مشاهدة النسخة كاملة : ليه كلنا مسلمين بصفة عامة ومصريين بصفة خاصة بقينا كدة


مصرية وبحب بلدي
08-12-2010, 08:51 PM
السلام عليكم ورحمة الله وبركاته
ازيكم يا احلا اعضاء فى اجمل منتدى وحشتونى جدا
من غير ما اطول عليكم فى موضوع كدة عايزة اتعلم معاكو فيه
موضوع للنقاش فقط ليس الا
ليه كلنا مسلمين بصفة عامة ومصريين بصفة خاصة بقينا كدة
بقينا نقول نحن فداك يارسول الله
ولما اتسب واتشتم ما عملناش حاجة ولا اتحركنا ولا اتهزت فينا شعرة
كل اللى عملناه زعلنا شوية واتكلمنا شوية وخلاص
يلا زوبعة وهاتعدى ان شاء الله
وفعلا عدت كدة عادى خالص
خليك ايزى وصلى على اللى هايشفع فيك
بقينا نقول بالروح بالدم نفديك ياغزة
والقدس عربية ومش عارف ايه
واللى بنعمله عكس كدة خالص وقاعدين وساكتين ولا ومش كدة وبس
بنتعارك على ماتش كورة وسايبين اللى بيقتلو فينا واحنا بس شاطرين فى الكلام
ما هو الكلام مش بفلوس
ومن ناحية نقول بنحبك يامصر ومن ناحية تانية كلو عايز يسيبها
والواحد هايطير ويتخرج علشان يسافر
وبقينا نقول حقوقنا ضايعة ومنهوبة ومش عارف ايه
وبردو كله قاعد وبيتكلم ومستنى الفارس اللى على الحمار الابيض
يجيبله حقه

لامتى هانفضل كدة
وبالزمة حالنا مش يصعب
امتى هانفوق امتى
فى انتظار ارائكم
مصرية وافتخر

مصرية وبحب بلدي
08-12-2010, 09:42 PM
ياااااااااااااااااه للدرجة دى الموضوع صعب عليكو

Heartbeat
08-12-2010, 10:21 PM
اولا ازيك يا مصرية وحشتينىوالله مش عارفه ليه مش بشوفك خالص

السلام عليكم ورحمة الله وبركاته

ازيكم يا احلا اعضاء فى اجمل منتدى وحشتونى جدا
من غير ما اطول عليكم فى موضوع كدة عايزة اتعلم معاكو فيه
موضوع للنقاش فقط ليس الا
ليه كلنا مسلمين بصفة عامة ومصريين بصفة خاصة بقينا كدة
بقينا نقول نحن فداك يارسول الله
ولما اتسب واتشتم ما عملناش حاجة ولا اتحركنا ولا اتهزت فينا شعرة
كل اللى عملناه زعلنا شوية واتكلمنا شوية وخلاص
يلا زوبعة وهاتعدى ان شاء الله
وفعلا عدت كدة عادى خالص
خليك ايزى وصلى على اللى هايشفع فيك
انا طبعا لما ده حصل زعلت جدا على رسولى وحبيبى وكان نفسى اروح اموت الناس دول لكن قوليلى انا هعمل ده ازاى
بقينا نقول بالروح بالدم نفديك ياغزة
والقدس عربية ومش عارف ايه
واللى بنعمله عكس كدة خالص وقاعدين وساكتين ولا ومش كدة وبس
بالنسبة للقدس فانا نفسى جدا اعمل اى حاجة علشانها يعنى نفسى اروح واعمل عملية استشهادية ان شاالله حتى اقتل اسرائيلى واحد لكن قوليلى لو انا قولت لاهلى كده هيعملوا ايه ياترى هيضحوا بيا:(
بنتعارك على ماتش كورة وسايبين اللى بيقتلو فينا واحنا بس شاطرين فى الكلام
ما هو الكلام مش بفلوس
ومن ناحية نقول بنحبك يامصر ومن ناحية تانية كلو عايز يسيبها
والواحد هايطير ويتخرج علشان يسافر
وبقينا نقول حقوقنا ضايعة ومنهوبة ومش عارف ايه
اما مصر دى سبحان الله بحبها حب فوق الوصف ومش عارفه ايه السبب وبتضايق جدا لما حد يقول عليه نص كلمةوعمرى ما هكون عايزه اسبهامهما حصل
وبردو كله قاعد وبيتكلم ومستنى الفارس اللى على الحمار الابيض
يجيبله حقه

لامتى هانفضل كدة
وبالزمة حالنا مش يصعب
امتى هانفوق امتى
فى انتظار ارائكم

مصرية وافتخر

شكرا ليكى يا قمراية على موضوعك الجميل:av4056bb7jp3:

ostazmath4m
09-12-2010, 05:34 AM
[quote=مصرية وبحب بلدي;2902966]السلام عليكم ورحمة الله وبركاته

