مشاهدة النسخة كاملة : استفسار عن الذكاء
Taleba Me7tasa 27-09-2007, 04:42 PM احنا عارفين ان معدل الذكاء بيختلف من شخص لاخر لكن ذكاء نفس الشخص بيختلف من وقت لاخر ؟ بس مش قصدي يكون مركز ولا لا
و لو شخص توصل لفكرة مسالة رياضية ف فترة زمنية معينة نقول مثلا 10 ثواني ف وقت اخر توصل لفكرة مسالة تانية تقريبا زيها ف الصعوبة هياخد برضه 10 ثواني ؟ هل فيه عوامل تانية خارجية او داخلية بتاثر فيه واكون شاكرة جدا
FRANKENSTEIN 27-09-2007, 04:49 PM اللي انا عارفه ف الموضوع دا واللي درسته ان النصفان الكرويان فيها اخاديد وتلافيف وكلما زاد عدد التلافيف زادت مساحه المخ وبالتالي زادت معدل القيام بالعمليات والحسابات ومعدل الذكاء :d
بس دي نعمه من ربنا بيميز بيها انسان عن التاني غير ان البيئه برضه بيبقي ليها تأثير ع الذكاء غير حاجات كتير :D
حبقي ادور كدا واشوف
Taleba Me7tasa 27-09-2007, 04:55 PM ايه دة هو السؤال مش واضح ؟ شكرا يا بسام على معلومتك بس انت بتتكلم عن اختلاف معدل الذكاء من شخص للتاني انا قصدي ف الشخص الواحد هل بيختلف معدل ذكاؤه من وقت للتاني نتيجة التاثر بمؤثر ما سواء داخلي او خارجي يارب اكون عرفت اوضح :)
The_Relativistic200 27-09-2007, 05:02 PM حضرتك سألتى سؤال مهم
لكن بعد البحث زى رسالة اتبعتتلى من واحد كده ربنا ياخده:p
'طلع انى معنديش مخ فعلا...
عموما الذكاء مش شرط يبقى عالى او هبة لوحدها وبس
بس ممكن يكون اعلى بزيادة الادراك والاطلاع
وقدرة كبيرة على التخيل
ده بيزود الذكاء جدا
لكن حكاية مركز و مش مركز واللى الشعب كله ومنهم لنا مش مركزين فى امتحانات ولا مسائل
عشان نظام التعليم فاشل
حكاية الصعوبة والسهولة نسبية لاى حد ولكل واحد
مفيش مسألة صعبة ولا سهلة
ده اللى اعرفه
وبعدين انتى بتسألى مين اصلا؟؟؟
تتوقعى ان اينشتين هيجاوب وسط الردود:):)
اكيد لع
فاقد الشئ لا يعطيه
وقد ضل من كانت الجديان تهديه
يبقى الاحسن توكبيدى الموضوع وتريحى نفسك والجميع
Taleba Me7tasa 27-09-2007, 05:16 PM فعلا الرد الحلو مايكملش اول ما قريت ردك قلت اخيرا رد واحد مش محبط وبسرعة لقيت الهدد اشتغل :d
يا باشمهندس خالد انا سالت ف الركن الطبي يعني دكاترة صيادلة اساتذة ناس عادية بس مهتمة مش شرط اينشتين وانا وضحت قلت مش حكاية تركيز عشان دة اول رد توقعته وبعدين المثال اللي ذكرته عن مسالتين متقاربتين ف الصعوبة حلهم نفس الشخص ف وقتين مختلفين مش نفس المسالة حلها شخصين لان ف الحالة دي الصعوبة فعلا هتكون نسبية ايه يا جماعة لسة كلامي مش واضح وايه صحيح توكبيدي دي
Miss_CaR!zma 27-09-2007, 10:11 PM ممممممم
تعرفى انى فكرت فى الموضوع ده السنه اللى فاتت
تالته ثانوى دى سنه العجايب
انا هفتى شويه فى الموضوع ده:p
