سندريلا الحب
21-09-2007, 01:01 PM
انا في تالتة ثانوي وعايزة اخد مستوي رفيع انجليزي لاني عاشقة للانجليزي وعايزة انشاء الله ادخل اداب انجليزي بس انا خايفة يكون صعب بس انا بجد مش عارفة اي حاجة عنه وياريت من اي عضو/ة او مشرف للمادة يكون عنده معلومات عن المستوي الرفيع الانجليزي امتحاناته شكلها ايه وفيها الاسئلة عن ايه والمنهج اصلا بيدور حول ايه وهل هو صعب ولا سهل وهل درجاته لو نجحت فيه بتضاف لمادة الانجليزي وبتفيدني في دخول اداب انليزي ولا لاء!!!!!!!!!!!!!!!!!!!!!!!!!!!!!!!!!!! (ارجو الافادة من اي حد بجد محتاجة مساعدتكم)
The_Relativistic200
21-09-2007, 01:12 PM
نا ولله كنت زي حضرتك كده
زى ما يكون مهووس بالانجليزى
بس صوت العقل قاللى ان لجغرافيا بتدى درجات من غير مجهود
امتحان الانجليزى تلات ساعات بتتعجنى فيهم فى الاسئلة
امتحان الجغرافيا عبيط ولو خرجتى بعد اكتر من ساعة وربع يبقى ليكى الكلام
اما امتحانات الانجليزى فمش بتبقى صعبة ومعضلة
بس التصحيح فيها رخم ومش زى الجغرافيا... خصوصا ان ورقها قليل
والامتحان ممكن حتة كده ولا كده مثلا مش على بالك او مش عارفاها..
اما الجغرفي فأى كلام بيتحسب صح
اما الجغرافيا فبيدو تسعات وعشرات بالهبل
فخدى جغرافيا افضل لك
ثم المستوى الرفيع ملوش دخل بالكلية عشان بس تبقى فاهمة
اللهم قد بلغت للهم فاشهد:)
سندريلا الحب
21-09-2007, 01:24 PM
شكرا علي اهتمامك بموضوعي وانا فخورة انك اول واحد ترد عليه وشكرا علي افادتك بس انت في كلية ايه
The_Relativistic200
21-09-2007, 01:36 PM
هندسة ان شاء الله
نسيت اقول ان السنة دى تقريبا المستوى الرفيع ما كانش ليه لزمة....
لان تقريبا الشعب كله جاب عشرة
واللى اتظلم اوى جاب تسعة
wadei
22-09-2007, 10:34 AM
شوفى يا ستى امتحان المستوى الرفيع يعنى بيكون جامد شوية على طلبه المدارس الحكومية . علشان بيكون فيه شعر و انتى مش متعودة على الشعر الانجليزى . و بيكون فيه جمل Rewrite ممكن لو شاطرة شوية تجليها , وده بخلاف 20 جمله اختيارات . و مقالة سعادتك ها تكتنبيها من 20 سطر . الموضو صعب شوية لكن مش مستحيل يا استاذة . و تذكرى دائما ان حيثما يوجد امل يوجد طريق . و نسيت اقولك انى انا مدرس ثانوى و اننى تحت امر سعادتك فى اى سؤال او استفسار . و الله يوفقك فى كل امور حياتك
wadei_s@hotmail.com
سندريلا الحب
22-09-2007, 05:27 PM
متشكرة علي معلومات حضرتك لياعن المستوي بس انا فعلا عندي امل اني هنجح فيه انشاء الله لاني الحمد لله كويسة في المادة وبحب الانجليزي من اول سنة اتعلمته فيهوكنت شاطرة فيه وربنا المعين
الرعد الاحمر
23-09-2007, 01:21 PM
زي مقالك الاستاذ بالظبط اانا دخلت انجليزي مستوي رفيع جبت 9 و كمان كان في قصه فيها مشوفتهاش قبل كده بس بدعت ف
اللغه و الجرامر و الموضوع و انا ف كليه تجارة انجليش و انضاف ليا المستوي الرفيع يا هانم
صوت الحق
23-09-2007, 02:07 PM
انا من رائيى تحكمى صوت العقل وتروى شوية لان المستوى الرفيع مفيش حد بيذاكرة الا يوم الامتحان وفى المدة دى قررى واختارى على بركة الله
اختك / منه الله عصام
سفيرة المستقبل سياسة واقتصاد
بنت شبابيك
02-11-2007, 11:11 PM
خلاص راحت ايام الاختيار فى المستوى الرفيع دلوقتى لو عايز مستوى رفيع تاخد مادة التخصص يعنى احياء او رياضة 2 ولو عايز تهرب منهم تاخد لغة عربية لان خلا معدش فى اختيار لكن فىاجبار
زبادو
02-11-2007, 11:49 PM
بص يا اخت سندريلا الحب هو فى الاوقات العادية اسمعى كلام الاعضاء اللى دخلوا قالولك خدى جغرفيا لانها سهلة لكن فى حالتك خدى انجليزى وبزات عشان انتى بتعشقى الانجليزى وبزات كمان عشان عاوزة كلية محتاجة درجات الانجليزى بتعتمد انك تجيبي 49 من 50 السنة دى فى الانجليزى وانتى متضمنيش ممكن تفرق معاكى بنص درجة لكن بالمستوى الرفيع يشترط دخولها من 45 من 50 وصدقينى انا سالت على الموضوع ده وانجليزى مستوى رفيع تافه لانهم لغوا كتير منه وانا باخد برده انجليزى مستوى رفيع وربنا يوفقك
زبادو
02-11-2007, 11:57 PM
وواللهى ده اللى بيحصل انا ليا واحدة انتيمتى مدخلتش كلية اداب انجليزى علما انها جايبة فى الانجليزى 47 ونص من خمسين ولما سالوها واخدة مستوى رفيع ايه قالتلهم جغرفيا مدخلوهاش الكلية عشان مخدتش انجليزى