مشاهدة النسخة كاملة : رغم كل هذا مصرية وافتخر
مصرية وبحب بلدي 27-12-2010, 01:26 PM انا جبت قصيده لهشام الجخ وعايزة ارائكم فيها
وانا لسة مقلتش رايى انا هقوله بعدين
اسيبكم مع القصيدة
كلمات قصيدة جحا
------------------
شعور سخيف
إنك تحس بإن وطنك شيء ضعيف
صوتك ضعيف
رأيك ضعيف
إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف
سألوا جحا عن سر ضحكه
قالك أصل اتنين وشبكو
اللى كان من تحت ميت
واللى كان من فوق كفيف
دا شعور سخيف
وشعور سخيف
إنك تكون رمز الشحاتة
تبنى مبنى للشحاتة
تعمل وزراة للشحاتة
يا ساقية دورى ... عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت
أنا اللى صاحب البيت
عايش بدون لازمة
ولما مرة شكيت
إدونى بالجزمة
أنا اللى زارعك دهب
بتأكلينى سباخ
إن كان دة تقل ودلع
بزيادة دلعك باخ
لا شفت فيكى هنا
ولا شفت فيكى ترف
كل اللى فيكى قرف
كرامتنا متهانة
واللقمة بإهانة
بتخلفينا ليه لما انتى كارهانا
يعنى ايه تبقى إنتى هبة النيل يا مزة
وكل يوم المية تقطع
يعنى ايه لما اشتكى غلو الفاتورة
يقولو تشكى بس تدفع
لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمك ما يلاقيش يآكل فيطفش
يعنى ايه نرفع ايدينا بالسلام لجل الغزاة
ويعنى ايه لما ابقى ماشى فى حالى اتشد اشتباه
يعنى ايه لما اتحبس أربع سنين حبس احتياطى
يعنى ايه مش حاسة بالعمر وغلاوته
بتصبى مر العمر ليه
دة انا كنت ح اوهب لك حلاوته
أنا عمرى ما أتأمرت
ولا حطيت شروطى
ومكان ما ترسى مركبك
بابنى شطوطى
أنا كنت جيشك لما مماليلك باعوكى
وكنت يوسف لما عشتى سنين عجاف
وضلوعى دى اللى فى معركة قادش حموكى
وشفايفى دى اللى ما بطلتش فى يوم هتاف
دة انا كل شبر فى أرضك اتمرمغت فيه
وكل يوم عشتيه
أنا اتغذبت بيه
بتكرهينى عيونك السودة
وأيامى اللى فاتت
مانتيش حبيبيتى من النهاردة
حبيبنتى ماتت
علا صوت أدانك جرس
فى الشدة صاحينلك
من امتى كانوا الحرس
هما اللى باقينلك
بعتينى علشانهم
وعنيكى معصوبة
ياهلترى خاينة
ولا زيى مغصوبة
كل الكلام اتقال
والشعر بقى ماسخ
والصبر علو جبال
والظلم شىء راسخ
وطن وغرقان فى النطاعة
كل شىء ريحته نطاعة
علمونا بالعصاية
ورضعونا الخوف رضاعة
علمونا فى المدارس
يعنى ايه كلمة قيام
علمونا نخاف من الناظر
فيتمنع الكلام
علمونا ازاى نخاف
وازاى نكش
بس نسيوا يعلمونا الاحترام
فمتزعلوش
لما ابقى مش باسمع كلامكم
وماتزعلوش لما ابقى خارج عن النظام
مستنى ايه من طفل ربوه بالزعاق
غير المشاكل والخناق
كل اللى بيقولك بحبك دول نفاق
أنا لما قلت لك بحبك
كان نفاق
الحب يعنى اتين بيدوا
مش ايد بتبنى وستميت تيت تيت يهدو
الحب حالة
الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين
هما ليه بقوا مسجونين
يعنى أعيش علشان هدف
علشان رسالة
