إعادة الثانوية العامه [الأرشيف] - بوابة الثانوية العامة المصرية

مشاهدة النسخة كاملة : إعادة الثانوية العامه

الصقر المصرى 1

23-12-2010, 04:07 PM

السلام عليكم ورحمه الله وبركاته

يا جماعه انا خريج تجارة 2006 كنت دايما متفوق طول عمرى وبطلع من الأوائل على المدرسة رغم انى مكنتش بذاكر الا قليل جدا والكل كان متوقع انى ادخل طب جيت فى ثانيه ثانوى ذكرت قبل الامتحان بشهر وجبت 96.5 % وجيت فى تالته وحصل لى ظروف انا طبعا السبب فى بعضها لانى ما ذاكرتش باجتهاد اوى وحصلى ظروف أيام الامتحانات ومجموعى بقى وحش جدا ودخلت كلية تجارة واتخرجت منها ولحد الوقتى وانا عندى رغبه شديده جدا فى دراسة الطب أو الصيدله
انا عايز أعرف هل يمكن إعادة الثانويه العامه من جديد ؟ أو هل يمكن إعادة ثالثه ثانوى فقط ؟
ياريت اللى عنده أى معلومات فى الاختصاص ده يعرفنى خاصه انى خارج مصر ومش قادر أسأل خبير

الصقر المصرى 1

23-12-2010, 10:16 PM

ايه يا جماعه 14 واحد شافوا الموضوع ومفيش ولا رد

طالبة ولكن

23-12-2010, 11:05 PM

هو اللى اعرفة انه من الممكن اعادة الثانوية العامة كلها تاني

لكن تالتة بس معتقدش

الصقر المصرى 1

24-12-2010, 12:02 AM

هو اللى اعرفة انه من الممكن اعادة الثانوية العامة كلها تاني

لكن تالتة بس معتقدش

متشكر جدا على ردك وربنا يوفقك

احمد هشام مجدى

24-12-2010, 07:44 AM

مينفعش تعيد طبعا كان لازم تذاكر حلو او تسقط عشان تعيدها تانى

leprince

30-12-2010, 11:12 PM

اخى الغالى

إذا تمكنت من الإعاده ستقوم بالإعاده كامله فى جميع صفوف الثانوية

maha10137

30-12-2010, 11:42 PM

السلام عليكم
ازيك ياصقر انا كمان خريجة تجارة انجليزى ونفسى ادخل صيدلة
ياريت لو عرفت حل تبلغنى به لانى سالت وكان الرد طالما عدتى الثانوية العامة مالكيش حق الاعادة مرة اخرى

Dr.Gehad

30-12-2010, 11:49 PM

غالبا والله اعلم ان اللى انت تقصده هو ( التحسين ) ودا اتلغى من زمان ومبقاش موجود دلوقتى
يعنى دلوقتى اللى عدى سنه خلاص بيكون اجتازها ومش بيرجع لها تانى والله اعلم
والله ولى التوفيق

الصقر المصرى 1

31-12-2010, 04:16 PM

السلام عليكم
ازيك ياصقر انا كمان خريجة تجارة انجليزى ونفسى ادخل صيدلة
ياريت لو عرفت حل تبلغنى به لانى سالت وكان الرد طالما عدتى الثانوية العامة مالكيش حق الاعادة مرة اخرى

ياريت يا مها تبعتيلى على الخاص اميلك لأن انا مشاركاتى أقل من خمسين ومينفعشى ابعت ليكى على الخاص
هو فيه حل واحد وهو ان احنا ناخد الدبلومه الأمريكيه اللى هى الثانويه العامه الأمريكيه

dalia2090

02-01-2011, 12:52 PM

يا جماعة انتو بتتكلمو جد؟؟؟؟ ينفع فعلا اعادة الثانوية ؟؟؟ طيب وبالنسبة للدبلومة الامريكية دي ممكن ندخلها ازاي طالما مش دي دراستنا من الاول ياريت حد يرد عليا بجد في الموضوع ده لانى قربت اتجنن

dalia2090

02-01-2011, 01:04 PM

ياريت ياجماعة اللي لقي اي حل يقولي عليه بجد .. وياريت لو حل الدبلومة الامريكية دي ازاي بس ينفذ مع انى اعتقد انه صعب لانها مش دراستنا من الاول

ياسين المصرى1

20-05-2011, 04:45 PM

انا خريج تجارة 2010 وارغب فى اعادة الثانوية العامة لوحد عنده اى معلومات مفيدة يبقى مشكور جدا

