عﻼقات الحب عبر اﻻنترنت ماذا ينقصها؟ [الأرشيف] - بوابة الثانوية العامة المصرية

مشاهدة النسخة كاملة : عﻼقات الحب عبر اﻻنترنت ماذا ينقصها؟

cool girle

08-01-2011, 11:04 PM

http://sadadubai.com/up/uploads/7938e451a5.gif (http://sadadubai.com/up/)

ذات يوم كان احد الشباب حدث وان تيمت به احدى الفتيات عبر شاشة اﻻنترنت ... وتاهت
فيه حبا وهياما وغراما ... عشقته حد الجنون .....

http://sadadubai.com/up/uploads/7dcc55cc22.gif (http://sadadubai.com/up/)

ولكن هذا الحب لم يكتب له ان يعيش ويستمر ... في البدايه تواعدا على الزواج ولكن ومع مرور الوقت شعر هو ان هناك شيئ ما ينقص هذ العﻼقه اﻻ ان اقتنع انها ليست عﻼقه سويه فقرر ان يوضح لها انه مخطئ

http://sadadubai.com/up/uploads/7dcc55cc22.gif (http://sadadubai.com/up/)

في قراره ولن يتزوجها ابدا ويكتفي بان يكونا فقط مجرد اصدقاء ..... عندما صرح هو بالسبب ﻻقرب الناس اليه ... كان تصريحه مقنعا جدا ١٠٠ % هناك عامل من عوامل الحب وشرط اساسي ﻻ توفره شاشات اﻻنترنت

فماذا يكون؟
في انتظار ردودكم

H . M

08-01-2011, 11:28 PM

والله كان نفسي اعبر برأيي في الحكايه دي بس للأسف مش هقدر

لكن انا أقدر اقول ان الموضوع جميل ويحتاج لمناقشه

شكرا ليكي أختي
باااااااارك الله فيكي

أسطورة الأحزان

08-01-2011, 11:32 PM

واضح ان فى غرض من الموضوع ده بين السطور مش مفهوم أو رساله!!
مش عارفه ليه حاسه انى أعرف مين الشخص القريب اللى صرح ليه اللى أتخلى عن حبيبته
ليه مدام هو مش أد وعده يوعدها هو التجريح سهل انهارده هتجوزك بكرا اصلى رجعت نفسى ولقيتك متنفعيش وفى حاجه مش لقيها فيكى وبتاع وشاى بالنعناع!!
مفيش حاجه أسمها حب النت وحب البت اللى قدرنا ونصيبنا فيه هنلقيه حتى لو فى كوكب تانى!
أنا عن نفسى حب عمرى أتعرفت عليه من النت والحكايه قلبت جد وأتقبلنا وعجبنا بعض وعايشين أكبر قصة حب ...بكل أحترام وحدود وثقه... واخطوبه خلاص تدق غدا على الأبواب
الفاشل مش حب النت الفاشل ضمير الناس

وجدان حنفي

08-01-2011, 11:34 PM

شوفي يا كووول

انا بصراحة مش شايف كدة خالص

يعني مفيش حاجة ناقصة

طالما كان الشاب جاد ويود التحدث الى الاهل

ربما يكون صعبا في البداية تقبل الامر بس كل شيء عادي

ممكن يتكلم مع الاخت او الام ويقنعهم ويتم الجواز باذن الله

cool girle

08-01-2011, 11:41 PM

نورتونى

تسلمولى ع المرور

saraaaaaaa

08-01-2011, 11:45 PM

بس مش كل ولد يقول الكلمتين دول يبقى الصؤيح الولاد معندهش اكتر من النفاق الحب قبل الزواج عموما بنقصه العشرة لان مفيش حد بيعرف حد على الحقيقة اللى اما يعيش معاه ويعرفه كويس
وتقبلى مرورى

bebo_93

08-01-2011, 11:46 PM

انا مش شايف ان فى حاجه ناقصه

الحب حب فى اى مكان ايه الفرق

اركان الحب هما الاشخاص والاحساس

لو الشخصين على النت عجبوا بعض واتعلقوا ببعض وكان احساسهم صادق ايه المانع ؟؟

وده قدر ومكتوب ايا كان فين المكان

وجدان حنفي

08-01-2011, 11:48 PM

الـشـيـمـ ء ـا

08-01-2011, 11:49 PM

طبعا حب ناقص
الولد اللى فى القصة دا عنده حق جدااااا

cool girle

08-01-2011, 11:50 PM

ميرسى عالمرور

نورتونى

H . M

08-01-2011, 11:51 PM

دلوقتي ممكن اقول رأيي

انا رأيي ان ده فعلا قدر زي ماقال bebo_93

تحياتي ليكي أختي

وجدان حنفي

08-01-2011, 11:52 PM

bebo_93

08-01-2011, 11:53 PM

والنعمة الشريفة انت راجل زي العسل

انا معاك تماما

شكرا ليك

دى وجهه نظرى

وفى ناس كتير اتجوزوا عن طريق النت

cool girle

08-01-2011, 11:59 PM

مش عارف ليه وصلني نفس الاحساس

ولكن تبقى الحرية للكاتب في الافصاح عن مراده

انا مش فاهمه حاجه قصدكوا ايه

عاشق البلانكو الابيض

08-01-2011, 11:59 PM

اللى بينقص علاقة الانترنت حاجتين اولا الثقة وثانيا الاخلاص

الشاب او الفتاة تلقيه دايما بيفكر هى كانت بتكلم حد قبلى طيب بتكلم حد بعدى هى بتكلم اصدقاء ولاد والعكس مع البنت

ثانيا صعب اى واحد فى الطرفين يستمر فى الاخلاص للاخر عبر الانترنت

واللى هيقول غير كده يبقى بيجمل الصورة

Mohamed.Helmy

09-01-2011, 12:09 AM

بصراحة انا رأيي من رأي وجدان حنفى اللى واحشنى موت و اللى مش بيسأل :) هههههه و رأي كمان بيبو ...

بس انا شايف يعنى برضه ان الطرف ده ميكنش داخل مخصوص علشان جواز او كده او مثلا داخل شات يتعرف و عجبته واحدة و قال خلاص انا بحبها ...

يعنى ممكن يتقابل على النت صدفة و تبقى هي واحدة عادية مش قصدها حاجة و هو برضه مش داخل علشانها و القدر جمعهم وحبوا بعض .. و ده مش فيه مشكلة طبعا طالما هو جاد و هي جادة و مخلصين لبعض و بيراعوا ربنا و انه فعلا هيتقدم رسمي ..

يعنى أنا شايف احب من ع النت زى الحب برة النت طالما الاشخاص مش بيخدعوا بعض :)

bebo_93

09-01-2011, 12:11 AM

Mohamed.Helmy

09-01-2011, 12:13 AM

تمام يا حلمى

طول عمر رأيك صائب :):)

حبيبي يا ببيبو و الله ....

ربنا يخليك يارب

mahmmoud_sakr

09-01-2011, 12:43 AM

كلام جميل فين الدين فى الموضوع ده و كمان الرسول صلى الله عليه وسلم حدد لينا شروط لأختيار الزوجه هل متوافره و كمان عالم النت وهمى مش كله صدق وكمان الموضوع فى أحداث ناقصه كتير شافو بعض يعنى الرؤيه الشرعيه
ولا ........................ الموضوع عباره عن عصف الذهنى
طيب أحنا عايشين ليه ؟ ومين الى خلقنا ؟ وبين لنا أزاى الحياه والمعيشه الصح طيب ليه نمشى على هوانا

محمد حسين الشربينى

09-01-2011, 12:59 AM

!!!!!!!!!!!!!!!!!!!!!!!!

أسطورة الأحزان

09-01-2011, 01:47 AM

هههههههههههههههههههههههه
كنت حاسه ان الموضوع كده مع انى معرفش حاجه بس اساسى صاب
ربنا يهدينا جميعا
فين الدين من الموضوع ده بجد
لازم نغير الاتجاهونشمل كل حاجه

Specialist hossam

09-01-2011, 01:59 AM

حب ايه اللى انت جاى تقول عليه ؟؟؟؟؟؟؟؟! (http://www.thanwya.com/vb/showthread.php?t=264170)

ymymym

09-01-2011, 02:13 AM

فعلا فيه حاجه ناقصه بس ايه هي بقي؟

نقاء الروح

09-01-2011, 08:40 AM

ايه ال ناقص ؟!
ناقص حاجات كتير منها على سبيل المثال وليس الحصر :

