مشاهدة النسخة كاملة : ردا على أنه لا فرق بين الأساسى والمتعاقد
أ / ضياء عبد الفتاح 08-01-2011, 02:06 PM هل منكم من يضع أمتحان الترم فى مدرستة إذا لم يوجد مدرس أساسى ؟
يتعرض المعلم المساعد لأسوء معاملة فى قطاع التعليم................
فهو لا يأخذ أى ميزة لا يضع أمتحانات ..........................
بينما يكون مسئول عن الأشراف ، والريادة ، والجودة ، وهو أكثر من يعمل
بالمدرسة من حيث النصاب والتكليفات وجميع المسئوليات .................
ولكن عند المميزات لا فهو ليس كفاءة أنه لتحقير كبير عندما يأتى امتحان طلبتك من مدرس أخر
خارج المدرسة ............................. لنا الله
حسبى الله ونعم الوووووووووووووووووووووووووووووكيل
أيمن الشابوري 08-01-2011, 02:20 PM اتمسكن لما تتمكن
teacher_2 08-01-2011, 02:28 PM هههههههههههه
مشكلتك انك تحط امتحان ؟
YASSER_HASSAN 08-01-2011, 04:32 PM يا عم احنا بنحط الامتحانات كلها وبنعمل اي حاجة مفيش فرق بين أساسي ومتعاقد يعني انا مسند الي مسئول تطوير وكنترول وكلة زي دة الفرق في المرتب بس والله لو حاسس بان اللي في مدرستك مش واثقين فيك اعمل اللي عليك بس يعني دفاتر الفصل وشرحك بس اي حاجة تاني احلف ما تعملها ( الحاجات الدوشة اللي بيرموها عليك ) واعلي ما في خيلهم يركبوه واخرتها يومين جزا بعشرة جنيه
علي عضاضلي 08-01-2011, 05:14 PM والله انا عن نفسي انا اللي بحط الجدول بتاع المدرسة وتوزيع الحصص و معاهم فى الكنترول
بس المشكلة نفسية اكتر من كونهااي حاجة تانيه
احنا عقد لكن همه اساسي هيه دي المشكلة..
ام رهف 08-01-2011, 05:16 PM ان مشكلتك بسيطه لاني انا بقالي 3 سنموات بحط الامتحانات وبصححها وبدرب ناس ومدرسين واخر حاجه موجهين لكن المشكله يا استاذي في نظرة الناس نظرة نسيابك ليك لما تقولهم انا مدرس ويقولك بالحصه ولا عقد ولا اساسي
اااااااااااااااااااااااااااااااااااااااااااااه انا فهمت المشكلة فين في نسايبك؟؟؟؟؟؟؟؟؟؟ والله عندهم حق مايعيونوناش
** محمد علي ** 08-01-2011, 05:40 PM هههههههههههههههههههههههه
بدون تعليق
Observer 08-01-2011, 05:59 PM الحمد لله لا أشعر بأدنى فرق بينى وبين زملائى الأساسيين
وهذه حقيقة
طارق عبد الحفيظ 08-01-2011, 06:03 PM :giljotiiniug3:
رضا عبد الحميد عبد الرازق 08-01-2011, 06:55 PM يعلم الله انى واخد حقى تالت ومتلت وبشوط فى الكبير قبل الصغير حتى الموجه ماسك فيه أخر زيارة وشهد عليا الناس وكتب فيا مذكرة لأنه بصراحة نرفزنى كان جايبلى يومين ندب فى مدرسة تانية وزعقت وقلتله مش رايح قام قايل انتو لسى أسمائكم بالقلم الرصاص هو قال الكلمة دى وكأنه أتكى على الزرار بتاعى دخلت فيه شمال وقلت هى خربانة خربانة وبصراحة انت اللى بتعمل قيمة لنفسك بمراعاتك لله فى شغلك تلاقى كل الناس بتحبك وبتحترمك
محمد حسين الشربينى 08-01-2011, 07:05 PM جزاك الله كل خير
semosemo 08-01-2011, 07:10 PM اقولك نصيحة
انا كنت عامل زيك عمال اقول حاضر وطيب ونعم بس لقتهم هيشتغلونى وكل الاعمال بقت عليا
فقررت انى اتعامل معاهم بطريقة ضربوا الاعور على عينة هى خسرانة
