كنت فى المنطقة لتجديد العقد ووجدت منشورا يفيد بأن استلام شهادة التربوى ستكون من جامعة التربية بالقاهرة الأسبوع القادم لمن درس فى المنصورة
المفاجأة فى نهاية المنشور ورد بند نصه كالأتى :
المدرسون من غير خريجى الأزهر يتطلب حصولهم على شهادة الدبلوم العامة فى التربية واجتياز المواد الإسلامية المقررة على غير خريجى الأزهر
حد يفهمنى ده معناه ايه

يعنى زى الاخوة ماوضحو لازم خريج التربية والتعليم يدرس المواد الازهرية التى لم يدرسها من قيل لية.....مش عارف؟

انا على فكرة أزهرى بس مستغرب من الشرط ده
حرام التعسف ده

لساني عجز عن الكلام

يمكن بعد كده يشترطو لبس الزى الازهرى مع كل الاجلال والتقدير لهذا الزى
لكن ماهو الداعى لذلك وما الفائده المرجوه من هذه القرارات التعسفيه ضد
المدرسين حاملى لواء العلم
حد يحاول يفهمنى لو فاهم اى حاجه من اللى بتحصل دى
ليه البهدله دى بيدو المدرس كام علشان بدرس ويشترى مذكرات ويركب مواصلات
والله حرام وظلم
تعيشى يامصر

انا سمعت ان هذا الشرط غير مطبق على الين امتحنو الكادر فى 20/11/2009 دى مطبق فقط على الذين امتحنو الدبلومة التربوية الازهرية فقط

الله أعلم انا نقلت لكم اللى انا قرأته فى المنشور

طيب فى ناس خريجى كلية تربية غير ازهريين وامتحنوا كادر
هل الشرط ده يشملهم ولا وضعهم هيكون ازاى

مفيش مرة نلاقى كلام لصالحنا كله تحميل علينا باسم الكادر ما اللى ادوه لنا باليمين بياخدوه بالشمال حسبنا الله ونعم الوكيل

غباء ما بعدة غباء
يعني مدرس لغة انجليزية يدرس مواد شرعية لية
عايز يدرسها لنفسة مش علشان يمتحن فيها علشان يتعين

اعتقد على حد فهمى انه ليس لمدرسى المواد الثقافيه وانما لمدرسى المواد الشرعيه والعربيه
وان كان هكذا صحيح
يبقى انت اكيد فى مصر

المقصود: ان اي مدرس مش خريج ازهر وفي نفس الوقت غير تربوي, عليه اذا اراد ان يحصل علي الدبلومة العامة في التربية من الازهر ان يدرس خمس مواد شرعية مثلما درسها زملائه الازهريين في الدبلومة غير التربويين عندما كانوا طلابا
والمقصود من ذلك تخفيف الضغط علي الدبلومة المجانية والنفور منها والذهاب الي الجامعات العامة

طيب واللى نجح اصلا موقفه ايه من المواد المذكورة

و الله أعتقد أن هذا من أجل تفضيل خريجي الأزهر للعمل في الأزهر ... و شرط لمن يريد من خارج الأزهر أن يعمل بالأزهر أن يقوم بدراسة ما درسه خريجي الأزهر ... مبدأ تكافؤ الفرص و الأفضلية بالمؤهلات.

شكرا على الخبر وحسبى الله ونعم الوكيل اللهم نظف مصر من الاغبياء وارنا فيهم عجائب قدرتك فقد نفد صبرنا مما يفعلون بنا امين

شكررررررررررررررررررررررررررراااااااااااااااااا

أنا كل يوم أسمع........ فلان عينوه
أسرح في سوهاج و إسكندرية واتوه
ما أعجبش م اللي يطيق بنفسه التعاقد
و أعجب من اللي يطيق يعقد أخوه
عجبي
يا حزين يا متعاقد تحت بحر الضياع
حزين أنا متعاقد و إيه مستطاع
الحزن ما بقالهوش جلال يا جدع
الحزن زى البرد ... زى الصداع
عجبي !!!!
في يوم صحيت شاعر براحة و صفا
الهم زال و الحزن راح و اختفي
خدني العجب و سألت روحي سؤال
أنا أتعينت ؟ و لا وصلت للفلسفة
عجبي !!!

اللي غير تربوي وكمان غير ازهري وذاكر وامتحن ونجح في سنة اولي دبلومة جامعات عادية وعلي وشك يمتحنوا الترم الأولي سنة تانية بعد كام يوم
محــــــــــــــــــــــــــــــــــــــــــــــــ ــــــــــــــــــــــــدششششششششششششششششششششششششش ششش
قالهم ليييييييييييييييييييييييييييييييييييييييييييييييه من الأول
الله معاهم

تقبولوا مرورى
أنا سألت على موضوع دراسة المواد الاسلامية لغير خريجى الأزهر
فكان الرد القاطع من منطقة الشرقية الأزهرية
أن الدراسة ده شرط لخريجى التربية والتعليم الغير تربويين والملتحقيين بالدبلومة العامة للتربية بجامعة الأزهر فقط
يعنى مثلا حضرتك خريج تربية وتعليم بس مش تربوى وعملت دبلومة فى التربية بكلية التربية بالأزهر يبقى لازم تأخد كمان تجتاز المواد الاسلامية
طبعا خبر مؤسف لكثير من المعلمين
بس نعمل أيه قدرنا كده

والله انا رايي يا اخواني فكرة ان المدرس يدرس تاني ويمتحن دى من اساسها وصمة عار على جبين كل مدرس طالما اجبارية عليه وبعدين اللى يقبل الضرب ويرضى بيه ميقولش اة وافضل حاجة تعبر عن اللى جواى الجملة اللى قالها سعد زغلول ( مفيش فايدة)على سبيل المثال انا بشتغل مدرس من 15 سنة ولسه بعقد من ايام ما كانت الحصة ب60قرش مش لاقى بديل ودى هوايتى والحمد لله ناجح مع الطلبه نجاح باهر دلوقتى بتقول الدولة انت متنفعش مدرس روح ادرس ازاى تدرس للطلبه لو فى بلد تانى كانوا اعتبروا دىنكته وفضلوا يضحكوا عليها الافضل السكوت وربنا يهدينا جميعا ويصلح بالنا

[quote=مسيو إيهاب;2956686]تقبولوا مرورى
أنا سألت على موضوع دراسة المواد الاسلامية لغير خريجى الأزهر
فكان الرد القاطع من منطقة الشرقية الأزهرية
أن الدراسة ده شرط لخريجى التربية والتعليم الغير تربويين والملتحقيين بالدبلومة العامة للتربية بجامعة الأزهر فقط
يعنى مثلا حضرتك خريج تربية وتعليم بس مش تربوى وعملت دبلومة فى التربية بكلية التربية بالأزهر يبقى لازم تأخد كمان تجتاز المواد الاسلامية
طبعا خبر مؤسف لكثير من المعلمين
بس نعمل أيه قدرنا كده[/
quoteيعنى الناس اللى دخلت الكادر ليس لها امتحان مواد اسلامية

اذا المرء لا يرعاك الا تكلفا .:. فدعه و لا تكثر عليه التأسفا
فان لم يكن صفو الوداد طبيعة ... فلا خير في ود يجيء تكلفا

ااااااااااااااااسف كيف يكون مدرس بالازهر وليس عنده اى فكره عن المواد الازهريه فكيف يكون تربوى ومدرس ازهرى ولا يعلم ولو حتى البسيط عن علوم الازهر.
ياريت نهدى ونفكر وبعدين نتكلم
انت حصلت على الدبلومه التربويه من جامعة الازهر !!!!!!!!!!!!!!!!!!!!!!!!!!!!!!

هل علي كل معلم يذهب بنفسه الي القاهره لدفع المصاريف وتقديم الاوراق بنفسه ام يقوم مندوب بالذهاب وتقديم اوراق الجميع للتسهيل

استاذ مكرم النبراوى كلامك صح
كابتن محمد فوزى كلامك صح
والحكاية ان التربية والتعليم مش بتاخد خريجى الازهر نهائيا وعن تجربة شخصية
انا حاولت اتعاقد فى التربية والتعليم منذ 4 سنوات وانا ازهرية
لكن للاسف الشديد بيرفضوا وسألت قالوا ما بيخدوش بتوع الازهر
ليه ياجماعة
قالوا بيبقوا ضعاف ومابيعرفوش يشرحوا
طيب ازاى يعينوا فى الازهر بتوع التربية والتعليم وهم اصلا لم يدرسوا مواد شرعية
لازم ننتبه ورأى الازهر صح لابد من دراسة هذه المواد حتى يتمكن المدرس من الشرح
دا احنا شربنا المرار فى المذاكرة والامتحانات والغربة
وبعدين قاعدين فى البيت حاطين ايدينا على خدنا
منتظرين فرج ربنا ، اما بتوع التربية والتعليم بيتعاقدوا
وصاحبتى لسه متخرجة السنة اللى فاتت تربية وتعليم مقبول واشتغلت
وانا ازهرية بقالى 4 سنين وجيد جدا ومشتغلتش
يبقى حلال ولا حرام
محدش يزعل ياجماعة انا بقول الحقيقة

طيب مدرس الانجليزى وضعه ايه فى الموضوع دا

يا جماعة المفروض اننا لانقبل هذا التلاعب بنا لاننا مدرسين ومدرسات على درجه من الكفاءه فلابد من المظاهرة والثوره مارأيكم؟