(http://as7abcool.goo-done.com/t6917-topic?p_vote=85759&eval=plus)
بسم الله الرحمن الرحيم

الكلام التقليدي الي بيتقال :

تمشي في الشارع...تلاقي واحده..مش محجبه..شعرها عادي جدا...لبسها محترم جدا...كل حاجه فيها تمام..

تلاقي ميه تلاته واربعين شاب ماشي وراها ......" ايه يا جمييييل...مفيش حته
علينا " - حقيقا لا اعرف حته ايه ..ولا عليه ازاي ..بس هما بيقولو كده -

واحد تاني " هو القمر بيطلع بليل ولا ايه " - وده في الاغلب بياخد شتايم
من الي ماشيين معاه ..عشان القمر فعلا بيطلع بليل..واصلا المعاكسه دي انتهت
من زمان ..انقرضت خلاص -

الكلام الغير تقليدي :

----------- انا بامكاني اكمل الموشح ...بس بلاش الشارع....علي الاقل
الكلام الي بيتكتب في معاكسات الشارع معروف ......خلينا علي الفيس بوك

بلا فخر الفيس بوك جمع نص مليار بني ادم ......اكيد منهم ربعميه تسعه وتسعين مليون واحد عربي


لو دخلت علي حسابك علي الفيس ..وانت تنعم بالهدوء ..وبتكتب باسوردك واميلك وبتستفتح

يجيلك علي شمالك في الصفحه ..." لولو الاموره " "سنيه الشقيه " "حسناء البلهاء " "سوسو اللزيزه"


وكلهم حاطين صور بنات لابسه من غير هدوم ....او صور بنات اجنبيه


طبعا بلا شك وبلا ادني تفكير ..اعرف ان دول رجاله وعاملين نفسهم كده نظرا لنقص ما في النفسيه ..وبيشتغلوك


بس العيب مش عليهم ..العيب علي سيادتك " مش انت بس واحد كده بوجهله اكلام "


انا مره عملت حساب مزيف..بس واقعي شويه...يعني لا حطيط لولو الاموره ولا سنيه شخلع ولا الكلام ده


وبقيت استقبل في رسايل

خد عندك

" الله انتي جميله اوي..بجد انا حبيتك من قلبي..ممكن نتعرف ؟ "

" انتي اجمل انسانه شفتها في حياتي...بجد انا ممكن يجرالي حاجه لو متعرفتش عليكي "

" انا مش مصدق عيني...انتي لازم تعمليلي ادد (( اللفظ الصحيح هو اد وليس ادد )) حالا "

" انا محسن- اسم مجازي - وعندي تمانيه وعشرين سنه ..ولما شوفتك ارتحتلك -
زي امه بردو - ..ونفسي اتعرف عليكي ..اكون سعيد لو قبلتي الاضافه - واخد
بالك انت من الاضافه دي - .."

" ايييه ...متجيبي اميلك .. - علي اساس انه شاب مخلص وبيجيب من الاخر وكده - "

" انا شاب في كليه كزا كزا ..وشغال كزاكزا - سبحان الله - ..وابحث عن علاقه جاده..ودي رقمي ..زيرو حداشر "


وبلا مبالغه...كنت بعدي المتين رساله في اليوم

واتضح لي ان الشعب العربي.....بيتشحتف علي فرخه.....لو لقيت فرخه ماشيه في الشارع

هتقوله ..." ايييييه ...ريشك ابيض ولا انتي البيضه " ....- ونحن نعلم عزيزي القارئ من هو البيضه الحقيقيه -

هذا الموضوع منتشر انتشار - غبي - كتير يعني ..

وحاولت اعالجه بطريقه تانيه.....غير الطرق التقليديه....الي علي طول بتيجي في صباح الخير يا مصر....ومساء الخير يا ليبيا

ويجبولك الدكتور محسن "بردو " ..

ويقعد يرغي ويقولك : " الحقيييييقه ان دي حاله متفشيه في المجتمع العربي " ال يعني جاب حاجه مفيده

" هذه ظاهره..منتشره جدا...ولها اسباب كتير " والاسباب الي اي قطه في الشارع عرفاها

هيا الكبت والحرمان والفراغ

بس ملقتش تفسير بردو......يعني الكبت ..عادي مش شرط ..مش حاجه يعني

يعني زمان ايام هند رستم والناس دي...كانت الناس بتمشي في الشارع..لابسه قميص النوم علي شراب بني

ومكانش في هذه الحاله المتفشيه علي راي الدكتور محسن...

يعني احنا في مجتمعنا الحالي....البنات لبسها محترم عن الاجيال الي فاتت ..والي مش مصدقني اتفرج علي الافلام القديمه وانت تعرف

الحرمان ....الله سبحانه وتعالي ..له حكمه بالغه..ف انك لا تزني ولا تتعرف
وتصاحب وتمسك اديها ..وتروحو الجنينه .... وتتفرجوا علي الاطفال الي في
الجنينه...فالواد يحضنها ويقولها ...يااه يا حبيبتي نفسي لما نتجوز ...نجيب
اطفال زي دول..

فالبت تقع من طولها ..وتقول ياااه قد ايه انت رومانسي..

والاتنين بيشتغلوا بعض.......اعتقتد ان الله سبحانه وتعالي حكم باحكام خاطئه او ليس لها مغزي ...حاشا لله



طب الفراغ ..... ...انا ارجح كده بردو.....الفراغ سبب حاجات كتير في المخدرات

طيب الفراغ ده سببه اصلا ايه ............

لو جيت للدكتور محسن بتاع المعارضه هيقولك : الدوله فااااااااسده ..مفيش فرص توظيف شباب ..يملوا فراغهم

الشاب يعيني مش لاقي يتجوز فلازم يعمل كده...انقذوووا العااااالم ...والرحمه باقيه ان شاء الله .- بردو -

الدكتور محسن بتاع الحكومه : الحكومه موفره القطورات الي شباب يركبها عشان يلحق القطر

ولكن الشباب قاعد علي القهاوي مبيعملش حاجه ..ومش بيستغل الفرص المتاحه له .....بالتالي لازم يتحول لهذا الفراغ

الذي يؤدي له البتنجان في الكوسه


الدكتور محسن بتاع الجامع : انهم شباب فااااااااااااسق....هذا شباب فاجر
والعياذ بالله....لا يعرف الدين ولا يعرف اي شيء........لعنه الله .عليه
اللحمه



الدكتور خـــالد .- الي هوا انا - : بقول ..ان الدكتور محسن اصلا هو السبب في المشكله
وخريج زراعه انجلش ..بيبقي محاسب علي كمبيوتر

1- لا الحكومه عارفه توظف شبابها.......ولما بتوظف شبابها..بتوظفهم غلط....خريج التجاره بيتخصص في الزراعه





2 - بعض الدعاه وشيوخ الجامع..مبيتفاهموش مع الشباب.....هما علي طول كافرين....وفاسقين ..وولاد كلب







3 - المجتمع زات نفسه مبيفكرش يحل المشكله.....صباح الخير يا مصر ..يجبلك
الدكتور محسن يتكلم في المشكله ...والمزيعين الي قاعدين قدامه..يقعدوا
يقلوله ...ااااه لازم نحل المشكله ....ونحن لن نصمت

وان خلاص الا من رحم ربي في كل حاجه....ومبيفكروش يوصلوا لتفكير الشباب بطريقه محببه ..او بطريقه عدله

يعرفوه الصح من الغلط ..

الدكتور محسن بتاع كله : يعني ايه نفهمهم الصح من الغلط...وهو الشباب ده
صغير..معندوش عقل يفكر ايه الصح وايه الغلط......يا راجل قول كلام غير ده
..خسئت ..

لا الشباب معندوش انه يفكر بين الصح والغلط........اكثر مراحل الخطا في حياة الانسان ...بتبقي عند شبابه

في تسرع واندفاع ...لازم حد يوجهه...قد يري الصح غلط ..ويري الغلط صح

ودور المجتمع انه يوعيه .....مش يقعد يقوله يا فاسق يا زنديق
- خلي بالك ان محدش اصلا بيتفرج علي صباح الخير يا مصر ده -

وانا اجي اكتب مقاله في الموضوع....وميحصلش حاجه ....

القارئ : امال عايزنا نعمل ايه يعني

انا عارف يا اخي ...!




منقول

هى مشكلة فعلا بس مش على الشباب بس وعلى البنات كمان بسبب اللبس المستفز بتاع الايام دى وانها بتبسم لما حد يعاكسها بس دى مشكلة مجتمع كامل انعدمت فيه الاخلاق وانتشرت البطالة والفقر وعدم القدرة على الزواج يا اخى زمان كان الشاب بيوصل ل18 سنة وبيكون متجوز ومخلف اما دلوقت بقا انسا

شكرا على الموضوع المميز

وبجد عندك حق فى كل كلمة قولتيها كل ده بيحصل فعلا المعاكسات عن طريق الفيس بوك وفى الشارع مع الرغم ان فعلا لبس الجيل بتاعنا ارحم من جيل زمان بتاع سعاد حسنى وهند رستم:mad:
وبحس ان اللى الشباب فيه واللى بيعملوه فى الشارع هو فعلا بسبب قلة الشغل
الشباب متخرجة من احسن الجامعات وقاعدين على القهاوى ومش بيلاقوا حاجة يعملوها غير انهم يتعرفوا على البنات
ويقعدوا يسرحوا ببعض:stickjo4:
لان مفيش فلوس علشان يتجوزوا لان مفيش شغل اصلا فى البلد وكل حاجة ماشية بالوسايط غير كدا عمرك ما حتشتغلى شغلانة عدلة والرشاوى طبعا ومعظمها نصب بجد الله يكون فى عون الشباب ربنا يصبرهم على اللى هما فيه:mad: