|
مشاهدة النسخة كاملة : دعوة للاضراب عن العمل لحين صدور قرار التثبيت عاشقه الجنه 29 03-01-2011, 04:46 PM بجد ياجماعة كفاية علينا كدة صبر لازم موقف ايجابى ناخدة فى حياتنا ولو مرة واحدة فى عمرنا والله العظيم الموضوع مش مجرد كلام بس نفسى حد يساندنى لان موضعنا مينفعشى يكون واحدلوحده لازم الكل عشان يكون له صدى الامتحانات قربت لو اضربنا عن اعمال الامتحانات الدنيا هتنقلب وهيصدر القرار فورا دون اى مماطلة بالله عليكم خليكم معايا نحدد يوم معى بعض كفاية سلبية ونوم وانتظار على الفاضى(رجاء من مشرفى المنتدى عدم حذف الموضوع) مروة المصرية 03-01-2011, 04:57 PM أنا أول واحده معاك فى موضوعك*هيحصل لنا إيه يعنى؟ هيفسخوا العقد أحسن تبأه جات من عندهم*بجد أكتر ناس مظلومة ومذلولة هوه إحنا والله لو وقفنا وقفة واحده ممكن يعملولنا شىء إيجابى* وربنا يوفق الجميع أبوووووعبدالرحمن 03-01-2011, 04:58 PM جزاكم الله خيرا يا اخي خلاص ما عادش ينفع السكوت كفانا سلبية ويا ريت المحبطين يسكتوا أنا معاك يا اخي والكثير من المتعاقدين اصحاب الكرامة ويا ريت نشتغل سريعا لان الوقت بيمر ويا ريت تعرفنا بالجديد مش كلام وخلاص محمدطعيمة 03-01-2011, 05:01 PM يا عم اضرب براحتك وإن كان حذف الموضوع هو اللي مخوفك ما تخافش اضرب براحتك يا أخ جارةالوادى 03-01-2011, 05:05 PM المفروض الناس اللى عقودها خلصت ومفيش جديد يعملو كدة لان القانون بيقول انهم بعد سنتين واستيفاء الشروط المفروض ياخدو شهادة الصلاحية ويتعينو اما اللى هما زى حالاتى كدة ولسة عقدهم ماخلصش (10/3) مينفعش يعملو اضراب لانهم لسة مكملوش السنتين ولسة مش بقالهم حق واضح فى القانون بس انا شايفة ان الدنيا هادية اوى ومحدش فارق معاه muhammad ellithy 03-01-2011, 05:10 PM دعوة محترمة من شخص محترم و لكن يا اخي الفاضل السلبية ليست مشكلتنا وحدنا كمعلمين مساعدين بل هي ظاهرة عامة على افراد الشعب إلا القليل و مبدأ الشعب " البلد بلدهم " و " ملناش دعوة " و مسيرها تتسهل و لن تجد إلا الكلام من السادة اعضاء هذا المنتدى سواء بالتأييد أو بالرفض و السخرية لطرحك عموما أنا أؤيد فكرتك حتى و لو بالقلب و هذا أضعف الإيمان و ندعو الله أن يوفقنا لما فيه رضاه و صلى الله على سيدنا محمد و على آله و سلم رائحه الورد 03-01-2011, 05:10 PM جاره الوادى تقصدى السنه الثالثه ولا الثانيه رائحه الورد 03-01-2011, 05:11 PM والله عندك حق وياريت كلنا يكون لنا موقف ايجابى شويه ونطالب بحقنا وكفايه زل ومهانه بقى خلاص تعبنا بجد جارةالوادى 03-01-2011, 05:13 PM جاره الوادى تقصدى السنه الثالثه ولا الثانيه انا اقصد ان فيه ناس خلصت سنتين 31/12 ودى اخر مهلة لان القانون بيقول سنة على معلم مساعد ويمكن للوزير تجديد سنة اخرى وده فعلا اللى حصل يبقى الناس اللى خلصت السنتين ليهم حق فى شهادة الصلاحية والتعيين زى ماقانون الكادر بيقول the keng 03-01-2011, 05:14 PM المفروض الناس اللى عقودها خلصت ومفيش