ازيكم يا احلا اعضاء فى اجمل منتدى وحشتونى جدا
من غير ما اطول عليكم فى موضوع كدة عايزة اتعلم معاكو فيه
موضوع للنقاش فقط ليس الا
ليه كلنا مسلمين بصفة عامة ومصريين بصفة خاصة بقينا كدة
بقينا نقول نحن فداك يارسول الله
ولما اتسب واتشتم ما عملناش حاجة ولا اتحركنا ولا اتهزت فينا شعرة
كل اللى عملناه زعلنا شوية واتكلمنا شوية وخلاص
يلا زوبعة وهاتعدى ان شاء الله
وفعلا عدت كدة عادى خالص
خليك ايزى وصلى على اللى هايشفع فيك
بقينا نقول بالروح بالدم نفديك ياغزة
والقدس عربية ومش عارف ايه
واللى بنعمله عكس كدة خالص وقاعدين وساكتين ولا ومش كدة وبس
بنتعارك على ماتش كورة وسايبين اللى بيقتلو فينا واحنا بس شاطرين فى الكلام
ما هو الكلام مش بفلوس
ومن ناحية نقول بنحبك يامصر ومن ناحية تانية كلو عايز يسيبها
والواحد هايطير ويتخرج علشان يسافر
وبقينا نقول حقوقنا ضايعة ومنهوبة ومش عارف ايه
وبردو كله قاعد وبيتكلم ومستنى الفارس اللى على الحمار الابيض
يجيبله حقه

لامتى هانفضل كدة
وبالزمة حالنا مش يصعب
امتى هانفوق امتى
فى انتظار ارائكم

مصرية وافتخر
احنا نبوس ايدينا وش وضهر
اننا بنتكلم الحمد لله وبنطلع شويه الضيق دي
ومشاعرنا المكبوته برة جسمنا:angry2:
اصل انتي مش واخده بالك كلها كام سنه
وماحدش هيعرف ينطق بكلمه واحده اساسا:d...
ولو حد جرب معتقلات قبل كده طبعا هيحس
اكتر بالكلام ده...
المهم حسبنا الله ونعم الوكيل في كل ظالم
وفي كل واحد بيعطلنا عن اداء واجبنا وبيبعدنا عن الطريق الصحيح
وشكرا علي الموضوع

مصرية وبحب بلدي
09-12-2010, 11:27 AM
شكرا ليكى يا قمراية على موضوعك الجميل:av4056bb7jp3:
الشكر ليكى ياقمر
ومرورك الاجمل

مصرية وبحب بلدي
09-12-2010, 11:30 AM
[quote=مصرية وبحب بلدي;2902966]السلام عليكم ورحمة الله وبركاته


ازيكم يا احلا اعضاء فى اجمل منتدى وحشتونى جدا
من غير ما اطول عليكم فى موضوع كدة عايزة اتعلم معاكو فيه
موضوع للنقاش فقط ليس الا
ليه كلنا مسلمين بصفة عامة ومصريين بصفة خاصة بقينا كدة
بقينا نقول نحن فداك يارسول الله
ولما اتسب واتشتم ما عملناش حاجة ولا اتحركنا ولا اتهزت فينا شعرة
كل اللى عملناه زعلنا شوية واتكلمنا شوية وخلاص
يلا زوبعة وهاتعدى ان شاء الله
وفعلا عدت كدة عادى خالص
خليك ايزى وصلى على اللى هايشفع فيك
بقينا نقول بالروح بالدم نفديك ياغزة
والقدس عربية ومش عارف ايه
واللى بنعمله عكس كدة خالص وقاعدين وساكتين ولا ومش كدة وبس
بنتعارك على ماتش كورة وسايبين اللى بيقتلو فينا واحنا بس شاطرين فى الكلام
ما هو الكلام مش بفلوس
ومن ناحية نقول بنحبك يامصر ومن ناحية تانية كلو عايز يسيبها
والواحد هايطير ويتخرج علشان يسافر
وبقينا نقول حقوقنا ضايعة ومنهوبة ومش عارف ايه
وبردو كله قاعد وبيتكلم ومستنى الفارس اللى على الحمار الابيض
يجيبله حقه

لامتى هانفضل كدة
وبالزمة حالنا مش يصعب
امتى هانفوق امتى
فى انتظار ارائكم

مصرية وافتخر
احنا نبوس ايدينا وش وضهر
اننا بنتكلم الحمد لله وبنطلع شويه الضيق دي
ومشاعرنا المكبوته برة جسمنا:angry2:
اصل انتي مش واخده بالك كلها كام سنه
وماحدش هيعرف ينطق بكلمه واحده اساسا:d...
ولو حد جرب معتقلات قبل كده طبعا هيحس
اكتر بالكلام ده...
المهم حسبنا الله ونعم الوكيل في كل ظالم
وفي كل واحد بيعطلنا عن اداء واجبنا وبيبعدنا عن الطريق الصحيح
وشكرا علي الموضوع


ولحد امتى هانفضل كدة ان شاء الله
ربنا يبشر حضرتك بالخير
وشكرا على مرورك

ضياء الدين سعيد
09-12-2010, 11:54 AM
من قال أن المسلمين ضعفاء النفوس:stickjo4::stickjo4::stickjo4::stickjo4:
من الممكن أن المصريين كذلك
ليس الشعب ولكن ما تفعله الحكومة من أجل - بقايا أطلال الشعب -:giljotiiniug3:

أختى العزيزة
عندما تواجدت فى المملكة العربية السعودية
وتعاملت مع ثلاث شعوب لثلاث بلاد متجاورة
الهند وباكستان وبنجلاديش

الناس دى أقل شىء عملته يوم ما أعدموا الرئيس الراحل صدام حسين
أقتلعت كل ماكينات البيبسى وما شابه ذلك وألقت بها فى المحيط
وحتى الأن مازالوا فى مقاطعة
أتدرون لما لأنهم مسلمون لا يخافون سوى الله

ولكن ما حالنا نحن يا مصريين
تقولى أننا نتحدث فقط

يقول النبي صلى الله عليه وسلم " من راى منكم منكرا فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان" متفق عليه

لأن حكومتنا عايزا كدا

تقبلى مرورى ،،،،

aymaan noor
09-12-2010, 02:59 PM
المشكلة الأساسية اننا اتعودنا نتكلم وبس ، ياسلام لو اتعلمنا كمان ازاى نشتغل ونعمل ، ساعتها حالنا حيتغير ،

مصرية وبحب بلدي
09-12-2010, 06:19 PM
من قال أن المسلمين ضعفاء النفوس:stickjo4::stickjo4::stickjo4::stickjo4:

من الممكن أن المصريين كذلك
ليس الشعب ولكن ما تفعله الحكومة من أجل - بقايا أطلال الشعب -:giljotiiniug3:
انا اللى بقول ان المسلمين ضعفاء لانها الحقيقة
ولا يوجد شك فى ذلك يا استاذى احنا فى زمن المسلمين فيه من غير اسلام الا من رحم ربى
وتقولى مش ضعفاء


أختى العزيزة
عندما تواجدت فى المملكة العربية السعودية
وتعاملت مع ثلاث شعوب لثلاث بلاد متجاورة
الهند وباكستان وبنجلاديش

الناس دى أقل شىء عملته يوم ما أعدموا الرئيس الراحل صدام حسين
أقتلعت كل ماكينات البيبسى وما شابه ذلك وألقت بها فى المحيط
وحتى الأن مازالوا فى مقاطعة
فيهم الخير والله ادى اللى احنا شاطرين فيه
وتفتكر حضرتك ده كافى وبعدين اللى بتتكلم عنهم دول
قلة

أتدرون لما لأنهم مسلمون لا يخافون سوى الله

ولكن ما حالنا نحن يا مصريين
تقولى أننا نتحدث فقط

يقول النبي صلى الله عليه وسلم " من راى منكم منكرا فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان" متفق عليه

لأن حكومتنا عايزا كدا
يااااااااااااااااااه بكل سهولة لان حكومتنا عايزة كدة
وهو ربنا قال كدة
تقبلى مرورى ،،،،

ربنا قال اننا نستسلم ونسلم كدة بكل سهولة

مصرية وبحب بلدي
09-12-2010, 06:21 PM
المشكلة الأساسية اننا اتعودنا نتكلم وبس ، ياسلام لو اتعلمنا كمان ازاى نشتغل ونعمل ، ساعتها حالنا حيتغير ،
عندك حق والله
ربنا يصلح الحال
موضوعى نور بمرورك

THE CodeR
10-12-2010, 12:06 AM
ده تغيير كلنا مستنينه
لكن احنا كل اما ناخد خطوة لقدام نرجع خطوتين ورا
دلوقت موضوع غزة ده و الضجة اللي حصلت فيه
مكانش لينا اي دور خالص؟؟
معابر رفح دي اللي قناة الجزيرة اشاعت اننا مش بنعدي اي معونات
و انا سامع الكﻻم ده من واحد شاف بعينه
مذيع من الجزيرة بيقبض زبون علشا يقول كده
كتير بيكرهونا و مش هانلتفت للاساءة دي
اما موضوع اﻻساءة للرسول فاحنا عملنا اللي نقدر عليه
قاطعنا منتجاتهم
عملنا ضغط اقتصادي عليهم
لكن لو ولي اﻻمر مش عاجبه اﻻساءة كان عنل حاجة ايجابية
لكن اللي واضح ان ولي امرنا مش فارقة معاه
اما الخناق علي الكورة اشبه بكلبين بيتخانقوا علي عظمة
ﻻ يكونوا فاكرين انها هاتشبعهم و من غيرها هايموتوا من الجوع !!
و شغلتنا حاجات اخطر و اسوأ
و في نظري ان الفتنة اللي حصلت بين الشباب صغير السن (يعني ثانوي و ما شابه) كانت اهم خطوة من خطوات اللي ناويين يخربوا البلد
اشاعوا بينهم فكر الحرية اﻻجنبي من بتاع اﻻفﻻم الرومانسية اللي بشفق علي مستواها و مستوي اللي بيشوفوها
و للاسف كتير بيتفتنوا بيها و بيحولوا ينقلوها ارض الواقع
دلوقتي ده بقي فكر الشاب المصري
يلهي عن اي تفكير علمي سليم او ديني قويم

