مشاهدة النسخة كاملة : الحل الاخير للتعيين
the keng 09-12-2010, 11:45 PM احنا حنفضل كدا حطين ادينا علي خدنا ونستني اخبار من الجرائد وتصريحات كاذبة
لا
لا
لا للانتظار المميت كفانا ذل واهانه
هل حان الوقت لنثبت للجميع اننا بناة الوطن واننا مربين الاجيال ونستحق المكانه العليا
وان التثبيت ليس منحه تطلب منوزير او رئيس وانما هي حق مكتسب لنا
هل حان الوقت لنخرج من خلف شاشات الكومبيوتر للمطالبة بحقوقنا المشروعه بشتئ الوسائل
اترك الامر لكم
ولكن حكم عقلك هل ستعيش ورأسك في التراب إنى والله افضل الموت على الذل
مار ايكم بتحديد موعد ولنسميه
الموعد الاخير
وهي اعطاء الحكومة مهلة لنهاية شهر ديسمبر ثم نقوم باعتصامات ومظاهرات علي مستوي الجمهوريه باكبر حمله من الدعايه والاعلان والانتظام
واني وفي النهايه اطلب من المشرفين ترك الموضوع من مبدأ الحريه
ولكني احملهم مسئولية التنظيم والاعداد
emy142005 10-12-2010, 12:20 AM هيكون ده الحل لو مبنش حاجة اخر الشهر ده ما هو مفيش حد بياخد خقه فالزمن ده من غير اعتصام واضراب
elmister 10-12-2010, 12:29 AM معاااااااااااااك
ولست مع من هيقول ننتظر حتى اخر 12 دا كلااااااااااااااااااا فارغ
aleman 10-12-2010, 12:52 AM بصوا يا جماعة
رسمى احنا المفروض نستنا لنهايه عقدنا فى شهر 3القادم وده بالنسبة للمعلم المساعد اللى تعاقد فى وظيفة معلم مساعد من1/4/2008
فبلاش اعتصامات وكلام من ده الا نتألش وولا حد حيسأل فينا
the keng 10-12-2010, 12:53 AM معاااااااااااااك
ولست مع من هيقول ننتظر حتى اخر 12 دا كلااااااااااااااااااا فارغ
انا سعيد جدا يامستر بمشاركتك
ربنا يكتر من امثالك
بس عيزين تنظيم
aleman 10-12-2010, 12:56 AM انا أطلعت على القانون77لسنة 2005
لقيت فعلا المعلم المساعد بعد ثالث سنة لازم يتثبت
ده قانون يا جماعة
الصبر
alyibrahim 10-12-2010, 01:33 AM انا من بداية تعاقدي من اربع سنوات وانا بحارب في الحكومه
الي يومي هذا
تخليوا انا من بداية الدراسة مقدم علي اجازة اعتيادي 5ايام ولم تقبل حتي الان
والسبب لصالح العمل
طالما مش قادرين يعطونا اجازات لية مفيش تثبيت
والله الذي لا الة غيرة لو كل متعاقد اعتصم ولم يذهب الي العمل ليحدث خلل في النظام التعليمي كليا وجزئيا لاننا اساسة
وخصوصا في الامتحانات
ahmedn 10-12-2010, 02:07 AM لا وكل محافظ تعبان عليز يتأرنن يقولك امحيلي امية خمسة
واجييييييب منين خلصه استوردهم
والله انا حاسس انن عابيد وزمن الانجليز رجع تاني
the keng 10-12-2010, 02:15 AM انا أطلعت على القانون77لسنة 2005
لقيت فعلا المعلم المساعد بعد ثالث سنة لازم يتثبت
ده قانون يا جماعة
الصبر
الصبر اشتكي من كتر صبرنا
soha_teacher 10-12-2010, 08:57 AM بجد انا تعبت كل الناس عملوا مظاهرات يطالبوا بحقوقهم الا احنا مش معقول بجد اللى بيحصل معانا دة واحنا منتهى السلبية لدرجة ان محدش حاسس بمشكلتنا اصلا حتى اى لقاء مع الوزير محدش من المذيعين بيسأل عنا اصلا صوتنا مش مسموع خالص واكيد السبب احنا
احنا صبرنا كتير ودلوقتى لازم نتحرك لازم نبدأ نعلن اننا هنعمل مظاهرات واعتصامات لو السنة انتهت من غير تثبيت
مني 22 10-12-2010, 09:22 AM بس عيزين تنظيم
يارب
محمود 511 10-12-2010, 10:15 AM نحن نقول لابد من الاتفاق وعدم الاختلاف على اليوم ابدا ومن راى اخرنا خالص اخر شهر 12 يبقا جدا عمانا الى علينا ونسبنا من كل واحد يقول نهايه عقدى امته دى ماهاش علاقه اهم حاجه التعين يعنى حاجه بالعقل هو هيستنا لما عقدك يخلص ولا الى ناوى يثبت بيبقى فى اى وقت
