نظام التعليم الفاشل فى مصر [الأرشيف] - بوابة الثانوية العامة المصرية

مشاهدة النسخة كاملة : نظام التعليم الفاشل فى مصر

نغم البحر

23-09-2007, 08:35 PM

نظام التعليم الفاشل فى مصر وما ترتب عليه من زهايمر وحباط للطلاب ووجع دماغ للاهالى ونقطة وشلل رباعى وتخلف عقلى ومجتمعى

http://www.gam3aonline.com/uploads/education2726683281.jpg

الموضوع ده اتبلور في دماغي بعد ما قرأت دراسة عن جامعة هاريسبيرج عن التعليم في العالم وقررت بعديها اني أدعوا من هنا إلى إلغاء الشهادات الجامعية المصرية من الاعتراف الدولي ..
إحنا جامعة لا مؤاخذه واطيه آ ومش من أول 500 جامعة في الدنيا وجامعات البوسنة وجوبا أحسن مننا بس برضو شهاداتنا بره بيتبصلها يعني ..
وبادعوا إلى إلغاء نظام التعليم المصري من أنظمة التعليم المعترف بيها .. لتصبح مصر دولة متخلفة ليس لديها نظام تعليم ..
الأسباب اللي أنا شايفها وجيهه جدا جدا ومنطقية جدا واقتنعت بيها جدا ..
وهي التالي :

1- التعليم المصري من الأنظمة القليلة في العالم اللي ليس فيها مجال لاختيار مجال الدراسة وانه اجباري .. وده علميا وعقليا ودوليا غير منطقي وغير سليم حيث انه من اساسيات التعلم أن يختار الطالب مجال دراسته في سن مبكرة !! – زينا كده- فاكرين أبله نجوى وقوضة الفران والخرزانه وسور المدرسة؟؟- الكلام ده حسب الدراسة اللي بيعمل بيها على صعيد التعليم في الولايات المتحده .

2- نظام التعليم المصري به خلل رهيب جدا على صعيد أساسيات المعرفة البشرية .. إيه هو بقى !! .. تقسيم الكليات لكليات قمة وكليات قاع !!
وانت أصلا مش هتوصل لكلية قمة إلا إذا درست على إيد واحد متخرج من كلية قاع –تربية أو آداب- فمنين يبقى اللي بيأهل لكلية القمة حثالة من كليات القاع ؟؟؟

3- الجامعات كلها بلا استثناء على مستوى العالم –لما اقول العالم يبقى تفكر في نص الخريطة اللي فوق- الدخول ليها اختياري .. يعني انا اللي باختار كليتي والتخصص اللي نفسي فيه .. مش مكتب التنسيق ولو برغباتي ..
واحد عبقري جدا هيسألني دلوقتي يقول افرض واحد عنده تربنه في النفوخ وعايز يقدم في كلية طب يروح برضو ؟؟ هي مش ماشية بالمزاج ؟؟
أقوله لأ مش بالمزاج ..
لإن صالحبنا ده أكيد ماتولدش اول امبارح المغرب ..
ده في التعليم من زمان جدا ..
في أول 5 سنين تعليم أخد أساسيات اللغة ونبذة على التشريح والكيميا والفيزيا والاحياء والكمبيوتر والحاجات الحلوة دي وبانت ميوله وهو عرفها .. وبيختار مواده في المرحلة اللي بعديها وبتبقى مواد هو حاببها .. يعني اللى زي حالتي بيحب أبو العتاهية وشكسبير بتاع إيييييه أدرس ان ثاني بنكرياس البوتاسيوم بيتفاعل مع الحلبة !!
أنا اعرف الحاجات دي مفيش مشكلة من بعيد لبعيد انما اتخصص فيها ؟؟؟
وادرسها لحد ما يطلع عين اللي جابوني فيها وانا مش حاببها وفي الآخر اطلع من الثانوي لا ادرس ابو العتاهيه في الكلية ولا ادرس البيكربوناتو وادرس محاسبة مالية وشريعة وقانون ؟؟؟؟
كلام إيه ده يا جدعان ؟؟
فالمفروض لما اختار مواد متعلقة بالطب في دراستي المدرسية هابرع فيها لإني حاببها وهتأهلني أجتاز امتحان القبول في الجامعه ..
بسيطه مش كده ..
ابقى دكتور عشان انا عايز ابقى دكتور ..
مش عشان امي عايزه تخطبلي بنت ام سلوى والبت شاطرة وهتخش طب ولازم ابقى دكتور عشان تتجوزني والهبل الاجتماعي اللي احنا فيه ده ؟!؟!؟!