يعنى احس بقيمتى فيكى
إنى مش عايش عوالة
يعنى لما اعرق تكافئيى بعدالة
الحب حالة
الحب مش شعر وقوالة
الحب حاجة ما تتوجدش فى وسط ناس
بتجيب غداها من صناديق الزبالة
بارت مراعينا والبئر قد جفَ
والجوع يكوينا والصبر ما كّفى
والقلب لا يهدا والجرح لا يشفى
ولأننا طوع
زنا لهم خفا
جاءوا بموكبهم
واشتغلت الزفة
الدفة مظبوطة
وأصلا مافيش دفة
والكفة مش مايلة
علشان مافيش كفة
و جحا اللى جاى بالليل لساه بيتخفى
شايف ديدان الغيط سارحة ومارحماشى
من جبنه شاف الدود سابه وراح ماشى
ولا اتكسف للناس
ولا حس على طوله
الناس عشمها كبير جريوا بيشكوله
ضحك جحا ضحكة مواشى
مادام بعيد عن طينى ... ماشى
الدود قاعد لك يا جحا ولابد فى طينك
بعد ما يمص فى دمانا مش حيحلاله الا طينك
احنا اهلك
احنا رجالتك
أمانك
إحنا وقت الشدة سندك
إحنا زادك
يا جحا احمى ولادك
لو كنت عايز تحمى طينك
سوف أرحل
ربما يلقانى من ارجو لقاه
هامشى ويا الشحاتين
وابكى على حلمى اللى تاه
بس مش هاشحت رغيف
هاشحت وطن لله
مصرية وبحب بلدي 27-12-2010, 01:48 PM فينكو يا مصريين
شكرا على القصيدة الجميلة بس فيه ملحوظة فى البيت ده (يعنى ايه تبقى إنتى هبة النيل يا مزة) مكتوب غلط المفرود بدل مزة تتكتب بومة .
ورغم اللى بيحصل فى بلدنا بنحبها
بس مش عارف حاسس ان فى خلال 50 سنة القادمة هويتنا العربية والمصرية تحديدا هتتغير
ربنا يستر
وجزاك الله خيرا
مصرية وبحب بلدي 27-12-2010, 02:08 PM شكرا على القصيدة الجميلة بس فيه ملحوظة فى البيت ده (يعنى ايه تبقى إنتى هبة النيل يا مزة) مكتوب غلط المفرود بدل مزة تتكتب بومة .
ورغم اللى بيحصل فى بلدنا بنحبها
بس مش عارف حاسس ان فى خلال 50 سنة القادمة هويتنا العربية والمصرية تحديدا هتتغير
ربنا يستر
وجزاك الله خيرا
انا عارفة ان المروض تبقى بومة
بس انا محبتش اكتبها كدة لان ما يصحش
ربنا يستر
وشكرا على المرور
صوت الامة 27-12-2010, 03:17 PM شكرا على الموضوع
ربنا يبارك فيكى
ولكن الموضوع مش فى مكانة الصحيح
فان مكانة الصحيح هو فى القسم الادبى
مصرية وبحب بلدي 27-12-2010, 03:20 PM بس انا جيباه كموضوع للنقاش فى القصيدة نفسها
وارجو انو ما يتنقلش
هانى الشرقاوى 27-12-2010, 06:45 PM أنا سمعت القصيدة دى من الشاعر نفسه
فى برنامج العاشرة مساءا
وبجد رووووووووووووووووووووعة
أشكرك
خاطفة القلب 27-12-2010, 07:40 PM القصيدة فعلا واقع وجزاك الله خيرا
NODY WAKED 27-12-2010, 07:48 PM كلنا بنحب مصر بس مش مصر الحكومة احنا بنحب مصر البلد نفسها عشان بجد هى جميلة وشعبها طيب اوى وجميل ويتحب فعلا لكن للاسف باااااااااظت اوى عشان اللى مسكينها خربوها وقعدوا على تلها خلاص
بالنسبة للقصيدة نفسها بقى القصيدة رااااااائعة
وياريت الكل يسمعها من هشام احلى بكتير