THE CodeR
10-12-2010, 12:09 AM
و مع ذلك عندنا صفوة من الشباب العاقل الواعي بالخطر اللي حواليه و بيحاول يتجنبه
و ده شيء مبشر بالخير بأمر الله
الموضوع صعب اعرف بدأ منين و اصعب اني اعرف انهيه منين
ربنا يهدينا و يهديهم
تقبلي مروري يا مصرية و كل عام و انت بخير

samar saad
10-12-2010, 01:27 AM
لو اتكلمنا فى الموضوع ده يبقا هنعلق على كل حاجه فى حياتنا لان حاجات كتير وحقوق كتير بتتاخد منا واحنا مش حاسين
او عارفين وسكتين
كل حاجه فى دنيتنا كده وده اللى مأثر بالسلب على عقلية شباب كتير
عقليتهم متفتحه وممكن يعملوا حاجه لكن سكوت اللى حواليهم واحباطهم ليهم هو اللى وقف دماغهم دى
موضوع جميل للنقاش

مصرية وبحب بلدي
11-12-2010, 05:19 PM
و مع ذلك عندنا صفوة من الشباب العاقل الواعي بالخطر اللي حواليه و بيحاول يتجنبه
و ده شيء مبشر بالخير بأمر الله
الموضوع صعب اعرف بدأ منين و اصعب اني اعرف انهيه منين
ربنا يهدينا و يهديهم
تقبلي مروري يا مصرية و كل عام و انت بخير
يعنى حضرتك بتبرر الموقف زى كل اللى دخلو الموضوع
يعنى انت مش شايف ان العيب علينا وفينا احنا
طب انا هاضرب لحضرتك مثال
لما مثلا انا اتعاركت معاك بعد الشر ده مجرد مثال
وانت تغلط فيا جامد واجى انا اقعد اتكلم واقول انا هاخد حقى منك ومش عارف ايه واتكلم كتير وما بعملش حاجة
وتيجى انت او غيرك يكررها يبقى العيب على مين
مش عليا انا انا اللى فرطت فى حقى من الاول واى حد بعد كدة يجى ويشتم ويسب فيا لانى معملتش حاجة من اول مرة

ويبقى الحال على ما هو عليه

مصرية وبحب بلدي
11-12-2010, 05:21 PM
لو اتكلمنا فى الموضوع ده يبقا هنعلق على كل حاجه فى حياتنا لان حاجات كتير وحقوق كتير بتتاخد منا واحنا مش حاسين
او عارفين وسكتين
كل حاجه فى دنيتنا كده وده اللى مأثر بالسلب على عقلية شباب كتير
عقليتهم متفتحه وممكن يعملوا حاجه لكن سكوت اللى حواليهم واحباطهم ليهم هو اللى وقف دماغهم دى
موضوع جميل للنقاش
عندك حق والله يا سمر
نورتى الموضوع

فارس المحبة
11-12-2010, 05:30 PM
http://www.alrahmh.tv/pics.aspx?key=Adv&ID=42&Ext=.gif

المستر اكرامى عبد السلام
11-12-2010, 05:31 PM
اخى الحبيب خير الكلام ما قل ودل
لقد بشرنا الرسول صلى الله عليه وسلم باننا سنكون كغثاء السيل (اى عدد لا حصر له ) ولكن اضعف الامم لاننا نحب الحياة ونكره الموت
فمن احب الحياة الدنيا فلابد ان تكون هذه شعاراتة التى كلام بدون فعل وشجاعة ينقصها القوة ونقد تدعمة السلبية
(لا تنسى جبرية الحكم......................وعودة الطغاة )

مصرية وبحب بلدي
11-12-2010, 05:53 PM
اخى الحبيب خير الكلام ما قل ودل
لقد بشرنا الرسول صلى الله عليه وسلم باننا سنكون كغثاء السيل (اى عدد لا حصر له ) ولكن اضعف الامم لاننا نحب الحياة ونكره الموت
فمن احب الحياة الدنيا فلابد ان تكون هذه شعاراتة التى كلام بدون فعل وشجاعة ينقصها القوة ونقد تدعمة السلبية
(لا تنسى جبرية الحكم......................وعودة الطغاة )
بجد مش فاهمة حضرتك!!!
وعلى فكرة انا بنت مش ولد

أ/رضا عطيه
11-12-2010, 06:50 PM
ويبقى الحال على ما هو عليه




شكرا على الموضوع فكلامه رائع:078111rg3:

مصرية وبحب بلدي
11-12-2010, 07:05 PM
ويبقى الحال على ما هو عليه




شكرا على الموضوع فكلامه رائع:078111rg3:
الشكر لله
فمرور حضرتك الاروع

Eng..LiNa
11-12-2010, 08:38 PM
ميرسي ليكي الاول الموضوع فعلا مهم
وفكرتيني بقولة للشيخ الشعراوي الله يرحمه
من لايملك ضؤبة فاسه ... لايملك قرار رأسه
طبعا من الواضح اننا عايشين علي المعونة الامريكية
ومن الواضح بردو ان امريكا هي اللي بتتحكم فكل حاجة
فكتر خيرهم انهم سيبنا نشجب وندين
ولما نبقي متعلمين ومثقفين
وقادرين نوفر عيشة كريمة لنفسنا
نبقي نعرف نعمل حاجة غير ان نشجب ونعترض

تقبلي مروري

المبتسم الحزين
11-12-2010, 09:08 PM
قال رسول الله صلى الله عليه وسلم: يوشك الأمم أن تداعى عليكم كما تداعى الأكلة إلى قصعتها فقال قائل ومن قلة نحن يومئذ قال بل أنتم يومئذ كثير ولكنكم غثاء كغثاء السيل ولينزعن الله من صدور عدوكم المهابة منكم وليقذفن الله في قلوبكم الوهن فقال قائل يا رسول الله وما الوهن قال حب الدنيا وكراهية الموت.

THE CodeR
11-12-2010, 09:30 PM
يعنى حضرتك بتبرر الموقف زى كل اللى دخلو الموضوع

يعنى انت مش شايف ان العيب علينا وفينا احنا
طب انا هاضرب لحضرتك مثال
لما مثلا انا اتعاركت معاك بعد الشر ده مجرد مثال
وانت تغلط فيا جامد واجى انا اقعد اتكلم واقول انا هاخد حقى منك ومش عارف ايه واتكلم كتير وما بعملش حاجة
وتيجى انت او غيرك يكررها يبقى العيب على مين
مش عليا انا انا اللى فرطت فى حقى من الاول واى حد بعد كدة يجى ويشتم ويسب فيا لانى معملتش حاجة من اول مرة


ويبقى الحال على ما هو عليه

الموقف ملوش مبرر
هو انا هادور علي مبرر علي حاجة غلط و مش ممكن يكون ليها سبب!!
العيب فينا طبعاً
بندور علي عيوب الغير و بننسي عيوبنا
و في مثالك اللي قلتله ده العيب فيكي
لكن ده ميغيرش ان العيب الاكبر و الاظهر فيا لما اتخانقت معاكي
قلة تفكير و قلة عقل و مباديء غلط من اولها
انتي لازم تعرفي ازاي تعملي لنفسك سلطة تمنع اي حد انه يجرح في كرامتك
سواء كانت سلطة علمية او دينية او حتي بالمال
تعالي نطبق علي مجتمعنا
احنا للاسف بنتشتم و نتبهدل مسلمين عامة و مصريين خاصة
لاننا مش عاملين لنفسنا سلطة
سلطة علمية او دينية
و السلطة دي يعملها الشعب
و لما الشعب يكون بيدور علي لاعيبة الكورة و الممثلين و الافلام و غيره يبقي سلطة ايه اللي هايعملها؟؟
يبقي العيب في مين؟؟
و لا النهضة دي بتاعت الحكومة و احنا وظيفتا بس اننا نعيشها؟؟
و برضه بقول في ناس بدأ يبقي عندها وعي بالكلام ده و ربنا يكتر من امثالهم
فين التبرير بتاعي للكلام ده؟؟
ارجو التعقيب علي كلامي

ananoo
11-12-2010, 09:37 PM
السلام عليكم

احنا كمسلمين بجد مش ضعفاء ابدا وعمرنا ما هنكون ضعفاء لو فاهمين دينا صح
مش عارفة اذا كنت انا متفائلة زيادة عن اللزوم ولا لا بس انا بحس ان فكرت ان احنا ضعفاء ومنقدرش نعمل حاجة هية مجرد وهم الحكومة معيشانا فيه ولكن الكبت بيولد الانفجار واشعر بان الانفجار في القريب العاجل ان شاء الله.....

مصرية وبحب بلدي
11-12-2010, 09:46 PM
ميرسي ليكي الاول الموضوع فعلا مهم
وفكرتيني بقولة للشيخ الشعراوي الله يرحمه
من لايملك ضؤبة فاسه ... لايملك قرار رأسه
طبعا من الواضح اننا عايشين علي المعونة الامريكية
ومن الواضح بردو ان امريكا هي اللي بتتحكم فكل حاجة
فكتر خيرهم انهم سيبنا نشجب وندين
ولما نبقي متعلمين ومثقفين
وقادرين نوفر عيشة كريمة لنفسنا
نبقي نعرف نعمل حاجة غير ان نشجب ونعترض

