شارع في أحد ميادين القاهرة
فتاة ضخمة الحجم جدا تسير بصعوبة شديدة وهي تستند إلى قدميها اللتين تكادان تنهاران تحت وطأة وزنها الثقيل، وقد تصبب العرق على وجهها وبدأ صوت "نهيجها" واضحا، تمر بالقرب من شوية شباب دمه خفيف (يلطش) جالسين على مقهى، ينظر أحدهم إليها قبل أن يضرب كفا بكف وهو يضحك بصوت عال:
"هاهاها.. إيه يا عم البت اللي عاملة زي برميل الطرشي دي.. ده أنا خايف لو وقعت "تتدألج" والطرشي يقع على الأرض.. هعهعهع!"
يسحب زميله نفسا من الشيشة التفاح قبل أن يردد بصوت أعلى:
"على قولك.. طب مش كانت تجيب معاها ساندوتشين فول وطعمية.. وهو يعني الواحد ينفع ياكل طرشي ع الريق كده من غير ساندوتشات.. هوهو هي هي لعلع!"
http://www.boswtol.com/modules/images/awelkelma/159/awel_02.jpg
تسمع الفتاة التعليقات السخيفة ولا تملك ردا، تسير وهي تشعر بضيق وحزن كبيرين قبل أن تتغلب عليها دموعها وتسقط من عيونها رغما عنها.
***
أتوبيس نقل عام
زحمة رهيبة داخل الأتوبيس جعلته أشبه باستاد القاهرة في مباراة نهائي كأس مصر، يختلط الحابل بالنابل ويلتصق "زيد" بـ"عبيد" و"سوسن" بـ"نهى"، ومافيش مانع برضه إن "زيد" يلتصق بـ"نهى" و"عبيد" هو الذي يلتصق بـ"سوسن"!، فجأة ووسط بروفة "جهنم" هذه يصرخ أحدهم:
"يا جماعة شوية رحمة.. هاموت خلاص مش قادر أتنفس.. شوية كده يا أخينا صباعك داخل في مناخيري".
يضحك بعض الركاب، قبل أن ينظر واحد منهم إلى الشخص الذي يستغيث فيجده رفيعا جدا حتى إن عظام وجهه تكاد تكون بارزة، فيما ظهرت ملابسه واسعة للغاية فضفاضة فيقهقه بأعلى الصوت وهو يقول:
"إيه يا عم الدوشة دي.. ده "عصعوص" خالص لدرجة إني بيتهيألي إنه مش بيتنفس أصلا!"

يتدخل شخص ثاني في الحوار وهو يردد ضاحكا بدوره:
"صحيح والله.. يابا ده لولا إنك بتتكلم ماكنتش خدت بالي منك ودست عليك.. إيه يا عم إنت بطل في كمال العظام ولا إيه.. هأ أو!"
لا يترك شخص ثالث الفرصة تمر قبل أن يدلي بدلوه قائلا:
"أنا بيتهيألي المفروض يعملوا أتوبيسات مخصوصة للناس الرفيعة دي.. يلموهم كلهم مع بعضهم.. أهو الأتوبيس اللي بيشيل 100 واحد عادي هيشيل ألف منهم.. وكمان عشان يبقوا مع بعض ويعملوا فرقة كورة بالاحتياطي والجمهور، ما هو الواحد منهم بعشرة من الناس العادية.. وساعات عشرين كمان.. حسب الرطوبة بقى.. هعهعهع!"..
http://www.boswtol.com/modules/images/awelkelma/159/awel_03.jpg
لا يتمالك الرجل الرفيع نفسه فيصرخ فيهم وهو يهبط من الأتوبيس في أقرب محطة "اخرسوا.. هي الناس بقى ماعندهاش دم ليه كده"؟!
***
آه صحيح..
تفتكر ليه كتير من الناس ماعادش عندهم دم؟
سيبك من التحرشات الجنسية سواء باللفظ أو بالفعل في الشارع..

دي ظاهرة موجودة ومؤكدة دلوقتي خلينا بقى في المعاكسات "والسخافات" اللي بيظبط بيها المصريين بعضهم البعض.
لو خدت بالك هتلاقي إن السخافات دي مالهاش علاقة بالجنس..
يعني ممكن تلاقي ولد يسخف على بنت عشان مش عارف شكلها ماله.

