مشاهدة النسخة كاملة : الواجب المدرسى ومشاكله ......!!
shimaa2009 06-12-2010, 06:17 PM السلام عليكم ورحمه الله وبركاته
ازيكوا يا أحلى أعضاء ؟
عاملين ايه؟
يارب تكونو بخير جميعا
وفى احسن صحه وافضل حال
:d:d
المهم ندخل فى الموضوع على طووووول ومن غير مقدمات
من يومين كده لقيت واحده بتقولى ابن اختى
المدرسه بتاعته بتديله واجب كتير اوى
يعنى بتخليه يكتب الدرس مثلا 7 او 8 مرات ولازم بالتشكيل فالولد بيعيط من كتر الواجب
فا ولدته سعدته فيه سطر ولا حاجه
لقت المدرسه محدده السطر اللى كتبته وبتقول يرجى عدم مساعده الطالب
فأنا قولتلها لازم تروح تعرف المدرسه انها بتدى واجب كتير
وتخفف الواجب شويه
:bosyht9::bosyht9::bosyht9:
يعنى الواحد بيفكر ايام ما انا كنت صغيره كان بيحصل معايا نفس النظام كان الواحد بيبقى مخنوق اوى بس اهه الواحد كان لازم يكتب الواجب والا:stickjo4:;)
لان الطلبه الصغيرين دول فعلا بيعانوا جداااااااا
تلاقى الطفل شايل الشنطه مليئه بالكتب
والكراسات ويروح المدرسه عدد الطلاب اكتر من 50 طالب
و.........
يا ترى المشكله دى بيعانى منها الجميع ولا عندنا احنا بس:excl::d
فإيه رايكم فى الموضوع ده ؟
وياريت الجميع يعرفنى رأيه حتى لو بسيط
ممكن يأثر كتير
دمتم فى رعايه الله
**تسابيح** 06-12-2010, 06:24 PM يعني هي عايزة تعلمه وتخليه يكتب بالتشكيل !!
وبعدين الطفل لما يتعلم من دلوقتي ويعرف حاجات مهمة ومفيدة مش هينساها وهو صغير..
فاكرة في اعدادي ربنا رزقنا باستاذ انكليزي ربنا يخليه للشعب المصري
كان بيخلينا نكتب الكلمة 50 مرة تعذيب هههههههههه
بس عشان تثبت في دماغنا وكداا
شكراا شوشو
shimaa2009 06-12-2010, 06:36 PM يعني هي عايزة تعلمه وتخليه يكتب بالتشكيل !!
لا ياتسابيح عمر التعليم ماكان بالطريقه دى
المفروض علشان تثبت المعلومه فيه اكثر من طريقه المدرسه ممكن تبتكرها علشان تعلم بيها الطلبه
وعلشان كده الواجب اللى فى اخر الدرس ده حاجه صعبه اوى بتحتاج تفكير جامد من المدرس قبل ما يحطه
وبعدين الطفل لما يتعلم من دلوقتي ويعرف حاجات مهمة ومفيدة مش هينساها وهو صغير..
تفتكرى الطفل هيمسك مثلا ايه القران فى سوره مثلا فيها 30 ايه او اكتر ويفضل يشكل فيها
اكيد لا مابيبصش خالص على التشكيل اهو بيكتب اى تشكيل وخلاص :d
فاكرة في اعدادي ربنا رزقنا باستاذ انكليزي ربنا يخليه للشعب المصري
يارب ياختى;)
كان بيخلينا نكتب الكلمة 50 مرة تعذيب هههههههههه
ههههههههه
بس عشان تثبت في دماغنا وكداا
لا ممكن تثبت لفتره بس مؤقته لانك حفظتيها وانتى مجبره انك تحفظيها
شكراا شوشو
شكرا اوى ياتسابيح لمشاركتك فى الموضوع
بارك الله فيكى
دمتى فى رعايه وحفظ الله
abdelRhman772007 06-12-2010, 06:52 PM ما كنتش بحله و كنت بنضرب أحسن ههههههه
فاكر مرة و أنا فى أولى أو ترم أول تانية ( ده فاكرها كنت صايع فى الترم التانى) ابتدائى
و المفروض أكتب أ ب ت طول الحصة ههههههه
و كان جنبى ولد فى تالتة تقريبًا و بيسألنى فى حل مسئلة ضرب أو قسمة حاجة من الهبل ده
فحليتهاله و روحت
عايزك تفسرلى
