سلام عليكم الموضوع مفيد جدا بس انا عندى مشكلة عملت جدول مزاكرة و مش عارف هو صح ولا خلط و لا انا الى اهبل انا جدولى فى المرفقات بس فى شوية استفسارات :040vk0::
1 هل ازاكر المادة فى يوم كامل و لا كل يوم يعنى مثلا يوم السبت ازاكر فيه عربى ة فيزياء وعلم نفس
2 ازاكر بعد الدرس مثلا درس العربى يوم الجمعة اروح اخد فكرة عن الدرس ويوم السبت ازاكروه اراجع الى زاكرته يوم الجمعة قبل الدرس
3الملخصات مش نافعة معايا مثلا اكتب الملخص اجى اقره الاقى نفس ناقل من الكتاب
4 اوقات الراحة فى اليوم كله تبقى ساعة ساعتين
5 انا بنام الساعة تسعةو اصحى الساعة تسعة مش عارف ازاى بس لو جربت انام بعد العصر ممكن تظبط معايا
6 عايز اعرف الى بيصحى الساعة 5 ده بيصحى ازاى فى البرد ده:049gc0:
7 ادخل مواعيد الدرس فى الجدول ولا خلط
8 انا معانديش يوم فاضى يوم الجمعه بخلض 8 و اخرج مع صحابى لغاية 11 و عندى السبت و الاثلاثاء فاض من غير دروس
ملحوظة انا فى تلتة ثانوى و جايب 83 و عايز اخش هندسة او حاسبات ومعلومات يا ريت تحملوه الجدول يمكن تستفيدوا
الى عندو اى اقتراحات متعلقة بموضوع المذاكرة يشرفنا :stickjo4::giljotiiniug3:

أولا موضوع المذاكرة ده كله متوقف على طبيعتك الشخصية وقدرة استيعابك وعدد الساعات اللي ممكن تقعدها على الكتاب

لاكن أفضل حاجة في وجهة نظري إنك مثلا المواد اللي محتاجة فهم زي الفيزيا وووو تفهمها كويس أوي قبل ما تذاكرها

بعد الدرس تروح تقرأ الدرس بفهم كويس أوي مش مهم تذاكرة كله بعد الدرس لكن مهم أوي أن تقرأه بتركيز

وممكن تذاكرة قبل الدرس

أما المواد النظرية زي العربي مثلا فمش هتفرق أوي لو قرأت الجديد بعد الدرس ... ممكن تذاكرة قبل الدرس على طول مش مشكلة

بس نصيحتي ليك ... أهم نصيحة انك تذاكر قديييييم وجديييد في كل المواد

عشان ساعة الامتحان الفكرة مش في اللي مذاكر كويس أوي طول السنة

الفكرة في اللي المهج كله ف مخه هو ده مربط الفرس

عايزاك تجيب المنهج كله زي الخلاط ف مخك

تقلب قديم وجديد .... مش تذاكر الجديد والقديم ف الباي باي ...كده انت مبتعملش حاجة خالص ولا كأنك عملت حاجة

الأيام الفاضي فيها تحاول تظبط مذاكرة للقديم في كل المواد

وتحل كتييييير جداااا .. لأن الحل جزء من المذاكرة

وقبل كل شيء طبعا لازم تتوكل على ربنا

لأن انت ممكن تكون مذاكر كويس أوي وساعة الامتحان لاقدر الله تنسى حاجة تافهة ف الامتحان أو تحصل ظروف مثلا لاقدر الله

فموضوع المجموع ده في يد الله وحده ... انت مجرد بس بتعمل اللي عليك

وكمان بتستعين بالله ... ومتفكرش انك كل ده هتجيبه بشطارتك ولا بمخك ...لا ...انت بتتعب بس وتعمل اللي عليك

وكل اللي بعد كده مش ف ايدك انت نهائيا

اتعب أوي ... وجيب آخرك ... وادعي ربنا كتير واستعين به ... وتأكد انه مش هيضيع تعبك

وإياك تضيع الوقت ف الفاضي وبعدين تيجي تقول أنا واثق ف ربنا

وربنا يوفقك وكل من كان زيك

على فكرة مفيش جداول في المرفقات

قال النبى صلى الله عليه وسلم:بارك الله لأمتى فى بكورها)اوكما قال صلى الله عليه وسلم
أفضل وقت بعد صلاة الفجر؛ الوقت ده فيه بركه بجد ؛ نصيحة صلى الفجر وبعدين مذاكرة وفى حاجة فى علم النفس إسمها أسس الإستذكار الجيد:مفيدة جدا
وربنا يوفقكم

