انا كنت حابب اسال عن قسم العماره يعنى دراسته واللى بيتخرج بيشتغل ايه ويبقى اسمه مهندس ايه

مهندس عمارة و غالبًا بيسافر أو بيشتغل فى المشاريع الكبيرة مدينتى معمار المرشدى و هكذا

ده شغله الأصلى بس سعات

عمارة و مدنى بيقطعوا على بعض فى الشغل

يعنى يشتغلوا شغل بعض و ده فى مصر أم الدنيا

عمومًا استنى رودود من ناس فى قسم عمارة

بس احتمال تستنى كتير عشان الناس مشغولة

بالتوفيق

انا في اولي عماره
القسم ممتع جدا لاقصي درجه لو بتحبه
بس متعب بردو جدا لان شغاله عملي كتير
بالنسبه ليا في سنه اولي بندرس ديزين وبيلدنج واستركشر ومهارات بصريه ونظريات وتاريخ العماره واحصاء

هتتخرج هتبقي مهندس معماري

بس المهندس المعماري مش بيظهر غير في المشاريع الكبيره زي ما البشمهندس عبد الرحمن قال

بس مدي وعماره احيانا ببشتغلوا شغل بعض بس في الحاجات الصغيره والبسيطه يعني مثلا واحد عايز يبني بيت صغير كام دور مش هيروح يجيب مهندس معماري يصممهوله فمدني غالبا بيعمل حاجه زي كده

حضرتك شوف حد في دفعه اكبر مني هيفيد حضرتك ويقولك علي معلومات اكتر