ومبدا اللى بيزمر مبيخبيش دقنة
يعنى اللى يبصلك بطريقة ما تعجبكش حط صوابعك العشرين فى عنيه وقلهم انا متعاقد هتعملوا فيا ايه؟
ونصيحة المتعاقدين الشئون القانونية مبتعرفش تعمل معاهم حاجة لان التعاقد جديد فبيسال فى المديرية ودا بيخليه مش عارف اى حاجة فبيطنش على المتعاقدين
انت عارف انى قبل ما اعمل معاهم كدة كنت ما بعرفش امشى فى المدرسة
تخيل بقى انى لما بقيت اتعامل معاهم كدة
اقسم بالله بقيت ادخل على مدير الادارة يقابلنى احسن ما بيقابل وكيل الوزارة
ولا ليا اشراف ولا ريادة وعاوزين يعملوا اى حاجة علشان اسكت واحل عنهم وابعد عنهم
علي عضاضلي 08-01-2011, 11:30 PM هوة ده الكلام رجااااااااااااااااااااااالة بجد
eva2010 08-01-2011, 11:45 PM يعلم الله انى واخد حقى تالت ومتلت وبشوط فى الكبير قبل الصغير حتى الموجه ماسك فيه أخر زيارة وشهد عليا الناس وكتب فيا مذكرة لأنه بصراحة نرفزنى كان جايبلى يومين ندب فى مدرسة تانية وزعقت وقلتله مش رايح قام قايل انتو لسى أسمائكم بالقلم الرصاص هو قال الكلمة دى وكأنه أتكى على الزرار بتاعى دخلت فيه شمال وقلت هى خربانة خربانة وبصراحة انت اللى بتعمل قيمة لنفسك بمراعاتك لله فى شغلك تلاقى كل الناس بتحبك وبتحترمك
برافو عليك وقريبا هتسمعو عنى انى عملت كدا مع موجهتى
emtaha2010 08-01-2011, 11:56 PM أول مشكلة
مقدرش اخد اجازة بدون مرتب
تاني مشكلة
انا مدرس رياضيات بالازهر الشريف تعاقد (مدرس مساعد) سنة 2005 حتي الان - حصلت علي ماجستير في العلوم تخصص رياضيات سنة 2010 وقدمت في منطقة سوهاج الازهريه للحصول علي حافز التميز الخاص بالماجستير فقالولي اني ما ليش حافز تميز لأني تعاقد - أرجو توضيح الامر لي هل لي حافز الماجستير ولا لأ - واذا كان لي كيف اثبت ذلك لشئون العاملين بالمنطقه الازهريه بسوهاج
:giljotiiniug3:
sharakota 09-01-2011, 01:00 AM يا اخونا قيمة المعلم المساعد ودوره في المدرسة بيتوقف على حاجتين
أولا شخصيته
ثانيا الهيئية اللي شغال معاها
لكن طبعا فيه فروق كبيرة بين المتعاقد والأساسي ودي موجودة في كل مدرسة منها :
أولا المرتب ( الكادر يعني )
ثانيا الترقيات
ثالثا الأجازات ( وخاصة الأجازة بدون مرتب - رعاية الطفل وغيرها كتييير
رابعا : لو حصلت مشكلة مع معلم أساسي آخره الجازا أو النقل أمام المساعد فمن السهل جدا فسخ العقد زي ما حصل مع مدرسة أسوان اللي ضربة التلاميذ وغيرها كتير جدا بنسمع عنهم كل يوم أسهل حاجه فسخ التعاقد ودي بتبقى سلطة مدير الإدارة
أنا أعرف مدرس أساسي اتمسك بيفرج التلاميذ البنات في سنة رباعة ابتدائي على افلام اباحية داخل الفصل والموضوع وصل الى وكيلة الوزارة تخيلوا عمله له ايه ؟؟؟
نقله إداري بإدارة تانية في نفس المحافظة مع الموضوع ثابت بالأدلة والشهود وأولياء الأمور والموضوع اتكرر اكثر من 5 مرات
السؤال ده لو متعاقد كانوا عمله فيه ايه
طبعا الإعدام رميا بالقباقيب
شفته الفرق
emtaha2010 09-01-2011, 11:56 PM أول مشكلة
مقدرش اخد اجازة بدون مرتب
تاني مشكلة