انا اسف انا ضفت الجدول الى انا عمله فى المذاكرة اى خانه بالون الاسود ديه درس و كل ماده موضحة بلون معين اصل انا طابعها الوان عشان تبقى سهلة

1اصحى ازاى بدرى انا بنام الساعة تسعة و اصحى اساعة تسعة :romarioxp6:انام بالنهار ساعتين او3 ؟ الى مجرب يقول
2 ممكن حضرتك ترضى على النقط الموضحة فى الموضوع
3 اقتراحك اى يوم يكون يوم اجازة فى الجدول ( خلينا نتناقش )
4 ازاكر بعد الدرس علطول ولا بعدها بيوم ولا بيومين مش عارف (او مش عارف اخد موقف من ده )
5 اوقات الراحة ازاى (شوفى الجدول )
6موضوع يوم الجمعة صح و لاخلط
7 ازاكر القديم ازاى مع الجديد () انا عايز اقتراح اقوم اعمله )
8 الفيزياء ازاى تتزاكر يعنى اعد بعد الدرس بساعة اعمل اية بعدها بيوم اعمل ايه
9 ازاكر المادة فى يوم طب كام يوم و امتى ولا ازاكر المادة طول الاسبوع
10 انا ضايع انا لغاية دلوقتى مخلصتش الفصل الرابع فى الفيزياء
11 احدد اوقات للكمبيوتر ( بحب اشوف برامج و البرمجة و الموبايلات ) ولا لعب و لا بلستيشن تصفح فقط ولا الغيها و ادح بس
ارجوكى يا انسة امل و يا انسة ابناء عائشة ساعدونى يا اروح انتحر و اشرب بانجو :giljotiiniug3:

انا اسف انا ضفت الجدول الى انا عمله فى المذاكرة اى خانه بالون الاسود ديه درس و كل ماده موضحة بلون معين اصل انا طابعها الوان عشان تبقى سهلة

1اصحى ازاى بدرى انا بنام الساعة تسعة و اصحى اساعة تسعة :romarioxp6:انام بالنهار ساعتين او3 ؟ الى مجرب يقول
2 ممكن حضرتك ترضى على النقط الموضحة فى الموضوع
3 اقتراحك اى يوم يكون يوم اجازة فى الجدول ( خلينا نتناقش )
4 ازاكر بعد الدرس علطول ولا بعدها بيوم ولا بيومين مش عارف (او مش عارف اخد موقف من ده )
5 اوقات الراحة ازاى (شوفى الجدول )
6موضوع يوم الجمعة صح و لاخلط
7 ازاكر القديم ازاى مع الجديد () انا عايز اقتراح اقوم اعمله )
8 الفيزياء ازاى تتزاكر يعنى اعد بعد الدرس بساعة اعمل اية بعدها بيوم اعمل ايه
9 ازاكر المادة فى يوم طب كام يوم و امتى ولا ازاكر المادة طول الاسبوع
10 انا ضايع انا لغاية دلوقتى مخلصتش الفصل الرابع فى الفيزياء
11 احدد اوقات للكمبيوتر ( بحب اشوف برامج و البرمجة و الموبايلات ) ولا لعب و لا بلستيشن تصفح فقط ولا الغيها و ادح بس
ارجوكى يا انسة امل و يا انسة ابناء عائشة ساعدونى يا اروح انتحر و اشرب بانجو :giljotiiniug3:

بص يا صحبى

خش على الموضوع ده وهتجيب من الاخر باذن الله
http://www.thanwya.com/vb/showthread.php?t=70388

بعد ماتقراه الموضوع ادعى لصاحبه دعوة حلوة :)واقفل الكمبيوتر وروح ذاكر :slap1qk6: زى ما انا هعمل بالظبط :stickjo4::040vk0:

بس ديه حاجات عامة انا عايز حلتى انا بص على الجدول و عايزك تعارضنى تقولىايه الغلط فيه و شوف الردود الى انا كاتبها

!!!!!!!!!!!!!!!!!!!!!!!!!!!!!!!!!!!!

