http://www.mavien.org/files/APIDO/igjgmzfhgoaqtz5fmvym.gif


http://www.mavien.org/files/APIDO/mtzxluwndzgxeznynnya.gif



اخوانى واحبائى منتدانا الغالى

اليوم سوف نناقش اسباب ظاهرة

خطيرة جدا وانتشرت وتفشت

فى مجتمعنا وجميع المجتمعات العربية

الا وهى ظاهرة التسول


ماهي أسباب التسول وكيف نواجه هذه الظاهره ؟


(لله يا محسنين لله )

جملة ضمن قاموس مفرادت تتردد على مسامعنا كثيرا فى الميادين العامة

والطرقات والحوارى وخاصة امام المساجد

وتزداد فى المناسبات الدينية

مثل يوم الجمعة_ والاعياد_

وتزداد اكثر فى شهر رمضان



يقول الرسول صلى الله عليه وسلم في الحديث الشريف

(( لأن يحمل أحدكم حزمة من حطب ويحتطب خير له من أن يسأل الناس أعطوه أو منعوه ))

أو كما قال صلى الله عليه وسلم ,,

للاسف انتشرت ظاهرة التسول بشكل كبير يدعوا للقلق , فمن المعلوم ان ظاهرة التسول ظاهرة غير حضارية ولكن

للاسف تفشّت في جميع دولنا العربية ..

وحتى وصلت تلك العادة الى الشبكة العنكبوتيه في الدردشات والمنتديات والجوالات !!

فأصبح لمهنة التسول أساليب وطرق كثيره بغض النظر التسول في الشوارع التي يعتبرها البعض مصدر رزق لهم الا


ان
بعضهم اصبح مهووساً بتلك العادة التي لا تطور الانسان ولاتجلعه يعتمد على نفسه بل يعتمد على الاخرين بإعالته .




هل تعتقدوا اعضاء منتدى الثانوية الكرام إنكم عندما تتصدقوا بالمال لهم تساعدهم (( ان شاء الله يكون فى تصدق بالمال ))
ام تزيد من معاناتهم بتكاسلهم عن

العمل والسعي في الارض لطلب الرزق ولخدمة المجتمع ؟

فماهي أسباب التسول وكيف نواجه هذه الظاهره ؟


بإنتظار سماع آراء الجميع حول هذا الموضوع ..


صورة مضحكة





http://images.mashy.com//602/23559/sha7ateen.jpg

فعلا والله ولازم يكون فى حل

شكرا يا ميدو بس انت كدة ما قولتش

ايه رايك فى الظاهرة وكيفية القضاء

عليها واسباب انتشارها ايه ؟

والله يا استاذ حسام الشحاته بوجه عام اصبحت
مهنة اكتر منها حاجة
يعنى ممكن راجل يشغل عنده 10 او 15 عيل فى مهنة الشحاته ويخليهم يسرحوه كل يوم
او ممكن بتلقى انسان بيكون فى بداية حياته محتاج واتجه للتسول وبعد كده اصبح التسول بالنسبة ليه مهنة
عمتا مشكلة التسول بوجه عام مشكلة خطيرة وكبيرة جدا ومنتشره فى المجتمع
بس انا بقول ووجهة نظر ايه اللى ممكن يخلى انسان يحرج نفسه ويشحت او يطلب صدقه من حد وهو معاه ومش محتاج
عمتا دى وجهة نظر ولى عوده ان شاء الله مرة اخرى
شكراا على الموضوع وعلى طرحه

شكرا ليك يااسلام فعلا كلامك مظبوط

وده اللى بيخلى الانسان ساعات يتردد فى اعطاء اى شخص

صدقة وهو مش عارف اذا كان الشخص ده محتاج ولا هو دى مهنته الاساسية

اولا شكرا يا حسام على سردك للموضوع

وفعلا الظاهرة دى بقت منتشرة بطريقة رهيبة

يمكن السبب فى الظاهرة دى
البطالة اللى الناس بتعانى منها
يعنى مثلا لو الريس بتاعنا ( الله اعلم اذا كان حى ولا ميت )
لو موفر للشباب فرص عمل كويسة مش هتلاقى شحاتين ولا عواطلية زى ما بيقولو

يعنى الشباب اليومين دول مش لاقيين شغل ولو اشتغلو فى الخاص هيطلع عينهم على ما يجيبو ارشين يمشو بيهم نفسهم
فبيختصرو الطريق ويتجهو للتسول ( الشحاتة يعنى )
يا اما يشتغلو معلمين ويجيبو شوية اولاد ملهمش اهل ويشغلهم شحاتين واهو الكل يرزق

القضية فعلا محتاجة مناقشة

ولى عودة ان شاء الله

شكرا يا ميدو انك اثرت احدى الاسباب اللى

هى تعتبر اهم سبب فى انتشار الظاهرة

ومستنى منك مناقشة اكثر من ذلك

ظاهرة التسول سببها الرئسي هو الحكومه لانهم لا يعالجون القضيه
مثلا عندنا في القريه اللي يشرب بنجو ويجري وراء الراقصات ويشرب خمره
مفيش عقاب من الحكومه لان الحكومه عايزه الشعب في غيبوبه واللي يلتزم ويصلي ويربي لحيته يأخذوه ويقولو له ياأرهابي
ويعزبوه وزاهرة التسول لو الحكومه عالجت هذه الظاهره بشكل صحيح لتغير حالنا (السبب الحكومه الفاشله)

بسم الله الرحمن الرحيم
السلام عليكم ورحمه الله وبركاته

الأول أحب أهنيك على الموضوع الجميل
رغم إنى فاكر إن كان فيه موضوع مماثل بس يلا مش مهم


أطفال الشوارع دول ضحيه مجتمع بالكامل
من شعب لحكومه كبير وصغير

معظم أولاد الشوارع دو أغلبيه يعنى أولاد ( زنا ) أسف فى اللفظ بس دى الحقيقه
أو اللى أنا شوفته بعينى
الواحد من دول يتجوز ويطلق يتجوز ويطلق
وفى الأخر مصير أولاده والأسره بالكامل الشارع
وفيه اللى بيجوز ويخلف ويطلع ولاده للشارع يجيبو فلوس ويقولو اعمل بلقمتك
والله يا جماعه أنا شوفت بعينى واحد متجوز 4 ومخلف طبعا كتييييييييير تخيل لما يطلعهم كلهم يشحتو يسرفز المهم إن محدش يرجع البيت غير ومعاه فلوس يجبها زى ما يجبها يسرق ينهب

حاجات كتير بتحصل ولسه هتحصل طول ما احنا بعيد عن الدين
طول ما مفيش رقابه
ربنا يستر علينا وعلى أولادنا فى المستقبل

ظاهرة التسول سببها الرئسي هو الحكومه لانهم لا يعالجون القضيه (http://السبب الحكومه الفاشله)
(http://السبب الحكومه الفاشله)


مش كل حاجه السبب فيها الحكومه :rolleyes:

يعني اي راجل عشان يبين انه جدع يروح متجوزله اتنين تلاته ومخلفله عشره خمستاشر عيل :D" مبالغه مقبوله "

فالمهم حيصرف عليهم ازاي يا نشل يا تسول ;)

مشكله التسول ليها اسباب كتير بس المسئول عنها الناس والحكومه
يعني من اسبابها الانجاب الكتير اللي ملهوش معني
والبطاله و الفقر وانخفاض مستوي المعيشه وارتفاع الاسعار و غياب روح الاجتهاد او السعي
دا غير غياب التوعيه الدينيه :)

نايس توبيك

تكملة للرد بتاعى يا حسام
تانى سبب
ان الناس معدتش مهتمة بالدين
يعنى مثلا لو الواحد من دول طلع الزكاة سواء كانت زكاة مال او زرع او نحوه
لو كل واحد طلع الزكاة اللى اتفرضت عليه
عمرك ما هتلاقى واحد محتاج او متسول ( زى ما حضرتك بتقول )

وفين الصدقة اللى ربنا بيقول عليها
الناس نسيت طرق الخير ومعدش بيهمها اى حاجة
والرسول بيقول ( داوو مرضاكم بالصدقة وحصنو اموالكم بالزكاة )
لو الناس عملت بالحجتين دول اكيد الخير هيعم على الكل

كلام كتير اختصرت منه الكلام اللى فوق

وشكرا مرة تانية على الموضوع يا حسام

فعلا عند حق فى الكلام ده يا ميدو

شكرا لكل من مر بالموضوع وشارك برايه

اولا بهنيك ع الموضوع الجميل ده ....وفعلا ظاهره التسول زادت بشكل كبير وبقى المنظر مش حضاري نهائيا.... هى الازمه دلوقتى ان حتى اللى بيشحت بقى بيتأمر-شحات وعاوز جبنه رومى-كمان بقوا بيطلعوا قدام ابواب البيوت والطلب بيكون بالحاح .......انا مش عاوزه اكون قاسيه عليهم بس معظمهم بيكون قادر انه يشتغل ...هتقولى مفيش شغل .....وان الحكومه السبب الرئيسى ورا الكلام ده انا بيتهيالى كفايه كل حاجه تكون ع الحكومه ......ده مش معناه ان الحكومه كويسه بس دى من المفروض تكون اخلاقيات شعب

بعد التحية على الناس الحلوة ديه
التسول الآن ليس ظاهرة بل مهنة ......
نعم مهنة مافيهاش معاش

وعندى أمثلة كتير منها:
* فى شحاتة مشهورة أوى فى السيد البدوى الناس بيعملوا لها مليون حساب والقصة إن والدى وأخى كانوا جالسين فى مطعم فى طنطا والجارسون بيسألهم عن الطلبات دخلت الست دى ، راح الجارسون سايبهم وجارى يشوف طلباتها لغاية ما نزل لها الطلبات رجعلهم تانى

والست دى ماشية ادت للجارسون بقشيش ........هاهاها

بالزمة مش حاجة تضحك

طيب بغض النظر عن التسول كظاهره عاديه دلوقتى
الحل ايه فى موضوع التردد اللى بيحصل ده لان بجد بشوف كل يوم من ده
والمشكله انهم بيخلوك تصدق ان فى ناس فى مصر لسه بالمنظر ده

السلام عليكم و رحمه الله و بركاته
ازيك يا حسام عامل ايه
بشكرك علي طرحك مشكلة واقعيه جدا و بنشوفها كل يوم
بالنسبه للظاهره دي فعايزه كلام كتير جدا بس اسبابها هيا الحكومه و الناس عشان منبقاش ظالمين حد
وزي ما شوفت في رد تقريبا اسباب التسول
انخفاض مستوي المعيشه
غياب الوعي الديني
فيه ناس كتير مبقاش عندها كرامه
فيه ناس بقت بتستسهل التسول
مفيش فرص عمل كافيه لكل الشباب اللي مفروض ان هوا مقبل علي الزواج

كلام كتير و اسباب كتير و البلد كلها سلطه أصلا يالا السلامه






طيب بغض النظر عن التسول كظاهره عاديه دلوقتى
الحل ايه فى موضوع التردد اللى بيحصل ده لان بجد بشوف كل يوم من ده
والمشكله انهم بيخلوك تصدق ان فى ناس فى مصر لسه بالمنظر ده

ليا تعقيب صغير علي رد حضرتك
ان حضرتك لو هتطلعي حسنه او كدا فربنا بيحاسبك علي نيتك مش بيحاسبك علي ان اللي قدامك محتاج ولا مش محتاج
ده من رأيي يعني مصداقا لقول الرسول صلي الله عليه و سلم " إنما الاعمال بالنيات " الي اخر الحديث الشريف

جزاك الله خيرا يا استاذ حسام
موضوع محتاج مناقشه فعلا
تقبل فائق احترامي و تقديري

هو ممكن أى مشكلة تنحل لو الدين طٌبق بطريقة صحيحة

التسول اصبح مرض العصر وانتشر انتشار الوباء

وفى ظل تردى الاحوال الاقتصادية وارتفاع معدلات البطالة

وارتفاع ايضا الاسعار بشكل مخيف

فلا اظن انه من الممكن القضاء علية ولا حتى احتوائة

وشكرا