ياسين المصرى1

20-05-2011, 04:47 PM

اخى الغالى

إذا تمكنت من الإعاده ستقوم بالإعاده كامله فى جميع صفوف الثانوية
ياريت هل هذه المعلومة اكيدة ومش مهم ممكن نعيدها من الاول

محظوظه

23-05-2011, 08:47 PM

يا جماعة لو حد متاكد من اعادة الثانوية العامة
يقول فى اى محافظة
لان انا سالت وقالوا طلما الطالب نجح
ليس لة الحق فى دخول الثانوية مرة تانية

عزو الشديد

24-05-2011, 01:25 AM

مينفعش يا صقر دة القانون المصرى مينفش تدخل الثانوية العامة وبعد كدة تعيد تانى مينفعش انا اخوية محامى وقلتلو لالالالالا دة قانون

BASMA BAKHIET

25-05-2011, 11:12 AM

السلام عليكم روحمه الله وبركاته طيب انا حابه اسالك عن حاجه انت ليه محاولتش تفكر دا حصل ليه يبقى اكيد ربنا رايدليك الخير فى المجال الى انت فيه حاول تفكر كويس اوووووى كل دا حصل ليه وايه حكمه ربنا فى كدا وربنا يوفقك ان شااااااااااء الله

محمد عزت قاسم

26-05-2011, 07:45 PM

ممكن للناس الحصلين على دبلوم صنايع اوتجارة ان يقدموا فى الثانوية العامة ولكن من اولى ومنازل وانا اعرف ناس عملوا الكلام دة وفى السنة دى

مدثر20

28-05-2011, 01:26 AM

[QUOTE]
[B][I][COLOR=lime]ا جماعة ممكن اللى يتكلم يجيب دليل على كلامه
بمعنى مثلا قانون صادر بجواز الاعاده من عدمها
وان شاء الله يكون الجواب الصح ينفع لأ نى نفسى اعيد الثانوية أنا كمان
وربنا ييسر الاحوال
بس لو كان الجواب لأ ما ينفعش
يبقى الحمد لله على كل حال
[B][I][COLOR=lime]والخيرة فيما اختارها الله

محمد يونايتد

30-05-2011, 02:46 AM

احنا عملنا صفحة اسمها السماح باعادة الثانوية العامة
على فيس بوك
المهتم ياريت يشترك ويدعو اصدقاؤه

محمد يونايتد

06-06-2011, 02:18 AM

وادي لينك الصفحة
http://www.facebook.com/pages/%D8%A7%D9%84%D8%B3%D9%85%D8%A7%D8%AD-%D8%A8%D8%A7%D8%B9%D8%A7%D8%AF%D8%A9-%D8%A7%D9%84%D8%AB%D8%A7%D9%86%D9%88%D9%8A%D8%A9-%D8%A7%D9%84%D8%B9%D8%A7%D9%85%D8%A9/175299405860966

non_ziz

24-07-2011, 09:20 PM

اللى اعرفه ان فيه اعادة ثانويه عامه عادى براحتك و بس بتكون منازل و بتمتحن منازل و تصحيح منازل ول انت كنت لغات اصلا بيحولوك عربى وبرده منازل المهم انه ينفع بس مش كل المدارس تقبلك لازم تسال و تعرف بتجيب شهاده النجاح منين عشان تقدمها فالمدرسه و ربنا معانا و حجيبلكوا الخبر اليقين بكره او بعده بكل التفاصيل

iuytrewq

24-07-2011, 10:32 PM

واناسمعت زيك وعلى فكره انافى 2/ث ورايحة سنة 3/ث وجبت 87.3%وعلمى رياضة وعندى امل ادخل هندسة باذن الله ولو لاقدر الله مادخلتش هدخل اى كلية واعيد ثانوى وانا سالت قبل كده وقالولى انه ينفع بس منازل

hamada966

25-07-2011, 09:47 AM

مينفعش تعيد ثانوية عامة

nonziz

07-08-2011, 03:57 PM

ينفع اللى عايز يعيد بيعيد المرحله الشهاده بس واللى يحب يتأكد ينزل اقرب مدرسه ويسأل انا سألت فى مدرستى قالوا ينفع بس لسه معرفش ايه الاجرائات وينفع تكون فى كليه و بتعيد عادى

داندن

07-08-2011, 04:08 PM

يا ريت اي حد يفيدني انا كمان عايزة اعرف

haitham20

08-08-2011, 10:21 AM

يا جماعه انا أحترت في ناس بتقولي ماينفعش تعيد وناس بتقولي ينفع أعيد بس انا اعرف ناس عادو ثانوي روحت سألت في الاداره التعليميه قالولي قانونا مايفعش بس لحد دلوقتي مش متأكد لأن في ناس عرفهم عادو وهم في الجامعه بس مش عارف واحد في تانيه ورايح تالته لازم ياخد تالته علي شان يعيد من اولي تان طب ليه عايزن يضيعوا أعمار الناس وخلاص

sehame

11-08-2011, 03:16 PM

السلام عليكم يا جماعة وكل رمضان وكلنا احسن واقرب لله ... الفكرة جميلة وانا كنت بدور على الموضوع دة من زمان بس سالت فى كلية الهندسة الاول قالولى انه ممكن التحق بيها لو مجموعى كان اقل بس ادفع 8000 جنيه كل سنة ولقيتكم بتتكلموا فى اعادة الثانوية العامة فجاتلى فكرة:

باذن الله اللى ناوى بجد نجمع اسماءنا كلنا فى جواب ونبعته لرئيس الوزاء كطلب مجمع وباذن الله يتوافق عليه .ياريت اللى موافق يبعت موافق علشان نعرف احنا كام وبعدين نجمع اسماءنا والمجموع .... ونبعت ؟

وشكرا جدا ليكم ولصاحب الموضوع الاصلى

!KIMO!

13-08-2011, 07:21 AM

مبنفعش طبعا
+
انا مش مع اعادة الثانوية

annoccc

14-08-2011, 05:03 AM

متخلينا ايجابيين ولو مرة واحدة يعنى ايه فى واحد اضطرته الظروف ـ أيا تكون الظروف دية ـ المهم إنه ناوى يغير من حياته للأفضل والقانون يمنعه انو يعمل ده , من أبسط حقوق الانسان انه يكون له حرية الفكر والعلم والعمل .

أنا مع الرأى الى بيقول ان احنا لازم نوصل آرأنا لأعلى المستويات ـ رئيس الوزراء مثلاً ـ ,أمال لو الشباب الطموح الى زينا مفكرش يغير من حياته مستنى مين يغيرلو حياته .

بالعلم والعمل وقبله الإيمان بالله ـ سبحانه وتعالى ـ هنبنى بلدنا وهتبقى احسن إن شاء الله .

بينا نحط ايدانا فى ايدين بعض ونحاول ويكفينا شرف الحاولة .

sehame

17-08-2011, 02:32 PM

انا موفقاك فى الراى احنا لو حاولنا مش حنخسر شئ بس ممكن نكسب كتير اوى احنا نتفق بس وقولوا يارب وباذن الله خير واللى موافق ياريت يقول موافق

annoccc

17-08-2011, 02:57 PM

شكراً على ردك لو عندك اقتراحات بخصوص تجميع أكبر عدد من الناس الى عاوزة تغير حياتها للافضل , وازاى نكون راى قوى ومستقل ومسموع نقدر نوصله لأعلى الجهات المسؤلة , ياريت متبخلش علينا بأى رد .

والله الموفق .

تفاحة نيوتن

18-08-2011, 10:50 PM

طب هو ينفع حد يكون خريجعلمى علوم ويدرس رياضة 2 بس او العكس
ولا مينفعش

sehame

21-08-2011, 04:57 PM

esraa560

22-08-2011, 01:46 AM

منة25

22-08-2011, 02:24 AM

السلام عليكم ورحمة الله و بركاته

ايوة يا استاذ annoccc ممكن نتكلم فى الموضوع ده مع اصحبنا اللى عندهم استعداد اننا نرجع تانى حلم حياتنا ونختار سكتنا .
الخطوة التانية نحط الموضوع على صفحتنا على الفيس
الخطوة ال3 نعمل جروب انا موافق وعايز اعيد الثانوية
ممكن نعمل حاجات كتير بس المهم يبقى فى ارادة واقتناع باننا لازم نكون شئ مهم احنا اخترناه

-تفاحة باذن الله لما نعيد الثانوية حتكون الفكرة الرئيسية اتحققت وساعتها تقدرى تغيرى الفرع العلمى براحتك

-ادعوا وخلوا الامل يتحقق احنا عايزين خير لنا وللناس وللبلد وباذن الله ربنا حيساعدنا نحققه

انا بأيد كلام حضرتك جداا وياريت ده يحصل انا داخلة كلية علوم اللي عمري مافكرت فيها وبمنع نفسي اني افكر بس انا كنت متحمسة جدا لاعادة الثانوية العامه ولما قرات الموضوع اتمنيت ان يتنفذ وده اقل حقوق لينا انا فرقت معايا علي درجات في مواد عربي ورياضة وملهاش علاقة بمستوايه في المواد العلمية وخصوصا الاحياء اللي انا متميزة فيها طول عمري
اكيد ناس كتير كده واكتر ونفسها يبقي مستقبلها زي ماهي اتمنت ياريت يجمعوا معانا بالوقتي
وربنا يوفقنا جميعا

sehame

23-08-2011, 02:42 PM

ممكن لو سمحت اعرف هي كليه ايه دي اللي ادفع فيها ٨٠٠٠ جنيه عامه ولا خاصه يعني معلش يا ريت تجاوبني

كلية العلوم الهندسة الحكومية العادية طبعا الخاصة ب 30 الف او اكتر

حرام ومش كل اللى نفسه يتعلم صح معاه فلوس احنا عايزين نعمل حاجة كويسة مش نبقى عبء على البلد
نتعلم صح =ننتتج صح .ليه ندخل كلية احنا بنكرهها وفى غيرنا نفسه فى مكانا ده

شكرا يا منه اوانا كمان موفقاكى جدا ويا رب نتجمع بسرعة علشان نلحق نبعت

tamss11

24-08-2011, 01:33 PM

طبعا القانون الحالى يمنع اعادة الثانوية
لكن كثير من الطلاب يأخذون سنة ثالثة فقط من الثانوية السودانية
عليك احضار بيان نجاح اولى و ثانية ثانوى ثم التقدم لأى مدرسة سودانية من القاهرة
ثم تسافر للامتحان فقط فى شهر مارس
ثم بعد النجاح تتقدم لمكتب التنسيق المصرى

sehame

25-08-2011, 02:34 PM

امتحن فى السودان !!! بالنسبة الى ممكن يكون الاختيار التلانى لو فشلت فى مصر

sehame

27-08-2011, 02:13 PM

يا جماعة فى حد معايا فى الفكرة دى

حب الله يملكني

04-09-2011, 10:17 AM

انا عايزة افهم اكتر موضوع ان اروح امتجن في السودان يارييييييييييييييييييييييييييييت تجوبولي بسرعة انا معاية في تانية والمشكلة والله ده مش مجموعي حرام ومش عارفة اعمل ايه اعيد ثانوية من جديد ولا اكمل علمي ولا حتي احول ادبي محتارة حد يساعدني الهي يكرمكم

هالة محمد 2

04-09-2011, 11:10 AM

هو انتى جبتى كام الاول انا عاكم فى الفكرة دى

هالة محمد 2

04-09-2011, 11:14 AM

هو انتى جبتى كام الاول انا معاكم فى الفكرة دى

حب الله يملكني

17-10-2011, 05:02 PM

انا مجموعي وحش والاحسن انك متعرفيش

حب الله يملكني

17-10-2011, 05:06 PM

ياااريت تقولنا هو منهج السودان نفس المنهج بتاعنا ولا ايه ومين بجد فكر في ده وعمله

حب الله يملكني

28-10-2011, 08:45 PM

هالة مابعرفش ابعت رسايل لابعد خمسين مشاركة

eslam mohsen ali

05-11-2011, 10:19 PM

السلام عليكم ايها الاعضاء

هذا الموضوع من اهم المواضيع التى شغله دمخ طلاب الثانوية العامة الان والذين اتخرجوا ..اولا ابد كلامى باقضاء والقدر ان الله سبحان وتعالى يريدك ان تدخل اى كلية معادا كليات القمه وان هذه الكليات سوف تنجح فيها وترسم مستقبل لك انشاء الله

2_من ناحية العمر انت بتخرجك من الثانوية وعندك18سنة وتدخل اى كلية وتخرج وعندك 21سنة اذاكنت متفوق ....طب تعالى معايا نحسبة انت سوف تخرج وعندك21سنة وتعيد ثانوية ويبقى عندك 25سنة وتدخل كلية طب وتتخرج طبيب وعندك 32سنة ...بذمتك امتى سوف تتزوج وامتى سوف تعمل ...قولى المصاريف ده كلة سوف تحصل عليه منين؟

3-من ناحية العقل واحد جايب فى ثانوية شعبة علمى علوم 90% مهما عاد فيها لايحصل اكتر من مجموعه سيبك من الظروف من اللعب لان الانسان هو الانسان بعقله مهما تغير العمر ......