ارجوكى يا انسة امل و يا انسة ابناء عائشة ساعدونى يا اروح انتحر و اشرب بانجو

النتحار ده مش عندنا ... مفيش واحد عايز يدخل هندسة يشرب بانجو .. متقولش الكلام ده تاني

هو الكلام ده اللي هيخليك فعلا تفشل

لا ..انت ان شاء الله هتذاكر وتبقى تمام التمام

عايزة أقوللك ان موضوع الجداول والترتيبات ده متنشغلش بيه أوي كده عن المذاكرة

وتقضيها جداول وترتيبات وف الآخر ... تروح تناااام ..ومتعملش حاجة

على فكرة في ناس مش بتعمل جداول دقيقة أوي يعني ..وتحسبها بالفمتو ثانية

بس بتذاكر وتتعب .. وف الآخر ربنا بيكرمها ...
كل اللي جابوا مجاميع ذاكروا تعبوا ...بس مش كلهم كانوا بعملوا جدااول معقدة أوي يعني

الفكرة مش ف الجدول ... الهدف الأساسي إنك تتعب وتذاكر وتعمل اللي عليك

والترتيب والنظام بتاع الجدول دا عامل مساعد ... وطبعا عشان تذاكر صح بدل ما تعبك يروح

وزي ما قولتلك الترتيب ده بيختلف من شخص للتاني

ونصيحة مني ليك اعمل أي نظام تكون انت تقدر تمشي عليه

وكنسل النت خاااااااااااالص

وقضيها دح ليل نهاااار ... وتعالا على نفسك شوية .... إنت لو هننت نفسك دلوقتي ونمت ودخلت النت و و و و

كله هييجي فوق دمااااغك بعد كده وهتندم

إنت إقطع عرق وسيح دم ... وإفصل النت خالص ... وإعمل كلللل اللي عليك بأي شكل وأي طريقة

ومتضيعش وقت ف الفاضية

إنت فاكر نفسك هييجي واحد بعصايا سحرية يخليك مجتهد وبتذاكر ومش بتنام كتير ...
ولا واحد بعصايا سحرية هيخليك تجيب مجوع وتدخل الكلية اللي عايزها

لأ .. لازم تتعب نفسك شوية ... وتنام 6 ساعات بس دا بالكتييييير خاااااااااااااالص ...بالليل بالصبح زي ما تحب

المهم إنك باقي الوقت اللي صاحي فيه متضيعوش

وف الآخر هترتاح ..إن شاء الله

وسيبها على ربنا ....وصلح علاقتك بالله ... متسيبش فروض الصلاة أبدا ...وإدعي ربنا كتير ..لأن ربنا بإيده يوفقك

وقول أذكار الصباح والمساء ... وهتلاقي ربنا هو اللي بيديك القوة على نفسك ... وربنا بيفتحها عليك ف المذاكرة

وبيجعلك كل الأمور سهلة ومتيسرة

لا سهل إلا ما جعله الله سهلا وهو يجعل الصعب إذا شاء سهلا

إنت بس مجرد بتعمل اللي عليك ... ومتضيعش حق ربنا .. لأن التوفيق من عنده

ويوم الامتحان ده هتلاقي نفسك الاجابات بتيجي ف مخك لوحديها ... وهتتيسر جداااا معاك إن شاء الله
وهتجيب مجموع كويس ... حتى لو كان الامتحان صعب ...
. طول ما انت معتمد على الملك خلاااااص محلوووولة جدااا

يللا ... اقفل وروح ذاكر ...كفايا كده ... ربنا يوفقك ان شاء الله ويباركللك ف وقتك


وعموما انا شفت جدولك ... هو كويس بس النوم كتير شوية ... حاول تقلل النوم وتلغي الخروج

وبعد فترة كده لو مشيت ع الجدول كافيء نفسك وادخل النت او اخرج شوية

اهم حاجة تمشي ع الجدول ايا كان هذا الجدول

وممكن تاخد يوم او يومين ف مادة واحدة مثلا وتقول أنا خلص مادة كذا الأسبوع ده ..أشد فيها

والاسبوع اللي بعده مادة تاني غيرها أركز عليها أكتر ...وهكذا ..كل اسبوع تدي وقت أكتر لمادة معينة

أو مادتين تركز فيهم جدا وتنجز فيهم الحاجات الجديدة ... وتراجعلك فيهم جزء من القديم وهكذا

ونظام المذاكرة ..لازم يبقى بالورقة والقلم والحل والتسميع الشفوي وكل ده


وابدأ فورا بحماس كدا .. ومتيبش نفسك تضيعك ..
وقول ان شاء الله هذاكر وهجيب مجموع بتوفيق ربنا إن شاء الله