تقبلي مروري
والله كلامك صحيح
وربنا يتولانا برحمته
نورتى التوبيك يا قمر

Free Canary
11-12-2010, 09:46 PM
السلام عليكم و رحمة الله و بركاته
اولا بشكرك جدا على الطرح الرائع و الموضوع الجرئ ده
بس تعرفي ايه الاجابة على ده كله...............اجابة انتي قولتيها بين السطورالكلام مش بفلوس للاسف مفيش الجراة و الشجاعة الكافية اللي تخلي كل مواطن يطالب بحقه بس الحقيقة هي ان محدش يقدر ينصفنا غيرنا و يا مين يسمع
اما بالنسبة لموضوع السب و الشتيمة في الرسول صلى الله عليه و سلم ده لان الاسلام و التدين دلوقتي ميسمحش باكتر من كدة للاسف الشديد حتى الوطنية ....كل واحد يكتفي يقول انا مصري و بحب بلدي بس الانتماء دلوقتي مش موجود.في حب بس للاسف مفيش انتماء
و بالنسبة لموضوع غزة......لما نقدر ننصف نفسنا في بلدنا وقتها نبقى نفكر ننصف غيرنا في بلدهم.....ده الرد المتوقع
بالنسبة بقى لموضوع الكورة(اهو ده بقى اللي فالحين فيه)
تصدقي ان الاهلاوية عندهم انتماء للنادي الاهلي اكتر من انتماءهم لمصر . لا حول و لا قوة الا بالله
لو فعلا في حاجة في البلد دي لازم تتصلح...........هنكون احنا لان احنا البلد نفسها و احنا المجتمع

مشكورة مرة اخرى
ارجو ان تتقبلي مروري

مصرية وبحب بلدي
11-12-2010, 09:48 PM
قال رسول الله صلى الله عليه وسلم: يوشك الأمم أن تداعى عليكم كما تداعى الأكلة إلى قصعتها فقال قائل ومن قلة نحن يومئذ قال بل أنتم يومئذ كثير ولكنكم غثاء كغثاء السيل ولينزعن الله من صدور عدوكم المهابة منكم وليقذفن الله في قلوبكم الوهن فقال قائل يا رسول الله وما الوهن قال حب الدنيا وكراهية الموت.
صدق رسول الله صلى الله عليه وسلم
نورت الموضوع

مصرية وبحب بلدي
11-12-2010, 09:52 PM
الموقف ملوش مبرر
هو انا هادور علي مبرر علي حاجة غلط و مش ممكن يكون ليها سبب!!
العيب فينا طبعاً
بندور علي عيوب الغير و بننسي عيوبنا
و في مثالك اللي قلتله ده العيب فيكي
لكن ده ميغيرش ان العيب الاكبر و الاظهر فيا لما اتخانقت معاكي
قلة تفكير و قلة عقل و مباديء غلط من اولها
انتي لازم تعرفي ازاي تعملي لنفسك سلطة تمنع اي حد انه يجرح في كرامتك
سواء كانت سلطة علمية او دينية او حتي بالمال
تعالي نطبق علي مجتمعنا
احنا للاسف بنتشتم و نتبهدل مسلمين عامة و مصريين خاصة
لاننا مش عاملين لنفسنا سلطة
سلطة علمية او دينية
و السلطة دي يعملها الشعب
و لما الشعب يكون بيدور علي لاعيبة الكورة و الممثلين و الافلام و غيره يبقي سلطة ايه اللي هايعملها؟؟
يبقي العيب في مين؟؟
و لا النهضة دي بتاعت الحكومة و احنا وظيفتا بس اننا نعيشها؟؟
و برضه بقول في ناس بدأ يبقي عندها وعي بالكلام ده و ربنا يكتر من امثالهم
فين التبرير بتاعي للكلام ده؟؟
ارجو التعقيب علي كلامي
انا قصدى على المواقف اللى انا زكرتها يعنى
قضية الرسومات المسيئة للرسول
انت شايف ان اللى عملناه اذا كنا عملنا حاجة اساسا كافى
والمواقف التانية
انا عارفة ان كلامك صحيح بس لازم نفوق كل اللى محتاجينه الجراءة علشان نقدر نطالب بحقوقنا
نورت الموضوع

مصرية وبحب بلدي
11-12-2010, 09:55 PM
السلام عليكم و رحمة الله و بركاته
اولا بشكرك جدا على الطرح الرائع و الموضوع الجرئ ده
بس تعرفي ايه الاجابة على ده كله...............اجابة انتي قولتيها بين السطورالكلام مش بفلوس للاسف مفيش الجراة و الشجاعة الكافية اللي تخلي كل مواطن يطالب بحقه بس الحقيقة هي ان محدش يقدر ينصفنا غيرنا و يا مين يسمع
اما بالنسبة لموضوع السب و الشتيمة في الرسول صلى الله عليه و سلم ده لان الاسلام و التدين دلوقتي ميسمحش باكتر من كدة للاسف الشديد حتى الوطنية ....كل واحد يكتفي يقول انا مصري و بحب بلدي بس الانتماء دلوقتي مش موجود.في حب بس للاسف مفيش انتماء
و بالنسبة لموضوع غزة......لما نقدر ننصف نفسنا في بلدنا وقتها نبقى نفكر ننصف غيرنا في بلدهم.....ده الرد المتوقع
بالنسبة بقى لموضوع الكورة(اهو ده بقى اللي فالحين فيه)
تصدقي ان الاهلاوية عندهم انتماء للنادي الاهلي اكتر من انتماءهم لمصر . لا حول و لا قوة الا بالله
لو فعلا في حاجة في البلد دي لازم تتصلح...........هنكون احنا لان احنا البلد نفسها و احنا المجتمع