للثلاث أسباب السابقة وأسباب أخرى كثيرة لم أرد ان اطيل عليكم بها .. فإني بإسم كل الطلاب الجامعيين وطلاب الثانوي والاعدادي والابتدائي أطالب السيد وزير التعليم العالي والغير عالي بتغيير نظام التعليم واحضار خبراء من فنلندا ليطبقوا لنا تجربتهم والتي حازوا بها على أفضل نظام تعليم في العالم .. والتي لا أرى مانعا على الإطلاق من تطبيقها هنا إلا لو كان التعليم الفاشل وتجهيل الطلاب والضغط على الأهالي هو سياسة الدولة وإلا فليتفضل سيادتهما بتقديم استقالتهما والتنحي والسماح للشعب باختيار بديل لهم ..

واحب أقولهم اننا فى رمضان ورزقكم واسع والأهالي هيدعوا عليكم دعا في كل وقت .. قبل الفطار وبعد الفطار وفي التراويح وفي التهجد وقبل السحور وبعد السحور وقبل المدفع وساعة المدفع لإن الأهالي خلاص ..
فيصوا ..
جابوا جاز ..
واحنا لسنا بأحسن حال منهم ..
كلنا جبنا جاز وسبرتو ..

واخيرا اسيبكم مع الكاريكاتيور الهايل ده عشان يوضحلك احرتك فى مصر سواء اتعلمت او ما اتعلمتش

http://www.gam3aonline.com/uploads/rey7669507891.jpg

..Just Stop

23-09-2007, 08:52 PM

موضوع رائع كالعادة يا نغم

وفعلا التعليم المصرى من اسوء انواع التعليم فى العالم

الصورة اللى تعبر عن التعليم فى مصر هى الصورة اللى فى اول الموضوع

لاننا بتدخل طلبة ( طلبة علم مش طلبة القرب ) بنخرج ولا مؤاخزة حمير

من الاساس يعتبر مفيش تعليم فى مصر

كل اللى هامم الحكومة انهم يضيقو المسافات على الشعب الغلبان بالتعليم المجانى ( كان زمان يعنى مجانى )

علشان الكليات الخاصة تكسب فلوس وخلاص

وفى الاخر اللى بينضر ابن البلد ( الفقراء والمساكين والعاملين عليها )

ام بخصوص الثانوية العامة ( بقت دلوقتى عامية ولله الحمد 9

كلها نصب فى نصب
والبركة فى الدروس المتخصخصة

وياسلام على وزير التعليم
حاطط خطة محكمة لتطور التعليم ( ان شاء الله هيبقا التطور الطبيعى للحاجة الساقعة ظ9

شكرا يا نغم على الموضوع

ولى عودة ان شاء الله

سبحان الله وبحمده سبحان الله العظيم

Crazy Pharma Boy

23-09-2007, 08:59 PM

:D اكيد البلد احوالها متدهورة يا أحلام لأنك احد افراد الشعب :p

بُصي يا جميل انا الموضوع دا مخنوق منه والله بتاع التعليم

وعن نفسي 6 سنين يخلصوا بالجيش وكدا وخلعون بره مصر :)

نغم البحر

23-09-2007, 09:06 PM

نغم البحر

23-09-2007, 09:07 PM

:D اكيد البلد احوالها متدهورة يا أحلام لأنك احد افراد الشعب :p

بُصي يا جميل انا الموضوع دا مخنوق منه والله بتاع التعليم

وعن نفسي 6 سنين يخلصوا بالجيش وكدا وخلعون بره مصر :)

اخص عليك بقى البلد متدهورة عشان انا منها هههههههههه

ماشى يا عم شكلك كده تعرفنى كويس

انت مين بقى عشان فى ناس هنا كتير عملت عضويات جديدة فاصبحوا مجهولين بالنسبة لى

نغم البحر

23-09-2007, 09:09 PM

شكلك كده محمد البرى ههههههههههههههه

..Just Stop

23-09-2007, 09:28 PM

عليكى نور

هو محمد البرى

وهل يخفا القمر

نغم البحر

23-09-2007, 09:37 PM

انا عرفته من اسلوبه كمان من التاليفة العجيبة اللى ف اخر التوقيع ال بيشترى عقاقير ال ههههههههههه

