sad nono
08-12-2010, 03:57 PM
السلام عليكم ورحمة الله وبركاته ،،
انا طالبة في الصف الاول الثانوي وهذه اول سنة لي في المدارس المصرية ...
اشعر بالخوف الشديد من السنتين المقبلتين وافكر كثيرا كيف لي ان احقق شيءا
اشعر بالتوتر واني لن استطيع تحقيق ما اريد ..
اريد نصائح عن تجربة بعد اذنكم لطرق الدراسة وتهدئة الاعصاب ...
والسلام عليكم
solidsnake
09-12-2010, 04:44 AM
بصي يا نونو الإحساس دا طبيعي و انا حسيتو و فضلت أقول انا مش هادخل ثانوية ..انا هسقط .....
جت الثانوية و دخلتها واجهتني صعوبة في الأول كانت بسبب كلام الناس عن الثانوية لكن قلت هاعمل العليا و خلاص
مر شهر زززز ونا لسه ماذكرتش
مر الشهر الثاني ..... و بردو اسه
الشهر اال خامس ...... هبتدي أفتح الكتب
جيت في شهر مارس مسكت الكتب و عملت فيها عالم :].... حسيت اني مستحيل أجيب مجموع .... بس قلت هتوكل علي الله و هعمل العلييا
فضلت أذاكر
جت الإمتحانات ....... دخلتها و خرجت قولت انا لو جبت 70 يبقي كويس
المهم في الأخر جبت 87% بتوفيق ربنا
نصيحه مني : متسمعيش كلام حد و متمشيش ورا كلام حد
شوفي انتي عايزة اية و توجهي لية ..... علمي أو أدبي دا اختيارك انتي و باراتك انتي
المواد الهتختاريها علي حسب ميولك مش علي حسب كلام الناس
اتكلي علي الله و هيوفقك انشاءالله
بالتوفيق
sad nono
10-12-2010, 01:09 AM
والله فعلا انا مش خايفة غير من كلام الناس
كل ما حد يشوفني يقول دا انتي هتشوفي ايااااام ...
مش عارفة بس الكل يقول صعبة وعاوزة تعب عشان ييجي النجاح
شكرا على مرورك ونصايحك الجميلة :)
يا من ذل
10-12-2010, 11:20 PM
التحدى العظيم (http://www.thanwya.com/vb/showthread.php?t=269637)
http://www.thanwya.com/vb/showthread.php?t=269637
قصتى مع الثانوية العامة
Free Canary
10-12-2010, 11:28 PM
السلام عليكم و رحمة الله و بركاته
انا طالبة في الثاني الثانوي
معتقدش عندي خبرة كافية تاهلني لنصيحتك
بس انا على فكرة و انا في اولى بردو كنت زيك و كنت خايفة اوي من دخولي في السنتين دول
بس لما دخلت تانية ثانوي و بدات اذاكر لقيتها سنة زي كل السنوات مذاكرة و اجتهاد و بس
هي المشكلة ان دول سنتين المستقبل و الخوف بيبقى نابع من جوانا احنا و من خوفنا على مستقبلنا
خلاصة اللي انا عايزة اقوله..ان انتي اعملي اللي عليكي و سيبي الباقي على ربنا
و دايما حطي قدامك هدفك و طموحك و على قد الهدف ده ذاكري و اتعبي و ان شاء الله ربنا مش هيضيع تعب حد
ربنا يوفقك و يوفق الجميع
اتمنى اكون افدتك
تقبلي مروري