مشاهدة النسخة كاملة : ياريت كل الشباب يقولو اراءهم
imaan 30-09-2007, 12:02 AM ايه رأيك فى البنت اللى مترضاش تكلم اى ولد (غير قرايبها والناس المقربين طبعا):
1: بنت محترمه
2:بنت مقفلة ومش عايشه فى القرن الحديث
وفى نفس الوقت ايه رأيك فى البنت اللى بتكلم شباب عادى جدا وتقف معاهم فى الجامعه وغيره؟
لان بضوف ناس كتير تقول عادى ان البنات تكلم شباب وده شيئ طبيعى
مع ان ده حاجه حرام فى الدين, وتلاقى ان لما البنت تكلم الولد يرجع يقول عليها بكل بساطه (دى بنت مش محترمه) وتلاقيه عمره ما يرضى لأخته كده!!!!!!!
ياريت كل واحد يقول رايه بكل صراحه فى الموضوع ده لانه محيرنى جدا!!!
JuMpO 30-09-2007, 02:01 AM بصي يا ايمان بصارحة رأيي
البنت اللي بتكلم قرايبه وناس مقربة ليها محترمة وكل حاجة وربنا يباركلها
مش هقولك عادي ان البنت تكلم ولاد عيب او حاجة
بصي طالما في احترام متبادجل ومفيش تجاوز في الحدود
ومفيش خلوة بين الولد والبنت
او اي حاجة من الحاجت المحرمة يبقى تقريبا والله اعلم عادي يعني
يعني مش مشكلة يبقى في جروب كامل مع بعض ولاد وبنات ايه اللي يمنع
بس ميجيش الصحوبية دي تقلب في الأخر بحب كل واحد ياخد واحدة ويأنكجها
لأ من البداية اصحاب وحبايا واخوات
وبنخاف على بعض
ونساعد بعض لو حد محتاج مساعدة معنوية مادية دراسية عاادي خالص
ممكن ناخد كورسات مع بعض
ممكن في رمضان نفطر مع بعض
قليل لما نخرج مع بعض
بس و رحلة تبع الجامعة ممكن نطلع عادي خالص
ده رأيي وده للي بعمله
شكرا عل الموضوع يا ايمان
imaan 30-09-2007, 05:35 PM شكرا على ردك
أميرة بكلمتي 30-09-2007, 06:43 PM البنت المفروض تحافظ على نفسها و مش تبوظ سمعتها عشان وقفة يمكن مش هي اللي تكون عايزهاها بس احنا في مجتمعنا المختلط اكيد هنضطر اننا نتعامل مع الجنس الآخر وده بيكون باحترام واظن ان شروط ده موضحة في الدين الاسلامي ومنها عدم الخضوع بالقول وغيرها والبنت باحترامها هتدفع الكل لاحترامها وشكرا
imaan 30-09-2007, 08:07 PM البنت المفروض تحافظ على نفسها و مش تبوظ سمعتها عشان وقفة يمكن مش هي اللي تكون عايزهاها بس احنا في مجتمعنا المختلط اكيد هنضطر اننا نتعامل مع الجنس الآخر وده بيكون باحترام واظن ان شروط ده موضحة في الدين الاسلامي ومنها عدم الخضوع بالقول وغيرها والبنت باحترامها هتدفع الكل لاحترامها وشكرا
عندك حق طبعا احنا ساعات بنضطر نقف مع الشباب فى الدروس لمجرد الزماله ودى فى حد ذاتها مش مشكله بس بحدود...وشكرا على مرورك
Crazy Pharma Boy 30-09-2007, 08:21 PM والله انا مش هفتي كتير
انا عن نفسي ضامن اني مبعملش اي حاجا غلط مع اي انسانة انا بحبها واعرفها وبعاملها كأختي وصديقتي
وبحترمها جداً ــ فيه فوارق في تفكير الاجيال
بس مش معنى كدا انه ميكنش فيه حدود أكيد فيه حدود ياما
وشُكراً للموضوع انا مش هسرد كتير لاني مليت من كُتر الكلام في الموضوع دا