وممكن تلاقي نفس الولد يسخر من ولد زيه بالظبط عشان تخين شوية أو رفيع حبتين..

وممكن يا جدع -آه وبتحصل والله بس إنت انزل الشارع أو اركب عربية السيدات في المترو- تلاقي بنات بيسخفوا وبيسخروا من بعض.. قال إيه دي تخينة قوي ودي -ياي- لبسها بلدي جدا وكلامها فلاحي وشعرها منكوش –أكيد بتستخدم بريل أو برسيل كشامبو!- و.. و.. و..
http://www.boswtol.com/modules/images/awelkelma/159/awel_04.jpg
يعني الظاهرة ماسكة المصريين..
من الشرق للغرب ومن الجنوب للشمال
ومن فوق لتحت ولا مؤاخذة..
وإذا كان ممكن تتفهم أسباب التحرشات اللفظية والجسدية وتقول إن سببها الكبت ولا اللبس المستفز أو تأخر سن الزواج وتراجع الوعي الديني..
فإيه السبب في إن الناس بتعاكس وتسخف على بعضها في الشارع وفي الأتوبيس وفي المترو.. وكل واحد بقى بيتفنن في السخرية من عيوب الآخرين وكأنه كائن ملائكي نوراني نازل حالا من السماء؟

والأسوأ من كده إن الحاجات دي بقت بتحصل في العلن وبصوت عالٍ ودون أي مراعاة لمشاعر الآخرين اللي بنسخر منهم..
http://www.boswtol.com/modules/images/awelkelma/159/awel_05.jpg
تفتكروا إيه السبب في ده فعلا؟
وليه سلوكيات المصريين اتغيرت بالشكل ده؟
وإيه الحل؟

اهو رمضان جه
يارب الناس تبطل اللى فيها
وايه سلوكيات المصريين اللى اتغيرت
ما هى طول عمرها كده..!!:)

نسيت اسجل اعجابى بلغة حضرتك....
المرة دى الاسلوب كويس
واللغة العربية عاملة شغل
:):)

مش عارف أضحك ولا اتحسر يا سادات
ممكن ده يرجع للتربية فى البيت والمدرسة ناهيك بقى عن تربية اليومين دول فده أمر طبيعى ونتيجة طبيعية
اللى بيجرح باللأفاظ ده بيحب يبين للبنى ادمين اللى حوليه ان دمه خفيف وهو فيه عيوب الدنيا اساسا

ربنا يرحمنا

دى عادات الشعب المصرى وزادات قوى اليومين دول

من يوم ما الشباب بقت فاضية من جواها ونقص فى التربية


وغياب الوعى الدينى وانتشار البطالة بين الشباب

اظن انا قولت كدى الحل

لوالشباب اتجهوا الى الدين كل شى يتحل

شكرا يا محمد على الموضوع

بص ياسادات لو كل واحد من دول فى جوة دماغة حاجة تشغلة شغل يعنى او كدة
مكنش خد بالة اساسا الى قدامة دة تخين ولا رفيع ولا طويل ولا قصير
يعنى المشكلة هى الفراغ الى عايشينة 0
وكمان انا اعتقد ان الانسان السليم الى تفكيرة مش مريض ميخدش البنى ادم الى قدامة بمظهرة
انما بطريقة تفكيرة واسلوبة فى التعبير ومفيش داعى للسخرية تحت اى غظرف من الظروف
وشكرا يا مان على الموضوع الحلو دة

ماهو لو اللي بيتريق دة يحط نفسه مكان اللي بيتريق عليه ويشوف منظره والناس كلها بتضحك عليه يبقى بعد كدة يطلعله لسان ويتريق وبعدين الناس اللي بتاخد بالظاهر دي اغبيا متخلفين والله مش عارفة اوصفهم بايه يمكن تافهين تعتبر اقرب حاجة وبعدين هما يعني هما اللي كاملين الكمال لله وحده وربنا قال " يا ايها الذين آمنوا لايسخر قوم من قوم عسى أن يكونوا خيرا منهم ولانساء من نساء عسى ان يكن خيرا منهن " صدق الله العظيم
والله بجد حاجة تغيظ جدااا :mad::mad::mad:

