السلام عليكم ورحمة الله وبركاته

باختصار السنة الجاية ان شاء الله رايحة تانية ثانوي يعني ثانوية عامة

والصراحة انا مش فاهمة اي حاجة في تقسيمات المواد الاساسية والاختيارية والذي منه وعايز حد يشرحلي ويبقى جزاه الله كل خير بجد

وربنا يحبكم :)

وعليكم السلام ،
اهلا بيك ياقمر ،

امم بالنسبة لتقسيمة المواد

لو انتي هتدخلي علمي ان شاء الله

شوفي فسنة تانية :
عندك مواد اساسية : عربي ، انجليزي ، لغة اجنبية تانية ( فرنساوي - ايطالي - الماني وحدة منهم يعني ) ، رياضة 1


الاختيارية :
يبقى ممكن كميا او احياء
ولو انه الافضل كيميا لانك لو اخدتي احياء خلاص هتكوني علمي علوم

فسنة تالتة بئا ،
الاسااسية : عربي وانجليزي ومادة ادبية ( علم نفس او فلسفة او اقتصاد واحصاء ) ، فيزيا

الاختيارية :
ولو علمي علوم تكون احياء
ولو علمي رياضة هتكون رياضة 2


لو انتي هتدخلي ادبي بئا

نفس المواد الاساسية ال فوق بس تشيلي الفيزيا وتحطي جيولوجيا
لكن هيكون عندك كذا مادة ادبية انتي بتختاري انتي عاوزة ايه براحتك
عندك علم نفس وفلسفة وتاريخ
توزعيهم على السنتين زي ما تحبي ،

وربنا يوفقك يارب ،،