memo7351

07-11-2011, 07:17 PM

والله يا جماعة انا الموضوع ده جالي كتييييييييييير بعد ما تخرجت
انا كنت جايب في الثانوية 93 % كنت جايب في تانية 85% وتالته 98% واحبط اكتر بعد تالته لاني كنت فقدت الامل بعد تانية وكل اللي حواليا اقنعوني ان هو ده مستوايا ولما جبت المجموع ده في تالته انا زعلت ومش هقول كان عندي ظروف ولا جالي مغص في ركبي قبل الامتحان لا انا في تانية مذكرتش وفي تالته كنت بذاكر
وكنت علمي علوم لاني كنت عايز ادخل طب لكن التنسيق الالكتروني اداني حاجتين علوم او زراعة او اي كلية تانية مش عملية
طابعا اللي ليه حد في علوم بيعرفهم من شكلهم ويقول زراعة اسلم الواحد
اتخرجت من زراعة وكنت من الاوائل واشتغلت في معمل حكومي بعقد مؤقت
في الفترة بعد التخرج حسيت باحباط غريب مع اني كنت بشتغل
وسالت عن الاعادة لكن كله كان بيقول لا مفيش اعادة
وكان نظام الدبل كورس في الصيدلة الاكلينيكية مفتوح لخريجي الزراعة لكنهم على حظي افلوه والنقابة قالت لا للحاصلين على البكالوريوس لكني قلت احسن لان الصيدلة من الاصل مش هي اللي عايزها وحتت كلينيكل ديه كانت يعني محسساني انها شبه طب لكن انا عايز طب وبصراحة مش اي طب انا كان نفسي في قصر العيني
لكن مع مرور الوقت بدءت افكر قلت الواحد يثبت رجله في شغل الاول ويظبط حياته ويخلي الاعادة والطب وكل الكلام ده في الاحتياطي لما يظبط كل حاجة يبقى يشتغل فيها
لكن الصراحة هقولكم فعلا محدش يضيع حياته في الاحلام بس اه الواحد لازم يحلم ويسعى لتحقيق حلمه بس مش لازم يسوق في الحلم زيادة لان ربنا ادانا عمر واحد وحياة واحدة انا لحد دلوقتي بحلم ادخل طب وبدور لكن كل ده بجانب الشغل والحياة العادية ومش بتشغلني عن حاجة يعني بسعى كده في اوقات الفراغ
فاي واحد عنده حلم لازم فعلا يسعى لتحقيقه لانه لو محققش حلمه دلوقتي حيققه امتى
بس برده ميرميش حياته واسرته وظروفه ورا ضهره لكن يوازن مابنهم
واللي يعرف طريقة جديدة تخلي الواحد يدخل طب يقول هههههههههههه

memo7351

07-11-2011, 07:41 PM

ليه مفيش اعادة ثانوية عامة في مصر

اللي عايز يعيد الثانوية العامة عايز يعيدها عشان يجيب مجموع كبير ويدخل كلية طب او هندسة في جامعة حكومية

احنا طبعا عارفين ان في اصلا مشكلة اماكن في كليات الجامعات الحكومية المصرية
يعني كل كلية اصلا بتاخد اكتر مما يمكن ان تستوعبه عشان خاطر الناس

اللي عايز يعيد ده ايه نظامه
هو فرد من غير قصد عايز يزاحم ناس لسه مخدتش فرصتها في انها تدخل كلية بغض النظر عن عدم رضاءه بالكلية اللي هو دخلها

وده طبعا غير دستوري وغير عادل بالمرة

لانك عايز تاخود مكان واحد تاني لسه واخد الثانوية العامة
وانت عايدها

في ناس ممكن تقول ما دام انا جايب بعد الاعادة مجموع اكبر منه حقي اخد المكان ده
لا
مش من حقق
انت خدت فرصتك خلاص
لكن ديه هي فرصته اصلا
لان التعليم المصري قائم على اساس التعليم المجاني
لذلك بيديلك فرصة واحدة فقط لانها مش جمعية تعاونية

وبصراحة الكلام ده اقنعني واحرجني لاني كنت عايز اعيد الثانوية العامة

يعني من الاخر اللي من حقه يدخل الثانوية العامة هو الشخص اللي مخدهاش قبل كده

لكن اللي عايز يخش كلية تانية ومش عجباه كليته يدخل خاص والحكومة مش ممنعا خالص
بس طبعا للي معاه فلوس
لكن اللي زيي عايز يدخل كلية طب وحكومة انا بقلهم دوروا على طريقة اخرى غير الاعادة