مشكورة مرة اخرى
ارجو ان تتقبلي مروري

بجد كلامك جميل جدا
ربنا يصلح احوالنا
بس والله مصر ماتستحقش كدة من اولادها
نورتى الموضوع يا قمر

THE CodeR
11-12-2010, 10:01 PM
انا قصدى على المواقف اللى انا زكرتها يعنى

قضية الرسومات المسيئة للرسول
انت شايف ان اللى عملناه اذا كنا عملنا حاجة اساسا كافى
والمواقف التانية
انا عارفة ان كلامك صحيح بس لازم نفوق كل اللى محتاجينه الجراءة علشان نقدر نطالب بحقوقنا

نورت الموضوع

قضية الرسوم المسيئة للرسول حوارها كبير
انا كمواطن مصري مسلم ضد اي حاجة تهين ديني
لكن ايه في ايدي اعمله؟؟
انا مش مسئول ولا رئيس دولة علشان اعلن عليهم الحرب
و مش صحفي علشان اندد بأعمالهم
انا مواطن عادي
مش قدامي حاجة غير اني اقاطع منتجات بلادهم
لو في حلول تانية هاتكون ايه؟؟
نكون جماعات ارهابية نضرب بيها بلادهم؟؟
ولا نعترض قوافلهم ... قصدي ندمر تجارتهم؟؟
ولا اروح اعمل قنبلة نووية اهددهم بيها؟؟
كل ده بلدي اللي هاتعاقبني عليه
و ان كان شعبي هايؤيدني في اغلب حالاته
يبقي انا قدامي اعمل ايه؟؟
ياريت افهم بالظبط
ازاي اكون جريء في نظر الناس؟؟
اشتم علي العلن فيهم ؟؟ ولا اقول حكومتنا خربانة و فاسدة؟؟
ياريت افهم بس
و الموضوع منور بوجودك
مع انها كأنك بتقولي اديك شاركت بقي اتكل علي الله :d
منتظر التعقيب

مصرية وبحب بلدي
11-12-2010, 10:14 PM
قضية الرسوم المسيئة للرسول حوارها كبير
انا كمواطن مصري مسلم ضد اي حاجة تهين ديني
لكن ايه في ايدي اعمله؟؟
انا مش مسئول ولا رئيس دولة علشان اعلن عليهم الحرب
و مش صحفي علشان اندد بأعمالهم
انا مواطن عادي
مش قدامي حاجة غير اني اقاطع منتجات بلادهم
لو في حلول تانية هاتكون ايه؟؟
نكون جماعات ارهابية نضرب بيها بلادهم؟؟
ولا نعترض قوافلهم ... قصدي ندمر تجارتهم؟؟
ولا اروح اعمل قنبلة نووية اهددهم بيها؟؟
كل ده بلدي اللي هاتعاقبني عليه
و ان كان شعبي هايؤيدني في اغلب حالاته
يبقي انا قدامي اعمل ايه؟؟
ياريت افهم بالظبط
ازاي اكون جريء في نظر الناس؟؟
اشتم علي العلن فيهم ؟؟ ولا اقول حكومتنا خربانة و فاسدة؟؟
ياريت افهم بس
و الموضوع منور بوجودك
مع انها كأنك بتقولي اديك شاركت بقي اتكل علي الله :d
منتظر التعقيب
انا هاتكلم فى اخر نقطة قبل ما انساها
انا بقول الموضوع منور بوجودك او نورت الموضوع لانه فعلا نور بوجودك يا باشا
وبعدين انا عاملة الموضوع للنقاش مش علشان الواحد يشارك فيه مرة وخلاص
وانت تنور فى اى وقت لان الموضوع مش بتاعى لوحدى ده بتاع كل الاعضاء
ثانيا
انا مش قصدى كدة انا قصدى ليه مش نتحد كلنا مع بعضينا ونبقى ايد واحدة ضد الفساد والقرف اللى احنا عايشين فيه
ضد الحكومة والرئيس والكل الكل
احنا ناقصنا ايه احنا كتار كتار قوى مستنيين ايه
صلاح الدين يرجع تانى يحررنا ولا ايه بالظبط
انا عارفة انى بطلب المستحيل الممكن فى نفس الوقت بس لازم كلنا نسعى لتحقيقه
وانا مش بتكلم عنى وعنك كمواطنين عاديين
انا بتكلم علينا كلنا كشعب مصرى لا يرضى بالاهانة والذل
تخيل لو كلامى ده اتحقق مفيش حد يقدر علينا لا امريكا ولا اسرائيل ولا القرود الحمر