miss_emy 10-12-2010, 10:22 AM كلنا زهقنا وبجد تعبانيين نفسنا فى حل كل ما نقول اعتصام حد يطلع وسط كلامنا ويقول الصبر هنصبر لحد امتى او يقولكاستنى العقد اما يخلص وعقد ورا عقد يا جماعه احنا هنطلع على المعاش واحنا تعاقد
توماسووو 10-12-2010, 04:03 PM مرسى خالصااااااااااااااااااااااااااااااااااااااااااا
ليدومومن 10-12-2010, 08:40 PM خليكو ا قاعدين
جارةالوادى 10-12-2010, 09:35 PM وتفتكر نداءك ده هيلاقى صدى احنا اتعودنا على كدة وعاجبانا قعدتنا كدة وصدقنى محدش هيقوم من قدام الشاشة عشان يتظاهر كان غيرك اشطر يااستاذى الفاضل ياما قلنا ومفيش فايدة على راى سعد زغلول
الموضوع عايز شوية تنظيم وقبلهم شوية ايمان ان ده حقك ولازم تحصل عليه لانه فعلا حقك ومش منحة من حد ومحدش بيرزق حد ايه يعنى هيحصل اكتر من اصلا حاصل فينا
يارب يبقى فيه فايدة بقى المرة دى وتكون دى اخر فرصة ومنستناش حد يتعطف علينا منين ميلاقى اعتماد مالى ولو ان الموضوع مش محتاج اعتماد ولاحاجة يثبتونا بس ومش عايزين كادر دلوقتى خليه للسنة المالية الجديدة المهم نستقر ومنفضلش فى القلق والترقب ده
علاء الزهيرى 10-12-2010, 10:36 PM الكلام جميل فعلا لكن ساعة الجد ماحدش بيعمل حاجة
البروفيسير ابو اياد 10-12-2010, 10:40 PM العضو المحترم اللي اسموا الايمان سلبي وجبان
the keng 11-12-2010, 12:46 PM لازم نتحرك بسرعه
أشـرف فتحى 11-12-2010, 03:35 PM يااااااااااااااااااااااااااااااارب
لميس11 11-12-2010, 03:50 PM والله معاك حق ولن الصابرين بخير ان شاء الله
لميس11 11-12-2010, 03:52 PM يجب علينا مطالبة الوزارة بالتعيين والله انا عقد منذ 7 سنوات
السيد ابوعصا 11-12-2010, 03:55 PM لازم دا السائقين عملوا اضراب واعتصام على مستوى الجمهورية علشان رفعوا الضرائب عليهم
medoboy30 11-12-2010, 04:09 PM لقد اسمعت لو ناديت حيا و لكن لا حياة لمن تنادى
انا شايف انه بالفلاحى كده اخيب فئة بتتعامل مع الحكومة هيا المدرسن المتعاقدين لاننا بصراحة مفككين وبالنسبة للحكومة مروضين ومسالمين وبالعربى مش مننا خوف يبقى هيتحركوا لمصلحتنا ليه و ده ناتج عن ان معظم الزملاء حديثى السن صغيرين يعنى والاغلب بنات طيب دا كده المعلمين المساعدين دول يبقوا لقطه من وجهة نظر الحكومة ....
شكــــــــــــــــــــــــــــــــــــــــــــــــ ـــــــــــــــــــــــــــــرا
gebreel 11-12-2010, 07:50 PM والله هوالمفروض يحصل اعتصام فى يوم محدد ككٍ فى محافظته
araby2001 11-12-2010, 09:05 PM هو ده الحل والله
أشـرف فتحى 11-12-2010, 09:07 PM الصبـــــــــــــــــــــــــــــر
the keng 11-12-2010, 09:51 PM الصبـــــــــــــــــــــــــــــر
يعم فوق انت لسه عندك امل في التعيين من الحكومة دي والوزير ده
حسبي الله ونعم الوكيل
يعم شغل عقلك حرام اللي بيحصل فينا
غير توقيعك لاحسن الصراحة معقدني
متذعلش
شيماء20 11-12-2010, 10:07 PM يا اخى ده التوقيع ده يديكو امل فى الحياه بدل ما نموت ناقصين عمر
the keng 11-12-2010, 10:27 PM يا اخى ده التوقيع ده يديكو امل فى الحياه بدل ما نموت ناقصين عمر
الامل يكون لفترة قصيرة يتحول بعدها الي كابوس كل ما تذكرته
نحن انتظرنا ياختي حتي اصبح الكلام في التعيين موضوع يجيب الهم
انا مش عايز ارجع احلم تاني
احلااااااااااااااااااااااااااااااااااااااااااااااا اااااااااااااااااااااااااااااااااااااااااام
تجيب الضغط
محمدجيرال 12-12-2010, 05:08 PM بجد كلام محترم بس ياريت يبقى فى فعل
محمدجيرال 12-12-2010, 05:10 PM لا اله الا انت سبحانك انى كنت من الظالمين
علي عضاضلي 12-12-2010, 08:46 PM بجد يا ريت نقف وقفة بجد
فكرة رائعة بس عايزة تنظيم وتنفيذ انا معاكوووووووووووووووووو
مني 22 13-12-2010, 01:55 PM لازم نتحرك بسرعه
أنس طارق 13-12-2010, 02:35 PM صبراً آل ياسر - إن غدا لناظره قريب - بس لما ييجى
كن صديقى 13-12-2010, 03:29 PM لا نملك سوا الدعاء لله الواحد الأحد ان يعيننا على ما بلانا فى هذه البلد
masrey 13-12-2010, 04:06 PM ما ينفعش نعمل كده فى نهاية شهر 12 لان المدارس هتكون داخلة على اجازة نص السنة والطلبة بيقلو وممكن الوزارة تتصرف فى حدود شهر ونص وتجيب ناس تانية بوعود اخرى علشان كده لو عايزيين نخلي ليها تأثير فلازم تكون فى اوقات العمل يعنى ممكن نخليها فى بداية الترم الثانى يعنى فى يوم دراسى فيه الطلبة كلهم حاضرين ومستعدين لليوم الدراسى
محمد معروف حنيش 13-12-2010, 07:38 PM الصبر لاخر 12 وبعد كده هيكون التحرك جماعى لاننا مدركين ان التعيين لازم يكون فى
بداية السنة المالية ودى اخر حجة ليهم وبعدها احنا مش هانشتغل
وكمان نرفع قضية كلنا نطالب بتنفيذ القانون
وربنا مع المظلوم دائما وأبدا
وجزاكم الله كل الخير
محبوالاسلام 13-12-2010, 11:19 PM اعتصام اعتصام يا ساده يا كرام اعتصام ايه يا جماعة الحل فاكسات للوزير من كل متعاقد او على الاقل من كل مدرسة هايعرف ان المشكلة مش بسيطة انما اعتصام ده هايكون زوبعة في فنجان وهاتروح لحالها اما الفاكسات هاتصدع الوزير ويتحرك لما يحس ان المشكلة مش مشكلة مدرس ولا اتنين ولا الف ولا الفين هايتحرك او على الاقل هايستعجل الاجراءات
بجد خلونا نفكر بطريقة جدية مش اعتصامية هدامة
مشرف تغذية 18-05-2011, 07:41 PM كلنا أيد وحدة أن شاء الله الأحد القادم 22-5-2011 أمام مشيخة الأزهر
وأعلمو جميعا
ظهر فى الآونة الأخيرة بعض الذين يعملون فى مشيخة الأزهر ومن ثم يدخلو على جروبات المتعاقدين ويحبطو أى عملية أضراب سوف يقمونا بيها ولذالك أن شاء الله لن ننظر لى تلك هؤلاء وسوف نقوم بعمل أضراب يوم الأحد 22 -5-2011 الساعة 8 صباحا أن شاء الله أمام مشيخة الأزهر
وياريت نتواصل أكتر على الجروب
الصفحة الرسمية كلنا متعاقدين نطالب بالتثبيت بالأزهر الشريف
احمد رضا2 18-05-2011, 08:01 PM احنا معاك وربنا يوفقنا
hossammero 18-05-2011, 09:08 PM جميع الموضوعات سيتم معرفتها على هذا الجروب
http://www.facebook.com/home.php?sk=...913864265&ap=1 (http://www.facebook.com/home.php?sk=group_128732913864265&ap=1)
سيف رسول الله 19-05-2011, 12:19 AM معكم إن شاء الله وأرجو من السادة المعلمين لم الشمل والتكاتف والتلاحف والنجعل وقفة الأطباء مثالا لنا وترك كل من يحاول إخمادنا مهما كان ومها حدث والله المستعان على ما تصفون
meslmat 19-05-2011, 01:39 AM ده كلام ميتسكتش عليه
حنين الحسينى 19-05-2011, 04:21 AM احنا نفتقد للتنظيم لو فيه نقابه قويه كانت وقفت معانا
seef2006_ 19-05-2011, 04:37 AM انا من بداية تعاقدي من اربع سنوات وانا بحارب في الحكومه
الي يومي هذا
تخليوا انا من بداية الدراسة مقدم علي اجازة اعتيادي 5ايام ولم تقبل حتي الان
والسبب لصالح العمل
طالما مش قادرين يعطونا اجازات لية مفيش تثبيت
والله الذي لا الة غيرة لو كل متعاقد اعتصم ولم يذهب الي العمل ليحدث خلل في النظام التعليمي كليا وجزئيا لاننا اساسة
وخصوصا في الامتحانات
عشان مفيش اجازات في شهر 5 عشان امتحانات الثانوية العامة
|