ابنى العزيز/ ساتيو:078111rg3:
اتطلعت على الجدول واعتقد انه صعب تنفيذة وحتى ان استطعت ان تطبقه اسبوع لن تستطيع الاستمرار
فالافضل ان تحدد باب معين لكل مادة بدل من تحديد وقت لها
واعتقد انك لو قمت بمراجعة كل مادة قبل موعد الدرس وايضا مراجعة درس اليوم بعد الانتهاء منه ستكون قد ألممت بكل المادة وقم بحل اكبر قدر من نمازج الاسئلة او الامتحانات فهذا سيهيأك نفسيا لمواجهة رهبة يوم الامتحان واهم شئ يجب ان تكون هناك فترة راحة بين كل مادة واخرى يقوم فيها ببعض الحركة حتى وان كانت مجرد التمشية فى الحجرة فهذا يساعد على تجديد النشاط
اهم شئ البعد كل البعد عن الاكثار من المنبهات كالشاى والقهوة
وفقك الله بنى وتمنياتى لك بالنجاح والتوفيق ان شاء الله وان تنول كل ما تتمنى

بص يا اخي

انا مش هقولك تبطل كمبيوتر بس عايزك تستبدل كل دة بالمذاكرة وخلي هواياتك او الفسح بتاعتك يوم واحد في الشهر او يوم في الاسبوع

من الاخر بلاش قعدة صحابك قبل وبعد الدرس

يعني قبل ما تدخل الدرس تكون بتراجع واول ما ترجع تراجع الي خدة مباشرة ودة مش هياخد منك ربع او نص ساعة بالكتير يومياً

وفعلا لو نمت بعد العصر ساعتين مثلا اكيد ياما هتسهر في الليل او هتصحي بدري بالنهار

وفي الاخر برضة اقولك متحرمش نفسك من حاجة الا لو بتذاكر يبقي تحرم نفسك من الكمبيوتر وصحابك واي حاجة تعطلك عن المذاكرة

وعلي فكرة التعليم دة سهل اووي اووي وفرصتك حلوة ولسة قدامك استفيد وحط نفسك في مكانة كويسة للعمر كله

وربنا يحققلك كل الي تتمناه

الاخصائى الاجتماعى
مشرفة قسمي الأخصائى
الإجـتمـاعى و النفـسى

بنى العزيز/ ساتيو
اتطلعت على الجدول واعتقد انه صعب تنفيذة وحتى ان استطعت ان تطبقه اسبوع لن تستطيع الاستمرار
فالافضل ان تحدد باب معين لكل مادة بدل من تحديد وقت لها
واعتقد انك لو قمت بمراجعة كل مادة قبل موعد الدرس وايضا مراجعة درس اليوم بعد الانتهاء منه ستكون قد ألممت بكل المادة وقم بحل اكبر قدر من نمازج الاسئلة او الامتحانات فهذا سيهيأك نفسيا لمواجهة رهبة يوم الامتحان واهم شئ يجب ان تكون هناك فترة راحة بين كل مادة واخرى يقوم فيها ببعض الحركة حتى وان كانت مجرد التمشية فى الحجرة فهذا يساعد على تجديد النشاط
اهم شئ البعد كل البعد عن الاكثار من المنبهات كالشاى والقهوة
وفقك الله بنى وتمنياتى لك بالنجاح والتوفيق ان شاء الله وان تنول كل ما تتمنى

سيبك من حكاية الجدول لانها فاشلة بصراحة وذاكر اللى وراك اول باول

1 برده شكرا على وقفتكم جمبى
2 عايز اصحى بدرى اعمل ايه (حل اكيد )
3 3سعات فى الاسبوع خروج يوم الجمعة مش قضيا
4 شكرا يا استاذه امل بجد استفدت
5 ممكن حد يعدل على الجدولو يشوف لو فية حاجة خلط
6 يعنى ازاكر المادة فى يوم كامل
شكراااااااااااااااااااا بجد على كل شئ
ملحوظة انا مش فاشل زى انتم مافهمين انا الاول فى ثلاثة اعدادى و اول ثانوى على الادارة يعنى مش فاشل بس اتغريت فى نفسى شوية فى تانية و زاكرت اخر شهر :excl:
و اسنة ادى مهزوز شوية وحاسس انى ضايع ضايع لامحالة:006et4: :romarioxp6:بس انا لسة ادامى فرصة تانى صح ولا ايه ساعدونى يساعدكم ربنا ده احنا من منتدى واحد :friendsxs3: