انا حزين اني معلم [الأرشيف] - بوابة الثانوية العامة المصرية

تسجيل الدخول

مشاهدة النسخة كاملة : انا حزين اني معلم

البروفيسير ابو اياد

11-12-2010, 07:06 PM

ذل+مهانة+فقر+وضع اجتماعي سيئ+احباط+سلبية=معلم مساعد مطحون في مصر

soher.t.m

11-12-2010, 07:16 PM

معادلة صحيحة مائة فى المائة

محمود الراعى

11-12-2010, 07:19 PM

بسيطة
شوفلك شغلانة تانية

جارةالوادى

11-12-2010, 07:26 PM

ايه الاحباط ده هو انت شايفنا يعنى ناقصين
عموما انا مش شايفة الدنيا سودة اوى كدة ومش حزينة ولاحاجة انى معلمة بالعكس فرحانة جدا جدا ومش مشكلتى لو حد شايف ان وضعى الاجتماعى سىء االحمد لله شايفة انه كويس جدا جدا واللى مش عاجبه هو حر متعلمة ومعايا دراسات عليا ورخصة دولية وبتعامل باحترام وطريقة كلامى كويسة ولبسى شيك ونضيف وقبل ده كله مهنتى بمنتهى الفخر هى مهنة الانبياء وثوابها هيوصل لى وانا فى القبر الحمد لله رب العالمين والدنيا باذن هتتعدل ماهو مش معقول الغلط يبقى هو القاعدة على طول والمنطقى والطبيعى يبقى الاستثناء

somaelsaied

11-12-2010, 07:26 PM

حسبى الله ونعم الوكيل

eng236

11-12-2010, 07:27 PM

لااله الاالله

ريهمسة

11-12-2010, 07:28 PM

انت بتقول ايه كفاية ان العلماء ورثة الانبياء

ده كفاية والله ويزيدنا شرف

كاد المعلم ان يكون رسولا

{انما يخشي الله من عباده العلماء}

ريهمسة

11-12-2010, 07:37 PM

جارةالوادى

11-12-2010, 07:39 PM

بسيطة
شوفلك شغلانة تانية
انا شايفة كدة برضو لان محدش شايف وضعه بالسوء اللى الاستاذ بيتكلم عنه ده وممكن يعرف يؤدى على اكمل وجه كمان شايفة ان محدش فينا مغصوب انه يكمل فى شغله يعنى اللى حاسس انه تعبان ومش قادر يتحمل اوضاع زى اللى الاستاذ بيتكلم عنها يمشى واهو الرزق كتير

إيهاب النجار

11-12-2010, 07:53 PM

يا اساتذه ده مجرد شعور وصل للأستاذ وده من الوضع السئ اللي هو واحنا كلنا فيه فياريت ما نتحامل عليه كلنا ولو ان فيه في كلامه اشياء ليست بالصواب بس ده وضع اغلبنا ان لم يكن كلنا فيه نلمسه ونشعر به

أشـرف فتحى

11-12-2010, 08:10 PM

ذل+مهانة+فقر+وضع اجتماعي سيئ+احباط+سلبية=معلم مساعد مطحون في مصر

أشك إنك معلم

حازم دهب

11-12-2010, 09:02 PM

احب اوضح حاجه بسيطه
الموضوع يختلف من المدرس الرجل اللى مطلوب منه شقه وشبكه وحاجات كتير مش فاكرها والمدرسه المراه اللى مش مطلوب منها حاجه اطلاقا
لذلك الزميله جارة الوادى فخوره جدا وفرحانه جدا جدا جدا
اما الزميل اللى بيقول شفلك شغلانه تانيه بقوله بعد ايه يشوف بعد ماضيع سنين واحتمال نضيع اكتر فى مهنه كتير عليها اساسا نسميها مهنه
وشكرا

حازم دهب

11-12-2010, 09:06 PM

المفروض الشغل يرفع مكانة الناس مش حد يسالك ت بتشتغل ايه تقوله متعاقد وانت وشك فى الارض
والله لو طفل بيسوق تكتك احسن مننا الف مره

أشـرف فتحى

11-12-2010, 09:08 PM

رائحه الورد

11-12-2010, 09:19 PM

للاسف المشكله مش في مهنه المعلم لان مهنه المعلم مهنه ساميه ومهما حصل هى مهنه الانبياءوالرسل لان فعلا المشكله الحقيقيه هو الاوضاع والظروف اللى بيتعرض ليها المعلم لانه فعلا مش بياخد حقه لا اجتماعيا ولا ماديا ولا معنويا وبالتالى الزميل الفاضل له حق فى اللى بيقوله من زل ومهانه لا تشجع على التقدم والعطاء وفعلا البنات ممكن مش يكونوا حاسين بالمشكله زى الشاب اللى مطلوب منا يفتح بيت وشبكه ومهر ...........

