السلام عليكم ورحمة الله وبركاته
انا طالبة في تالتة ثانوي وعندي مشكلة عويصة السنة دي وهي المذاكرة عاملة جدول بس مش قادرة امشي علية مبقتش بقدر اذاكر زي السنة الي فاتت كاني خلصت ثانوي وانا حاسة اني كدة هضيع ارجوكم تساعدوني انا بذاكر بس مش بقدر احل واراجع زي ما كنت بعمل لحد دلوقتي درجاتي الشاملة كويسة وكل مدرسيني بيقولو كويسة بس انا قلقانة انا جبت 96.8 السنة الي فاتت وحاسة اني لو فضلت علي كدة مش هدخل كلية الطب زي ما بحلم يا تري دة احساس طبيعي ولا المفروض اشد حيلي

اكيد طبيعي لاني بمر بنفس الاحساس ولكن انتي تعملي اللي عليكى وتذاكري وتدعى ربنا يوفقنا كلنا

هو بصي دا احساس طبيعي جدا

و لعلمك اصلا الغالبية حاسين انهم مقصرين أكتر من السنة اللي فاتت و دا لأسباب كتير
أولا اصلا السنة دي مرهقة جدا أكتر من اللي فاتت
يعني على اد الدروس و مذاكرتها والواحد يلاقي نفسه اتقطع

فطبيعي ان الواحد مجهوده مش زي السنة اللي فاتت
بس انتي ادعي ربنا واعملي اللي عليكي
و ربنا ان شاء الله يوفقك

واحسني الظن بالله و تفاءلي بالخير تجديه

ربنا معاكي بارب و معايا و مع كل طلبة الثانوية العامة:)

نسيت أقولك ما تدعيش لنفسك بس انتي ادعي لكل الناس ولاخواتك و الأصحابك و لزمايلك

علشان الملك يرد يقولك و لك مثله

ودا ملك بقا

يعني دعوته ان شاء الله بقا
:):):)



ربنا يوفقنا كلنا يارب

ان الله لا يضيع اجر من احسن عملاالواحد السنة دى مقصر جدا بس هنعمل ايه وانا شخصيا مبنصحشى بجدول المذاكرة لانه طريقة فاشلة الاحسن ان الواحد يذاكر حسب الحالة النفسية ليه وهكذا وهتحصل فى الاخر ان شاء الله

شكرا جدا علي ردودكم وان شا الله ربنا يوفقنا جميعا