أدخل وقل رائيك فيما حصل من اختراق للموقع اليوم وهل توافق على هذا الكلام وهذا الاسلوب
تم اختراق المنتدى .
انا كوبرا مشرف قسم الهكر فى المنتدى .
سبب اختراقى للمنتدى ان قلت لاشرف ان المنتدى محتاج حماية فضحك ومردش عليا كأنىبشحت منة... .فعملت موضوع فريق حماية المنتدى دخل المشرف السابق ورد بكلاستهزاء.... وقالى لو تعرف تخترق المنتدى اخترقة
السبب التانى ردا على كل عضو ومشرف غلط فيا .
يالا ياعم اشرف اضحك براحتك والمنتدى بقى من غير مدير ......... او اقولك روحهات مشرف الهكر القديم وخليه يرجع المنتدى لو كان بيفهم
عموما انا هقفل المنتدى يومين كأنذار وبعد كده هرجعوا بس عشان حاجة واحده ( لانىبحب الاعضاء ) وبحب ( منتدانا الغالى )
لما تدخل يأشرف ابقى كلمنى ومتقلقش بس نتفق وبعد كده هرجعلك عضويتك ومنتداك


برافوا عبقرينو الموقع رجع بعد ساعتين وليس يومين

مين قالك ان عبقرينو هو اللى رجع الموقع

هههههههههههههههههههه أولاً

الموقع اتقفل امبارح الساعة 12 ونص :d

ههههههههههههههههههههههههههههههههههههههههههههههههه

ومين قالك ان أشرف اللي رجعه أصلاً :d

ههههههه وثانياً شكلها تمثيلية أصلاً

السلام عليكم
جزاك الله خيرا
اولا الموقع لو حد اتصل بي امس كان رجع امس بعدها بساعة مش بساعتين

ثانيا : شكرا للمشرف كوبرا وربنا يهديه لاني عارف من كام يوم ان اخترق وبيكمل وسبته للاسباب في عقلي

ثالثاً : الحمد لله قمت فعلا باستراجاع الموقع بعد ربع ساعة من اول ما دخلت الموقع لانه كان مخترق كلمة المرور للموقع فقط

رابعا : بعدها استعانت بالاخ (ايهاب النجم) العضو معانا هنا في الموقع وكمان الله يبارك فيه الراجل اتصل النهاردة الظهر ولم يتأخر وساعدني بل قام بالكثير جدا في سد ثغرات بالمنتدى

خامسا : ما زال بالموقع ثغرات اعلمها وجاري سدها مع الاستاذ ايهاب

واخيرا احنا مش بنعمل تمثيلية ولا فاضيين للعب العيال يا جماعة
وهو اللي اخترق لم اكلمه ولا اكلمه وربنا يسامحه

والسلام عليكم

bravoooooooooooooo

بدل من فرد العضلات على بعض ورونا هتعملو ايه فى تحريف القراءن الكريم
http://www.suralikeit.com
ياريت لما تدمرو الموقع تبلغونا اكيد هتخدوا صواب كبير باذن الله

عادى
حصل خير يا اشرف
و كويس انك رجعت المنتدى
و ربنا يكرمك على سد ثغرات المنتدى كلها
انا لو كان معايا نمرتك او ايميلك حتى
كنت قلتلك امبارح علاطول اول ما شفته الموقع مقفول
لكن مش معايا اى وسيله للاتصال بيك للاسف
على العموم حصل خير
و ربنا يوفقك

الموقع دا متحصن جداً

ددا كلام ناس بتفهم في الهكر اكتر ما بتفهم معنى اسمها

هو وموقع رابسو

يعني متحاوليش

يعني يا كوبرا هنفترض انك رحت لقيت بيت فيه حائط هتقع وقلت لصاحب البيت وهو ما سئل فيها تروح تهدم الحيطة

بس الحمد لله يا كوبرا الفترة اللي فاتت من يوم كام في مشاكل في السيرفر اتعملت كثير في المواقع واختراقها والكلام الفاضي ده

وربنا وفقني النهاردة في سرعة التصرف لاسترجاع المنتدي

ويا ريت تحاول تخترقه ثاني علشان اعرف لو في ثغرات ثانية كدا ولا حاجة

وممكن تسأل المشرف اللي انت تسببت في رفع اشرافه (تيتو الباشا نت) عن مين اللي ساعد في اختراق موقع ميلتا الاباحي لمدة اسبوع كامل
والسلام عليك

عبقر عبقر عبقر عبقر عبقر
غيره مفيش
thanxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxx

بدل من فرد العضلات على بعض ورونا هتعملو ايه فى تحريف القراءن الكريم
http://www.suralikeit.com
ياريت لما تدمرو الموقع تبلغونا اكيد هتخدوا صواب كبير باذن الله



يا خبر ابيض
ايه الموقع ده
بجد يا جماعة عايزين نشوف حلول للمواقع دي

ويا كوبرا انا مسامحك بس بشرط لو تساعدني في السطو على هذه المواقع
وفي موقع كمان انا اعرفه بيسب الرسول والصحابة

فياريت اللي بيفهم في الاختراق يساعدنا وربنا يتقبل من الجميع

اه ده موقع .......................