_GUIDE_ 30-09-2007, 08:25 PM اعتقد ان هنا اللى ممكن نبص للموضوع ده من عدة جهات
يعنى لو مثلا بصنالها من ناحية الدروس هتلقى ان قليل جداا من البنات هى اللى ممكن تقف مع زمايلها
وهنا طبعا هيقوله البنت دى اوفر اوى والكلام ده وعينها بجحة وجريئة والكلام ده
مع ان الكلام بنهم بيكون فى حدود الزماله
انما لو بصينا للموضوع ده من وجهة نظر طلاب الجامعة هتلقى
ان معظم البنات بيقفه مع شبان وعادى جداا وبرضه فى بيكون بحدود الزماله وفيه حاجات تانية مستخبيه ملناش فيها
وهنا ده شى عادى فى الكلية
وبالعكس ممكن البنت اللى متقفش مع ولد دى فعلا زى ما قولت يتقال عليها اوفر
اللى عايز اقوله ان كل واحد بيبص للموضوع ده من وجهة نظره من ناحية تربيته والعادات والتقاليد اللى اتربه عليها
صوت الحق 30-09-2007, 08:36 PM اعتقد ان البنت تكون محترمة ومحافظة على نفسها ده نصف المعادلة والولد يكون محترم ومحافظ على نفسه لانها اخته هل تقبل اى شيئ على اختك ده النصف الثانى تساوى مجتمع راقى اسلامى ( مجتمع فاضل )
_GUIDE_ 30-09-2007, 08:41 PM اعتقد ان البنت تكون محترمة ومحافظة على نفسها ده نصف المعادلة والولد يكون محترم ومحافظ على نفسه لانها اخته هل تقبل اى شيئ على اختك ده النصف الثانى تساوى مجتمع راقى اسلامى ( مجتمع فاضل )
بصى من الاخر الشعارت دى كلها بتسقط لما تكون البنت حلوة والشاب محروم :D
الاسطورة 30-09-2007, 09:13 PM بصى من الاخر الشعارت دى كلها بتسقط لما تكون البنت حلوة والشاب محروم :D
تسلملى يا مرشد:D
JusT l0sT 30-09-2007, 09:14 PM بصى من الاخر الشعارت دى كلها بتسقط لما تكون البنت حلوة والشاب محروم :D
وليه البنت الحلوة متحميش نفسها من الشاب المحروم
وهو كمان يشغل نفسه بطاعة ربنا احسن من الكلام الفاضى دا
بس هنقول لمين ربنا يهدى الجميع
Crazy Pharma Boy 30-09-2007, 09:17 PM صعب ايوه صعب والحياة من غيره راحة مش بعيد تبأى بصراحة
JusT l0sT 30-09-2007, 09:19 PM صعب ايوه صعب والحياة من غيره راحة مش بعيد تبأى بصراحة
؟؟؟؟؟؟؟؟؟؟؟؟؟:confused:
الاسطورة 30-09-2007, 09:19 PM بس انا عندى سؤال يا جماعة
دى المرة الكام نناقش الموضوع ده؟!!
JusT l0sT 30-09-2007, 09:23 PM الموضوع اتناقش كتير
بس مفيش حلول
imaan 30-09-2007, 11:33 PM يا جماعه من ناحيه الموضوع ده اتناقش كتير ف ده لانه ملوش حل ولانه انتشر جدا بسبب ومن غير سبب وكل واحده ماشيه مع البويفريند بحجه انه زميلها وانا بتكلم على اصحابى اللى بشوفهم... الحاجه التانيه بالنسبه للى تفضل وقال انه (صعب لو البنت جميله والولد محروم) مش ده اللى انا كنت اقصده من الموضوع او بمعنى اصح الاستفتاء اللى انا كتبته... بالنسبه لرد سيادتك ف ده علاقه غير تماما اللى انا اقصدها... انا كنت اقصد العلاقه بين الولد والبنت فى حدود الزماله فى الجامعه مش فى الثانوي... ومجبتش سيره لا حب ولا بنت حلوه!!!!
وعموما شكرا على الردود كلها... وزي ما قال المرشد الموضوع ده بيرجع للعادات التقاليد وال(دين) اللى اتربى عليه الواحد وكل واحد فى الاخر بيتصرف حسب تربيته...بس انا حبيت اعرف رأى الاغلبيه لمجرد العلم
البنت طبعا تكون محترمه لو بتكلم قرايبها و بس بمعنى اصح متدينه
ولو بتقف مع شباب عادى و كده نقدر نقول عليها مش متدينه
او بعيده عن ربنا منقدرش نقول مش محترمه
اما بقى لو هنتناقش فى حدود الدين
مينفعش الاختلاط الا لو فى مكان عام
و ان يكون مفيش هزار فى الحوار
و ان مثلا الولد لو هيطلب حاجه من بنت
ورق مثلا
يكون مش لاقيه مع اى ولد يعرفه على الاقل
لكن يا على
اولا مفيش حاجه اسمها صحوبيه بين ولد وبنت
و كمان غلط نفطر مع بعض و نخرج مع بعض:d
لو رحله تبع الجامعه ماشى
بس تلزم حدودك فيها
يا جماعه برده عشان اوضح
يمكن انا مبعملش الكلام اللى بقوله ده اوى برده
و دى مشكله كبيره
(كبر مقتا عند الله ان تقولو ما لا تفعلون)
لكن انا بقول اللى المفروض نعمله
و ربنا يهدينا جميعا
جزاكى الله خيرا يا دكتوره على الموضوع
ابو حسن88 01-10-2007, 01:10 PM انا براي ان كل شي ضمن حدود الادب والزمالة وبس كده فهذا شي عادي وبعتقد انه بيعبر عن فهم زايد للحياة يعني لو البنت وقفت مع شب صاحبها والشب كان على قدر من الدين وكان النقاش بامور الدرس والجامعه فهذا عادي اما اذا كان البنت بتعرف ان اخلاق الشب ده مش كتير كويسه فلازم قدر المستطاع تبعد عنه
في النهاية البنت لو واثقة من نفسها وقدرتها انه توقف اي شب عند حده وقت يغلط دي مينخفش عليها والله عندما تتوكل عليه سوف يحميها من اولاد الحرام فلذلك التمسك بالدين هو خير كل شيء
والله اعلم
احمدمحمود 01-10-2007, 03:27 PM بصى من الاخر الشعارت دى كلها بتسقط لما تكون البنت حلوة والشاب محروم :D
والله معاك حق
بس اوقات بيبقى فى بنت هى اللى محرومة وهى دى الكارثة
(((ميدان الجيزة بعد خروج الطلبة)))
((((((جامعة القاهرة نفسها ))))))
imaan 01-10-2007, 03:29 PM البنت طبعا تكون محترمه لو بتكلم قرايبها و بس بمعنى اصح متدينه
ولو بتقف مع شباب عادى و كده نقدر نقول عليها مش متدينه
او بعيده عن ربنا منقدرش نقول مش محترمه
اما بقى لو هنتناقش فى حدود الدين
مينفعش الاختلاط الا لو فى مكان عام
و ان يكون مفيش هزار فى الحوار
و ان مثلا الولد لو هيطلب حاجه من بنت
ورق مثلا
يكون مش لاقيه مع اى ولد يعرفه على الاقل
لكن يا على
اولا مفيش حاجه اسمها صحوبيه بين ولد وبنت
و كمان غلط نفطر مع بعض و نخرج مع بعض:d
لو رحله تبع الجامعه ماشى
بس تلزم حدودك فيها
يا جماعه برده عشان اوضح
يمكن انا مبعملش الكلام اللى بقوله ده اوى برده
و دى مشكله كبيره
(كبر مقتا عند الله ان تقولو ما لا تفعلون)
لكن انا بقول اللى المفروض نعمله
و ربنا يهدينا جميعا
جزاكى الله خيرا يا دكتوره على الموضوع
شكرااااا جدا على ردك هو ده اللى كان نفسي اسمعه
انا رأيى مشابه جدا لرأيك مع اختلاف انى عمرى ما بعمل حاجه مش مقتنعه بيها او كده
وانت الوحيد اللى فهمت قصدى من السؤال صح... انا فعلا كان قصدى (انت رأيك ايه) مش (انت بتعمل ايه)...وكويس برده انك ذكرت موضوع الدين لان ده اهم حاجه فى الموضوع ده ... وربنا يهدينا جميعا زى ما انت بتقول
MohammeD el_SadaT 02-10-2007, 11:47 AM بصى أنا من رأى إن كل واحد يحط اللى هيكلمها دى مكانة إخته
ويشوف هيعملها إزاى
بس على ما اعتقد إن مفيش حد هيعمل كده
وهيقولك مليش إخوات
ملكش بلاستك الشمس سيحتهم عجين كلتهم الكلام المعروق
وبعدين حل أنا بقه هو إن البنت بتبقى عارف تكلم مين ومش تكلم مين وبتقدر تحكم كويس غير كده
فى فيه حاجه اسمها القانون لا يحمى المغفلين
imaan 02-10-2007, 04:00 PM بصى أنا من رأى إن كل واحد يحط اللى هيكلمها دى مكانة إخته
ويشوف هيعملها إزاى
بس على ما اعتقد إن مفيش حد هيعمل كده
وهيقولك مليش إخوات
ملكش بلاستك الشمس سيحتهم عجين كلتهم الكلام المعروق
وبعدين حل أنا بقه هو إن البنت بتبقى عارف تكلم مين ومش تكلم مين وبتقدر تحكم كويس غير كده
فى فيه حاجه اسمها القانون لا يحمى المغفلين
مظبوط ان مفيش حد بيعامل واحده غريبه زي اخته...والكلام هو هواه فى كل حته...وشكرا على مشاركتك
The Happy Angel 23-10-2007, 05:26 AM مش اي ولد في اولا ليهم سحر خاص لاتقوي عليه اي بنت
وانا اعتقد ان العلاقه بحدود هي الصح يعني في حدود العادات والتقاليد ولادب والقيم والمبادء هنا ستكون العلاقه سليمه
dodosh 31-05-2008, 05:47 PM بصراحه اى بنت بتكلم ولد مفروض فى حدود الزماله لان فى مجتمعنا لازم تقف البنت مع الولد وتختلط معه فى المعامله سواء كانت فى الدراسه او فى العمل ان شاء الله فيجب ان يكون فى حدود المعقول والمفروض
Last Fantasy 01-06-2008, 02:43 AM أنا عندي إقتراح جميل جدا ياريت كل واحد كتب رد إن البنات عادي يكلموا ولاد يكتب في بداية المشاركة
الديانة : ........
شموخ مسلمة 03-06-2008, 04:53 AM بصى من الاخر الشعارت دى كلها بتسقط لما تكون البنت حلوة والشاب محروم :D
مختلفة معاك يا اسلام فى النقطة دى
لما يكون الواحد عنده مبدأ بيحس بمبداه لما يتمسك بيه مش لما يسيبه فى الحالة اللى انت بتقولها
يعنى مثلا لو فى ولد مابيشوفش بنات اصلا_افتراض يعنى_و يقول انا مش بكلم بنات و اول ما يشوفهم يعمل اللى احنا كلنا بنشوفه فى الشارع
ده يبقى انسان عنده مبدا
ما اظنش
متهيالى المبدا لا يتجزا فى اى حال من الاحوال
شموخ مسلمة 03-06-2008, 08:22 AM أنا عندي إقتراح جميل جدا ياريت كل واحد كتب رد إن البنات عادي يكلموا ولاد يكتب في بداية المشاركة
الديانة : ........
بص هو الموضوع مش بيناقش الظاهرة دى من ناحية الدين و بالتالى كلنا شباب و بنات و كل واحد ليه رايه
اما عشان نكتب الديانة فيبقى دى مسالة دينية مافيهاش مناقشة
قصدى يعنى ان لو انت عايز يبقى الموضوع دينى فده هيبقى مجرد اننا نجيب فتوى و خلص الموضوع و لا هيبقى في مناقشة و لا ديانة و بس
معلش مش تزعل من رايى
العندليب الحزين 03-06-2008, 09:09 AM ايه رأيك فى البنت اللى مترضاش تكلم اى ولد (غير قرايبها والناس المقربين طبعا):
1: بنت محترمه
2:بنت مقفلة ومش عايشه فى القرن الحديث
وفى نفس الوقت ايه رأيك فى البنت اللى بتكلم شباب عادى جدا وتقف معاهم فى الجامعه وغيره؟
لان بضوف ناس كتير تقول عادى ان البنات تكلم شباب وده شيئ طبيعى
مع ان ده حاجه حرام فى الدين, وتلاقى ان لما البنت تكلم الولد يرجع يقول عليها بكل بساطه (دى بنت مش محترمه) وتلاقيه عمره ما يرضى لأخته كده!!!!!!!
ياريت كل واحد يقول رايه بكل صراحه فى الموضوع ده لانه محيرنى جدا!!!
1/ مقفلة
2/ عادى جدا
احنا اللى شرقيين شوية وأفكارنا الى حد ما متخلفة
mohamed adel 07-06-2008, 07:45 PM عادى بس يكون الكلام فى نطاق الاحترام لان مينفعش متتكلمش مع اولاد و انا فى اعتقادى انها معقده الى حد ما و انا لا احبذ ده
mostafa_mostafa499 28-06-2008, 08:30 AM بوص انا من نظرى فى المرحلة قبل الثانوى حرام والبنت البشوفها كدة مش بحترمها ام المش بتعمل كدة بعزها اما فى الكلية عادى اصحاب بقى وتكون البنت كبرت
ahmed abdelaziz 29-06-2008, 05:47 PM أنا شايف ان لازم يكون سبب للكلام
يعني لو كانت البنت في الجامعة عايزه تنقل محاضره من زميلها يبقي عادي و يبقي مفيش مشاكل و تاخد الي هي عايزاه و تمشي علي طول و لو المحاضرة مثلا مع بنت يبقي من الافضل انها تاخدها منها
ممكن يكون كلام الشبان و البنات في امور عادية جدا بس طالما هما واقفين مع نفسهم و بينكلموا طبعا هيتقال علي البنت كلام مش تمام
ابوالنور 25-07-2008, 02:14 AM ايه رأيك فى البنت اللى مترضاش تكلم اى ولد (غير قرايبها والناس المقربين طبعا):
1: بنت محترمه
2:بنت مقفلة ومش عايشه فى القرن الحديث
وفى نفس الوقت ايه رأيك فى البنت اللى بتكلم شباب عادى جدا وتقف معاهم فى الجامعه وغيره؟
لان بضوف ناس كتير تقول عادى ان البنات تكلم شباب وده شيئ طبيعى
مع ان ده حاجه حرام فى الدين, وتلاقى ان لما البنت تكلم الولد يرجع يقول عليها بكل بساطه (دى بنت مش محترمه) وتلاقيه عمره ما يرضى لأخته كده!!!!!!!
ياريت كل واحد يقول رايه بكل صراحه فى الموضوع ده لانه محيرنى جدا!!!
لا تعليق.................
الضوء الشارد 25-07-2008, 04:04 AM بنت محترمة ومافيش صداقة بين الولد والبنت بلاش كلام فارغ
dr.zizo 25-07-2008, 04:17 AM انا بقول كلام البنات مع الاولاد مضاره اكتر من منافعه في الزمن ده
يعني الباب اللي يجليك منه الريح سده واستريح
وهيحصل ايه لو الولد والبنت ما كلموش بعض إلا عند الضرورة؟؟؟!!!
dr.zizo 25-07-2008, 04:20 AM 1/ مقفلة
2/ عادى جدا
احنا اللى شرقيين شوية وأفكارنا الى حد ما متخلفة
وليه نبقى متخلفين لأننا شرقيين؟!!!!
طب ما كان زمان الشرقي هو المتحضر!!!!
دي حاجة ليها غلاقة بالدين والعادات والتقاليد ومش عيب الواحد يتمسك بيها
ياريت نقلد اوروبا في العلم بدل ما نقلدهم في كلام فارغ
وآسف لو قسوت في كلامي
( لؤلؤة الإسلام ) 26-07-2008, 02:04 PM أنا شايف ان لازم يكون سبب للكلام
يعني لو كانت البنت في الجامعة عايزه تنقل محاضره من زميلها يبقي عادي و يبقي مفيش مشاكل و تاخد الي هي عايزاه و تمشي علي طول و لو المحاضرة مثلا مع بنت يبقي من الافضل انها تاخدها منها
ممكن يكون كلام الشبان و البنات في امور عادية جدا بس طالما هما واقفين مع نفسهم و بينكلموا طبعا هيتقال علي البنت كلام مش تمام
انا مع الرأي ده .. و مافيش حاجة اسمها صحاب و لا زملا .. يعني قصدي ان الاختلاط مرفوض .. يعني ما يكلموش مع بعض و يفتحوا مواضيع و كده .. و بعدين ما تقولوش دي عقد .. ده ديننا .. و اللي ربنا امرنا بيه هو اللي فيه خيرنا .. و العاقبة للمتقين !!
|