مسطره

11-12-2010, 09:25 PM

السلام عليكم علي فكره الي أنا لاحظته ان الي مش فارق معه البنات والي موافقين البروفيسير الرجال وده طبيعي لانهم مش حاسين بحاجة في الي بيصرف عليهم ومش فارق معاهم المرتب الي بناخده ولا الشهور الاجازة الي بنخدها ومن غير مرتب ذل ومهانة (مدير مدرسة موجه مدرس أول ولي أمر طالب ضغط عصبي )فقر+وضع اجتماعي سيئ(أنا مرتبي 283يعملوا ايه شهور الاجازة مافيش شغل مافيش مرتب )أشوف شغلة ثانية طب ماكنتوا قولوا من الأول مكنتش دخلت تربية ولا تعبت نفسي بدل ماأضيع عمري كنت اتعلمة صنعة هههههههه مكانيكيه (البنت بليايه)احباط+سلبية والله كلامك ميه ميه

leprince2010

11-12-2010, 09:28 PM

والله يا جماعة الموضوع كبير الوضع فى مصر انفجر ومش عارف الناس ساكتة على اية
على 365 جنية بندفع 300 ايجار شقة و 55 جنية مواصلات للمدرسة والباقى 15 جنية يدوب كيلو طماطم وكيلو سكر ومش مهم اى حاجة تانى . حسبى الله ونعم الوكيل . انا فعلا حزين لما وصل اية المعلم

شيماء20

11-12-2010, 09:51 PM

يا استاذ انت شايف الذل والمهانه دى ماقلناش حاجه بس ماتقولش انا حزين انى معلم لانك صاحب اهم مهنه فى الدوله
وفى حديث شريف بيقول اذا مات ابن ادم انقطع عمله الا من ثلاث واولها علم ينتفع به

المفروض تقول انا حزين لما وصل اليه مستوى التعليم فى مصر
او انا حزين لما وصل اليه المعلم المصرى

ده مجرد راى وليس تحامل منى عليك
تقبل مرورى

شيماء20

11-12-2010, 09:58 PM

وبالنسبه للاخ اللى بيقول البنات مش حاسين بحاجه اى بنت دلوقتى مجرد ماتمسك شهادة التخرج بتدور على شغل مهما كان مستواها الاجتماعى

بتشتغل اولا عشان تحقق ذاتها
وثانيا عشان تساعد اهلها وليكن فى جهازها مثلا، وممكن تكون بتشتغل عشان تساعد زوجها فى ظل غلاء الاسعار المستمر

فى راى حضرتك كده برضه ان البنت مش حاسه بحاجه

عبد الجيد

11-12-2010, 10:04 PM

يا جماعه ( كل ميسر لما خلق له )
اتمس إلى الدعاء وكن معه ولا تجزع
فالرزق واحد ومكتوب

عصام الطواب

11-12-2010, 10:18 PM

بعد 16سنة تعليم
و10سنوات مدرس اجر وتعاقد
قررت الشغل في مخبز عيش حتي استطيع الانفاق علي اسرتي
وحسبنا الله ونعم الوكيل

احمد محمد عبد المجيد

12-12-2010, 12:17 AM

بعد 16سنة تعليم
و10سنوات مدرس اجر وتعاقد
قررت الشغل في مخبز عيش حتي استطيع الانفاق علي اسرتي
وحسبنا الله ونعم الوكيل

هذا رد يجعلنا نبكى دما

محمد نمر 2

12-12-2010, 12:49 AM

يا عم الحمد للة احسن من غيرنا[

teacher120

12-12-2010, 01:00 AM

معاك حق فى كل كلمه قولتها والى بيقول غير كده بيضحك على نفسه ودا رايى

وبعدين بعد ما قضيت سنين اتعلم وبعدين اتخرج وافضل كام سنه بالعقد المنيل بنيله على امل التثبيت والاخر هروووووووح ادور على مهنه تانيه

اى شاب مطلوووووووب منه شقه او يدفع ايجار شقه وشبكه وعفش وحاجات ربنا الاعلم بيها

على العموم ياريت ما نجيش على اخوووونا كاتب الموضوع لانه بيقول الحقيقه وسيبنا من الشعارات

teacher120

12-12-2010, 01:07 AM

[ طبعا عارفين ان البنات بيتحملوا مسؤوليه الان زى الراجل

لكن بيكون باختيارها مش فرض عليها يعنى الاولى هيا تعمل ولا زوجها طبعا زوجها

وبيكون الراجل هو الملزم اولا اخيرا بنفقات بيته

وان نظرنا من زاويه اخرى بتلاقى ان العمليه واحد يعنى البنات بيزاحموا الشباب فى العمل فى اماكن كتير جدا وبتلاقى الشباب مش لاقيين شغل ودا بنشوووووووووفه كتير

اخيرا اتمنى من الله التوفيق لنا جميعا وان يريحنا من الحكوووووووووومه الكاذبه