اعتقد ان مستوى الذكاء عند الشخص نفسه ثابت طبعا مش هيتغير
بس الاختلاف بقى هيبقى عندك انتى من الناحيه النفسيه وحطى تحتها مليون خط دى والنوم المظبوط والاكل الكويس..ده لو بنتكلم فى مذاكره
يعنى هو مش الذكاء اللى بيتغير التركيز هو اللى بيتغير
..Just Stop 28-09-2007, 09:28 PM طبعا التركيز هو اللى بيختلف من وقت للتانى
ساعات الواحد كدا يكون مركز فى مسالة رياضة مثلا ويجيب الل فى دقيقة ( مش عشر ثوانى زى ما بتقولى )
وساعات كدا اكون مشغول فى حاجة ونا بحل فمبعرفش احل فبحس انى غبى
ودا مش معناه انى غبى لا قدر الله
انما الواحد تركيزه هو اللى بياثر على زكائه
هو الموضوع بيتكلم عن ايه
Taleba Me7tasa 28-09-2007, 10:30 PM طبعا التركيز هو اللى بيختلف من وقت للتانى
ساعات الواحد كدا يكون مركز فى مسالة رياضة مثلا ويجيب الل فى دقيقة ( مش عشر ثوانى زى ما بتقولى )
وساعات كدا اكون مشغول فى حاجة ونا بحل فمبعرفش احل فبحس انى غبى
ودا مش معناه انى غبى لا قدر الله
انما الواحد تركيزه هو اللى بياثر على زكائه
هو الموضوع بيتكلم عن ايه
مشكور يا ميدو لمرورك بس مفهوم ان التركيز هو اللي بيختلف من وقت للتاني على حسب الظروف زي ماهند قالت بس لو مثلا مسالتين متقاربتين ف الصعوبة يقدر يحلهم نفس الشخص ف وقتين مختلفين
..Just Stop 28-09-2007, 10:32 PM طبعا عادى
ودا بردو بيرجع للتركيز
Taleba Me7tasa 28-09-2007, 10:35 PM شكرا ليكو كلكو يا جماعة المسابقة الرمضانية بتاعت النهاردة حليتها انه فعلا الذكاء بيختلف من وقت للتاني لان السؤال التالت فيها بتاع الفئران كان ف ال Iq اختبار الذكاء فانا حليته غلط ساعتها لكن النهاردة حليته بسرعة وبمنطقية لو كان ينفع اقول الاجابة كنت قلتها
شوووووكرا ثانوية
..Just Stop 28-09-2007, 10:50 PM شوووووكرا ثانوية
بعد البحث والتدقيق والتفتيش والتطنيش وخلافه
توصلت ............. ( صاحبة الموضوع يعنى )
الى ما يلى
الذكاء بيختلف من وقت للتاني
والسلام عليكم ورحمة الله
Taleba Me7tasa 28-09-2007, 11:18 PM انت بتتريق ولا ايه والله الموقف بتاع السؤال دة حصل معايا فعلا وبعدين اختلاف الراي لا يفسد للود كضية صوح ولا اني غلطان :d
..Just Stop 28-09-2007, 11:39 PM لالالا
والله ما بتريق ولاحاجة
انتى فهمتينى غلط يا استاذة
بيحصل معايا بردو والله
انا اسف لو كنت دايقتك
Taleba Me7tasa 28-09-2007, 11:48 PM معلش انا اللي اسفة فهمت غلط اصلي بقيت بحرص دلوقتي من اعضاء ثانوية بالذات على الرغم من وجود اعضاء كتير بحترمهم تحس ان فيه ناس بتدخل الموضوع تحدف دبشة وتمشي واللي اتلسع م الشوربة ياخد باله بقى م الزبادي :p يلا حصل خير :D
..Just Stop 29-09-2007, 12:04 AM بس ردى مش شوربة
