المساعد الشخصي الرقمي

مشاهدة النسخة كاملة : معلقة ابن ابو بري ــ للشعر العامي ــ مكررة ــ

Crazy Pharma Boy
27-09-2007, 11:12 PM
:D

القصيدة دي بنشرها تاني لانهم باين شالوا مواضيعي القديمة

دي بتعبر عن واقع البلد بالضبط

دي مُعلقة بن ابو بري اللي هو انا

وضاهيت فيها فطاحلة الشعر :D

يلا اسيبكم وياها



ــ أحسن ناس ـــ


هقعد اقول مواويل
والناس تحدف طوب
مكنش ليه عنتره
مكنش ليه شيبوب

وأقعد اغني بصوتي
الاقي السما ألوان
والاقي جنبي زبالة
حواليها كوم دبان

طول عُمري واد هليس
وطالع صايع وبرم
بروح ميدان رمسيس
واتمشى لحد الهرم


وطول السكة ماشي
عمال بعاكس مزز
اقابل الشويش
يشدني وانحجز

واضربلي كام سيجارة
أعمل احلى دماغ
لا انا ضد الحكومة
ولا عايش بالدراع

وطول الليل أغني
وأقول يا عين يا ليل
الاقي الست تقولي
اصبر !!
الصبر جميل

وامشي وانا مش شايف
معرفش أي قدامي
والاقي واحد مشدود
اااه دا كان اخواني




بلدنا بلد الفن
والرقص والجدعنة
لو كان الهز فن
فوسطي فيه معجنة

ومشيت أكتر وشوفت
شاب في إيده موبايل
ضاربلي فـــ شعره جيل
وعاملي فيها استايل

وامشي كمان واشوف
البوي والجيرل فريند
لا حصلنا الصومال
ولا حتى طولنا الهند


بلدنا دي عجيبة
وأعجب من العجب
لو شوفت الصورة عدلة
يبأى الكتاب أتقلب

والأعجب من دا كله
ينادوا بالحُرية
عايشين احلى حياة
وسلام وديمُقراطية

أخدنا إيه م الغرب
غير هلس ومسخرة
ونقول احنا الفراعنة
ودا اللي جايبنا وره

هقول ايه يا ناس
وهشكي لمين حالي
مصاريف وديون كتير
شاغلة كتير بالي

هي قناة السويس
عاملالنا ايه يا ناس
لا شوفنا منها فلوس
ولا حتى كوم اقفاص



ولا فلوس السياحة
اعرف خدوها فين ؟
اوعى تقول حاجا !!
يمكن نروح فــ !!
كمين

بلدنا دي عايشة
والنهب فيها شغال
الأصل اسمه وزير
والمهنة ليه
نشال !!

ونيجي يوم نغني
وسلامنا للوطنية
ونقول الحالة عال
وفل ومية مية



عايشين يا ناس حياة
احلى من العسل
واللي يقول غير كدا
نلاقيه للسجن
وصل !!

لا هنافق ولا هكابر
ولا هنادي بصوت عالي
انا ابن بلد صحيح
بس الشرف غالي

شرف مين يا عم
سيب الملك للمالك
الكل فيها متعذب
والأكتر فيها هالك

لو كنت ماشي انتا
براحة جنب الحيط
مش شايل منشورات
لأ شايل
معاكـ كبريت!!



تولع السيجارة
وتهيس مع البنات
وتدخل نت
تشيت !!
وتقولي خد وهات

يعم فوق وصحصح
شوف قوتك وقوت عيالك
ركز معايا وفوق
شوف ايه اللي جرالك ؟؟

مش شايف أي حاجا
عملوله غسيل دماغ !!
لا عارف أي حاجا !!!
ولا يملك قرش ساغ

يلا بينا نغني
للكورة والمنتخب
أهلاوي ؟!!!؟
لأ زملكاوي ؟!!!؟
لمن منهم تنتسب ؟ !

شوفت الفيلم الجديد ؟
ايوه اكيد يا عم !
شوفت هيفا بترقص ؟
اه !!!
للنقطة كنت بلم


ويقولك ايه هنكتب
اغاني في الشرف
شرف مين يعمي
ابعد بلاش قرف !!

احنا عايزين نبايع
وننطاطي راسنا ليهم
نعيش دايماً قفا
مختوم ياما بإيديهم




خش يا بني وعلم
ع الحزب ع الحبايب
لا تقولي كبر ونفض
ما ضميرنا مات و غايب

عايشين يا ناس في ظلم
و سجن وبهدلة
واكبر حاجا نشوفها
صحفي عامل
بلبلة !!

يعم روح واتلهي
وشوفلك تمن حشيش
خلي الدماغ صاحي
ولعها يابا وعيش !!

روح شوف كليب روبي
او فيلم عادل إمام !!
ومتقولش حكومة وحشة
أوعى !!
تاخد إعدام

متقولش ايه اللي بيحصل
متقولش ايه اللي جرى
كل ما نطلع خطوة
نرجع مية لوره


ونمشي مع الحكومة
نقول الله عليها
لا عارفين السياسة
ما الكُل بيفتي فيها


ونقول سلام كمان
للدين وللأمانة
لو كان ضميرك حي
روح اقرب
اجزاخانة !!!



جبلك سم قاتل
وسم نفسك بيه
مش لازم ويا مايه
خليها كركاديه !!!



عايز تقول الحق ؟
ولا هتشهد زور ؟!
وتاخدلك المعلوم !!
وتغطي ع المستور

يعم ربك حافظ
هو لوحده العليم
بأن الزمة صاحية
اديني
كام مليم ؟!!

و هقولك كل حاجا
وهقول احلى كلام
هتسقف في المجالس
وتزود الأختام !!

هنبيع بنك مين !!
موافقة م الجميع
يطلعلنا الخبر
مع اشيك
مذيع !!!


يا عم هاتلك كيلو
من الكوسة بتاعتنا
هتوصل للمُراد
بس ابأى ادينا حتة ؟


عارف انا اقصد ايه ؟؟!
لأا عيب انا مش مرتشي
انا عايز كادو
وحاجا كدا
شفتشي !!!

يا عم سك ولخص
وهات من الأخر
هنعيش نقول مواويل
والقاري ليها ساخر
The Lord Of The Rings
28-09-2007, 03:09 AM
الصراحة يا بري انا سعيد اني اكون اول من يرد ع الموضوع

القصيدة هايلة هايلة هايلة

تسلم ايديك يابني و الله

ربنا يحميك

انا مش عارف ازاي مشفتش معلقة ابن ابو بري دي :d:) القديمة اللى انت بتقول عليها

يمكن انا جديد ف الموقع ولا حاجة

ع العموم بكرر لك اعجابي بيها مرة تانية

و الى الأمام دائما ... و اتمنى لك كل تفوق و الله سواء ف الصيدلة أو ف الشعر و المعلقات :d:)

سلامي
Crazy Pharma Boy
28-09-2007, 03:11 AM
:d يا مراحب يا بشمهندز :d

منور والله ونورك شع من الموضوع :)

شهادة جميلة اعتز بيها والله :)

ربنا يخليك يا باشا :)


وربنا يوفقني ويوفقكم
FRANKENSTEIN
28-09-2007, 03:04 PM
ههههههههههه
انا قلت رأي قبل كدا مش حكايه بقي كل شويه :d

شكرا يا ميدو هي بجد كميله اوي
gamal saber
28-09-2007, 03:08 PM
الله عليك يا برى
اية الحلاوة دى
بس دى تودى فى حديد على طول
وحشتنا والله يا مان
بس عاوزين جديد
Crazy Pharma Boy
28-09-2007, 07:23 PM
هههههههههههههههههههههههههههههه معلش بأى يا جماعة تودي في حديد في صفيح

دي اللي جات مني !!
..Just Stop
28-09-2007, 07:47 PM
لا حول ولا قوة الا بالله العلى العظم

that is very good

thank you kteeeeeeeeeeeeeeeeeeeeeeeeeeeeeeeeeeer ya mohammed
CrazY Bo$S
28-09-2007, 11:07 PM
جميلة يا برى .. مش دى اللى كانت فى المدونة ؟
Crazy Pharma Boy
29-09-2007, 05:28 PM
شُكراً يا ميدو لمروركـ

ايوه يا بو حميد هي اللي في العرين
منى الشقية
20-10-2007, 01:15 PM
الله يا برس تسلم الايد اللي مسكت القلم وكتبت الكلام ده
بجه انا مبهورة بكلامك جدا
انت راع وفنان وشاعر كبير اوي ان شاء الله
صوت الحق
20-10-2007, 01:36 PM
استمر واقراء الشعر سوف تصبح محترف وأكثر من شعر بيرم التونسى واحمد فؤاد نجم وغيرهم شكرا على القصيدة
نونا المصرية
20-10-2007, 01:49 PM
الله عليك الله يا شاعر
ايه الكلام الجامد ده يا دكتور
بجد كلمات جامدة طحن
وعملت صورة مية مية للبلد
عمار يا مصر ..عمار يا بلدى
بس نصيحة يا برى اقعد فى بيتكم اليومين دول لحد ما الحالة تهدى شوية
ميرسى اوى يا جميل عالقصيدة الجامدة دى
The Happy Angel
24-10-2007, 07:42 AM
كوز دره معاك يابري
M I D O
24-10-2007, 08:08 AM
لا اجد كلام اكثر من ان اقول لو طولت ان اقدم لك جائزة الدولة التقديرية لقدمتها لك

ايها الشاعر الكبير

باذن الله الى الامام بمستقبل باهر للغاية
عزة كمال محمد
24-10-2007, 04:56 PM
السلام عليكم ورحمة الله وبركاته
ازيك يا بري
ايه الجمال ده؟
بجد كل مواضيعك جميلة
ما شاء الله :) احسن تقول البت بتحسدنى :)
بمناسبة نجاحك الباهر ف الشعر
هطلعك رحلة لاسبانيا فى فالنسيا
http://www2.0zz0.com/2007/10/24/14/73101429.jpg
يلا رحلة سعيدة يا بري
وبعد كده هتروح تقابل الممثلة دى
http://www2.0zz0.com/2007/10/24/14/69478817.jpg
يلا اى خدمة يا بري ;)
سلام
المجاهد فى سبيل الله
25-10-2007, 11:33 AM
السلام عليكمورحمة الله وبركاته
اخى جزاك الله كل خير
بصدق القصيدع اعجبتنى كثيرا
fares elnet
25-10-2007, 07:12 PM
شكرا يا محمد على القصيدة الجميلة


وننتظر المزيد ان شاء الله
Crazy Pharma Boy
27-10-2007, 01:42 PM
الله يا برس تسلم الايد اللي مسكت القلم وكتبت الكلام ده
بجه انا مبهورة بكلامك جدا
انت راع وفنان وشاعر كبير اوي ان شاء الله

ربنا يخليكي يا مُنى والله مفيش حاجا ـ

دي حاجات بسيطة والله وكلمات متواضعة

بس شكلي جيت ع الجرح :(


استمر واقراء الشعر سوف تصبح محترف وأكثر من شعر بيرم التونسى واحمد فؤاد نجم وغيرهم شكرا على القصيدة


مش للدرجادي يا عمي

ع العموم يكفيني اني بعبر عن مشاعري وبكتب وبفضفض وبطلع اللي جوايا


الله عليك الله يا شاعر
ايه الكلام الجامد ده يا دكتور
بجد كلمات جامدة طحن
وعملت صورة مية مية للبلد
عمار يا مصر ..عمار يا بلدى
بس نصيحة يا برى اقعد فى بيتكم اليومين دول لحد ما الحالة تهدى شوية
ميرسى اوى يا جميل عالقصيدة الجامدة دى

ايه نور حُسني بحالها هنا لأ مش مصدق

ازيك يا نور عاملة ايه ـ واخبار الكُلية

ان شاء الله كُله تمام شدي حيلك يا دكتورة

لأ اقعد في بيتنا ليه عادي

انا مجبتش حاجا مُخالفة للواقع

وقُل لن يُصيبنا الا ما كتب الله لنا

مش فارقة

كوز دره معاك يابري


ولو عايز كانز بيبسي يا باشا نجيبلك


لا اجد كلام اكثر من ان اقول لو طولت ان اقدم لك جائزة الدولة التقديرية لقدمتها لك

ايها الشاعر الكبير

باذن الله الى الامام بمستقبل باهر للغاية


ههه مش للدرجادي يا حُبي

ع العموم بجد مش عارف أقول إيه ع الإطراء الجامد دا بس ربنا يخليكم :)

ومنورني يا ميدو يا حُبي


السلام عليكم ورحمة الله وبركاته
ازيك يا بري
ايه الجمال ده؟
بجد كل مواضيعك جميلة
ما شاء الله :) احسن تقول البت بتحسدنى :)
بمناسبة نجاحك الباهر ف الشعر
هطلعك رحلة لاسبانيا فى فالنسيا
http://www2.0zz0.com/2007/10/24/14/73101429.jpg
يلا رحلة سعيدة يا بري
وبعد كده هتروح تقابل الممثلة دى
http://www2.0zz0.com/2007/10/24/14/69478817.jpg
يلا اى خدمة يا بري ;)
سلام


ههههههههه ايه الممثلة دي

وانا اقدر اسيبك يا عزة واروح للحاجات دي

والله وحشاني جداً ـ معدتش بشوفك ـ

ع العموم ربنا يوفقكـ وطمنينا عليكي بأى يا بنتي متنسيش انا الكبير برضو

وميرسي على الرحلة بتاعة فالنسيا ـ وصلت

السلام عليكم ورحمة الله وبركاته
اخى جزاك الله كل خير
بصدق القصيدع اعجبتنى كثيرا

وعليكم السلام ورحمة الله وبركاته

اتفضلها يا عمنا ولا يهمكـ

وجزانا الله الخير واياكم

يارب تفضل دايماً عجباك :)




شكرا يا محمد على القصيدة الجميلة


وننتظر المزيد ان شاء الله


اهلا بيك يا باشا :)

مزيد صعب انا دي منزلها كدا ـ باقي رحلتي أغاني ـ خواطر هنزل ليكم خاطرتين دلوقتي

ومنورين دايماً والله :)
Crazy Pharma Boy
27-10-2007, 01:44 PM
:) :) :) :) :)