تمام
بس انته نسيت نقطه مهمه جدا

وهي الاستشهاد من القرآن الكريم


{يَا أَيُّهَا الَّذِينَ آمَنُوا لَا يَسْخَرْ قَومٌ مِّن قَوْمٍ عَسَى أَن يَكُونُوا خَيْراً مِّنْهُمْ وَلَا نِسَاء مِّن نِّسَاء عَسَى أَن يَكُنَّ خَيْراً مِّنْهُنَّ وَلَا تَلْمِزُوا أَنفُسَكُمْ وَلَا تَنَابَزُوا بِالْأَلْقَابِ بِئْسَ الاِسْمُ الْفُسُوقُ بَعْدَ الْإِيمَانِ وَمَن لَّمْ يَتُبْ فَأُوْلَئِكَ هُمُ الظَّالِمُونَ }
(الحجرات11)

اهو رمضان جه
يارب الناس تبطل اللى فيها
وايه سلوكيات المصريين اللى اتغيرت
ما هى طول عمرها كده..!!:)

نسيت اسجل اعجابى بلغة حضرتك....
المرة دى الاسلوب كويس
واللغة العربية عاملة شغل
:):)
عندك حق هى طول عمرها كده هنموت ونعيش كده
شعب هلاس

مش عارف أضحك ولا اتحسر يا سادات
ممكن ده يرجع للتربية فى البيت والمدرسة ناهيك بقى عن تربية اليومين دول فده أمر طبيعى ونتيجة طبيعية
اللى بيجرح باللأفاظ ده بيحب يبين للبنى ادمين اللى حوليه ان دمه خفيف وهو فيه عيوب الدنيا اساسا

ربنا يرحمنا

لاء اتحسر واتقهر كمان على اللى احنا فيه
قصدك يعنى عاوز يعمل فيها البرم والسبع رجاله فى بعض

دى عادات الشعب المصرى وزادات قوى اليومين دول

من يوم ما الشباب بقت فاضية من جواها ونقص فى التربية


وغياب الوعى الدينى وانتشار البطالة بين الشباب

اظن انا قولت كدى الحل

لوالشباب اتجهوا الى الدين كل شى يتحل

شكرا يا محمد على الموضوع


والله عندك حق يا حسام طول ما الدين بعيد عننا وآخر حاجه بنفكر فيها
ده هيبقى حالنا وعمرنا ما هنتغير
ربنا برحمنا برحمته

بص ياسادات لو كل واحد من دول فى جوة دماغة حاجة تشغلة شغل يعنى او كدة
مكنش خد بالة اساسا الى قدامة دة تخين ولا رفيع ولا طويل ولا قصير
يعنى المشكلة هى الفراغ الى عايشينة 0
وكمان انا اعتقد ان الانسان السليم الى تفكيرة مش مريض ميخدش البنى ادم الى قدامة بمظهرة
انما بطريقة تفكيرة واسلوبة فى التعبير ومفيش داعى للسخرية تحت اى غظرف من الظروف
وشكرا يا مان على الموضوع الحلو دة
هو يعنى ايه كلمه دماغ أصلا
ويعنى ايه كلمه عقل ؟؟؟
!!!!;)

ماهو لو اللي بيتريق دة يحط نفسه مكان اللي بيتريق عليه ويشوف منظره والناس كلها بتضحك عليه يبقى بعد كدة يطلعله لسان ويتريق وبعدين الناس اللي بتاخد بالظاهر دي اغبيا متخلفين والله مش عارفة اوصفهم بايه يمكن تافهين تعتبر اقرب حاجة وبعدين هما يعني هما اللي كاملين الكمال لله وحده وربنا قال " يا ايها الذين آمنوا لايسخر قوم من قوم عسى أن يكونوا خيرا منهم ولانساء من نساء عسى ان يكن خيرا منهن " صدق الله العظيم
والله بجد حاجة تغيظ جدااا :mad::mad::mad:

ده فعلا اسلم حل لو كل واحد حط نفسه مكان اللى هيتريق عليه عمره ما هيطلع كلمه واحده