جديد يعملو كدة لان القانون بيقول انهم بعد سنتين واستيفاء الشروط المفروض ياخدو شهادة الصلاحية ويتعينو اما اللى هما زى حالاتى كدة ولسة عقدهم ماخلصش (10/3) مينفعش يعملو اضراب لانهم لسة مكملوش السنتين ولسة مش بقالهم حق واضح فى القانون بس انا شايفة ان الدنيا هادية اوى ومحدش فارق معاه مع كامل احترامي لكي ياجارة فإن ردك ليس له معني سوي الهروب مهو اللي هيطبق علي اللي قبلك هيطبق عليكي نسأل الله عزوجل وحده أن يثبتنا ويثبتكم msrahmedseef 03-01-2011, 05:17 PM يا جماعة انا قلت الكلام ده من زمان كل واحد يشوف مصلحتة بعيد عن التربية و التعليم بس اللى عامل فينا كده الخوف و الامل كل واحد منا عنده امل ان التثبيت هايبقى السنة دى بل كل واحد فاكر ان التثبيت هايبقى بكرة قبل بعده و الوزارة ممشيانة بنظرية الحمار والجزرة يعنى كل شوية يطلعوا تصريح ان التثبيت ها يبقى الشهر اللى جاى واحنا بنجرى ورا الامل انا اول واحد منكم بجرى ورا الامل ده ونفسى اتثبت علشان احس بالاستقرار الاجتماعى ولكن انا فى قراره نفسى اخذت قرار وباذن الله لن اتراجع عنه الا فى حالة عدم توفر الظروف انا بعد السنة الدراسية دى انا لم يظهر جديد فى الوزارة انا من اول الناس اللى هايتركو العمل فى وزارة الفقر دى وهادور على عمل آخر سواء فى مصر او فى اى دولة اخرى ولن ابكى على العمل المشين الذى اعمل فية فهو ليس بكرامة ولكنة اهانة ولو نى هاتهان خارج مصر بس هاجيب فلوس هنا فى مصر بتهان بس ما فيش فلوس وكل عام وانتم بخير البروفيسير ابو اياد 03-01-2011, 05:37 PM هههههههههههههههههههههههههههههههههههه موت يا حمار طبعا فاهم مروة المصرية 03-01-2011, 05:41 PM يا جماعة انا قلت الكلام ده من زمان كل واحد يشوف مصلحتة بعيد عن التربية و التعليم بس اللى عامل فينا كده الخوف و الامل كل واحد منا عنده امل ان التثبيت هايبقى السنة دى بل كل واحد فاكر ان التثبيت هايبقى بكرة قبل بعده و الوزارة ممشيانة بنظرية الحمار والجزرة يعنى كل شوية يطلعوا تصريح ان التثبيت ها يبقى الشهر اللى جاى واحنا بنجرى ورا الامل انا اول واحد منكم بجرى ورا الامل ده ونفسى اتثبت علشان احس بالاستقرار الاجتماعى ولكن انا فى قراره نفسى اخذت قرار وباذن الله لن اتراجع عنه الا فى حالة عدم توفر الظروف انا بعد السنة الدراسية دى انا لم يظهر جديد فى الوزارة انا من اول الناس اللى هايتركو العمل فى وزارة الفقر دى وهادور على عمل آخر سواء فى مصر او فى اى دولة اخرى ولن ابكى على العمل المشين الذى اعمل فية فهو ليس بكرامة ولكنة اهانة ولو نى هاتهان خارج مصر بس هاجيب فلوس هنا فى مصر بتهان بس ما فيش فلوس وكل عام وانتم بخير عندك حق فى كل كلامك*عن نفسى آخرى معهم السنة دى*زهقت ومليت من الانتظار أشـرف فتحى 03-01-2011, 06:12 PM [quote=محمدطعيمة;2974021]يا عم اضرب براحتك وإن كان حذف الموضوع هو اللي مخوفك ما تخافش اضرب براحتك يا أخ[/quot e] ياريــــت بلاش تريئة عاشقه الجنه 29 03-01-2011, 