مشاهدة النسخة كاملة : C.s.g : فيزياء جسيمات: الجسيمات الاولية ...مقدمة


Eng..LiNa
20-12-2010, 05:08 PM
بسم الله الرحمن الرحيم

ده تالت مقال فالجروب
http://img213.imageshack.us/img213/2262/logors.png


اللي اتاسس هنا
http://www.thanwya.com/vb/showthread.php?t=266720

واول مقال ليا

واتمني ان المقال يعجببكم


نبدا نتكلم عن الجسيمات الاولية
طبعا في نظريات كتير وضعت عن الذرة وتركيبها
وانا حبدا من نقطة معينة
وهي ان الذرة عبارة عن الكترونات ونواة مكونة من بروتونات ونيوترونات
طبعا ده لحد الستينات تقريبا
ولكن تجارب اصطدام البروتونات ببعضها بسرعات عالية كشفت وجود جسيمات اصغر بتتكون منها النيوترونات والبروتونات
هي الكوارك
وهنا نذكر ان منها 6 انواع
(عالي وواطي ووغريب وساحر وقاع وقمة)
وهنا نقول البروتون مكون من 2كاورك عالي وواحد واطي
والنيوترون مكون من 2كاورك واطي وواجد عالي

حلو اوي
ننتقل لخاصية نذكر انها بتنشا من ازدواج طبيعة الجسيمات دي
حيث انها بتتعامل كجسيمات وكموجات كما ذكرت ميكانيكا الكم
(ده في مبدا دي براولي
في معادلة بتقول ان الطول الموجة =h(ثابت بلانك) على mv ( كتلة الجسيم مضروبة فسرعة الجسيم )
وبكده كل جسيم بيتحرك لي موجة بيتحدد طولها بالقانون ده )
الخاصية اللي بتنتج من ازدواج طبيعة الجسيمات دي اسمها
اللف
وممكن يتبادر فذهنكم ان الجسيمات دي لها محور بتلف حواليه
الا ان ده غلط
لان ميكانيكا الكم قالت ان الجسيمات ملهاش محور نقدر نحدده كويس
بتعريف بسيط
حنعرف اللف انو
الشكل اللي بيظهر عليه الجسيم من الاتجاهات المختلفة
فمثلا لما اقول الجسيم ده لفو صفر
يبقي اقصد انو بيظهر بشكل واحد من كل اتجاه
زي النقطة كده
ولما لقول ان جسيم لفو واحد يبقى بيظهر بنفس الشكل لما الفو 360 درجة
وبردو لما اقول عن جسيم لفو 2 يبقي بيظهر بنفس الشكل
كل ما الفو 180 درجة
وهكذا
المدهش لما اقلكو ان في جسيمات لفها نص
نص ازاااااي؟؟؟
يعني لما الفها دورتين كاملين عشان تظهر بنفس الشكل

انتقل للي انا عوزة اقولو بشكل اساسي
ان الجسيمات اللي بفها نص هي الللي بتتكون منها الماده
اما اللي لفها 0 او 1 او 2
هي دي اللي يتنشا عنها القوي بين الجسيمات


دلوقتي حنقسم الجسيمات دي لاربع اقسام
حبدا بالجاذبية
اللي عرفنا فمقال احمد اللي فات انها اضعف القوي
وانها اذا افترضنا ان طاقة الجاذبية مقدارها 1
فتكون الطاقة الكهرومغناطيسية = 10^39 طاقة الجاذبية
نظرية ميكانيكا الكم اعتبرت انها بتحصل من جسيم لفه 2 وهو الجرافيتون
يعني اي جسمين متجاذبين اللي بيحصل بينهم هو عبارة عن تبادل جرافيتونات
وللعلم الجسيم ده تقديري ومحدش شافو


نيجي لتاني قوة وهي القوة الكهرو مغناطيسية
وصورت النظرية الالقوة دي علي انها عبارة عن تبادل فوتونات
وهي لفها 1
احب اقول ان الفوتون ممكن ترصده لما يرجع الكترون مثار لمكان الاصلي