درس بيدى أولى و تانية و تالتة على التوازى سوا سوا يعنى
هل ده بهدف زيادة التواصل الاجتماعى فى عصر ما قبل الفيس بوك
ولاّ بهدف إن الناس يعملوا شلل و يتخانقوا مع بعض
و لاّ يعملوا فرق و يروحوا يلعبوا أتارى فى عصر ما قبل البلايستيشن
و لاً عشان الوقت من ذهب
ونأسف على الغتاتة
بس التكرار بيجيب نهاية الشطار
shimaa2009 06-12-2010, 07:01 PM ما كنتش بحله و كنت بنضرب أحسن ههههههه :)
فاكر مرة و أنا فى أولى أو ترم أول تانية ( ده فاكرها كنت صايع فى الترم التانى) ابتدائى
و المفروض أكتب أ ب ت طول الحصة ههههههه
ليه يعنى ضريبه ولازم تدفعها :confused:
و كان جنبى ولد فى تالتة تقريبًا و بيسألنى فى حل مسئلة ضرب أو قسمة حاجة من الهبل ده
فحليتهاله و روحت
ازاى ولد من تالته جنبك ؟!ليه الفصل كان تانيه ولا تالته:bosyht9:
عايزك تفسرلى
درس بيدى أولى و تانية و تالتة على التوازى سوا سوا يعنى
هل ده بهدف زيادة التواصل الاجتماعى فى عصر ما قبل الفيس بوك
ولاّ بهدف إن الناس يعملوا شلل و يتخانقوا مع بعض
و لاّ يعملوا فرق و يروحوا يلعبوا أتارى فى عصر ما قبل البلايستيشن
و لاً عشان الوقت من ذهب
مش فاهمه حضرتك تقصد ايه
ونأسف على الغتاتة
بس التكرار بيجيب نهاية الشطار
جزيت خيرا على المرور العطر
احترامى وتقديرى
abdelRhman772007 06-12-2010, 07:38 PM كان فى الدرس فى المجموعة الواحدة كوكتيل أولى على تانية على تالتة
معلش حاجة غريبة بس صدقينى حدث بالفعل ههه
يعنى الدرس نص ساعة و كل يوم
مرة اكتب أ ب ت لأولى و تانية مسألتين و تالتة كلمتين و بعدها روحوا لبيتكم
حاجة تخبل مش كده
و الواجب أكيد أ ب ت أو اكتب من واحد لحد 200 و كل يوم من ده هههههههه
shimaa2009 06-12-2010, 09:08 PM كان فى الدرس فى المجموعة الواحدة كوكتيل أولى على تانية على تالتة
معلش حاجة غريبة بس صدقينى حدث بالفعل ههه
يعنى الدرس نص ساعة و كل يوم
مرة اكتب أ ب ت لأولى و تانية مسألتين و تالتة كلمتين و بعدها روحوا لبيتكم
حاجة تخبل مش كده
لا الصراحه بيعمل مجهود جبار ربنا يعينه :)بس تصدق فكره حلوه بيضرب عصفورين بحجر
بيستفيد من وقته :bosyht9:هى دى الناس ولا بلاش
و الواجب أكيد أ ب ت أو اكتب من واحد لحد 200 و كل يوم من ده هههههههه
ههههههههههه
شكرا لمرورك مره تانيه
نقاء الروح 06-12-2010, 09:48 PM اسلوب تربوي خاطئ بيأدي بالطالب لكره المدرسة
وبالتالي العلم ..
وبنشتكي من المستوى التعليمي النازل
ماهو نتيجة للاساليب الخاطئة ديه ..
وهما بيتعاملوا مع اطفال او صغار فالمفروض يراعوا طبيعتهم ..
بجد بتخنق لما بسمع حاجات زي كدة ..
ربنا يصلح الحال ..
مرسي عالموضوع الجميل ياشوشو ..
shimaa2009 07-12-2010, 02:06 PM اسلوب تربوي خاطئ بيأدي بالطالب لكره المدرسة
وبالتالي العلم ..
وبنشتكي من المستوى التعليمي النازل
ماهو نتيجة للاساليب الخاطئة ديه ..
وهما بيتعاملوا مع اطفال او صغار فالمفروض يراعوا طبيعتهم ..
بجد بتخنق لما بسمع حاجات زي كدة ..
اكيد لازم يراعو كده بس تقولى لمين
كله يقو ل دلوقتى انا لا اسمع لا ارى لا اتكلم
ربنا يصلح الحال ..
مرسي عالموضوع الجميل ياشوشو ..
جزيتى خيرا يانقاء على المرور العطر
دمتى فى حفظ الله ورعايته
احترامى وتقديرى
love ur life 07-12-2010, 08:48 PM اه فعلا بجد والله....دا اسلوب غلط اساسا واسلوب غبي ....يعني ايه 7 و 8 مرات ولا حتي 4 .مرات
ايه الهدف طيب من دا؟.....مش قبل ما الاساتذه تأمر بكدا المفروض يفكروا الاول ايه الهدف..لما الطالب المسكين يقعد ينقل ويكتب .....ويقلب وينقل ...ويقلب وينقل ...ايه الغباوه دي بجد حاجه فظيعه.... دي حاجه هتعلمه الغباوه وتخليه ميفكرش اساسا ..... كان نفس النظام وانا صغيره بس مش لدرجه 8 مرات برده كنت بحاول باي حاجه اكسر الملل...بس ممكن الطالب يحاول يحسن خطه ..ويكتب باسلوب مختلف...علشان يكسر الملل شويه....
وحشتينا يا شيماء والله انتي كنت غايبه عن المنتدي ....
ربنا يوفقك
تقبلي مروري
shimaa2009 08-12-2010, 07:39 PM اه فعلا بجد والله....دا اسلوب غلط اساسا واسلوب غبي ....يعني ايه 7 و 8 مرات ولا حتي 4 .مرات
ايه الهدف طيب من دا؟.....مش قبل ما الاساتذه تأمر بكدا المفروض يفكروا الاول ايه الهدف..لما الطالب المسكين يقعد ينقل ويكتب .....ويقلب وينقل ...ويقلب وينقل ...ايه الغباوه دي بجد حاجه فظيعه.... دي حاجه هتعلمه الغباوه وتخليه ميفكرش اساسا ..... كان نفس النظام وانا صغيره بس مش لدرجه 8 مرات برده كنت بحاول باي حاجه اكسر الملل...بس ممكن الطالب يحاول يحسن خطه ..ويكتب باسلوب مختلف...علشان يكسر الملل شويه....
فعلا عندك حق ياريت كل المدرسين ياخدو بالهم من النقطه دى علشان الطلبه خلاص:049gc0:
وحشتينا يا شيماء والله انتي كنت غايبه عن المنتدي ....
والله انتى كمان وحشتينى اوى بس علشان الدراسه بقا مابفتحش النت كتير بس لما بفتحه مابفتحش غير منتدايا الجميل ده (الثانويه)
ربنا يوفقك
الله يخليكى
ويوفقك انتى كمان ونسمع احسن اخبارك ان شاء الله
تقبلي مروري
جزيتى خيرا ياجميل على المرور العطر
احترامى وتقديرى
دمتى فى حفظ الله ورعايته
modym2020 08-12-2010, 11:47 PM الواجب ضرورى للطالب فى اى سن
لكن العبرة مش بالكم
المفروض بيبقى معقول ويؤدى الوظيفة بحيث انه يكون تأكيد على ما تعلمه الطالب فى المدرسة
انما حكاية اكتب الدرس سبع ولا 8 مرات دى فى رأيى مش صح ومستفزة
طالبة ولكن 09-12-2010, 10:38 PM حراام هيتقعد الولد وهيكرة التعليم
samar saad 10-12-2010, 01:23 AM فعلا والله انا كنت بعانى من كده ايام الابتدائى ووالاعدادى
واجبات قد كده ومعرفش فعلا ايه كان وجه الافاده منها
وكانت شنطة المدرسة بتقطم ظهرى وانا فى ابتدائى كانت ماما ياعينى لازم توصلنى وتشيلى الشنطة كانت ايام غريبة والله
بس يمكن لما المدرس بيقول للطفل اكتب الدرس مثلا 7 او 8 مرات عايز يفهمنا يعنى ان التكرار هيعلمه وهيثبت المعلومة فى دماغه يمكن ده الهدف من كده
موضوع جميل للنقاش
يا شوشو
تحياتى ليكي
ahmed ibrahem2 10-12-2010, 02:09 PM بجد حرام 7 أو 8 مرات هو يعنى لما الطالب يقعد يكتب فى الدرس ويقعد يحفظ طب فين التفكير وفين المناقشة اللى لازم الطالب يتعود عليها بدل مايتعود ينقش الكلام وخلاص . الصراحة هو مش عيب ولا مدرس ولا مدرسة ده عيب نظام تعليمى كامل لأنه من الأساس قايم على الحفظ مش الفهم .
والصراحة انا لما كنت صغير وبيطلب منى الدرس 7 مرات ولا حاجة كنت أقوم وأقوله أضربنى أحسن أصل مش هاعمله . بس مش عارف ليه كان بيكتبلى إستدعاء ولى أمر من الأخصائى . " ياترى هو أنا عملت حاجة" معلش بقى .
عمتا أنا لو منك تروحى للمدرسة وتكلمى المدرسة لو مش فهمت كلامك أعرفى إن هى أصلا مش مدرسة ولا تعى أى شئ فى التدريس وشكرا.
|