Jehad Mohamed
04-12-2010, 06:38 PM
كثير بفكر في المعنى الحقيقي لكلمة الثقة بالنفس...و هل هي صفة متأصلة في الانسان و لا ممكن تبقى صفة مكتسبة...بمعني يعني هل الانسان الواثق بنفسه مولود كده بالفطرة و لا ممكن خبراته في الحياة هي الي تخليه يكتسبها و هل طريقة التربية ممكن تأثر في شخصية الانسان و تطلعه واثق في نفسه أو ضعيف و مهزوز...و ايه الشعرة الي بتفصل ما بين الثقة في النفس و الغرور
و هل الثقة بالنفس دي صفة دايمة يعني الي واثق في نفسه ده واثق فيها على طول الخط و لا ممكن في بعض المواقف الي بيتعرضلها في حياته يحس انه مهزوز و مش قادر يواجه المواقف دي
لو الانسان حس انه عنده نقطه ضعف معينة في مسألة ما و حاسس انه فاقد الثقة تماما في نفسه في الناحية دي هل ده معناه انه شخص ضعيف و نحكم عليه من هنا انه انسان ضعيف الشخصية و مش واثق في نفسه خالص و ضعفه ده هو الي واقف حائل قدام تحقيق رغباته و هل الموضوع ده ليه علاج داخلي يخلي الانسان يسترد الثقة في نفسه في الناحية دي و لا محتاج دعم خارجي و لو الدعم الخارجي ده مش موجود المفروض الإنسان ده يعمل ايه
و هل الانسان محتاج فعلا لحد يدعمه و يشجعه عشان يثق في نفسه و لا دي حاجة بتبقى جوا الانسان نفسه و مش مرتبطه بتشجيع الناس ليه...يعني لو الانسان مقتنع بنفسه و بشخصيته و بتفكيره يبقى مش مهم رأي الناس فيه و تبقى هي دي الثقة بالنفس طالما هو مقتنع انه صح و لا رأي الناس مهم و طبيعي انه يأثر في شخصيتنا
امتى اقول ان الانسان ده واثق في نفسه و امتى اقول انه متكبر و هل احيانا الثقة بالنفس بتتفهم على انها غرور ..و هل التواضع أحيانا بيتفهم على انه ضعف....
هل رغبة الانسان في انه يعيش في سلام مع الناس معناها ان الناس تستقل بيه و تشوفه صغير
زمان اتعلمنا ان الحق صوته عالي لكن صاحب الحق صوته مش عالي لكنه قوي رغم انه هادي و ثابت و كلماته مرتبة و حجته قوية فمش محتاج يعلي صوته لأنه واثق ان الحق معاه و حيقدر ياخده و ان الغلطان صوته دايما عالي عشان يبرر موقفه و يكدب عشان يحقق أطماعه لكن النهاردة الحق بقى يتاخد بالدراع و أحيانا للأسف يتاخد بالرشاوي أو بمعني شيك بالإكراميات و الي صوته واطي محدش سامعه مع انه صاحب حق..و ساعات كمان ناس بتاخد حقوق غيرها لان صوتها عالي ظلما و عدوانا
و أخيرا إذا كان الانسان قادر يثق في نفسه إزاي يقدر يثق في الآخرين و إزاي ممكن يستأمن حد و يضمن انه مش حيخونه في يوم من الأيام؟؟
ياريت أعرف مفهوم الثقة بالنفس و الثقة في الغير عندكم و ايه قيمتها في حياتكم
و هل الثقة بالنفس دي صفة دايمة يعني الي واثق في نفسه ده واثق فيها على طول الخط و لا ممكن في بعض المواقف الي بيتعرضلها في حياته يحس انه مهزوز و مش قادر يواجه المواقف دي
لو الانسان حس انه عنده نقطه ضعف معينة في مسألة ما و حاسس انه فاقد الثقة تماما في نفسه في الناحية دي هل ده معناه انه شخص ضعيف و نحكم عليه من هنا انه انسان ضعيف الشخصية و مش واثق في نفسه خالص و ضعفه ده هو الي واقف حائل قدام تحقيق رغباته و هل الموضوع ده ليه علاج داخلي يخلي الانسان يسترد الثقة في نفسه في الناحية دي و لا محتاج دعم خارجي و لو الدعم الخارجي ده مش موجود المفروض الإنسان ده يعمل ايه
و هل الانسان محتاج فعلا لحد يدعمه و يشجعه عشان يثق في نفسه و لا دي حاجة بتبقى جوا الانسان نفسه و مش مرتبطه بتشجيع الناس ليه...يعني لو الانسان مقتنع بنفسه و بشخصيته و بتفكيره يبقى مش مهم رأي الناس فيه و تبقى هي دي الثقة بالنفس طالما هو مقتنع انه صح و لا رأي الناس مهم و طبيعي انه يأثر في شخصيتنا
امتى اقول ان الانسان ده واثق في نفسه و امتى اقول انه متكبر و هل احيانا الثقة بالنفس بتتفهم على انها غرور ..و هل التواضع أحيانا بيتفهم على انه ضعف....
هل رغبة الانسان في انه يعيش في سلام مع الناس معناها ان الناس تستقل بيه و تشوفه صغير
زمان اتعلمنا ان الحق صوته عالي لكن صاحب الحق صوته مش عالي لكنه قوي رغم انه هادي و ثابت و كلماته مرتبة و حجته قوية فمش محتاج يعلي صوته لأنه واثق ان الحق معاه و حيقدر ياخده و ان الغلطان صوته دايما عالي عشان يبرر موقفه و يكدب عشان يحقق أطماعه لكن النهاردة الحق بقى يتاخد بالدراع و أحيانا للأسف يتاخد بالرشاوي أو بمعني شيك بالإكراميات و الي صوته واطي محدش سامعه مع انه صاحب حق..و ساعات كمان ناس بتاخد حقوق غيرها لان صوتها عالي ظلما و عدوانا
و أخيرا إذا كان الانسان قادر يثق في نفسه إزاي يقدر يثق في الآخرين و إزاي ممكن يستأمن حد و يضمن انه مش حيخونه في يوم من الأيام؟؟
ياريت أعرف مفهوم الثقة بالنفس و الثقة في الغير عندكم و ايه قيمتها في حياتكم