انا مدرس رياضيات بالازهر الشريف تعاقد (مدرس مساعد) سنة 2005 حتي الان - حصلت علي ماجستير في العلوم تخصص رياضيات سنة 2010 وقدمت في منطقة سوهاج الازهريه للحصول علي حافز التميز الخاص بالماجستير فقالولي اني ما ليش حافز تميز لأني تعاقد - أرجو توضيح الامر لي هل لي حافز الماجستير ولا لأ - واذا كان لي كيف اثبت ذلك لشئون العاملين بالمنطقه الازهريه بسوهاج
:giljotiiniug3:
:022yb4:
ان شاء الله الشيخ الطيب يثبتنا بدون شروط
:friendsxs3:
خلف حلمي 10-01-2011, 07:24 AM خلاص الموضوع إنتهي التعيين قادم
ahmedhassanien 12-01-2011, 01:24 PM شخصيتك اهم حاجة فى شغلك ... لكن انا معاك ان طبعا فى فروق
mhashem79 12-01-2011, 06:11 PM اولا موضوع وضع الامتحان انا اضع امتحان اللغة الانجليزية من عام 2006 وحتى الان بالرغم من وجود 4 مدرسين لغة انجليزية بالمدرسة فالعبرة بالكفاءاة وشكل اخراج الورقة ومعامل السهولة وعدم وجود اخطاء من اى نوع
ثانيا الفرق بين الاساسى والمتعاقد فى عقولنا نحن وبعض القيادات التافههة
ثالثا: اغلب العمالة بالمدرس صارات من المتعاقدين وكثير منهم كفاءة
mhashem79 12-01-2011, 06:15 PM المشاركة الأصلية كتبت بواسطة emtaha2010 http://www.thanwya.com/vb/life/buttons/viewpost.gif (http://www.thanwya.com/vb/showthread.php?p=2990858#post2990858)
انا مدرس رياضيات بالازهر الشريف تعاقد (مدرس مساعد) سنة 2005 حتي الان - حصلت علي ماجستير في العلوم تخصص رياضيات سنة 2010 وقدمت في منطقة سوهاج الازهريه للحصول علي حافز التميز الخاص بالماجستير فقالولي اني ما ليش حافز تميز لأني تعاقد - أرجو توضيح الامر لي هل لي حافز الماجستير ولا لأ - واذا كان لي كيف اثبت ذلك لشئون العاملين بالمنطقه الازهريه بسوهاج
اخى العزيز فيه قانون بذلك
التسويات لها نظام
قانون 87 للعاملين المدنين بالدولة
ارفع قضية فى مجلس الدولة بس بعد عمل مذكرة للجنة فض المنازعات بمحافظتك
وشكرا
منار على 12-01-2011, 08:34 PM انا عن نفسى لو كنت اساسيه محبش احط امتحانات الترم واساسا فيه مدرسين متعاقدين اعرفهم بيحطوا امتحانات الترم باسم المدرس الاول عادى وفيه تعاون ومفيش اى تفرقه مابين متعاقد واساسى عندى فى مدرستى وفى مدارس تانيه كتير كمان انت لما تحط امتحانات الترم يعنى او متحطهاش ايه المشكله ولو انا عايزا احط الامتحان هحطه انا المره الوحيده اللى سمعت فيها متعاقده كانت من مدير المدرسه لما كنت بتخانق معاه وقالى امال لما انتى لسه متعاقده وبتعملى فينا كدا لما تتثبتى هتعملى ايه هههههههههههه
أشـرف فتحى 12-01-2011, 09:54 PM يعلم الله انى واخد حقى تالت ومتلت وبشوط فى الكبير قبل الصغير حتى الموجه ماسك فيه أخر زيارة وشهد عليا الناس وكتب فيا مذكرة لأنه بصراحة نرفزنى كان جايبلى يومين ندب فى مدرسة تانية وزعقت وقلتله مش رايح قام قايل انتو لسى أسمائكم بالقلم الرصاص هو قال الكلمة دى وكأنه أتكى على الزرار بتاعى دخلت فيه شمال وقلت هى خربانة خربانة وبصراحة انت اللى بتعمل قيمة لنفسك بمراعاتك لله فى شغلك تلاقى كل الناس بتحبك وبتحترمك
قديمــــــــــــــــــــــة
تقدر تشوط وكيـــــــــــــــل الوزارة .
|