دا طلع زبادى هههه
خلاص حصل خير
MohammeD el_SadaT 04-10-2007, 02:38 AM تم حضف الردود المخالفه ووقف العضو
FrDeT sHraB (http://thanwya.com/vb/member.php?u=42344)
7 أيام
أما الموضوع بأه فأنا من رأيى
إن الإنسان لما بيكون مهىء نفسياً للموقف اللى هو فيه بيكون نسبه تركيزه أعلى فالبتالى بيكون ذكاؤه أعلى
والعكس طبعا ً
وبردو الجو المحيط به بيأثر عليه يعنى حتى مثلا وإنتى بتتفرجى على فيلم ولا حاجه
تلاقى نفسك مش عاوزه حد حتى يفتح عليكى باب الغرفه لأن ده بيشتت إنتباه وبالتالى بتخدى فتره على ما تعيدى تركيزك
وبردو الممارسه شىء مهم يعنى لو حاجه عملتيها أكتر من مره بعد كده مش بتاخد منك وقت وده مبيبقاش عشان ذكائك لا دا بيبقى تعود
يعنى مثلا لو انتى راكبه حمار وراحه به مكان لأول مره باخد منك وقت طويل لكن لو رحتى المكان أكتر من مره بعد كده ممكن يروحو وهو مغمض فى وقت أقل
بالك الحمار بيتعلم يبقى البنى آدم يعمل إيه
عموما دى مسأله نسبيه وبتتوقف على حاجات كتير
وميرسيه كتير على طرحك للموضوع
سلام عليكم
Taleba Me7tasa 06-10-2007, 12:54 AM وبردو الممارسه شىء مهم يعنى لو حاجه عملتيها أكتر من مره بعد كده مش بتاخد منك وقت وده مبيبقاش عشان ذكائك لا دا بيبقى تعود
يعنى مثلا لو انتى راكبه حمار وراحه به مكان لأول مره باخد منك وقت طويل لكن لو رحتى المكان أكتر من مره بعد كده ممكن يروحو وهو مغمض فى وقت أقل
بالك الحمار بيتعلم يبقى البنى آدم يعمل إيه
شكرا ليك يا سادات لمرورك وللاجراء دة والكلام دة فعلا مظبوط حتى مثلا ف الرياضة تلاقينا نحل النماذج كلها ومسائل كتاب المدرسة عشان نبقى فكرنا فيها كذا مرة فمتاخدش وقت او تضيع مننا لو جت فالامتحان (دة طبعا ف حالة اننا احنا اللي جبنا حلها ف الاول مش المدرس اللي حلهالنا) بتبقى برضه حكاية تعود على نمط السؤال
FRANKENSTEIN 06-10-2007, 01:18 AM انا ليا استفسار يا ميدو :D
انت ليه بتحب تحذف ردودي دايما :d
تصدق انا بقيت بزعل لما يكون فيه موضوع انا مشارك فيه وانت محذفتش ردين تلاته :D
مسأله تعود بقي
فردة شرااب 07-10-2007, 01:55 PM تم حضف الردود المخالفه ووقف العضو
ومالك منشكح ليه وانت بتقولها
لو الحكاية دي بتجيلك كتير متستناش علي نفسك لحسن تبئا كده http://thanwya.com/vb/images/smilies/huh.gif او حالتك تسوء وتبئا كده http://thanwya.com/vb/images/smilies/wacko.gif المهم انها هتبئا حالة من حالات التتنيح http://thanwya.com/vb/images/smilies/mellow.gif يلا طريقك اخضر
متنساش تديني كمان اسبوع بدون مرتب
اه صحيح تبئا تجيب معاك مدرس عربي " يحضف " معاك الردود وعلي رأي الست ام فتكات
" المهيسين في نعيم "والحدق يفهم http://thanwya.com/vb/images/smilies/biggrin.gif
|