ماشى يا برى حسابك معايا عصير

The_Relativistic200

23-09-2007, 10:27 PM

التعليم يا جماعة...
شعرة فى دقن اى وزير
يا يحلقها
يا يربيها
وغالبا بيحك فيها بايده
لاهو عارف يحلقها ولا عارف يربيها

ايه رايكوا فى التشبيه ده
هههههههههههههههههههههه
انا لو ربطت كل حجة باسمى هتبقى مشكلة:)

نغم البحر

24-09-2007, 12:05 AM

احلى تعليق يا قمر هههههههههههههههههههههه بجد جامد مووت

الاسطورة

24-09-2007, 01:18 PM

طاب انا عايزكوا تشوفوا الخبر ده كده:

مدرسة حكومية في بورسعيد تنشر كاميرات مراقبة لمنع هروب التلاميذ!!!
بورسعيد - لم يمنع وقوع مدرسة القناة الاعدادية بنين ببورسعيد الحكومية بجوار الفيلا المخصصة للمحافظ في مواجهة حي الشرق حوادث وأعمال الشغب والعنف بين التلاميذ.
ولم تجد ، إدارة المدرسة أماممها سوى تطبيق فكرة المراقبة التليفزيونية لتحركات الطلاب داخل المدرسة لإحكام السيطرة على التلاميذ، حيث تم نشر عدد كبير من الكاميرات التليفزيونية بفناء المدرسة داخل بعض الفصول وممرات الطرقات ودورة المياه ويبدأ بعض التلاميذ في الهروب بعد بدء اليوم الدراسي، أما معظمهم فيبدأو بالهروب الكبير والزوغان بعد الفسحة، حسبما ذكرت جريدة البديل.
المدرسة يفترض أن تضم طلابا متميزين اجتماعيا، ومما زاد الطين بلة عدم التزام المدرسين أيضا.
================================================== =========
وتقوليلى مستوى التعليم
ههههههههههههههه
كل سنة وانتوا طيبين:D

نغم البحر

24-09-2007, 02:17 PM

ههههههههههههههههههههههههههه

لا حول ولا قوة الا بالله

amr_2010

24-09-2007, 04:43 PM

التعليم الفاشل مش في مصر بس في الوطن العربي كله

علشان كل اهتمامنا بالدين بس وبنسيب العلم

ويارتنا بنطبأ الدين او العلم صح

..Just Stop

24-09-2007, 04:56 PM

[quote=amr_2010;302073]التعليم الفاشل مش في مصر بس في الوطن العربي كله

علشان كل اهتمامنا بالدين بس وبنسيب العلم

هههههه
ضحكتنى يا عمرو والله

دين ايه يابنى اللى بتتكلم عليه

مين فى مصر (فى العرب ) بيهتم بالدين

شكلك طيب اوى يا عمرو

نغم البحر

24-09-2007, 05:18 PM

التعليم الفاشل مش في مصر بس في الوطن العربي كله

علشان كل اهتمامنا بالدين بس وبنسيب العلم

ويارتنا بنطبأ الدين او العلم صح

لا طبعا مش ده السبب بالعكس ده العرب بعاد عن الدين طب يا ريت يهتموا بالدين لانهم لو اهتموا بيه حالنا هيتعدل فى كل حاجة مش فى التعليم وبس

ميرسى لمرورك الجميل

The Lord Of The Rings

24-09-2007, 06:41 PM

بصي يا نغم ... انتي جيتي على الجرح ..........
الصراحة التعليم فاشل بنسبة 100% و لو فيه اكتر من كده كنت اديتهوله
و الأسباب كتيييييييييير أوي مش السببين ولا التلاتة اللى اخواننا الأعضاء بيدوروا حواليهم
و اعذريني اني هطول عليكي ف الردود لكن هرد كتير باسباب كتير و بواقع اسوأ و اسوأ
انا بس دلوقتي مش ف دماغي اكتب حاجات معينة بس هجيب لك رد انا كنت رديته ف موضوع قديم عن المناهج و حشوها

المناهج كلها بتعتمد ع الحفظ و التلقين و محطوطة بصورة غبية

هضرب لك مثال - يمكن كتير مياخدش باله منه -

ف احد دروس الفيزياء ( اللى هي المفروض اعلى مادة تعتمد ع الفهم و التحليل و المخ العالي )

اللى هو درس التيار الكهربي

فضلو يعلمونا لحد 2 ثانوي ف تعريفين لو الواحد يركز فيهم يلاقي العجب

الأمبير : هو شدة التيار لما يمر ف الموصل كولوم ف الثانية

اوكي .. بس انا مش عارف ايه هو الكولوم .. و لازم اعرف ايه هو عشان يكنمل تعريف الأمبير ف دماغي
يقول لك

الكولوم : هو كمية الكهربية اللى بتمر ف ثانية لو كانت شدة التيار أمبير

يا سلام ع الفكاكة

يعني انت بتعرف لي الكولوم بالأمبير و الأمبير بالكولوم

و انا مفهمتش الاتنين

يعني زي م اكون بقولك : "مين جمال؟ "

تقوللى : " اخو علاء"

اقول لك :"طب هو مين علاء؟"

تقوللي :" اخو جمال"

كده انا فهمت يعني

ده بس مثال يوضح التخلف اللى بيدرسوا لنا بيه العلم

و ده على سبيل المثال لا الحصر

شيل بقه على دماغك آلاف الحاجات اللى زي كده اللى تدل على اننا مش بنتعلم

احنا بيتم تلقيننا زي ...........(لا مؤاخذة ف اللفظ)............... الحيوانات

*****************************************

و لسة لي بقية كتيييييييييييييييييييير اوي ف موضوعك الجميل

شكرا

The_Relativistic200

24-09-2007, 10:24 PM

يعني زي م اكون بقولك : "مين جمال؟ "

تقوللى : " اخو علاء"

اقول لك :"طب هو مين علاء؟"

تقوللي :" اخو جمال"

كده انا فهمت يعني
اللى انا فهمته ان الاتنين ولاد مبارك
هههههههههههههههههههههههه

ammon

24-09-2007, 11:16 PM

أنا أريت كل اللي كتبتوه

وابصراحا أنا حاسس ان مصر هاتفضل كده كمان 100 سنة اذا فضلنا نقول مصر فيها وفيها وفيها

وعلى فكرة أنا أكتر واحد فيكوا داء المر من مصر ( أنا لسة معرفش هدخل كلية ايه )

لكن مينفعش نعد نقول مصر فيها وانحط ادينا على خدنا

لو كل واحد فينا بص في نفسه هايلائي حجات كتيرة هو ممكن يعملها لمصر ومعملهاش وأنا أولكو

يعني حد فكر يدخل كلية التربية و يتميز فيها لحد م ياخد منصب ويحط مناهج أفضل

حد فكر يلم الزبالة اللي مرمية في الكليات بلاش يشيل حد فكر يرمي في الزبالة مش في الأرض
حد منكوا لما راح مكتب التنسيق التزم بالوقوف في الطابور ولا دخلتو على الشببيك كده هاتقلولي مفش طابور أصلا طاب ليه مكلمتش بتاع الأمن يعمل طابور أو حتى تعمل انت وماتقوليش مالإتش بتاع الأمن لانو موجود في كل حته

حد فكر يبعت رسالة للمسؤلين ولا بس بنتكلم من وراهم

حد فكر انو هو لما بيغش ( في الامتحان / في المستوى الرفيع / في القدرات في وفي وفي ) بيظلم واحد غيره وبياخد مكانه من غير ميظلمو ومحدش يقولي كل الناس بتغش أنا والله عمري فحياتي مغشيت وبعدين قال رسول الله (ص) (( من غشنا فليس منا ))

حد فكر يدعي لمصر ان حالها يتحسن / انتو نسيتو ان الدعاء أحسن وسيلة خاصة ان احنا في رمضان

