|
مشاهدة النسخة كاملة : امتى حسيت بالفشل ؟؟؟؟؟؟؟؟؟؟؟؟؟ tones 03-01-2011, 09:54 PM كل واحد فينا عنده لحظات بيحس فيها بالفشل ممكن نتيجة موقف معين إحساس معين مواجهة مع النفس طيب إيه رد فعلك تجاه هذا الإحساس وكيفية التفكير في معالجة الفشل بالنجاح اللي مش عايز يحكى ممكن يقول بس إنه في يوم من الأيام حس بالفشل Haytham Ali 03-01-2011, 10:16 PM نيس توبيك :d أنا بحس بالفشل لما ألاقى واحد صاحبى يقولى الدرس ده ساهل جدا وانا اكون ذاكرته ومش فاهم حاجة منه وبحس بالفشل لما استاذ الرياضيات يقعد يدى فى مسائل وانا ابقى نعست جنبه ومش فاهم حاجة هيا دى مراحل الفشل بتاعتى :006et4: :006et4: :006et4: وبالنسبة لمراحل الفشل فى النت احسن انى فاشل لما اشوف برنامج كبير واعجز انى ابرمج زيه واحس انى فاشل لما اشوف موقع كبير وانا حتى مكنشى اعرف اسجل فيه ( هههههه بس ده طبعا كان زمان انا الحمد لله عندى موقع ومنتدى وموقع ألعاب كمان ههههه مش دعايا ولا حاجة ) تحياتى لحضرتك :blush: saraaaaaaa 03-01-2011, 11:18 PM انا الحمد لله على طول بحس بالفشل لانى بصراحه بطمع بنجاح اكبر وديما بحب أكون احسن يعنى اخر موقف لما جبت 97.5 فى الثانوية السنه اللى فاتت بس حسيت انى ممكن كان ممكن اجيب اكتر من كده بس دايما بحمد ربنا على كل حال ببقى فيه طالبة ازهرية مصرية 04-01-2011, 12:17 AM انا كمان دايما عندى احساس بالفشل لانى بحلم بالنجاح اكبر رغم انى دخلت كلية من كليات القمة بس بردو حاسة بالفشل فى حياتى وحاسة انى مش قادرة احقق اى حلم من احلامى waleed ansary 04-01-2011, 01:28 AM انا حسيت بالفشل لما جبت السنه اللى فاتت مجموع وحش فى 2 ثانويه كنت حاسس ساعتها انى فاشل جدااااااا وانى مليش اى لزمه لكن بعد كده خليت عندى ثقه كبيره بربنا وانه هيوفقنى فى مرحله تاااااااانيه إن شاء الله وعرفت كماااااان إن نقطة فشل اى انسان بتكون التانيه نقطة نجااااااااااح . والحمد الله على كل حاااااااااااااال وإذا لم يقدر لى ربى اى نجااااااااح فى هذه الحياه فأنى اشكره على كل شئ فيكفى اننى اتيت الى هذه الدنيا وعبدت ربى واتمنى ان امووووت وانا فى طااااعة الله ساعتها هكووووون حققت اكبر نجاااااااح فى الحياه. وربنااااااا يوفقنا جميعاااااا إن شاء الله واسف على الاطاله Observer 04-01-2011, 03:30 PM من لم يذق الفشل لن يعرف طعم النجاح (( أريــ الفـردوس الأعلى ــد )) 04-01-2011, 03:42 PM طريق الفشل طريق خاضة الكثير من الناس ..فمنهم من فشل ومنهم رغم العقبات وصل الى القمة.. كثير حسيت بالفشل بس كانت نقطة تحول لنجاح.. مش عيب اننا نفشل العيب اننا منصلحش من فشلنا .. tones 04-01-2011, 05:06 PM شكرا على مروركم جميعا yasmin emad 07-01-2011, 04:04 PM السلام عليكم الفشل مش عيب العيب اننا نتمادى فى الفشل نعرف انه فشل ومنحاولش نغيره فى ان انا فشلت قبل كده انا فشلت كتيييييير فى اختيار صحاب فشلت فى حاجات كتير اكبر وقت انا حسيت فيه بالفشل لما جبت الاولى عالمدرسه السنه الى فاتت واهمال منى فى اعمال السنه ضيعت كل حاجه بحس بالفشل لما لاقى واحده اقل منى فى المستوى الفكرى ومع ذلك تسبقنى اسفه على الكلام الكتير ده وكفايه لحد كده وربنا يوفقكم كلكم ahmed salama00 07-01-2011, 04:15 PM الفــشــل هــو ببساطه فــرصة جديدة لكي تبدأ من جديد ، لكــن هذه المــرة بذكــاء أكــبر ...... وأنا حسيت بالفشل في حاجات كتيرة ...:(:( لما شوفت كل صحابي اللي انا كنت أشطر منهم في يوم من الأيام أصبحوا أشطر مني .... أنا لست بهذه الأنانية ولكن أنا بحب دايما إني أكون الأول في كل حاجة ... ولما تراكمت علي الدروس والوقت كان في المرة