06:14 PM طيب ياجماعة عيزين نتفق ونحدديوم معى بعض ولون بعض الردود غير مطمئنة ومعى احترامى الشديد للاستاذ محمد طعيمة والذى احترمة واكن له كل التقدير مش دة الرد اللى كنت منتظرة من قادة المنتدى اللى فى مثل ظروفنا وفى مركب واحدة معنى كلامك اية يعنى ان انا بتكلم وخلاص انا اقسمت لكم انى هنفذ بس محتاج المساندة من الكل لان الموضوع لابد وان يكون جماعى حتى يكون له رد الفعل المطلوب وشكلكم كدة بتهودونى وخلاص بدون جدية كالعادة عصام الطواب 03-01-2011, 06:22 PM يا جماعة سعد زغلول قالها من زمان مفيش فايدة علي عضاضلي 03-01-2011, 06:29 PM أنا أول واحده معاك فى موضوعك*هيحصل لنا إيه يعنى؟ هيفسخوا العقد أحسن تبأه جات من عندهم*بجد أكتر ناس مظلومة ومذلولة هوه إحنا والله لو وقفنا وقفة واحده ممكن يعملولنا شىء إيجابى* وربنا يوفق الجميع رأيي: واحد مننا يتبرع ويكلم اي برنامج (معتز،منى,محمودسعد.....) ويطرح مشكلتنا بس يبقى لبق ويعرف يوصل صوتنا ولومحدش اتبرع انا مستعد اقوم بالمهمة دي بس تساعدوني في طرية العرض والذي نفسي بيدة بتكلم بجد ونخلي موضوع الاضراب لما نعرف رد فعل الوزير ايه لقضيتنا عاشقه الجنه 29 03-01-2011, 06:31 PM يا جماعة سعد زغلول قالها من زمان مفيش فايدة كتر خير هو ده اللى قدرت عليه تحبط عزيمتنا عاشقه الجنه 29 03-01-2011, 06:35 PM رأيي: واحد مننا يتبرع ويكلم اي برنامج (معتز،منى,محمودسعد.....) ويطرح مشكلتنا بس يبقى لبق ويعرف يوصل صوتنا ولومحدش اتبرع انا مستعد اقوم بالمهمة دي بس تساعدوني في طرية العرض والذي نفسي بيدة بتكلم بجد ونخلي موضوع الاضراب لما نعرف رد فعل الوزير ايه لقضيتنا معى احترامى الشديد لراى حضرتك البرامج دى مش هنعرف نوصلها كدة عادى لكن بالاضراب هما هيجوا لحد عندنا فايزمصطفى 03-01-2011, 06:38 PM المهم نحدد يوم ام رهف 03-01-2011, 06:41 PM [quote=علي عضاضلي;2974265]رأيي: واحد مننا يتبرع ويكلم اي برنامج (معتز،منى,محمودسعد.....) ويطرح مشكلتنا بس يبقى لبق ويعرف يوصل صوتنا ولومحدش اتبرع انا مستعد اقوم بالمهمة دي بس تساعدوني في طرية العرض والذي نفسي بيدة بتكلم بجد ونخلي موضوع الاضراب لما نعرف رد فعل الوزير ايه لقضيتنا[/ لا انتو عاوزين قاعدة quote علي عضاضلي 03-01-2011, 06:46 PM عارفين مشكلتنا ايه ؟! مش اننا سلبيين لاسمح الله ، بالعكس لكن المشكلة اننا من محافظات مختلفة فمسألة تجميعنا يمكن يكون صعب شوية ام رهف 03-01-2011, 06:56 PM رأيي: واحد مننا يتبرع ويكلم اي برنامج (معتز،منى,محمودسعد.....) ويطرح مشكلتنا بس يبقى لبق ويعرف يوصل صوتنا ولومحدش اتبرع انا مستعد اقوم بالمهمة دي بس تساعدوني في طرية العرض والذي نفسي بيدة بتكلم بجد ونخلي موضوع الاضراب لما نعرف رد فعل الوزير ايه لقضيتنا ماشي الحل ده بداية كويسة لكن هتقدر توصل للبرامج دي ؟ عاشقه الجنه 29 03-01-2011, 06:59 PM ما احنا قلنا يام رهف هما اللى هيجوا لحد عندنا لو قمنا بالاضراب زينا زى غيرنا اللى عملوا قبل كدة لكن بدون اضراب صعب ان حد يسمعنا اصلا عمر العدوى 03-01-2011, 07:08 PM بنلف حوالين نفسنا عمرو سامي فرحات 03-01-2011, 07:10 PM والله الفكرة جميلة جدا بس المهم اللي ينفذ وكيفية التنفيذ لأنها لازم تكون وقفة جماعية مش واحد أو اتنين عمرو سامي فرحات 03-01-2011, 07:12 PM والله أحلى رأي سمعته لحد دالوقتي بس المهم الزاي ننفذ وكيفية التنفيذ لأنها لازم تكون وقفة جماعية مش واحد أو اتنين ام رهف 03-01-2011, 07:18 PM انا معاكو بس لازم مستشار قانوني علشان العمل ما يظهرش بشكل فوضوي جارةالوادى 03-01-2011, 07:21 PM مع كامل احترامي لكي ياجارة فإن ردك ليس له معني سوي الهروب مهو اللي هيطبق علي اللي قبلك هيطبق عليكي نسأل الله عزوجل وحده أن يثبتنا ويثبتكم كلمة اضراب دى كبيرة اوى ان يعملوها المتعاقدين اصلا ده احنا قلنا وقفة احتجاجية محدش عبرنا يبقى كل واحد بقى يشوف مصلحته اللى خلص يضرب واللى لسة يبقى برضو يعمل نفس الحكاية او يشوف اللى قدامه عمل ايه ويعمله خلينا واقعيين شوية بقى نتصرف زى مالمتعاقدين بيعملو بالفعل بلاش الاحلام الكبيرة والكلام العريض اللى مش بيتعدى الكلام على فكرة احتمال كبير يكونو مستنين الناس كلها تخلص السنتين بتوعهم عشان يعملو شهادات الصلاحية مرة واحدة بس احنا محتاجين حد يكلمنا بصراحة ويفهمنا ليه اللى خلصو عقودهم متعينوش هو ده اللى احنا عاوزينه جارةالوادى 03-01-2011, 07:24 PM انا معاكو بس لازم مستشار قانوني علشان العمل ما يظهرش بشكل فوضوي برافو عليكى احنا عايزين استشارة قانونية يشوف القانون ويشوف الوضع اللى احنا فيه ويقولنا نعمل ايه بالظبط وممكن نرفع قضية ولالاء خطوتنا الصح تبقى القضاء الادارى قبل ماقانون الوظيفة العامة يجى ويظبط كل حاجة بطريقة الله اعلم هتبقى عاملة ازاى كن صديقى 03-01-2011, 07:24 PM خلاص بجد انا قربت انتهى مليت اتخنقت بعدما كنت انادى بالصبر لكن صبرى رحيل بتاع الزمالك مش بيلعب ليه دلوقتى هههههههههههههههههههههههههههههههههههه ذلونا وبهدلونا وجننونا وليد سرحان 03-01-2011, 07:30 PM حسبي الله ونعم الوكيل عاشقه الجنه 29 03-01-2011, 07:37 PM يعنى اية الردود المتناقدة دى فى ناس بتحفز وناس تانية بتحبط لية كدة انا كنت مفكر ان الناس كلها خلاص فاض بيها وملت من الانتظار والوعود الكاذبة المبهمة وهتعمل المستحيل حفاظا على ماهو باقى من كرامتنا والاخت جارة الوادى اللى بتقول لما السنتين يخلصوا اغلبية اللى امتحن وخلص الايسى دايل فى السنة التلتة صح النوم وخلاص الناس بدات تخلص كمان التلتة مش التانية زى مابتقولى حضلرتك يعنى خلاص لا سبيل سوى الوقفة khaledelsaed 03-01-2011, 07:38 PM اليكم توقعاتي الشخصيه في موضوعنا اللي مبهدلنا ده اولا : هيصدر بعض الاخبار ان التثبيت ان شاء الله هيكون في اجازة نص لاسنة ثانيا : تيجي نص السنة قولوا في شهر 4 سيتم التثبيت ثالثا : يجي شهر 4 يقولوا ان الدرجات الماليه والترقيات والمرتبات بتتعمل في شهر 7 رابعا : يجي شهر 7 يقولوا ان شاء الله مع انتخابات الريس وعلينا وعليكم خير دي مش نظره تشاؤمية لكن الواحد بقى يتوقع تصرفاتهم من كتر ما هي متكررة فلازم يكون لنا وقفه محترمة مشفتوش التونسيين عملوا ايه ؟؟؟ عملوا احتجاجات لحد ما اتشال فيها 3 وزراء عشان البطاله هناك ومستوى المعيشه ولا احنا بقينا اقل الناس قدرا في العالم ده اننا مش قادرين نتحرك ؟؟؟؟ eldeash 03-01-2011, 07:39 PM توكل على الله وانا كمان معاك ( إن الله لايغير ما بقوم حتى يغيروا ما بأنفسهم ) الارض الطيبة 03-01-2011, 07:40 PM انا موافق على الاضراب ولكن هل فعلا كلنا حنقف وقفة رجل واحد ومين اللى حيجمعنا ومين اللى حيحدد الميعاد انا اتوقع اننا لو وقفنا وقفة رجالة صح اكيد حيكون فيه حل جذرى للموضوع ده بس يااااااااااااااااريت نعرف ننجمع eldeash 03-01-2011, 07:42 PM حددوا الزمان والمكان وخلينا نتوكل على الله علشان نعرفهم ان القصة السخيفه دي لازم يكون لها نهاية عاشقه الجنه 29 03-01-2011, 07:48 PM الاقتراح كالاتى كل واحد يجمع اللى يقدر يجمعة من ادارتة ويحاول يجمع من كل الادارات جوه محفظتة ويكون هناك مندوب عن كل ادارة ومندوب عن كل محافظة ولما نوصل للعد اللى نقدر نتحرك بيه نتفق على ميعاد ونتحرك عارفين لو اتجمع بس من كل محافظة متين واحد والله هيعملوا حاجة بس بلاش نعتمد على بعض ونقول لما نشةف اللى هيوح هيعمل ايه نبقى نروح ياجماعة لازم نكون ايد واحدة بس ياريت التجمع دة يكون بسرعة ونبلغ بعض كل مندوب فى المحافظة وصل العدد معاه لكام واحد وبصدق وامانة يكون هناك جدية علشان ربنا يكرمنا ويوفقنا وانا عن نفسى هبدا الاتصال باصحابى فى الادارة والادارات المجاورة ابوامانى 03-01-2011, 07:51 PM لو عايزين تاخدو حقكم الى ضايع من زمان فما عليكم الا تعملو حاجه بسيطه خالص نستجدع ونعمل يوم واحد اضرااااااااااااااااااااااااااااااااااااب يا جماعه الواحد خلاص مابقاش فيه نفس ومش ناقصين حد يهبطنا دا الساكت عن الحق شيطان واخرص كمان احنا خايفين ليه قوى كدا رضينا بالزل والهوان للدرجه دى دا من كتلر سكوتنا متهيالى ممكن يحطو الجز على دماغنا ونسكت ايه اللى احنا فيه دااااااااااااااااااااااااااااااااااااااااااااااااو الله حرام خالص miss_emy 03-01-2011, 08:33 PM مهزله للمعلم بكل المقاييس احنا عمالين نضرب اخماس فى اسداس وناس تانيه عماله تلعب بينا وبأعصابنا بقى لنا سنين عاشقه الجنه 29 03-01-2011, 08:37 PM هتغظنا ليه يامعلم يامساعداحنا كلنا اخوة وفى ظروف واحدة ومشكلتنا والله مش عيزانا غير ايد واحدة وانتى كدة مش بتغيظ حد بالعكس انتى بتشجع الناس على السلبية والامبالاة عمادعرفه 03-01-2011, 08:47 PM الحكومةملهاش كبير واللى كتب العقد بتاعنا بيضمن حق الحكومة 100فى 100 دا حتى مدير المدرسة ممكن يقلشك بسى ياريت الاضراب يكون بنتيجة MISS.DINA 03-01-2011, 08:55 PM اضراب ايه مينفعش طبعا هما صرحو بكل حاجة يبقى اكيد هينفذو مش مهم امتى بس المهم هينفذو ومش معنى ان لو عاوزين تسيبو اعمال الامتحانات تقولو نعمل اضراب لان كله الا اعمال الامتحانات دى MISS.DINA 03-01-2011, 08:59 PM تغيظنا ايه بس عيب كدة ده مش كلام مدرسين ابدا المفروض يعلمو الولاد الاحترام والتعبير عن الراى بطريقة كويسة مش تسىء لللاخرين احمد مروة 03-01-2011, 09:31 PM فى يوم غاب 10 مدرسين متعاقدين من المدرسة المدير كان هيتجنن كرومه 03-01-2011, 09:49 PM يلا نبدأ يا جماعه والله ليه سنتين بقول الكلام ده وكل الناس تقول ليه اعمل اضراب لوحدك لكن دلوقتى خلاص عايزين موقف ايجابى بجد اول يوم فى الامتحانات يا ريت الناس كلها تتمسك بالموضوع احنا بنطالب بحقنا فقط يارب يوفقنا للخير ويكون الكلام بجد علي عضاضلي 03-01-2011, 09:49 PM فى يوم غاب 10 مدرسين متعاقدين من المدرسة المدير كان هيتجنن هههههههههههههههههههه ليه هية المدرسة فيها كام متعاقد !!!!!!! 13sendbad 03-01-2011, 10:48 PM انا تعبت من الكلام عوزين افعال يارجاله حسام كمال سيد احمد 04-01-2011, 12:20 AM أفضل شئ كلنا نقف فى نفس الوقت امام جميع إدارات مصر خلف حلمي 04-01-2011, 06:25 AM نحن شعب مصري عمرنا منتفق علي حاجة وإذا اتفقنا دايما ضد بعض ، خلاص الموضوع خرج عننا وخلاص مفيش فايدة ربنا يصلح الحال lovespider0 04-01-2011, 06:45 AM والله عندك حق لازم وقفة حقيقية علشان ناخد حقنا أنا اساساُ زهقت وتعبت جداً انا معلم مساعد حاسب آلي وبإذن الرحمن انا واخد عهد على نفسي حتى شهر 7 القادم اما التثبيت او الاستقاله واتفرغ لشغي الخاص احسن الواحد كان بيقول واجهة اجتماعية (( أستاذ )) لكن للأسف .............!!!!!!! والله معانا ومعاكم ابوامانى 04-01-2011, 09:29 AM الاضراب الاضراب يا شباب لن ناخذ حقنا الابالا ضراب وياريت بلاش تحبيط من حد مدرسة الانجلش 04-01-2011, 11:56 AM يااااااااااااااااااااااااااااااااااااااااااااااااا اااااه افتكر اننا كنا اتكلمنا عن حاجة اسمها الوقفة دي من شهر سته اللي فات ههههههههههههههههههههههههه وائل صبحي السيد 04-01-2011, 12:13 PM ربنا يهدي كل مسئول ظالم مروة المصرية 04-01-2011, 01:02 PM والله بتقولوا كلام ومفيش حد بيعمل شىء الكل بيخااااااااااف*بس مش عارفة انتوا باقيين عليها ليه*إذا كانت الحكومة مش باقية علينا miss_emy 04-01-2011, 01:21 PM ايوه حكومه وبلد مش باقيين علينا نخاف من ايه ayman.saad 04-01-2011, 01:45 PM طيب ما هو ده اللي همه عاوزينه علشان يرفدوكم ويخلصوا منكم ويجيبوا ناس جديده مالهاش حقوق عندهنم دور على فكرة تانيه واحنا معاك عاشقه الجنه 29 04-01-2011, 02:46 PM [quote=خلف حلمي;2975853]نحن شعب مصري عمرنا منتفق علي حاجة وإذا اتفقنا دايما ضد بعض ، خلاص الموضوع خرج عننا وخلاص مفيش فايدة ربنا يصلح الحال [/quoايه الكلام المحبط دة ياجماعة يعنى ده اخر كلام ولا اية عيزين الناس المحبظة للعزيمة ياريت متدخلشى ولا تعلق والناس اللى عندها حماس بس ومستعدة لاستيعاد كرمتها هى اللى تدخل وتعلقها موافقون ويقترحوا علينا ميعاد بس ده رجائى واللى هيحصل نتجته هتكون للكل وارجع واقول لازم الوقفه جماعية فعلى الاقل العدد اللى شاهد الموضوع ومشجع الفكرة يرد بموافقون علشان نستعد وربنا يوفقنا لما يحبه ويرضاه جارةالوادى 04-01-2011, 02:56 PM يااااااااااااااااااااااااااااااااااااااااااااااااا اااااه افتكر اننا كنا اتكلمنا عن حاجة اسمها الوقفة دي من شهر سته اللي فات ههههههههههههههههههههههههه انا اكتر واحدة فاكرة الموضوع ده يلاربنا يعينهم واحنا معاهم بس المرة دى بجد انا مع الجموع الغفيرة يعنى تركت لكم دفة القيادة خالص حتى اى كلام سلبا او ايجابا لن اشارك به اتفقو كدة وفكرو براحتكم ايه اللى تعملوه بالظبط بس ياريت يعنى يبقى مش كلام ويبقى حاجة قابلة للتنفيذ فعليا والكل او الاغلبية عندها استعداد وطبعا باذن الله معاكم رامي ابو عاشور 04-01-2011, 03:08 PM الي صاحب الموضوع : انا عن نفسي كنت اعمل رئيس لكنترول مدرسة كبيرة لمدة خمس سنوات ، وبعد ما رأيته من عدم احترام السادة المسئولين في هذه الحكومة اتخذت قرارا علي نفسي بعدم الدخول في اي كنترول مرة ثانية ما دمت متعاقدا فلماذا اقلق نفسي وارهق اعصابي من اجل ماذا ! 386 ملطوش أقل من راتب عامل نظافة في اي مدرسة والله ما نحن فيه يجعل الصمت يتكلم لنا الله يا أخواني حتي المجاهد في سبيل الله في الحرب ينال احدي الحسنيين الجنه أو النصر ولكن ولكن ولكن ماذا ننال نحن الصداع طول اليوم ، كلمة انت مكتوب بالقلم الرصاص التي تلقي علينا من كل هب ودب ، التهديد والوعيد ، خلينا نلاحظ ونصحح بس هذا اسهل واكرم لينا وسيبك من وجع الدماغ ما دامت الحكومة لا تقدر ابناءها المتعلمين . وشكرا ahmed salh 04-01-2011, 04:05 PM يا جماعه انا كنت في الاكاديميه المهينه للمعلمين في دمياط الجديده وكان هناك اربع موظفين ع مكاتبهم ومحدش عارف اي حاجه ع التثبيت اللي احنا بنكلم نفسنا وخلاص عفت ربيع 04-01-2011, 04:38 PM لايأ س مع التعيين ولا تعيين مع اليأس ساره حس 04-01-2011, 05:24 PM [quote] يازملائى الاعزاء والله ماهى جايه إلا بلوى الدراع يلا نلوى دراعهم وهم مش هيقدروا يعملوا فينا حاجة طب ما الناس كل يوم كانوا بيعملوا اضرابات هيعملوا فيهم أيه ولا حاجة ؟ والله هم أجبن من أن يفعلوا أى شئ . وإحنا اللى أجبن من الجبن . يلا يارفاق إضراب أمضاء مدرس متعاقد يأس من كل شئ لما رأى أنه لايوجد شئ عاشقه الجنه 29 04-01-2011, 05:51 PM الاخوة المتعاقدون هل هناك استعداد للاضراب عن العمل اثناء الامتحانات وارجوا الرد بنعم ام لا دون اى تعليق اخر وحالا وبسرعة ارجو الردود من فضلكم miss_emy 04-01-2011, 06:13 PM نعمممممممممممممممممممم وليس غير نعم ويكون اول يوم فى الاختبارات وكلنا نتفق على ذلك أ / ضياء عبد الفتاح 04-01-2011, 07:23 PM تغيظنا ايه بس عيب كدة ده مش كلام مدرسين ابدا المفروض يعلمو الولاد الاحترام والتعبير عن الراى بطريقة كويسة مش تسىء لللاخرين أنا معاكى