بسم الله الرحمن الرحيم

احب الاول اقول كل سنة و كل قبطى بخير و سلام ..

فى الموضوع ده هعرض حاجات عدت على الناس و محدش عملها حساب ...

انهارده حاجة واحدة .. لما ربنا يقدرنى هعمل حاجة تانية و هكذا ..

(( تيجى كده ..تيجى كده .. هى كده ))

عنوان النهارده ..

طبعاً قبل كده شفنا خالد سعيد شهيد الطوارئ اللى الناس عملو عشانو مظاهرات .. و الحقونا الحكومة دى بنت كذا و بنت كذا ..

مش عارفين نحس بالامان .. و اللى يطلع يقول كيلو اللحمة بقى بكذا .. ياعم طب ايه علاقتها بالموضوع !!
هو كده الحكومة وحشة ...
عدى وقت و هدى الموضوع و بقى كل واحد يموت يسببوها فى مخبر واحد مثلاً اتزحلق فى حمام .. يقولك المخبر بتاع قسم كذا هو السبب لانه اتكلم من على بعد 50 كيلو متر فخض الراجل فتزحلق .. مات

هدى الموضوع و الناس انشغلت تانى بالكورة و جالها الضغط و السكر و اعراض امراض جديدة .. و فجأ الحكومة الوحشة وقفت بناء كنيسة للاقباط .. و الاقباط عملو مظاهرة و كل ده كان بالالتزام من الطرفين إلا ان جاءت (( قلة قليلة )) و قامت بالشغب و انا كنت حاضر الكلام ده ..

عسكرى واقف ياولداه بيقول للى بيرب بالطوب انا مسيحى زيك متربش .. قام اللى بيضرب قاله بس انا بقى مسلم !! ياعم انت مسلم ايه اللى نزلك قله لقيت الحكومة بتضرب قلت اضرب انا كمان !!

و طبعاً الشعب المصرى واخد الايزو 9001 فى الرخامة و اللى يهيص فى الهيصة و اللى كان رايح يشترى حاجة حود و راح ضرب .. و اللى مراته ضرباه بالشبشب نزل يفترى فى العساكر .. و فى الاخر واحد اتصاب من المتظاهرين .. الدنيا قامت .. و خسائر الشرطة بالعشرينات !! كل اللى اتصابو شرطة اصلاً !! و بردو هما اللى وحشين ..

و اخيراً المشكلة الاخيرة احداث اسكندرية انا ماليش دعوه باللى جوه الاحداث بس اللى حولت اعرفه اللى اتصابه من الشرطة .. لقيت كل الظباط ماتو .. و كل العساكر .. قلت دى مشكلة الاقى بعد يومين مظاهرة ضد الحكومة .. طب و الحكومة مالها ياعم

(( كلنا عارفين ان المسلمين عايشين مع المسحيين و كله بيس و حلو )) الحكومة مالها بقى .. لا لازم يتعلم عليهم .. و نزلو طحن فى العساكر ..

اللى احب اقوله فى الاخر ::

العساكر و الظباط و الحكومة دول مننا .. دول اخواتنا و احببنا و اصحابنا كلنا فلما ند ايدينا عليهم بنبقى بندمر علاقتنا و حبنا !! شعر :confused::confused:

:: و عجبى ::

UseRNaMo

كلامك جميل بس ممكن حد يقولك انك بتبالغ اوي او انك منحاز للحكومة اوي ..

بس طريقة عرض جميلة يا أمجد .. :)

تحية لك على الموضوع ... و تهنئة للإخوة الأقباط فى عيدهم
من الآخر .. عمر العنف ما بيحل مشاكل .. إحنا بشر ربنا ميزنا بالعقل و خلق لنا لسان عشان نتفاهم ... الـ حصل ده همجية ليست من الإسلام فى شئ ... و بعيدة عن تعاليمه كل البعد ... و حتى لو كشفت التحقيقات إن الـ نفذ الجريمة دى مسلم فلا استبعد إنه نفذها و هو غير حر الإرادة .. يعنى إنه كان تحت ضغط ما ... و الله أعلم

جزاك الله خيرا

بارك الله فيك على هذا الموضوع ، وأنا أتفق معك أننا لا نتقن النقد العقلى والمنطقى للأشياء ، كل واحد يقول اللى هو عاوزه وكل واحد يتهم اللى هو عاوزه ، مفيش رقيب من الضمير على آراءنا ، وهى دى المشكلة ، طبعا فى تجاوزات من بعض أفراد الشرطة ، وثابته ولا خلاف عليها ، ولكن ليس معنى هذا أن ندين كل جهاز الشرطة فمعظهم ملتزمين ، ومعظمهم متدينين ، وربنا يهدى الجميع ، ومرة ثانية كل سنة وجميع المصريين بخير بمناسبة ميلاد المسيح

كلام حضرتك مضبوط جدا ..
لكن للاسف فيه قلة بتتجاوز الحد
وبالتالي النظرة بتتشوه ..
وعلى حسب الخبرات ال بيقابلها الشخص فحياته
ومعظم الشعب المصري عندو فكرة سيئة جدا
عن جهاز الامن عموما ..

ونتمنى ان الصورة تتحسن ..

يعني ايه الحكومة مالها ؟!
امال مين اللي ماله ؟!! الشعب المغلوب علي أمره في معظم الأحوال !!
مين اللي بيتحكم في التاني : الشعب ولا الحكومة ؟!!
هي الحكومة مش فايدتها انها تحكم وتخطط وتبني وتنظم وتراقب وتحاسب وتعاقب
وتشرف وتتحكم في كافة أمور الدولة , ولا هي مجرد مناصب شرفية وكل واحد فيها
بيعمل لمصلحته الشخصية ؟!!
اللي مش قادر علي تحمل أعباء المسئولية بصورة كاملة , يستقيل !!

الشعب نايم نش نافع

الشعب يطالب بحقوقه مش نافع

وعجبى

شكرا على الموضوع

يعني ايه الحكومة مالها ؟!
امال مين اللي ماله ؟!! الشعب المغلوب علي أمره في معظم الأحوال !!
مين اللي بيتحكم في التاني : الشعب ولا الحكومة ؟!!
هي الحكومة مش فايدتها انها تحكم وتخطط وتبني وتنظم وتراقب وتحاسب وتعاقب
وتشرف وتتحكم في كافة أمور الدولة , ولا هي مجرد مناصب شرفية وكل واحد فيها
بيعمل لمصلحته الشخصية ؟!!
اللي مش قادر علي تحمل أعباء المسئولية بصورة كاملة , يستقيل !!


اخى العزيز طب مهو مش ملاقى مساعدة خالص من الشعب

جزاك الله خيرا