مش عايز اقول كلمه وحشه وانا صايم

في حد ناوي يخترق الموقع ده
انا كنت بعمل الحاجت ديه زمان
بس بطلت


يلا يا جماعه في حد مرشح نفسه انه يخترق الموقع ده

ادى الكلام المظبوط حطو ايديكم مع بعض وحاولا اكثر من مرة ورونا فى الكلاب دول خلينا نفرح

الموقع ده
قديييييييييييييييييييييم اوى يا جدعان هو لسه موجود اصلا؟؟؟1

معلش يا خالد

تعمل ايه هما لسا جُداد

ومش هيعرفوا يعملوا فيه حاجا

هههههههههههههه حاولوا برضو

طب والله كويس إن في موضوع اتعمل عشان أنا مكنتش ناوي أعمل موضوع صراحة

أولا البرنس اللي اخترق الموقع .. عفوًا لقد أخللت بأحد شروط الهاك ،

Hack IS Art يا مان

مش معاك باسورد أو جبتها بأي طريقة تقوم تفرح وتقفل المنتدى وتكتب تم الإختراق

التحليل :

أولا المنتدى لم يتم إختراقه ، المنتدى تم معرفة باسورد المشرف العام ليه بأي وسيلة كانت

تقولي ليه يا فصيح ؟؟

أقولك يا سيدي :: أولا لأن إغلاق المنتدى مهياش غير من لوحة التحكم ، تقولي ما هو بيحفظ في القاعدة يا مان

أقولك ال Sql Injection ميعرفش يكتب .. يقرأ وكفى الله المؤمنين القتال

2- المان مأخدش الباسورد مشفر

ليه ... لسببين

السبب الأول إن مفيش Cross Site Scripting في الVbulettein 3.6.8

السبب التاني إن التشفير في الVbuleetin معقد زيادة عن اللزوم


=============================

أكرر الإختراق تم عن طريقة معرفة باسورد الأدمن ، سواء بطريقة مباشرة أو باسترجاع كلمة المرور عن طريق سرقة إيميل المشرف العام

عمومًا أنا لو اتصدمت وقالي في طريقة تانية ، بصراحة هاتصدم أوي

=============

ده واحد

خد اتنين يا مان ، انت لما اخترقت كان آخرك إنك تقفل المنتدى وتكتب في سبب القفل تم الإختراق !!!

عندك يا مان طرق أفضل كتير. . ده انت كان في إيدك من أول تاخد نسخة من القاعدة وتحذف الموجودة لحد ما تاخد الروت

وبعدين في طرق كتير تثبت بيها إنك بتفهم أكثر من إنك مجرد تقفل المنتدى

سبحان ربي !!

===============================================

بالنسبة لأشرف بقه

ثغرات إيه اللي قفلتها يا أشرف ؟؟؟

http://thanwya.com/vb/admincp/ حذفت الملفات ؟؟؟

انت بتحسسني كإنك فتحت الملفات واحد واحد وقعدت تقفلهم دالة دالة .. وفتحت الإس كيو إل وقفلت كل الإنشكشن اللي فيه !!

مخلاص بقه يا أشرف بلاش صداع

قلنا النسخة مفيهاش ثغرات

====================

رابعًا : بالنسبة للبرنسين والبرنسات اللي بيتكلموا عن المواقع اللي بتسب في القرآن والإسلام

يا شباب والله احنا حاولنا كتير

الخلاصة الممول هيئات كبرى .. ميهماش الفلوس اللي بتصرفها ، وأعتقد مفيش عربي أحسن من السيكوريتي بتاعها


وبعدين لازم تحط قدام عينك

{وَقَدْ نَزَّلَ عَلَيْكُمْ فِي الْكِتَابِ أَنْ إِذَا سَمِعْتُمْ آيَاتِ اللّهِ يُكَفَرُ بِهَا وَيُسْتَهْزَأُ بِهَا فَلاَ تَقْعُدُواْ مَعَهُمْ حَتَّى يَخُوضُواْ فِي حَدِيثٍ غَيْرِهِ إِنَّكُمْ إِذًا مِّثْلُهُمْ إِنَّ اللّهَ جَامِعُ الْمُنَافِقِينَ وَالْكَافِرِينَ فِي جَهَنَّمَ جَمِيعًا} (140) سورة النساء


تحياتي

يارب أبقى غلطان عشان أنا بحب أتعلم ، بس بجد هاتصدم أوى

هههههههه
يا اخ كوبرا رغم عدم معرفتى بالهكر
انما كل اللى انتا عملته ده فى الفاضى
انتا ما عملتش اكتر من انك سرقت باسورد عبقر (على كلام يورى)

عادى يا جماعه حصل
خير
والحمد لله

____

وان شاء الله
الموقع يا استاذه منه
هحناول نعمل فيه شئ

اهلا بكم من جديد انا كوبر روت الى بتتكلموا عنة

على فكرة يايورى انت فعلا راجل بتفهم فى الاختراق بس فى غلط جامد جدا

انا مش فاضى عشان افك شفرات المنتدى او اخترق ايميل عبقرينوا

الموضوع اكبر من كده .......

عموما انا مش عيل عشان افرح بباسورد او اى حاجة كل الى انا بعملة عشان انا خايف على المنتدى

ومش عايز اتسبب فى ايزاء المنتدى واحرم اعضائة منة بالعكس

انا مسيطر على المنتدى بالكامل

ولو مقدمتش اعتزار رسمى ياشرف بالكلام الى انت كتبتة انا هشتغل بطريقة تانية

ومش هحط فى اعتبارى حب الاعضاء والمنتدى


اخوكم cOpRa_r00t

روح رجع عضويتك يأشرف وعلى فكرة الحظر الى انت عاملة لعضويتى اسائة كبيرة قوى (((((( السبب :::: الباشا اخترق المنتدى ))))

وحركة جميلة الى انت عملتها يأشرف انك حطيت حماية على لوحة تحكم المدير بس دى متفرقش معايا والحظر للايبة بتاعى مش هيفرق برضة

كل الى انا زعلان علية هوا محمد السادات

ايميلى معاك ياشرف كلمنى عشان نصفى الخلافات احسن ماتندم فى الاخر

كلام فاضى
اعتقد ان فيه مواقع اهم ممكن انكم تخترقوها مواقع مسيئة للاسلام

ولا انا غلطان

يعم يستاهل خليه يتعلم :)

ربنا يهدي الحميع

منورين يا جماعة

اهلا ومرحبا بكم فى منتدى الثانوية العامة

حصل خيرةان شاء الله هنصفى الخلافاتيا وليد اللى بينك وبين الاستاذ اشرف __________________________ وكل عام وانتم بخير

المهم إن افتراضي كان صحيح

لازم تبقى سارق باسورد المشرف العام

وعايز أقولك إنه مستحيل أساسا تفك التشفير بتاع الفيبولتن


بالنسبة للسيطرة على الموقع

فبجد لو عملت اللي في دماغي تبقى انت كده مسيطر تمام ..

كنت عايز أسئلك .. عبقرينو حامي لوحة التحكم إزاي ؟ :huh:

ده كل اللي عمله إنه غير اسمها

ولو هه جاب من الآخر يبقى حط فايرول ..

عايزك تبهرني وتقولي عبقرينو حماه إزاي ;)

صحيح .. حاجة أخيرة .

انت مسيطر على المنتدى بس ولا الموقع كله ؟ ولا الروت كله ;)
تحياتي

ومبروك عليك

ده مهزلة كبيرة على فكرة

السلام عليكم
اشرف سيد عبد الله
عبقرينو
رجعت من جديد

ويا وليد لو في ثغرة ادخل عليها من جديد

وبعد قليل هنزل المسابقة

ابو آدم

وما تفرحش يا يوري

كخكخكخكخكخكخكخ

جارى عمل مفاوضات دبلوماسيه
والله المستعان

هذا هو ما اردت ان اقوله

السح الدح امبو

انى لا افقه شيئ كاننى فى منتدى الصراعات بدل منتدى الثانوية العامة رمضان كريم

بالله عليكم اتقوا ربنا بقى

والله اللى مش هيسكت هو حر انت بخترعوا الذره والله اجيب ابو تريكه يسرقكم جميعا فى غمضة عين ما هو اللى سارق كل الاندية
انت عملتم كده لية وحدو الله وممكن تحتكموا الى صوت العقل ممكن تشركوا اخ لكم انت الاثنين ويكون كبير فى السن يحكم بينكم انا مش حاسة بالاستاذ جمعه من مده لعل المانع خير وياريت حد يطمنى عليه

أولاً
أنا أكرر إنت مش بتفهم فى الهاك
ولو إنتن فعلاً مسيطر على المنتدى كنت فكيت الحظر بتاعك ودة يدل على إنك ....مش فاهم
وكل إللى إنت عاملة مسيطر على 3 حاجات جهاز عبقرينو أو إيميلوا ولكن مش على الموقع خالص أو أخرك رافع شيل
ولو إنت فعلاً مسيطر عايزك تدخل بعضويتى وتكتب رد أوك
سلام .........

ان شاء الله
خير يا منه الاستاذ جمعه كويس بخير ان شاء الله
الله
اما يا الباشا تلميذ
انت فوق دماغى من فوق
واللى فات مات
ونقفل على الموضوع بالضبه والمفتاح كما قال المرشد