نيجي للقوة النووية الضعيفة المسئولة عن النشاط الاشعاعي
الجسيمات المسئولة عنها هي اسمها
يوزونات التوجه دات الكتلة
هي W موجب
W سالب
Z نوط (بلا شحنة)
ولفهم واحد
ودول لهم خاصية اسمها كسر السمترية
بايجاز هي بتقول ان الاجسام بتظهر بعده اشكال عند الطاقات المنخفضة
لكن عند الطاقات العالية تسلك بطريقة مماثلة



نيجي للقوة النووية القوية
المسئولة عن تماسك الكوارك مع بعضها
وعن تماسك البروتونات والنيوترونات
الجسيم بتاعها اسمو جلون ولفه 1
ليه خاصية اسمها خاصية التقيد
وهي انها بتربط الجسيمات مع بعض في توليفات ملهاش لون
(اصل احنا لو لقينا كاورك لوحده هيبقالو لون اخضر او ازرق وهكذا
ولون الكوارك ده نوع من الشحنات اسمه الشحنة اللونية
ودي خاصية اوليه للكوارك
اما لما يلتف واحد اخضر مع واحد ازرق مع واحد احمر
يدوني توليفة بيضة:))
واللي بيتكون ده اسمو العام فالتصنيف هادرون
ونفس الخاصية بتنطبق علي الجلون نفسة
مبيبقاش لوحده لا بيكون توليفة جلونات بيضاء
ودي بتكون جسيم غير مستقر اسمو glue-ball

كفايه كده وتبقي نتكلم المرة الجاية فتوحيد القوي دي

THE CodeR
20-12-2010, 06:32 PM
بإذن الله اكون اول من يشكرك علي الموضوع
و اعتقد كده ان الاعضاء مش هيبقي عندهم ادني مانع انك تكتبي في مجال الفيزياء مرة و انا مرة :d
تدبيسة تمام يعني :d :d
انا معنديش تعليق علي الموضوع و شكراً للمجهول العالي ده
تقبلي مروري السريع

Mostafa Walid
21-12-2010, 01:31 AM
السلام عليكم
يشرفنى اكيد انى اكون تانى واحد يرد عليكى يا لينا احمد سبقنى بقى
موضوع جميل يا لينا وجزاك الله كل الخير
وان شاء الله مستنين موضوعات اكتر واكتر

Eng..LiNa
21-12-2010, 06:11 PM
بإذن الله اكون اول من يشكرك علي الموضوع
و اعتقد كده ان الاعضاء مش هيبقي عندهم ادني مانع انك تكتبي في مجال الفيزياء مرة و انا مرة :d
تدبيسة تمام يعني :d :d
انا معنديش تعليق علي الموضوع و شكراً للمجهول العالي ده
تقبلي مروري السريع


اهلا وسهلا يا احمد
وشكرا لمرورك واتشرفنا بردك والله
بس التدبيسة دي كبيرة اووووووي عليا:mellow::mellow:
علي العموم شكرا علي الدعم المعنوي ده
نورت صفحتي المتواضعة:)

السلام عليكم
يشرفنى اكيد انى اكون تانى واحد يرد عليكى يا لينا احمد سبقنى بقى
موضوع جميل يا لينا وجزاك الله كل الخير
وان شاء الله مستنين موضوعات اكتر واكتر

وعليكم السلام
والله انا الي يشرفني ردك الجميل ده
ومبسوطة والله بمرورك وتشجيعك ده
ودعوتك الجميلة دي
نورت التوبيك :):)

MiSty AnGel
21-12-2010, 10:11 PM
السلام عليكم
جزاكي الله خيرا علي الموضوع الرائع ولكن عندي تعقيب بسيط
انتي قلتي الكوارك بيبقي ليه لون ازرق او اخضر
هل تقصدي ان الالوان دي موضوعه مجازا لمجرد اننا بنقول ان ليه مثلا بعض حالات
ولا تقصدي ان الالوان فعليه
وبعدين ازاي شافوها؟!!
واشكرك ثانية علي موضوعك الراثع وتقبلي مروري

THE CodeR
22-12-2010, 02:14 PM
السلام عليكم
جزاكي الله خيرا علي الموضوع الرائع ولكن عندي تعقيب بسيط
انتي قلتي الكوارك بيبقي ليه لون ازرق او اخضر
هل تقصدي ان الالوان دي موضوعه مجازا لمجرد اننا بنقول ان ليه مثلا بعض حالات
ولا تقصدي ان الالوان فعليه
وبعدين ازاي شافوها؟!!
واشكرك ثانية علي موضوعك الراثع وتقبلي مروري

سؤال جميل
طيب تعالي نسأل : ليه التفاحة الحمرة لونها احمر؟؟
ببساطة عيني اللي مظهراها حمرة
يعني عيني هي اللي بتديني الاحساس ده
الضوء الاحمر
ليه لونه احمر ؟؟
لان عيني هي اللي بتظهره احمر من خلال الشبكية تقريباً
المخ بيترجم الاشارات اللي بالطاقة دي الي اللون الاحمر
لكن بالنسبة للجسيمات الالوان دي مش موجودة
فيما عدا الجسيمات التي تحمل شحنة لونية زي الكواركات و الجلونات
اي جسيم منهم لونه الحقيقي يساوي شحنته اللونية
و الشحنة اللونية تشبه الشحنة الكهرومغناطيسية الا ان معادلاتها صعبة و تعرف بالكرومودينامك الكمي تقريباً
اي هادرون (جسيم مركب) زي البروتون مثلاً لازم يكون مجموع شحناته اللونية يديه اللون الابيض
يعني لونه ابيض و هو ناتج جمع مجموعة من الوان الكواركات و الجلونات
بس كده
سؤال كويس علي فكرة
و شكراً لمرورك

Eng..LiNa
23-12-2010, 01:19 PM
السلام عليكم
جزاكي الله خيرا علي الموضوع الرائع ولكن عندي تعقيب بسيط
انتي قلتي الكوارك بيبقي ليه لون ازرق او اخضر
هل تقصدي ان الالوان دي موضوعه مجازا لمجرد اننا بنقول ان ليه مثلا بعض حالات
ولا تقصدي ان الالوان فعليه
وبعدين ازاي شافوها؟!!
واشكرك ثانية علي موضوعك الراثع وتقبلي مروري


وجزاك مثله يا عسولة
نورتيني فصفحتي المتواضعة
ويشرفني ان الموضوع عجبك
وبالنسبة للسؤال الجميل
احمد سبقني وجاوب :):):)
وميرسي لمرورك يا عسولة

MiSty AnGel
24-12-2010, 09:54 AM
سؤال جميل
طيب تعالي نسأل : ليه التفاحة الحمرة لونها احمر؟؟
ببساطة عيني اللي مظهراها حمرة
يعني عيني هي اللي بتديني الاحساس ده
الضوء الاحمر
ليه لونه احمر ؟؟
لان عيني هي اللي بتظهره احمر من خلال الشبكية تقريباً
المخ بيترجم الاشارات اللي بالطاقة دي الي اللون الاحمر
لكن بالنسبة للجسيمات الالوان دي مش موجودة
فيما عدا الجسيمات التي تحمل شحنة لونية زي الكواركات و الجلونات
اي جسيم منهم لونه الحقيقي يساوي شحنته اللونية
و الشحنة اللونية تشبه الشحنة الكهرومغناطيسية الا ان معادلاتها صعبة و تعرف بالكرومودينامك الكمي تقريباً
اي هادرون (جسيم مركب) زي البروتون مثلاً لازم يكون مجموع شحناته اللونية يديه اللون الابيض
يعني لونه ابيض و هو ناتج جمع مجموعة من الوان الكواركات و الجلونات
بس كده
سؤال كويس علي فكرة
و شكراً لمرورك
اها..rgb

هما اعطوا الكوارك ثلاث حالاث تتمثل في تلات الوان:احمر وازرق واخضر
عشان كل الالون يمكن الحصول عليها من الثلاث الوان دول
زي مثلا في التليفزيون والكاميرا بتعتمد علي نموذج اللون rgb
مم فهمت
شكرا جدا للتوضيح