حد فكر حد فكر حد فكر

معلش كلامي كان تقييل وغلس لكن هي دي الحقيقة

نونا المصرية

24-09-2007, 11:46 PM

ميرسى يا نغم عالموضوع الجميل ده
بس ليه بس بتفكرينا بمصيبتنا
فعلا التعليم المصرى فاشل بكل المقاييس
لالالالالالالا غلط نقول عليه تعليم اصلا
احنا كطلبة وظيفتنا نستعد للامتحان وبس وبعد الامتحان كل اللى ذكرته اتمسح باستيكة
مش فاهمة ايه سياسة التعليم الغبية دى
طالب يقول انا عاوز ادرس ادبى يقوله لا غصب عنك هتاحد مادة علمية
ليه يعنى هيستفيد ايه
مفيش احترام خالص لادميتنا وان احنا عندنا فكر وراى وميول بنحبها ونفسنا ندرسها
نحن مجرد الات تدار كما تهوى حكومتنا المبجلة
بصراحة حاليا سياسة التعليم رائعة وعنوانها (كيف تحول الطالب المصرى "اللى هو من اذكى طلاب العالم زى ما بيقولوا"الى حمااااااااااااااااااااااااار)
ربنا يخليلنا بابا مبارك وبابا يسرى الجمل وبابا هانى هلال اللى هيفضلوا ورانا لحد ما نبقى ضايعين ضايعين ضايعين
قولوا امين

احمد رضا

24-09-2007, 11:55 PM

ميرسي يا نغم البحر علي الموضوع الأكثر من رائع و اللي فعلا والله هوا نظام تعليمنا التعليم بابين باب تدخل بني ادم تطلع منه بني حيوان- سوري في اللفظ يعني-
والله نظام تعليم متخلف و زباله ولا استفدت حاجة من التعليم ولا نيله الواحد بيدخل يحفظله كلمتين يطلع يرصهم في قلب الامتحان و انسي الدنيا بس برده الشاطر بقه اللي ميعديش ال 24 سنه - بالكتير - يعني بافتراض ان واحد دخل طب .. يعني لازم الواحد يعاند فيهم زي ما بيعاندوا فينا و يحاول يحتفظ بمعلومات و يحاول يصلح و يقدم بعلمه اللي معرفش يقدمه لنفسه و اللي كان نفسه يكون موجود يعني الواحد مش يبقي اناني .... ( اوعي تصدقي الكلام ده يا نغم ههههههه - بس بيني و بينك يا نغم ده كلام بوهم نفسي بيه انا أول واحد بيتمني يسافر و أروح اعدل شهادتي في اي هبابه برا لاني مخنوق من التعليم هنا اصلا :mad:. و كل سنه وانتي طيبه و ميرسي علي الموضوع;) الجميل

بالنسبه لأمون :D

أنا أريت كل اللي كتبتوه:rolleyes:

وابصراحا أنا حاسس ان مصر هاتفضل كده كمان 100 سنة اذا فضلنا نقول مصر فيها وفيها وفيها

وعلى فكرة أنا أكتر واحد فيكوا داء المر من مصر ( أنا لسة معرفش هدخل كلية ايه )

لكن مينفعش نعد نقول مصر فيها وانحط ادينا على خدنا

يا سيدي اهوه بنتبادل الافكار مش الجدال كله فايده ولا ايه و بعدين انت قدام بتقول نكلم المسؤلين تفتكر ان المسؤلين دول ناس عاديين اصلا دول ناس دماغهم بنج ممكن تكون داخل تقول بكره مبارك تطلع تقول تحيا مصر بحبك يا مبارك ناس دماغها بنجججج يعني لازم قبل ما تتكلم يبقي عندك وجهه نظر شامله و زي ما انت شايف الاعضاء بسم الله ماشاء الله فادونا كتير في الردود و منهم حضرتك و مبارك عليك الشهر هههههه ؟:p

لو كل واحد فينا بص في نفسه هايلائي حجات كتيرة هو ممكن يعملها لمصر ومعملهاش وأنا أولكو

طيب تعالي واحده واحده : -:D

يعني حد فكر يدخل كلية التربية و يتميز فيها لحد م ياخد منصب ويحط مناهج أفضل

برده رجعنا للنقطه نفسها يتميز ازاي وسط المحسوبيه و الوسايط انا عندي واحده قريبتي في تربيه عام تاني سنه جايبه في سنه اولي تقدير جيد جدا و التانيه علي الدفعه و الأول واد واحد باله من نفسه مش بيحضر و لو حضر لا يفقه شئ بس عمه في الكليه دي منصب مش فاكر ايه والله البنت دي لو مش قدامها الولد ده هتبقي الأولي كل سنه:(

حد فكر يلم الزبالة اللي مرمية في الكليات بلاش يشيل حد فكر يرمي في الزبالة مش في الأرض

دي عندك حق فيها بقه دي همجيه مننا بصراحه و انا عن نفسي بكسل ساعات اروح ارمي الحاجه في سله المهملات بصراحه منظر الارضيه غير مشجع اصلا بس بإذن الله بحاول ابقي احسن :)