:D

تمام
بس انته نسيت نقطه مهمه جدا

وهي الاستشهاد من القرآن الكريم


{يَا أَيُّهَا الَّذِينَ آمَنُوا لَا يَسْخَرْ قَومٌ مِّن قَوْمٍ عَسَى أَن يَكُونُوا خَيْراً مِّنْهُمْ وَلَا نِسَاء مِّن نِّسَاء عَسَى أَن يَكُنَّ خَيْراً مِّنْهُنَّ وَلَا تَلْمِزُوا أَنفُسَكُمْ وَلَا تَنَابَزُوا بِالْأَلْقَابِ بِئْسَ الاِسْمُ الْفُسُوقُ بَعْدَ الْإِيمَانِ وَمَن لَّمْ يَتُبْ فَأُوْلَئِكَ هُمُ الظَّالِمُونَ }
(الحجرات11)

ميرسيه على الإضافه
وجزاك الله خيرا

ههههههه
والله اللى انتا كاتبه ده يا محمد أقل واجب
دى فى أكتر من كدة 100 مرة
بس ها نقول ايه
عالم ماعندهاش ايمان
ولا عندها دين
ولا عندها حاجة تعملها او تشغلها
من الاخر
عالم ما وراهاش حاجة خالص!!!!!

ههه
لا
المحات
خلاص زهق
فعلا كلامك
تمام
ولا دين ولا اخلاق
يسلمو يا محمد

موضوع رووووووووووعة
على فكرة الموقف الأول ده شوفته بعينى
الحكاية ببساطة
ان الشباب دول مبيكبروش ومبيعقلوش
وده من وجهة نظرى المتواضعة جدا:)
يعنى يرضى حد يقول على اخته او يعمل فيها كده
يعنى انا مش فاهم الشباب هيستفادوا ايه من كده
شكرا جزيلا على الموضوع الهام جدا

موضع مميز جدا

واعتقد ان السبب فعلا الفراغ ونقص الوعي الديني لدى الشباب

واقولك كمان



لو كلنا أخذنا بالنا من الأية الكريمة (( ويل لكل همزة لمزة )) سورة الهمزة : الأية رقم 1
واللي ربنا سبحانه وتعالى بينهينا من الهمز واللمز واللي متمثل في حالات زي كدة


مكنش حد عصى أمر ربنا بس المهم اننا نتعلم من القرأن ونعمل بيه وحياتنا حتكون أفضل وارقى ان شاء الله


m.h.b

كلامك صحيح وربنا يلطف بينا وجعلنا من التوابين الصالحين ويكرمنا ونبطل العادات القبيحة دى

سبحان الله
ياريت الشعب كله عاقل كده.....زييى وزيكم....!!!!
مش عارف بس افتكر كنا باتفكير ده
نبقى احسن من كده
وبما اننا ولا احسن ولا هباب
اذن
فى حاجة غلط:)

ههههههه
والله اللى انتا كاتبه ده يا محمد أقل واجب
دى فى أكتر من كدة 100 مرة
بس ها نقول ايه
عالم ماعندهاش ايمان
ولا عندها دين
ولا عندها حاجة تعملها او تشغلها
من الاخر
عالم ما وراهاش حاجة خالص!!!!!
ميرسي على المرور يا محات
فعلا والفاضى يعمل قاضى

ههه
لا
المحات
خلاص زهق
فعلا كلامك
تمام
ولا دين ولا اخلاق
يسلمو يا محمد

ميرسيه على المرور مصطفى

موضوع رووووووووووعة
على فكرة الموقف الأول ده شوفته بعينى
الحكاية ببساطة
ان الشباب دول مبيكبروش ومبيعقلوش
وده من وجهة نظرى المتواضعة جدا:)
يعنى يرضى حد يقول على اخته او يعمل فيها كده
يعنى انا مش فاهم الشباب هيستفادوا ايه من كده
شكرا جزيلا على الموضوع الهام جدا



الاروع هو مرورك يا أحمد
والله يا أحمد لو قلت لوحد كده
ملكش اخت يقولك مليش
وتبص تلاقى واحد معاه يستظرف وبقولك ملكش اخوات بلاستك يقولو الشمس سيحتهم
يا عمى دول عالم عاوزه الضرب بالنار

موضع مميز جدا

واعتقد ان السبب فعلا الفراغ ونقص الوعي الديني لدى الشباب

واقولك كمان



لو كلنا أخذنا بالنا من الأية الكريمة (( ويل لكل همزة لمزة )) سورة الهمزة : الأية رقم 1
واللي ربنا سبحانه وتعالى بينهينا من الهمز واللمز واللي متمثل في حالات زي كدة