دي بيمر بسرعة قوي وأنا حسيت في اللحظة دي إني فاشل بس الحمد لله إني بحاول ان ابذل قصاري جهدي لكي أصبح الأول من جديد ...... سؤئة الطيوبة 07-01-2011, 04:19 PM الفشل احساس وارد ان ييجي لاي شخص انا بحس امرار بالفشل لما بذاكر والاقي المعلومات بتطير هههههههه ولما بحس انى مش هحل فى الامتحان كويس بس اهم حاجة انا بعملها انى مخليش الاحساس بالفشل دة يسيطر عليااااااااااااا وطبعااااااا الواحد يحس انة هينجح دي اهم حاجة لاني ربنا بيقول انا عند ظن عبدي بي وشــــــــكرا للموضوع الناااااااايس samar saad 07-01-2011, 05:13 PM بحس بالفشل لما افضل اذاكر كتير ومش بلاقى نتيجه وبحس بالفشل لما اذاكر بجد والمعلومات تتبخر واحس بالفشل لما افكر فى حاجه ومعرفش احققها واحس بالفشل لما الاقى حد واحلم انى اساعده انه يغير نفسه ومش اقدر اعمل كده بحس بالفشل فعلا usernamo 07-01-2011, 09:25 PM انا حسيت بافشل .. لما فشلت انى احقق اللى والدتى نفسها ابقاه ... الاخصائى الاجتماعى 08-01-2011, 08:01 AM اكتر مره حسيت فيها انى فاشله لما شفت زميلاتى وهم ريحين الجامعة وانا لسه بعيد الثانوية العامة وساعتها بس حسيت انى ضيعت سنه كاملة من عمرى بسبب انشغالى عن المذاكرة بأشياء اراها الان تافهه وسطحية واستمر هذا الاحساس معى حتى الان واتعلمت منه انى ممكن بشوية مجهود زيادة منى اصل لماهو افضل لى وكنت كل ما احس انى اهملت شوية افتكر ذلك الاحساس بجد احساس صعب اوى ولكنى اخذت منه دافع للنجاح ماتبقى من حياتى وقانا الله واياكم من الاحساس بالفشل موضوع جميل يا tones ابنائى الاعزاء لازم يكون هذا الاحساس دافع للنجاح لكى تهرب من الرجوع اليه مرة ثانية تقبلى تحياتى ودعواتى بالنجاح والتوفيق لكم جميعاً نقاء الروح 08-01-2011, 12:13 PM الفشل محطة بيمر فيها الانسان بس بتعينه على تحقيق النجاح بعد كدا .. وبالنسبة ليا حسيته السنة دي كان فيه امتحان الدكتور عامله وانا مش كنت عارفة المهم جبت درجة اول مرة فحياتي اجيب زيها حسيت وكأن حد اداني قلم على وشي وبقيت مش مصدقة اني اجيب كدا وحسيت فعلا فاللحظة ديه اد ايه انا فاشلة بس الحمدلله اخدتها خطوة لاقدام وعوضت فالامتحان التاني وجبت درجة كويسة جدا .. Mohamed.Helmy 08-01-2011, 12:26 PM .. بحس بالفشل كل سنة قبل الامتحانات :d.. لا بجد طبعا أنك تحس بالفشل ده شئ كويس, لكن انك متحاولش تقوم من فشلك و تستعيد نجاحك هو ده اللى شئ مش كويس, بل ده مصيبة فى حد ذاتها ... و بجد السنة اللى فاتت فى شهر 11 حسيت بالفشل لاني كنت زهقان جدا من كل حاجة و قعدت اسبوع مروحش الدروس ..بس الحمد لله رجعت تاني و عوضت اللى فاتني .. و ربنا يوفقنا جميعا و يهدينا للطريق الصح ... شكرا على الموضوع الجميل ...:) أسطورة الأحزان 08-01-2011, 06:20 PM انا يااااااااما فشلت بس الحمد الله دلوقتى فشله برضوا طبعا لأ دلوقتى بتعلم من الفشل السابق وبحاول اكمل طريق النجاح شكرا على الموضوع الجميل H . M 08-01-2011, 10:43 PM انا فعلا حسيت بالفشل قبل كده ولسه حاسه بالفشل في الحكايه دي لحد لما الامور تتصلح يااااااااااااااااارب rana megahed 09-01-2011, 08:44 AM فشلتى فى اختيار اصحابك امته ياياسمين انا هنا ياجزمه وردة امل 09-01-2011, 12:21 PM انا مش حسيت بالفشل بالمعنى الادق انا حسيت بحقارة الدنيا وانها يستحيل تعطى الانسان كل حاجة وده حسيته يوم وفاة والدى كرستال اردنية 09-01-2011, 12:28 PM انا بحس بالفشل لما اشوف الطلاب قاعدين وانا بشرح لهم وهما ولا فاهمين شي Just User 09-01-2011, 02:09 PM موضوع جميل جدا و مهم ... بارك الله فيكم .. tones 13-01-2011, 07:56 PM شكرا على مروركم 54900 |