه صحبتها

والشنطه كان فيها فلوسها كلها والموبايل وكتب

وكل حاجه خاصه بيها

وبعدين راحت بلغت الشرطه هى وصحبتها

ومفيش حاجه لعند دلوقتى :bosyht9:

وفيه واحده تانيه وهى ماشيه فى الشارع

شنطتها اتسرقت بس شابين راكبين على موتو سيكل هما اللى سرقوها

وغير اللى بيبقو قاعدين فى اى مواصله وينزل ميلقيش الموبايل وحاجات كتير اوى

الناس جرالها ايه؟:excl:

المهم انا عاوزه اعرف هما بيسرقو ا ليه ؟:excl:

يعنى مهما كانت الظروف مابتسدعيش اى انسان انه يعمل ذنب كبير زى ده

الخلاصه

المفروض اى بنت ماتحطش مبالغ كبيره فى الشنطه

علشان اللى يسرق الشنطه مايلقيش فيها حاجه

يبقى يندم على اليوم اللى سرقها فيه ;)

وكل واحده تخلى بالها من حاجتها اوى

وحسبنا الله ونعم الوكيل

فيهم



وطبعا انتم عارفين القانون اللى هيطلع من غير رد:stickjo4:

تحياتى لكم جميعا

شيماء

وحدة معرفتنا أم ضابط كمان كانت ماشية في الشارع و اتنين بموتو سيكل شدو السلسلة من رقبتها و السلسلة مرضيش تتقطع عشان كانت تخينة فضلو ماسكين السلسلو و ماشيين بالموتكيل و هي يا حرااام متجرجرة في الارض ورا الموتوسيكل و بتصوت و محدش قدر يعمل حاجة لحد ما السلسلة اتقطعت من رقبتها و مشيو و سابوها واقعة في الشارع و هي ست كبيرة في السن كمان

سرقة الشنط من البنات والستات منتشرة منذ زمن وخاصة في الأماكن المزدحمة مثل القاهرة .
وطبعاً شنط البنات والستات بيكون فيها خيرات كتيرة جداً , مش فلوس فقط .... لا
حاجات تانية كتير انتي يا شيماء وبنات كتير عارفاها كويس . فبتبقي صيده حلوة جداً لأي حرامي .
وبعدين انتي عايزة البنات تحط الفلوس فين ؟!!
بالنسبة للموبايل قلت كتير بلاش موبايل من أساسه مع البنات , لكن محدش عجبه كلامي ( يا ريت الحرامية تسرق كل موبايلات البنات والستات ) :d
عدم الابلاغ عن سرقة الشنط بيكون بسبب ان بمنتهي الصراحة الشرطة لا تهتم بمثل هذه الأمور وخاصة لما يكون مفيش معاكي واسطة معتبرة !!
للأسف كثير من الحرامية أصبحوا يتمتعوا بجرأة غير عادية في السرقة .
أبلغني أحد أصدقائي والذي يعمل في القاهرة , أنه قبل عيد الأضحي بأيام قليلة وهو يستقل القطار ( طبعاً بيكون زحمة موت ) وكان يركب معه مجموعة من طلبة الجامعة وفجأة صاح أحد هؤلاء الطلبة وقال بأن الموبايل اتسرق !!
فأعطاه أحد أصدقاءه موبايل أخر ليتصل برقمه ويعرف أين الموبايل , وللدهشة الشديدة فقد قام الحرامي بالرد علي المكالمة , وحينما أخبره صاحب الموبايل بأن هذا الموبايل يخصه هو , فقام الحرامي بالرد عليه ( قصدك كان بتاعك , دلوقتي بقي بتاعي أنا واياك تتصل بالرقم دا تاني ) !!!!!
قال له ذلك وهو راكب معه في نفس القطار !!!

شنط البنات مهما كان مفهاش فلوس اكيد حيكون فيها مكسب بردو حتى ولو كان الشنطة نفسها :d
زي ما قال علي كدا

اما من ناحية انه ذنب كبير ... فصدقيني هو كبير لانه حصل قدامك بس لكن لسه متعرفيش حاجة عن الاكبر

وبخصوص الناس بتسرق ليه فاجابة السؤال اصعب من إني اسردها في سطر :d

يا نهار اسود على الاستفزاز


انا خنقتني اوي حكاية الموبايل اللي في القطر دي

لانها فكرتني بنقس اللي حصل معايا

الحرامي بيرد عليا ويقوللي متتصلش تاني

قلت امري لله واستبدلت الشريحة

يا نهار شنط؟.............بجد انا بسمع عن الحاجات دي لكن محصلتش ليا قبل كدا...الحمد لله ولا حصلت قدامي لاي حد....

والله البلد .....دي عايزه الي يحكمها!!

ربنا يصلح حالنا وحال البلد ......

شكرا للتذكره يا شيماء يا جميله...

الموضوع ده كان منتشر عندنا من فترة كدة
وكان يوميا لازم اسمع عن فلانة اتسرقت شنطتها
وعلانة سلسلتها ووو ..
والطريقة تختلف مرة شباب بموتوسيكل ومرة وزي زملتك
والواحد بئا خايف جدا
لدرجة اني بئيت اخاف على شنطتي وببقى ماسكة فيها بايدي واسناني:d
وياعيني بتيجي علينا احنا البنات والستات

اما الحل فده عند الله
لاني مش بشوف اي رد فعل اتجاه ال السرقات
تخلي الحرامي يحرم يعملها تاني ،،
بل بئا عندهم بجاحة زي ما أ/ علي قال

وفالاخر ربنا يحفظلنا شنطنا ،،

وعليكم اسلام ورحمة الله وبركاته
ربنا يستر فعلا
الموضوع اللي انا اعرفه سرقة الموبايلات والسلاسل من الأيد كمان
عشان كدا بحط موبايلي في الشنطة .....
ودلوقتي الشنط بتسرق هعمل زي نقاء امسكها بأيدي وسناني
لانها فيها حاجات مهمة
اهمها الشيكولاته طبعا هههههههه
بس الفلوس دي حاجة لوحدها لو مبلغ كبير معايا يااما امسكه في ايدي اوووي
لو انا هشتري بيه كتب اشتريها ع طول
وجيباتي فيها جيب بحط فيها الفلوس لو مبلغ كبير
ام لو صغير في شنطتي ......
ع فكرة فعلا الشنطة في حد ذاتها غالية ....
ولو شنطة جديدة مثلا
بس بجد حرام لان ممكن الولد دا يسرق شنطة واحدة
لسه جيبة كتاب ومش تقدر تشتريه تاني ....
بجد حرام عليهم
ربنا يحفظ شنطنا من كل حرامي .......
ويهديهم

الخلاصه

المفروض اى بنت ماتحطش مبالغ كبيره فى الشنطه

علشان اللى يسرق الشنطه مايلقيش فيها حاجه

يبقى يندم على اليوم اللى سرقها فيه ;)

وكل واحده تخلى بالها من حاجتها اوى

وحسبنا الله ونعم الوكيل

فيهم

جزاكى الله خيرا

سرقة الشنط موضوع منتشر من فترة طويلة،، والبركة فى الأفلام اللى بتزود الشباب المنحرف بالأفكار الجديدة للسرقة