THE CodeR
11-12-2010, 10:27 PM
انا هاتكلم فى اخر نقطة قبل ما انساها

انا بقول الموضوع منور بوجودك او نورت الموضوع لانه فعلا نور بوجودك يا باشا
وبعدين انا عاملة الموضوع للنقاش مش علشان الواحد يشارك فيه مرة وخلاص
وانت تنور فى اى وقت لان الموضوع مش بتاعى لوحدى ده بتاع كل الاعضاء
ثانيا
انا مش قصدى كدة انا قصدى ليه مش نتحد كلنا مع بعضينا ونبقى ايد واحدة ضد الفساد والقرف اللى احنا عايشين فيه
ضد الحكومة والرئيس والكل الكل
احنا ناقصنا ايه احنا كتار كتار قوى مستنيين ايه
صلاح الدين يرجع تانى يحررنا ولا ايه بالظبط
انا عارفة انى بطلب المستحيل الممكن فى نفس الوقت بس لازم كلنا نسعى لتحقيقه
وانا مش بتكلم عنى وعنك كمواطنين عاديين
انا بتكلم علينا كلنا كشعب مصرى لا يرضى بالاهانة والذل

تخيل لو كلامى ده اتحقق مفيش حد يقدر علينا لا امريكا ولا اسرائيل ولا القرود الحمر

صلاح الدين مين؟؟
لا صلاح الدين ولا قطز
عصرنا ده مش محتمل صلاح الدين ولا قطز
عصرنا ده محتاج واحد فيه 3 مميزات
واحد غني اوي يقدر يلم الناس حواليه
واحد محترم اوي و متدين الناس تثق فيه
واحد عنده سلطة كبيرة و الناس بتحبه
و ال3 مميزات لا يمكن يجتمعوا في شخص واحد دلوقت
تفتكري في اي رجل من رجال الاعمال دول عنده حتة الاحترام دي؟؟
اكيد في
طيب الموجودين دول عندهم التدين المطلوب؟؟
يمكن في
طيب اللي في دول عندهم السلطة المناسبة انهم يعملوا حاجة؟؟
مستحيل
احنا في بلد نسبة كبيرة مسلمين
لكن يارب اعيش و اشوف وزير الدخلية او الخارجية راجل ملتحي و متدين
ساعتها ممكن نقول ان صلاح الدين بيرجع عصره
لكن ده معرفش امتي هاييجي

ازاي اوحد امة منقسمة لفئات لكل فئة تفكير يناقض التانية من غير ما يكون موحدهم يجمع بين صفاتهم؟؟
يقدر يكلم كل واحد بلغته اللي يفهمها و يقتنع بيها
زمان ايام الدولة الاسلامية كان الشعراء اللي ليهم القدرة علي اقناع الناس و استمالتهم بيكون ليهم منصب سياسي محترم
لان دول فعلاً اللي يقدروا يفيدوا الناس لانهم بيقدروا يوحدوهم
نيجي لشراء الوقت الحالي المبجلين المحترمين
و قصائدهم الجميلة عن الحب و الغرام
ياااااه
لسه قدامنا كتير اوي عقبال ما نشفي من البرد العربي ده

مصرية وبحب بلدي
16-12-2010, 07:18 PM
صلاح الدين مين؟؟
لا صلاح الدين ولا قطز
عصرنا ده مش محتمل صلاح الدين ولا قطز
عصرنا ده محتاج واحد فيه 3 مميزات
واحد غني اوي يقدر يلم الناس حواليه
واحد محترم اوي و متدين الناس تثق فيه
واحد عنده سلطة كبيرة و الناس بتحبه
و ال3 مميزات لا يمكن يجتمعوا في شخص واحد دلوقت
تفتكري في اي رجل من رجال الاعمال دول عنده حتة الاحترام دي؟؟
اكيد في
طيب الموجودين دول عندهم التدين المطلوب؟؟
يمكن في
طيب اللي في دول عندهم السلطة المناسبة انهم يعملوا حاجة؟؟
مستحيل
احنا في بلد نسبة كبيرة مسلمين
لكن يارب اعيش و اشوف وزير الدخلية او الخارجية راجل ملتحي و متدين
ساعتها ممكن نقول ان صلاح الدين بيرجع عصره
لكن ده معرفش امتي هاييجي

ازاي اوحد امة منقسمة لفئات لكل فئة تفكير يناقض التانية من غير ما يكون موحدهم يجمع بين صفاتهم؟؟
يقدر يكلم كل واحد بلغته اللي يفهمها و يقتنع بيها
زمان ايام الدولة الاسلامية كان الشعراء اللي ليهم القدرة علي اقناع الناس و استمالتهم بيكون ليهم منصب سياسي محترم
لان دول فعلاً اللي يقدروا يفيدوا الناس لانهم بيقدروا يوحدوهم
نيجي لشراء الوقت الحالي المبجلين المحترمين
و قصائدهم الجميلة عن الحب و الغرام
ياااااه
لسه قدامنا كتير اوي عقبال ما نشفي من البرد العربي ده
كلامك فعلا ممكن يكون صحيح
بس بردو ماينفعش نقعد ساكتين كدة كتير