حد منكوا لما راح مكتب التنسيق التزم بالوقوف في الطابور ولا دخلتو على الشببيك كده هاتقلولي مفش طابور أصلا طاب ليه مكلمتش بتاع الأمن يعمل طابور أو حتى تعمل انت وماتقوليش مالإتش بتاع الأمن لانو موجود في كل حته

أمن مين يا عم كل سنه وانت طيب امن متخلف اجسام البغال و عقول العصافير و لو قولتلهم اصلا هتشوف الهمجيه علي اصلها لو طلع حلو هيروح بشومه و علي دماغ اللي واقفين ههههههههههه و لو طلع مش كويس هيقولك روح انت اقف و هما هيتلموا وراك يا شاطر و يقولك روح العب مع الاسد ههههههههههه كل سنه و انت طيب تاني:p

حد فكر يبعت رسالة للمسؤلين ولا بس بنتكلم من وراهم

تفتكر اصلا ان المسئول هيرد عليك اصلا ياعم هوا هيفضالنا ولا هيفضا للسرقه طبعا بدون شك السرقه احلي ده الوزير كان شوية و هيطلع و يقول يا جماعه اللي هيجيب 100 % ملوش كليات قمه له معهد صرف صحي هههههههههه والله بقت حاجة تجنن يارب ارحمنا علي رأي خالد حاجة تجيب الدوالي

حد فكر انو هو لما بيغش ( في الامتحان / في المستوى الرفيع / في القدرات في وفي وفي ) بيظلم واحد غيره وبياخد مكانه من غير ميظلمو ومحدش يقولي كل الناس بتغش أنا والله عمري فحياتي مغشيت وبعدين قال رسول الله (ص) (( من غشنا فليس منا ))

و انا بصراحه و الله ما غشيت غير في امتحان انجليزي في سنه اولي ثانوي و مش غشيت هوا كنت بتأكد من اللي قاعد قدامي و بعدين كان الأول علي المدرسه عقبال املتك و انا كنت حللها صح قالي حل تاني و بالسلامه ههههههههه ضربت نفسي ستين دزمه و كنت هنفضه بس يالا انا اللي غلطان من الاول و الحمد لله علي كل شئ و جبت اعلي منه برده :p

حد فكر يدعي لمصر ان حالها يتحسن / انتو نسيتو ان الدعاء أحسن وسيلة خاصة ان احنا في رمضان

اهو و الله انا بدعي للمسلمين لو بقه يستجيبوا و يغيروا من نفسهم مع شوية الدعاء دول البلد هتتظبط بس مش قاعد فيها برده ههههههههه :D:p

حد فكر حد فكر حد فكر

أديني فكرت يا سيدي ولا تزعل نفسك :p

معلش كلامي كان تقييل وغلس لكن هي دي الحقيقة

يا عم مرحب بيك كلامك زي العسل و الله :)

و ميرسي يا نغم علي الموضوع لتاني مرة جزاكي الله كل خير و كل سنه و انتم طيبين:)

أحمد2025

25-09-2007, 12:32 AM

احمد رضا

25-09-2007, 12:46 AM

ياجماعة انتم قاعدين بتكلموا عن ايه

التعليم بايظ بايظ:mad:
بصوا ياجماعة
من وجهة نظرى المتواضغة جدا
ان المدرس سبب رئيسى فى فشل التعليم
والطالب ايضا
المدرس ياجماعة مش بيشرح فى الفصل
غير قلة قليلة جدا اللى بتشرح
المدرس يدخل مش عايز يشرح;)
على اما يشرب سجارة وفنجان شاى يكون الحصة خلصت
هو عايز يروح يدى دروس خصوصية
أما الطالب بقى ياجماعة
فمثلا لو فى مدرس ربنا كرمة ودخل يشرح
الطالب طبعا مش فى دماغه انه يقغد يفهم
طبعا مش كل الطلاب
فالطالب بقى معاه موبايل او mp3
يقعد بقى يبعت رسايل أو يسمع أغانى
أنا عن نفسى بعمل كده:D
علشان انا مش مهيأ انى اركز مع الأستاذ
هقول حاجه كده صغيرة كمان
بيتهيألى السبب الأكبر بيكون
الدروووس الخصوصية
ده من وجهة نظرى المتواضعة جداا

والله يا ابو حميد عندك وجه من الصحه يعني تلت ارباع اللي في المدارس مش بيعرفوا يشرحوا و الربع الباقي مريح دماغه إلا من رحم ربي و انا مش هروح المدرسه و اترزع ست ساعات ده لو كملت اليوم اصلا عشان من رحم ربي يعني ... لا تتحرق المدرسه علي المدرسين علي الساعه اللي انا لابسها و اللي خنقاني دي .. انا اقعد في البيت احسن هههههه :p بس ده ميمنعش ان في جزء كبير من الطلبه فاقد فاقد فاقد بس عن نفسي و الله لو لقيت حد محترم و عايز يشرح و بدأ في الشرح بنتبهله جدا .. و ميرسي لنغم تاني مرة لانها فتحت لينا آفاق نقدر نتناقش و نستفاد منها

MohammeD el_SadaT

25-09-2007, 06:47 AM

بسم الله الرحمن الرحيم
السلام عليكم ورحمه الله وبركاته

فعلا إحنا نعتبر من أفشل النظم التعليميه فى العالم بس مش أوى يعنى
بس تعرفى يا نغم ايه الحكمه فى كده
الحكومه عارفه ان لو الشعب مشى بمذاجه وشبع هيفهم
والشعب لو فهم هيبقى خطر على الحكومه
وده غير مطلوب اثباته

والرد اللى بيردوه بس بإسلوب محترم شويه علينا
هو ده اللى عندنا واللى مش عاجبه الباب يفوت جميل
ومطرح ما تحط رأسك حط رجليك

تحياتى

Unique Muslimah

25-09-2007, 06:55 AM

oh wow! no comment....i have a loooooot to say but i'm too lazy to do it right now and i wanna get to bed ASAP so i can wake up for su7ur and fajr, but inshaAllah i will get back to this very very interesting topic and i can share with u some values that i believe in after experiencing education @ home and abroad (i.e. Egypt vs. USA) :)O

نغم البحر

25-09-2007, 10:34 AM

نغم البحر

25-09-2007, 10:38 AM

نغم البحر

25-09-2007, 10:39 AM

ميرسى يا نغم عالموضوع الجميل ده

بس ليه بس بتفكرينا بمصيبتنا
فعلا التعليم المصرى فاشل بكل المقاييس
لالالالالالالا غلط نقول عليه تعليم اصلا
احنا كطلبة وظيفتنا نستعد للامتحان وبس وبعد الامتحان كل اللى ذكرته اتمسح باستيكة
مش فاهمة ايه سياسة التعليم الغبية دى
طالب يقول انا عاوز ادرس ادبى يقوله لا غصب عنك هتاحد مادة علمية
ليه يعنى هيستفيد ايه
مفيش احترام خالص لادميتنا وان احنا عندنا فكر وراى وميول بنحبها ونفسنا ندرسها
نحن مجرد الات تدار كما تهوى حكومتنا المبجلة
بصراحة حاليا سياسة التعليم رائعة وعنوانها (كيف تحول الطالب المصرى "اللى هو من اذكى طلاب العالم زى ما بيقولوا"الى حمااااااااااااااااااااااااار)
ربنا يخليلنا بابا مبارك وبابا يسرى الجمل وبابا هانى هلال اللى هيفضلوا ورانا لحد ما نبقى ضايعين ضايعين ضايعين

قولوا امين

واللى بيتخرج فى الاخر مبيبقاش فاهم حاجة

برضو

ميرسى اوى يا نور منورانا والله

نغم البحر

25-09-2007, 10:42 AM

نغم البحر

25-09-2007, 10:44 AM

نغم البحر

25-09-2007, 10:46 AM

The Lord Of The Rings

25-09-2007, 03:13 PM

اكبر دليل على فشل التعليم
ان مصر و الحمد لله هي البلد الوحيدة ف العالم اللى بنسمع فيها عن 100% و ما يفوقها
و دي حاجة مستحيلة ف اي تعليم عدل طبعا

حد من اخواننا يقول لى " انت هتستعبط " ........ هقول له " هو على نظامنا ده خلاص ممكن اي حد يجيب 100 و اكتر من 100 ,,,,
لكن انا اعترف ....... ان لو التعليم صح لا أحد ( وانا اولهم ) يستحق انه يقرب للدرجة دي اساسا .............................. "

يا جماعة انتو مقدرين انا اقصد ايه ....... 100 ! دي يعني واحد كامل ( استغفر الله العظيم و الكمال لله )

يعني اللى بيقفلوا العربي ...... متهيأ لى ان التعبير باللغة العربية لما يتقدر يتقدر بالأسلوب و الصحة النحوية و البلاغية و الاسلوبية ....... مش ان شكل الموضوع يبقى جميل ... او اني كاتب افكار ولا لأ .... او اني سايب حتة صغير ف اول سطر من كل فقرة .... يا سلام ..... هو ده اللى احنا بنقدر بيه مقدرة الطالب على استخدام ادوات اللغة .....
و متهيألي النص الكامل المكمل الوحيد هو القرآن الكريم لانه من عند الله عز وجل ... يليه الحديث الشريف ....... ايه بقى اللى بنسمعه من كل واحد ناقص درجة ولا اتنين ..... ده العقاد ولا طه حسين و لا مين حتى طبعا لازم ينقصوا ف كتابتهم لأنهم مش هيوصلوا للكمال البلاغي طبعا .......... و احنا يا طلبة ثانوية عامة 17 و 18 سنة بنقفله """

يكفيني ف النهاية اني اقول لكم ان في نتيجة السنة اللى فاتت من الثانوية العامة
اكبر شريحة من الطلبة هي الشريحة اللى حاصلة على درجات من 95 % ال 100 %

ما شاء الله ... طلبة مصر كلهم بقم نوبل ف العلمي علوم ..... اينشتاين و نيوتن و زويل ف الرياضة و الفيزياء ....... هيرودوت التاريخ .... و العقاد ف الأدب

مكانش يبقى ده حال مصر

م الآخر

احنا بنكدب على نفسنا

سلااااااام

fares elnet

25-09-2007, 07:45 PM

وفشل اكتر من وقت تعديل الدستور الجديد

ياعم هنفضل ندن فى مالطة ما فيش حد بيسمعنا واللى فى راسهم هو اللى بيمشى

وشكرا

نغم البحر

25-09-2007, 09:30 PM

صح وربنا انا عن نفسى يئست من نظام التعليم الفاشل ده

أ. الدادمونى

25-09-2007, 09:46 PM

السياسه التعليميه في مصر فاشله بكل المقاييس ولن تنصلح الا باصلاح حال المعلم ومشاركته في وضع المناهج والاشراف عليها وان يكون له دورا حيويا في العمليه التعليميه..فيجب اشراك المعلم والطالب فى المناهج التى تدرس بمعنى أن يشترك الطالب فى البحث عنالمعلومة تحت اشراف أستاذه فإن أفلح فتأكد أن تعلمها ولن ينساها،، وتأكد أنه سيكونمقتنع بها،، ولكن تطبيق هذه الطريقة ليس سهلاً، بل يحتاج إلى تدريب التلميذ فالطالبعن كيفية الحصول على المعلومة، بمعنى أن أعوده أن يذهب إلى مكتبة المدرسة مثلاًويقرأ كتاباً ثم أسئله عما قرأ،، ومن ثم بث روح البحث وحب الاستطلاع وتنميةالمهارات وغير ذلك ،،، وبذلك فإن الطالب يتفاعل مع المادة العلمية لأنه أدركقيمتها، على عكس ما يقدم له الآن ويلقن له عن غير اقتناع منه بما يدرسه،، معذرةأساتذتى فأنا أحلم ... وقد نسيت أننى هنا فى مصر،،،

pure_heart

25-09-2007, 10:44 PM

مرسى يا نغم على طرح الموضوع
صحيح المناهج كلها بتعتمد ع الحفظ و التلقين و محطوطة بصورة غبية
عندك مثلا الأدب اللى فى العربى تقدروا تقولولى بنستفيد منه ايه
ولا قصة طه زفت دى كمان قصة فى منتهى الرخامة والملل والعبط
والدين اللى مش بيضاف للمجموع
والتربية الوطنية اللى ملهاش لازمة من أصله
وحاجات كتير أوى بنتعلمها فى كل مادة وبرده مش بنستفيد بيها فى حاجة
ده غير كلية الطب اللى هى سبع سنين عايزين يضيعوا من عمرنا سبع سنين ؟؟؟
وفى ناس مش بتحب الانجليزى زى العمى يدخل الكلية يلاقى مادة كلها انجليزى
والله دى حاجة تتعب القلب لأ تموته
ارحمنا يا رب