X-Designer
24-12-2010, 11:58 AM
آسف علي تأخير الرد
بصراحة موضوع جميل
مافيش ملاحظات بجد مجهود جيد جدا
Bravo :022yb4:

Eng..LiNa
24-12-2010, 07:49 PM
اها..rgb

هما اعطوا الكوارك ثلاث حالاث تتمثل في تلات الوان:احمر وازرق واخضر
عشان كل الالون يمكن الحصول عليها من الثلاث الوان دول
زي مثلا في التليفزيون والكاميرا بتعتمد علي نموذج اللون rgb
مم فهمت
شكرا جدا للتوضيح


ميرسي تاني مرة ليكي علي ردك
ونورتيني فصفحتي :):)

آسف علي تأخير الرد
بصراحة موضوع جميل
مافيش ملاحظات بجد مجهود جيد جدا
bravo :022yb4:
الحمد لله انو عجبك
ده شيء يشرفني والله
وميرسي علي ردك الجميل ده
وعلي تشجيعك
نورت صفحتي المتواضعة:):):)

martain mystery
29-12-2010, 11:40 PM
موضوع حلو
سوال هي الكواركات غريب وساحر وقمه وقاع بتوجد فين
والشحنات اللونيه مش فاهمها من الموضوع ومن شرح ذا كودر

THE CodeR
30-12-2010, 12:26 AM
موضوع حلو
سوال هي الكواركات غريب وساحر وقمه وقاع بتوجد فين
والشحنات اللونيه مش فاهمها من الموضوع ومن شرح ذا كودر
الكواركات دي مكونات جسيمات اسمها هادرونات
و الهادرونات انواع و منها البروتونات و النيوترونات
لكن في جسيمات كتير اوي تانية
من اكتر انواع الجسيمات هي الهادرونات
فعلي سبيل المثال عندك لمبدا و دلتا و سيجما و اوميجا
اوميجا ده اتقل الهادرونات و منه انواع كتير
العادي منه بيتكون من تلاتة كوارك غريب لكن منه انواع كتير
تقدر تشوف المقال ده في ويكيبيديا عنه http://en.wikipedia.org/wiki/Omega_baryon
اما حوار الشحنة اللونية بسيط
دلوقت انا عندي بروتون
البروتون ده مشحون بشحنة كهربية
تمام
دي طاقة اسمها الكهرومغناطيسية
نوعين من الشحنات بس
موجبة و سالبة
و بيحصل بين المتعاكسين منهم تجاذب
بسيط
لكن الشحنة اللونية ماهي الا ختلاف في المسمي
هي خاصية اولية للكواركات شبه الشحنة الكهربية
لكن التجاذب يكون بين 3 شحنات مختلفة مش مجرد اتنين و يربطهم جلونات زي ما قالت لولو لكن ليهم 8 انواع
و تفاعلاتهم مع بعض معقدة لان الجسيم الناتج بيكون مستقر لما بيكونوا مجموعهم هو اللون الابيض
فأنتا لو سألت يعني ايه شحنة من الاساس؟
مش هعرف ارد عليك لاني نفسي مش عارف الا انها خاصية اولية
و دي كلها نظريات قد يثبت خطأها بعد كده
والله اعلم
ارجو اني اكون قد افدتك

martain mystery
30-12-2010, 12:32 AM
الكواركات دي مكونات جسيمات اسمها هادرونات
و الهادرونات انواع و منها البروتونات و النيوترونات
لكن في جسيمات كتير اوي تانية
من اكتر انواع الجسيمات هي الهادرونات
فعلي سبيل المثال عندك لمبدا و دلتا و سيجما و اوميجا
اوميجا ده اتقل الهادرونات و منه انواع كتير
العادي منه بيتكون من تلاتة كوارك غريب لكن منه انواع كتير
تقدر تشوف المقال ده في ويكيبيديا عنه http://en.wikipedia.org/wiki/Omega_baryon
اما حوار الشحنة اللونية بسيط
دلوقت انا عندي بروتون
البروتون ده مشحون بشحنة كهربية
تمام
دي طاقة اسمها الكهرومغناطيسية
نوعين من الشحنات بس
موجبة و سالبة
و بيحصل بين المتعاكسين منهم تجاذب
بسيط
لكن الشحنة اللونية ماهي الا ختلاف في المسمي
هي خاصية اولية للكواركات شبه الشحنة الكهربية
لكن التجاذب يكون بين 3 شحنات مختلفة مش مجرد اتنين و يربطهم جلونات زي ما قالت لولو لكن ليهم 8 انواع
و تفاعلاتهم مع بعض معقدة لان الجسيم الناتج بيكون مستقر لما بيكونوا مجموعهم هو اللون الابيض
فأنتا لو سألت يعني ايه شحنة من الاساس؟
مش هعرف ارد عليك لاني نفسي مش عارف الا انها خاصية اولية
و دي كلها نظريات قد يثبت خطأها بعد كده
والله اعلم
ارجو اني اكون قد افدتك
انت افتني جدا جدا جدا
thanks alot

POP_POP
07-01-2011, 01:19 PM
بجد موضوع هايل وربنا يكرمك وتخشى كليه الهندسه

Eng..LiNa
07-01-2011, 07:59 PM
موضوع حلو
سوال هي الكواركات غريب وساحر وقمه وقاع بتوجد فين
والشحنات اللونيه مش فاهمها من الموضوع ومن شرح ذا كودر

ميرسي لحضرتك
والحمد لله ان الموضوع عجبك
شكرا للتشجيع نورت موضوعي المتواضع:)

بجد موضوع هايل وربنا يكرمك وتخشى كليه الهندسه

أمييييين
ميرسي لحضرتك علي الدعوة الجميلة دي
وميرسي لمرور حضرتك علي الموضوع
نورت التوبيك:)

teddy eddie
06-02-2011, 04:22 AM
اللف
وممكن يتبادر فذهنكم ان الجسيمات دي لها محور بتلف حواليه
الا ان ده غلط
لان ميكانيكا الكم قالت ان الجسيمات ملهاش محور نقدر نحدده كويس
بتعريف بسيط
حنعرف اللف انو
الشكل اللي بيظهر عليه الجسيم من الاتجاهات المختلفة
فمثلا لما اقول الجسيم ده لفو صفر
يبقي اقصد انو بيظهر بشكل واحد من كل اتجاه
زي النقطة كده
ولما لقول ان جسيم لفو واحد يبقى بيظهر بنفس الشكل لما الفو 360 درجة
وبردو لما اقول عن جسيم لفو 2 يبقي بيظهر بنفس الشكل
كل ما الفو 180 درجة
وهكذا
المدهش لما اقلكو ان في جسيمات لفها نص
نص ازاااااي؟؟؟
يعني لما الفها دورتين كاملين عشان تظهر بنفس الشكل


موضوع جميل بس انا مش فاهمه خالص الحته ديه

damwsthel
09-02-2011, 12:49 AM
موضوع رائع
بس انا مع teddy eddie مش فاهمه بردوا الحته بتاعه اللف

THE CodeR
10-02-2011, 02:18 AM
انا جبتلكم صفحتين من كتاب "تاريخ موجز للزمان" لعالم الفلك ستيفن هوكنج
كان شارح فصل كامل عن الجسمات الاولين و القوي الطبيعية
اتكلم فيهم و شرح بالتفصيل يعني ايه لف او دوران مغزلي
و ياريت يكونوا كافيين للشرح
و لو فيهم مشاكل ياريت تحددوها و احنا نحاول نفسرها بإذن الله

teddy eddie
11-02-2011, 11:42 PM
انا جبتلكم صفحتين من كتاب "تاريخ موجز للزمان" لعالم الفلك ستيفن هوكنج
كان شارح فصل كامل عن الجسمات الاولين و القوي الطبيعية
اتكلم فيهم و شرح بالتفصيل يعني ايه لف او دوران مغزلي
و ياريت يكونوا كافيين للشرح
و لو فيهم مشاكل ياريت تحددوها و احنا نحاول نفسرها بإذن الله

لا كده تمام مفيش مشاكل