مكنش حد عصى أمر ربنا بس المهم اننا نتعلم من القرأن ونعمل بيه وحياتنا حتكون أفضل وارقى ان شاء الله


m.h.b

جزاك الله خيرا على الاستشهاد الجليل بالقرآن الكريم

كلامك صحيح وربنا يلطف بينا وجعلنا من التوابين الصالحين ويكرمنا ونبطل العادات القبيحة دى
اللهم آمين
يا رب العالمين

سبحان الله
ياريت الشعب كله عاقل كده.....زييى وزيكم....!!!!
مش عارف بس افتكر كنا باتفكير ده
نبقى احسن من كده
وبما اننا ولا احسن ولا هباب
اذن
فى حاجة غلط:)

:D:p
الغلط فينا كلنا

شكرا على الموضوع الليب بيعرض حاجات كتير سيئة نتمنى ان تتغير

ايه يابنى اللى انتا كاتبه ده

طبعنا واللا احنا يعنى هنشتريه

المصريين طول عمرهم كدا وعمرهم ما يتغيرو

هيا الناس وراهم حاجة غير الكلام على الناس

والله دى بقت حاجة تحزن

ودمتم

ايه يابنى اللى انتا كاتبه ده

طبعنا واللا احنا يعنى هنشتريه

المصريين طول عمرهم كدا وعمرهم ما يتغيرو

هيا الناس وراهم حاجة غير الكلام على الناس

والله دى بقت حاجة تحزن

ودمتم
كاتب الحقيقه المره بتاعتنا
يلا ما علينا
الطبع يغلب التطبع

والله انت تقول لو الناس معملتش كده تموت
ده زى الهواء اللى بيعيشه بيه

وبعدين دلوقتى الناس دماغها فاضى ولازم تشغله فبتشغله بالكلام الهايف ده

زى مبقول ناااااااااااااااااااااااااااااااس فاضيه

والله انت تقول لو الناس معملتش كده تموت
ده زى الهواء اللى بيعيشه بيه

وبعدين دلوقتى الناس دماغها فاضى ولازم تشغله فبتشغله بالكلام الهايف ده

زى مبقول ناااااااااااااااااااااااااااااااس فاضيه

عندك حق
ناس فاضيه وهايفه
بس هما ليه فضيو وايه اللى وصلهم لكده
؟؟؟؟؟؟؟؟؟؟؟؟؟؟؟
!!!!!!!!

ميرسيه على المرور

والله يا عم محمد دى حاجة بسيطة من الى بيحصل معانا على الاقل دة بيتكلم بس اما البهوات الى عوزنلهم لتر جاز ولا سولار حتى والله تمنة خسارة فيهم و يتولع فيهم فى ميدان عام بيبقا بمد الايد و لو الوحدة جت اتكلمت اية انتى حد جة جمبك انتى حد كلمك و يعمل فيها بقا البرئ و البنت هى الى بتتبلى علية او عوزة كدة و هو الى مش راضى الواحد بيبقا عاوز حاجة يخبطها فى وشوا يسيح دموا و يخلص اسكت يا اخى بلا حرقت دم دول عالم متعرفش عن الدم ولا الاحساسا حاجة خالص

والله يا عم محمد دى حاجة بسيطة من الى بيحصل معانا على الاقل دة بيتكلم بس اما البهوات الى عوزنلهم لتر جاز ولا سولار حتى والله تمنة خسارة فيهم و يتولع فيهم فى ميدان عام بيبقا بمد الايد و لو الوحدة جت اتكلمت اية انتى حد جة جمبك انتى حد كلمك و يعمل فيها بقا البرئ و البنت هى الى بتتبلى علية او عوزة كدة و هو الى مش راضى الواحد بيبقا عاوز حاجة يخبطها فى وشوا يسيح دموا و يخلص اسكت يا اخى بلا حرقت دم دول عالم متعرفش عن الدم ولا الاحساسا حاجة خالص


ايه يا باشا هو انت حد يقدر يجى جنبك
اصلا الموضوع نور بردك

وبعدين انتا عارفه انى دى بقت طبيعه الأولاد اغلط ولو حد كلمك تنح ولو التتنيح منفعش
صدر قفاك

منوره يامنه