مشاهدة النسخة كاملة : افتتاحية القسم.....ولغز صغنن عالماشى:p
The_Relativistic200 01-10-2007, 07:48 PM السلام عليكم ورحمة الله وبركاته
اولا انا مبسوط ن القسم ده اتفتح
خصوصا ان الواحد رقص عشرة بلدى عبال ما يتعمل
بس كويس ان عبقرينو افتكره ما علينا
وانا بتوجه ليه بالشكر...من نفس هذا الموقع:P
ان شاء الله .....
وانا من الواهمين طبعا بس اهو الواحد بيحاول مع نفسه على الاقل ينمى عقله وفكره
والقسم فعلا لابد من وجوده
واللغز اللى هيتحط مثلا
ممكن انك تبحث له عن حل..
مش تنقله:D
وهنا هيكون اى حاجة تتعلق بالذكاء كما اتوقع
او التفكير
او موضوعات علمية لا يجوز ان تتواجد الا هنا::cool:
او الثقافة..بكل انواعها
عشان ما نتوقعش ان يحصل تداخل بين القسم ده وجرس الفسحة مثلا
او الركن الطبى او اى حاجة. تانية....
لكن المشكلة دايما بتبقى فى توصيف القسم زى ده كده
قسم للأذكياء من تجارب ذكية واختراعات ومسابقات واسئلة ذكية جدااااا ومش اي حد يدخلما علينا ....
نفتتح القسم...بلغز صغنطط و لطيف :P
وطبعا محدش يقوللى انت اللى مألفه ..؟؟؟:D
عندنا ثلاث لمبات في غرفه و يوجد في غرفه أخرى ثلاث مفاتيح للتحكم في الثلاث لمبات !!
المطلوب معرفة المفتاح المسئول عن التحكم في كل لمبه
أنت الأن موجود في الغرفه الخاصه بالمفاتيح
مع العلم أنه لك الحق في ان تذهب مره واحده فقط للغرفه الخاصه باللمبات و ترجع مره أخرى
Taleba Me7tasa 01-10-2007, 08:06 PM شكله هيبقى لذيذ القسم دة وبالنسبة للفزورة انا فكرت ف حاجة كدة احنا ممكن نشغل لمبة ولمبة تبقى مطفية ولمبة اشغلها حبة كدة لحد ما تسخن او اشغل واحدة واطفي التانية واقعد انور واطفي التالتة بسرعة كتييييييييير بحيث انها تكون اتحرقت بس دة مش مضمون في حالة ان اللمبة م النوع اللي بيعيش فانا بارجح الاول
واحـد من النــاس 01-10-2007, 08:10 PM هههههههههههههههههه
حلو والله الحل ده يا محتاسة .. شكلك عليكي واجب احياء كتير او هربانة من الدرس ههههه
شكرا يا خالد ع الموضوع وان شاء الله افكر فيه بعدين عشان عندي درس ..
سلاااااااااااااام
Taleba Me7tasa 01-10-2007, 08:14 PM :p ياريت كنت هربانة م الدرس دة انا رحت وامتحنت كمان :mad: الاحياء دي لعنة
mR . mOstafa Fathi 01-10-2007, 08:15 PM ههه
طيب شوية نفكر
CrazY Bo$S 01-10-2007, 08:17 PM عندنا ثلاث لمبات في غرفه و يوجد في غرفه أخرى ثلاث مفاتيح للتحكم في الثلاث لمبات !!
المطلوب معرفة المفتاح المسئول عن التحكم في كل لمبه
أنت الأن موجود في الغرفه الخاصه بالمفاتيح
مع العلم أنه لك الحق في ان تذهب مره واحده فقط للغرفه الخاصه باللمبات و ترجع مره أخرى :D
بص ياعم
سيادتك حتولع لمبة من التلاتة وتسيبها شوية فترة كده وبعدين تولع اللمبة التانية وتسيب التالتة مطفية ( ده وانت فى غرفى التحكم ) وتروح جرى على الغرفة اللى فيها الثلاث لمبات وتشوف أللى حتلاقيها سخنة يبقى دى اللمبة الاولى واللى منورة مش سخنة يبقى التانية والتالتةحتلاقيها مطفية يبقى انت كده عرفت التلات لمبات :p:p
خيرها فى لمبة غيرها - كل سنة وانت طيب
ايه ده
تصدق صح يا احمد:d
مش كده يا خالد ولا ايييش
مين اللى بيقول الاحياء لعنه؟:d
الاحياء دى عسل:d
..Just Stop 01-10-2007, 10:09 PM وتتوالى مفاجئات منتدى الثانوية
قسم الاذكياء
هيـــــــــــــــــــــــــــــــــــــ الدنيا ــــــــــــــــصة
MohammeD el_SadaT 02-10-2007, 11:10 AM الحل على ما أعتقد سهل جدا وهو فى الجمله دى
مع العلم أنه لك الحق في ان تذهب مره واحده فقط للغرفه الخاصه باللمبات و ترجع مره أخرى
كلمه ترجع مره أخرى
يعنى هتروح تولع لمبه وتروح تشوفها
وبعد كده ترجع تطفيها
وتولع غرها
وتجع مره أخرى تشوف هى أنهى وكده تبقى عرفت اتنين والتالته هى الى إنت مجربتهاش
دا حلى رغم إنى حاسس ومتأكد إنه خطأ بس يلا
أهو يبقى الواحد حاول
الرهينه 02-10-2007, 07:54 PM واااااااااااااو سؤال جامد يا نجم معلش معرفش اسم حضرتك
انا بيتهيألى
الاول تفتح مفتاح واحد وتروح تشوف اللمبه اللى ولعت وتشيل واحده من الاتنين التانين
وبعد كده تروح اوضه المفاتيح وتفتح مفتاح تانى ولو اللمبه اللى فاضله ولعت يبقى ده مفاتحها لو مولعتش يبقى التالت بتاعها
واللى فاضل يبقى بتاع التالته
انا حسه انى اتلخبطت !!!!!
حد فهم حاجه ولا اقول من الاول؟؟؟؟؟
CrazY Bo$S 02-10-2007, 10:00 PM بص ياعم
سيادتك حتولع لمبة من التلاتة وتسيبها شوية فترة كده وبعدين تولع اللمبة التانية وتسيب التالتة مطفية ( ده وانت فى غرفى التحكم ) وتروح جرى على الغرفة اللى فيها الثلاث لمبات وتشوف أللى حتلاقيها سخنة يبقى دى اللمبة الاولى واللى منورة مش سخنة يبقى التانية والتالتةحتلاقيها مطفية يبقى انت كده عرفت التلات لمبات :p:p
خيرها فى لمبة غيرها - كل سنة وانت طيب
يا جدعان منا حليتها وخالد ساكت وهو ده الحل الصحيح
واللى مش فاهمه المختصر المفيد بتاعه أهه
هتفتح المفتاح الاولاني لمده نص ساعه و بعد كده تطفيه
و بعد كده تولع التاني و تسيب التالت مطفي
و تروح حجرة اللمبات بقي
*المطفيه السخنه هتبقي بتاعة الاولاني
*و المنوره هتبقي بتاعة التاني
*و المطفيه البارده بتاعة التالت
خلاص خلصت مش تتوهوا نفسيكم
بسيطه مش كده
الرهينه 02-10-2007, 10:14 PM تصدق صح
اشطه يا نجم
والله برافو عليك
يلا يا استاذ شعره ادخل قوله صح بقى
واكتب واحده غيرها
مبــــــــــــــروك مقدما
The_Relativistic200 02-10-2007, 10:43 PM اقتباس:
المشاركة الأصلية كتبت بواسطة Big BoSS http://thanwya.com/vb/life/buttons/viewpost.gif (http://thanwya.com/vb/showthread.php?p=305117#post305117)
بص ياعم
سيادتك حتولع لمبة من التلاتة وتسيبها شوية فترة كده وبعدين تولع اللمبة التانية وتسيب التالتة مطفية ( ده وانت فى غرفى التحكم ) وتروح جرى على الغرفة اللى فيها الثلاث لمبات وتشوف أللى حتلاقيها سخنة يبقى دى اللمبة الاولى واللى منورة مش سخنة يبقى التانية والتالتةحتلاقيها مطفية يبقى انت كده عرفت التلات لمبات :p:p
خيرها فى لمبة غيرها - كل سنة وانت طيب
الحل مظبوط يا محمد طبعا
اعتقد انه واضح انه صح:p
وان شاء الله هجيب لغز كمان
بس مش عارف هيبقى هنا ولا فى موضوع لواحده:)
ما علينا
مش مهم
متشكرين يا جدعان على المرور
CrazY Bo$S 02-10-2007, 11:53 PM الجايزة بقى يا عم شعرة
عموما مش عايز جوايز غير انك تعرف انى اسمى أحمد مش محمد
كل سنة وانت طيب يا كبير
Crazy Pharma Boy 03-10-2007, 12:59 AM هو دا لُغز ياد يا خالد
الله يكسفك !!
Blue-Xmen 03-10-2007, 05:46 AM طب لو الثلاث لمبات موجودين في مكان عااااااااالي
هو كده مش هيعرف يفرق بين المطفيه السخنه والمطفيه البارده
الحل هيبقا ايه؟؟؟ بس ماحدش يقولي يجيب السلم اللي عنده ويطلع عليه ويشوف
ونقول انه عمل كده اللمبه المطفيه السخنه هتلسعوا وهيقع من عالسلم ويموووووووووووووووت
واحسن حاجه ممكن الراجل ده يعملها ويستغل رمضان صح يفتح الثلاث لمبات ويقرا قران عشان يلحق يختمه مره او اتنين او ثلاثه
وربنا يهدينا ويهديه للطريق المستقيم ان شاء الله
Taleba Me7tasa 03-10-2007, 07:04 PM طب مانا جاوبت صح :mad:
Miss_CaR!zma 03-10-2007, 09:54 PM القسم حلو طبعا
بس المشكله ان المواضيع اللى انا شايفاها هوناك دى مش مناسبه لهنا
لكن ماعلينا
مبروك افتتاح قسم جديد ..
سنووايت 25-07-2008, 12:16 AM حلو موضوع اللمبه ده
haderya 10-12-2008, 09:59 PM السلام عليكم ورحمة الله وبركاته
بالرغم من أني قرأت اللغز والحل ضمن مجموعة الألغاز على الرابط
http://www.thanwya.com/vb/showpost.php?p=353889&postcount=13
إلا أنني أود أن أبارك افتتاح القسم الجديد :)
سلام
|