تمام فى الكلام دة لكن لما يكون المسئولين والوزراء كاذبين وبيخدعونا شوفى من شهر 10 اللى فات والوزير بيطلع وبيصرح أن التعيين خلال أيام يبقى ياترى .................................................. ........................................... هنعلم الأولاد أية ...................... حسبى اله ونعم الوووووووووووووووووووووووووووووووووووووووووووووووو وووووكيل فيهم محمدسعدالجمل 04-01-2011, 07:39 PM فات الكتيير ولم يبقى إلا القليل فلننتظر هذا القليل عبدالهادى أحمد حسن 04-01-2011, 08:11 PM بجد يا جماعة حاجة تزهق لازم من وقفة ضرورى لأن السلبية موش هتنفع لابد من وقفة ونكون يد واحدة يا جماعة الموضوع كده باخ خالص صدقونى دى مماطلة بلا جدوى :slap1qk6: خلف حلمي 04-01-2011, 10:18 PM ياعم اعمل زي مانت عايز كلام كل مرة نقوله وبعدين بنضحك علي نفسنا Mr:M.Kamal 04-01-2011, 10:38 PM والله عندكم حق لازم ناخد موقف مستر / طاهر أبو خزيم 05-01-2011, 12:18 AM يا اخوانا فين متعاقدين الأزهر لازم يكون لهم رأى فى موضوع الأضراب ده خاصة فى ايام المتحانات حيث ان المتعاقدين فى الأزهر اصبحوا قوة لا يستهان بها ولو عملو كده فعلا صوتهم ها يوصل لشيخ الأزهر وممكن يشوفلهم حل ارجو من متعاقدى الأزهر المشاركه والأيجابية mr_mostafa84 05-01-2011, 04:27 AM انا كتبت كومنت فى الموضوع ده و عايز اعرف اتحذف ليه خلف حلمي 05-01-2011, 07:04 AM نحن معاك بس تضمن باقي الناس حتروح ولا ، ربنا يصلح الحال المهند ريم 05-01-2011, 09:26 AM المفروض الناس اللى عقودها خلصت ومفيش جديد يعملو كدة لان القانون بيقول انهم بعد سنتين واستيفاء الشروط المفروض ياخدو شهادة الصلاحية ويتعينو اما اللى هما زى حالاتى كدة ولسة عقدهم ماخلصش (10/3) مينفعش يعملو اضراب لانهم لسة مكملوش السنتين ولسة مش بقالهم حق واضح فى القانون بس انا شايفة ان الدنيا هادية اوى ومحدش فارق معاه النجم ابن الأكرمين 05-01-2011, 11:33 AM الي صاحب الموضوع : انا عن نفسي كنت اعمل رئيس لكنترول مدرسة كبيرة لمدة خمس سنوات ، وبعد ما رأيته من عدم احترام السادة المسئولين في هذه الحكومة اتخذت قرارا علي نفسي بعدم الدخول في اي كنترول مرة ثانية ما دمت متعاقدا فلماذا اقلق نفسي وارهق اعصابي من اجل ماذا ! 386 ملطوش أقل من راتب عامل نظافة في اي مدرسة والله ما نحن فيه يجعل الصمت يتكلم لنا الله يا أخواني حتي المجاهد في سبيل الله في الحرب ينال احدي الحسنيين الجنه أو النصر ولكن ولكن ولكن ماذا ننال نحن الصداع طول اليوم ، كلمة انت مكتوب بالقلم الرصاص التي تلقي علينا من كل هب ودب ، التهديد والوعيد ، خلينا نلاحظ ونصحح بس هذا اسهل واكرم لينا وسيبك من وجع الدماغ ما دامت الحكومة لا تقدر ابناءها المتعلمين . وشكرا تسلم ياغالي أجمل تعليق يوسف عبده 05-01-2011, 11:51 AM انا معاك يا استاذنا والله والله والله هو ده اللى ينفع دم شوية مرتزقه مهيمهمش حد وكدابين موووووووووووووووووووت |