سورى ع التطويل
زكريا مختار 27-12-2010, 08:07 PM شكرا علي الكلام الجميل دا
fateno 27-12-2010, 08:15 PM القصيدة جميلة جدا وبجد وصفت مصر صح
واتمنى ان مصر ترجع لعصر قوة تانى ويحكموها اللى بيحبوها اللى خايفين عليها
شكرا ع القصيدة
مصرية وبحب بلدي 27-12-2010, 08:30 PM أنا سمعت القصيدة دى من الشاعر نفسه
فى برنامج العاشرة مساءا
وبجد رووووووووووووووووووووعة
أشكرك
اه هى جميلة اوى بصوته
مرورك الاروع يا هانى
نورت التوبيك
مصرية وبحب بلدي 27-12-2010, 08:31 PM القصيدة فعلا واقع وجزاك الله خيرا
وجزاك خيرا
نورتينى
مصرية وبحب بلدي 27-12-2010, 08:34 PM كلنا بنحب مصر بس مش مصر الحكومة احنا بنحب مصر البلد نفسها عشان بجد هى جميلة وشعبها طيب اوى وجميل ويتحب فعلا لكن للاسف باااااااااظت اوى عشان اللى مسكينها خربوها وقعدوا على تلها خلاص
بالنسبة للقصيدة نفسها بقى القصيدة رااااااائعة
وياريت الكل يسمعها من هشام احلى بكتير
سورى ع التطويل
فعلا عندك حق وربنا يستر من اللى جاى
نورت الموضوع
مصرية وبحب بلدي 27-12-2010, 08:36 PM شكرا علي الكلام الجميل دا
الشكر لله
شكرا على المرور الجميل
مصرية وبحب بلدي 27-12-2010, 08:37 PM القصيدة جميلة جدا وبجد وصفت مصر صح
واتمنى ان مصر ترجع لعصر قوة تانى ويحكموها اللى بيحبوها اللى خايفين عليها
شكرا ع القصيدة
يارب مصر ترجع تانى لقوتها وترجع كرامتها تانى يارب
نورتى ياقمر
شيماء20 27-12-2010, 08:39 PM بجد القصيده دى جميله اوى من غير كلام وبتوصف الحاله اللى فيها زعماء مصر حاليا(المسؤلين يعنى عشان مابقاش فيها زعماء دلوقتى)
بس فى بعض الالفاظ محتاجه اعاده للصياغه ************ده من وجهة نظرى انا
مصرية وبحب بلدي 27-12-2010, 08:47 PM بجد القصيده دى جميله اوى من غير كلام وبتوصف الحاله اللى فيها زعماء مصر حاليا(المسؤلين يعنى عشان مابقاش فيها زعماء دلوقتى)
بس فى بعض الالفاظ محتاجه اعاده للصياغه ************ده من وجهة نظرى انا
فعلا انا معاكى يا شيماء
وان شاء الله انا هاعمل على كل الكلمات اللى المفروض تتغير مشاركة صغيرة كدة بس بعد شوية
نورتى ياشوشو
مصرية وبحب بلدي 27-12-2010, 09:02 PM بتخلفينا ليه لما انتى كارهانا
احنا اللى كارهينها مش هى اللى كارهانا
يعنى ايه تبقى إنتى هبة النيل يا بومة
انا مش موافقة على الكلام ده خالص
مصر طول عمرها هبة النيل ومينفعش نقول عليها بومة
بتكرهينى عيونك السودة
وأيامى اللى فاتت
مانتيش حبيبيتى من النهاردة
حبيبنتى ماتت
مصر طول عمرها عاشة فى قلوب اللى بيحبوها
وعمرها ما هتموت ابدا
مصرية وبحب بلدي 28-12-2010, 06:22 PM لا اله الا انت سبحانك انى كنت من الظالمين
love ur life 29-12-2010, 12:27 AM شعور سخيف
إنك تحس بإن وطنك شيء ضعيف
صوتك ضعيف
رأيك ضعيف...
فعلا شعور سخيف...جدا
مرسي ع التوبيك..,.,,
مصرية وبحب بلدي 31-12-2010, 07:37 PM شعور سخيف
إنك تحس بإن وطنك شيء ضعيف
صوتك ضعيف
رأيك ضعيف...
فعلا شعور سخيف...جدا
مرسي ع التوبيك..,.,,
اهلا بيك
نورت التوبيك
شيماء20 31-12-2010, 08:16 PM بتخلفينا ليه لما انتى كارهانا
احنا اللى كارهينها مش هى اللى كارهانا
يعنى ايه تبقى إنتى هبة النيل يا بومة
انا مش موافقة على الكلام ده خالص
مصر طول عمرها هبة النيل ومينفعش نقول عليها بومة
بتكرهينى عيونك السودة
وأيامى اللى فاتت
مانتيش حبيبيتى من النهاردة
حبيبنتى ماتت
مصر طول عمرها عاشة فى قلوب اللى بيحبوها
وعمرها ما هتموت ابدا
فعلا مصر من اجمل دول العالم يعنى عمرها ما كانت بومه
واللى بيحب مصر عمرها ما هتموت فى قلبه
تسلمى يا مفتخره بمصريتك انتى وكل مفتخر بيها
ولكى منى:078111rg3:
مصرية وبحب بلدي 31-12-2010, 08:23 PM فعلا مصر من اجمل دول العالم يعنى عمرها ما كانت بومه
واللى بيحب مصر عمرها ما هتموت فى قلبه
تسلمى يا مفتخره بمصريتك انتى وكل مفتخر بيها
ولكى منى:078111rg3:
فعلا عندك حق ياشيماء
وتسلمى يا قمر على المرور الرائع
المعلم222 31-12-2010, 08:31 PM شكراًعلى شعورك بحب مصر
مصر أفضل بلد في الدنيا وستظل بفضل الله عز وجل
مصر الإسلام............مصر التاريخ............مصر الحضارة
مصري بحب مصر كتييييييييييييييييييييييييييييييييييييييييييير
أ/رضا عطيه 31-12-2010, 09:20 PM فعلا شعور سخيف
إنك تجد كل هذا النقد مجرد نقد ودمتم
إبدأ بنفسك هذا هو المرض الحقيقى ومن يذكرنا به يكون من الضالين !!!!!!!!!
وواضح إن القصيدة الرائعة والتى تصارع رباعيات الخيام فى جمالها وروعتها
توافقت مع هوى البعض !!!!!!!!!!!
فعلا كلام جميل وشاعر إسمه ماشى مع الموضه والتطور والتكنولوبيا اللى عايشين فيها ومن كل فيلم أغنية
شكرا لكم
esraasoso2094 31-12-2010, 09:45 PM الف مليون شكر على المجهود الرائع ده
على فكره انا سمعتها فى برنامج بس مش فاكره اسمه ايه هههه
بس بجد والله كانت جميله جدا جدا
وببعد كل اللى بيحصل فيها برده فعلا بموت فيها
دى بلدى اللى اتربيت فى خيرها
ودى فعلا حقيقه
بحبك
مش بحبك بس
والله بموت فيكى ياببلدى يا مصر
وعلى فكره العيب مش فيها
العيب فى اللى حاكمينها واللى ماسكينها
مش الغلابه اللى فيها ولا حتى هى
miss_me21 31-12-2010, 09:48 PM شكرا على القصيده الحلوة دى وبرغم انها الحقيقه
الا انى بحب مصر جداااااااااااااااااااا جدااااااااااااااا والى عايز ينمى انتمائه يسمع الاغانى الوطنيه القديمه ويقرا ايام الحروب
ضياء الدين سعيد 31-12-2010, 10:04 PM حينما سمعت تلك القصيدة من فترة
وجدت أناملى تسطر قصيدة على غرارها
وأطلقت عليها حاميكِ جلادى
ودا ردى كإنسان مصرى
بعد إيه يا أمه جايه تقولي ولادى
الصبر كان شيمتي والحزن على بابي
الفرح واعدني يقابلني في بلادي
لقيت ظلم وأسى وحاميكِِ جلادي
قالولى جاى يحميني ويعلى أمجادي
لقيته جاى يزلني ويدوس على فؤادي
******
ممكن سؤال يا أمه داير على لساني
بتخلفينى ليه لما أنتي بيعاني
لما أنتى سايبه كلابك تنهش فى بستاني
حرام عليك يا أمه تناديني من تانى
******
يا طاحونة لفي مئة مليون لفة ودوري
تعالى جنبي وفوق منى ودوسي
ضحكوا عليا وشحتوني فلوسي
نصبوا عليا وصبوا الوهم على راسي
******
حاميكِ جلادي في عز الحزن بيغنى
على جسمي بيرقص وكاسه من دمى
بيقولى أسكت صوتك مش هيوصلنى
******
بصرخ فى عز الليل وأقول يا بلادي
مين ينقذك منهم ويطهر الوادي
كانوا السبب يا أمه أنى أسيبك وأمشى
من قبلها يااامه دبحونى ولا بانشى
وفى طابور العيش وقفوني كتير وبرده مبخدشى
دبحولى يا أمه في الصبا طفولتي
خلوني أقعد ذي طفل بينادى
علموني الهوى .. رسمولى في كتابي
إن التاريخ منهم وأنسى أجدادي
أنسى اللي صانوا البلد وبالولد ضحوا
أنسى اللي رسموا على القنال فخرك وأمجادي
******
يا مصر فوقى وأصرخى .. طلعي صمتي
أحسن ما أموت من الحسرة وتكون هنا نهايتي
تقبلى مرورى ،،،،
مصرية وبحب بلدي 01-01-2011, 07:41 PM شكراًعلى شعورك بحب مصر
مصر أفضل بلد في الدنيا وستظل بفضل الله عز وجل
مصر الإسلام............مصر التاريخ............مصر الحضارة
مصري بحب مصر كتييييييييييييييييييييييييييييييييييييييييييير
الشكر لحضرتك على المرور الاكثر من رائع
مصرية وبحب بلدي 01-01-2011, 07:42 PM فعلا شعور سخيف
إنك تجد كل هذا النقد مجرد نقد ودمتم
إبدأ بنفسك هذا هو المرض الحقيقى ومن يذكرنا به يكون من الضالين !!!!!!!!!
وواضح إن القصيدة الرائعة والتى تصارع رباعيات الخيام فى جمالها وروعتها
توافقت مع هوى البعض !!!!!!!!!!!
فعلا كلام جميل وشاعر إسمه ماشى مع الموضه والتطور والتكنولوبيا اللى عايشين فيها ومن كل فيلم أغنية
شكرا لكم
بجد مش قادرة افهم حضرتك
عموما شكرا على مرور حضرتك
مصرية وبحب بلدي 01-01-2011, 07:44 PM الف مليون شكر على المجهود الرائع ده
على فكره انا سمعتها فى برنامج بس مش فاكره اسمه ايه هههه
بس بجد والله كانت جميله جدا جدا
وببعد كل اللى بيحصل فيها برده فعلا بموت فيها
دى بلدى اللى اتربيت فى خيرها
ودى فعلا حقيقه
بحبك
مش بحبك بس
والله بموت فيكى ياببلدى يا مصر
وعلى فكره العيب مش فيها
العيب فى اللى حاكمينها واللى ماسكينها
مش الغلابه اللى فيها ولا حتى هى
هى كانت فى برنامج العاشرة مساءا مع منى الشاذلى
والله رغم كل هذا مصرية وافتخر
وشكرا على المرور
مصرية وبحب بلدي 01-01-2011, 07:46 PM شكرا على القصيده الحلوة دى وبرغم انها الحقيقه
الا انى بحب مصر جداااااااااااااااااااا جدااااااااااااااا والى عايز ينمى انتمائه يسمع الاغانى الوطنيه القديمه ويقرا ايام الحروب
شكرا ليك على المرور
والله الواضح ان كل المصريين محتاجين ينموا انتمائهم
بس مش هو ده الحل اننا نسمع الاغانى الوطنية الحل
عايزين معجزة
مصرية وبحب بلدي 01-01-2011, 07:51 PM حينما سمعت تلك القصيدة من فترة
وجدت أناملى تسطر قصيدة على غرارها
وأطلقت عليها حاميكِ جلادى
ودا ردى كإنسان مصرى
بعد إيه يا أمه جايه تقولي ولادى
الصبر كان شيمتي والحزن على بابي
الفرح واعدني يقابلني في بلادي
لقيت ظلم وأسى وحاميكِِ جلادي
قالولى جاى يحميني ويعلى أمجادي
لقيته جاى يزلني ويدوس على فؤادي
******
ممكن سؤال يا أمه داير على لساني
بتخلفينى ليه لما أنتي بيعاني
لما أنتى سايبه كلابك تنهش فى بستاني
حرام عليك يا أمه تناديني من تانى
******
يا طاحونة لفي مئة مليون لفة ودوري
تعالى جنبي وفوق منى ودوسي
ضحكوا عليا وشحتوني فلوسي
نصبوا عليا وصبوا الوهم على راسي
******
حاميكِ جلادي في عز الحزن بيغنى
على جسمي بيرقص وكاسه من دمى
بيقولى أسكت صوتك مش هيوصلنى
******
بصرخ فى عز الليل وأقول يا بلادي
مين ينقذك منهم ويطهر الوادي
كانوا السبب يا أمه أنى أسيبك وأمشى
من قبلها يااامه دبحونى ولا بانشى
وفى طابور العيش وقفوني كتير وبرده مبخدشى
دبحولى يا أمه في الصبا طفولتي
خلوني أقعد ذي طفل بينادى
علموني الهوى .. رسمولى في كتابي
إن التاريخ منهم وأنسى أجدادي
أنسى اللي صانوا البلد وبالولد ضحوا
أنسى اللي رسموا على القنال فخرك وأمجادي
******
يا مصر فوقى وأصرخى .. طلعي صمتي
أحسن ما أموت من الحسرة وتكون هنا نهايتي
تقبلى مرورى ،،،،
بجد بجد كلامك رائع وهى دى الحقيقة
بس مش معنى كدة اننا نكرهها ولا انا غلطانة
نورت التوبيك
ضياء الدين سعيد 02-01-2011, 01:14 PM بجد بجد كلامك رائع وهى دى الحقيقة
بس مش معنى كدة اننا نكرهها ولا انا غلطانة
نورت التوبيك
مصر مينفعش نكرهها
لأن مصر هى أم المصريين
وتحت أى ظروف
ولكن نلوم عليها ما يحدث قينا على أرضها
بجد المصريين دول أجمل شعب فى العالم
مصرية وبحب بلدي 02-01-2011, 03:44 PM مصر مينفعش نكرهها
لأن مصر هى أم المصريين
وتحت أى ظروف
ولكن نلوم عليها ما يحدث قينا على أرضها
بجد المصريين دول أجمل شعب فى العالم
عندك حق حضرتك
بس لازم نعمل اى حاجة علشانها
والله انا مش عارفة اقول ايه
بس هو ده حالنا ومش عارفة مش قادرة اتكيف معاه خالص
|