1- فيها ان كل واحد فينا ورا شاشة بيقول يمين وهو شمال وبيقول شرق وهو غرب
2- فيها ان كل بنت خانت ثقة اهلها مش بابا وماما جابوا اللاب ليك عشان تبقي مسايرة
لاحداث العصر تتعلمي وتعلمي وتفيدي وتستفيدي مش تحبي من وراهم وكلام فاضي
وال تعمل كدا ازاي الولد يثق فيها ماهي اكيد ال تعمل كدا مع اهلها هتعمل كدا معاه مش كدا!
3- دلوقتي لو ماما ولا بابا دخلو فجأة عليك وانتو بتتكلمو هيبقى تصرفك ازاي ؟
اكيد هتخبي وترتبكي وتحاولي تبيني ان ما فيش حاجة .. ولله المثل الاعلى
ربنا فوقنا شايفنا نعمو علينا كتيرة نقوم احنا نعصيه ؟
وهل انتي مش بتحسي فقرارة نفسك انك بتعملي خطأ؟
مش دايما خايفة لحد يكتشف ال بتعمليه ..ومش بتقدري تقولي لحد عنه!
ومش بتكون لحظات مسروقة من ورا اهلكو !
دا كله مش من الحب فشيء..

4- فيها ان احنا خلاص مخنا فضي الا من الحب وبحب وحبيبي وحبيبتي ونسينا ان ليه
اتخلقنا اصلا ! وكأن حياتنا بقت محصورة فالحب وبس ..
ودا غلط الحياة اننا نتعلم ونشتغل وفالاخر يجي الحب على مهله ..
احنا لينا رسالة فالحياة لازم نأديها .. انا كطالبة اذاكر واجتهد عشان اكون حاجة كويسة للاسلام ولبلدي ..
هما الغرب اتقدمو علينا من شوية !
5- اننا الواحد منا يبقى داخل عاوز احب وخلاص بيدور على الحب ودا غلط
الحب مش بيدور عليه .. وبحس اننا معتقدين ان ال مش بيحب ده مريض او مش طبيعي
مش عارفة بجد ..
6- ال بيحصل فالنت ده مجرد اعجاب .. شوفت اسلوب واحد الله دا ولد جنتل اوي
والعكس بردوا .. او ان الشخص دا فاضي وعاوز يملى وقته بأي حاجة والسلام
ويقنع نفسه اني بحب وهتجوزها و .. وفالاخر كله بيطلع وهم فوهم ..

اخر حاجة وهي الاهم الشخص ال انت هترتبط بيه ده هيكمل معاك عمره كله
هيرتبط اسمك باسمو هيكون شريك حياتك هتكون ام اولادك او ابو اولادك
هل الشخص ده يستحق يكون فالمكانه دي!
لان دا مش علاقة والسلام دي جوازة يعني لاخر يوم فعمرنا ..
لازم نعي ان ده مستقبل وياتحسن الاختيار يا ..........

وفالنهاية اسفة على الاطالة ..

ساره سرسورة

09-01-2011, 08:52 AM

انا بشكر نقاء الروح لانى كلامها جميل جدا
والموضوع جامد بجد

H . M

09-01-2011, 10:48 AM

طب يا جماعه
انا أعرف واحده قريبتي حصلها كده
وهي متجوزه دلوقتي وكانت قصه حب فظييييييعه عن طريق النت
وهي دلوقتي سعيده يعني وكده وهو كمان عمره ماحس انه إختار غلط
يبقي ايه الناقص؟؟؟
وحكايه انكم دخلتوا الدين في الحكايه دي يبقي انتوا بتتكلموا على اساس اتنين بيتسلوا وبيعملوا شات مع بعض لمجرد التسليه وده طبعا حرااااااااااااااااااااااااااااااااااااااام
لكن الموضوع بيقول حب وهو ناوى ييجي ويتقدم وكده

انا مش بقول ان مفيش حاجه ناقصه بس هو ده اللى حصل فعلا مع قريبتي
هل الزواج اللى بينهم ده حرام؟؟
أكيد لأ طبعا
اتمني أشوف رأيكم ياجماعه

H . M

09-01-2011, 11:36 AM

بس فعلا ممكن تحصل مشاكل كتييييييير

نقاء الروح

09-01-2011, 12:00 PM

انا بشكر نقاء الروح لانى كلامها جميل جدا
والموضوع جامد بجد

شكرا ليك ياحببتي ..
انت الاجمل ..

طب يا جماعه
انا أعرف واحده قريبتي حصلها كده
وهي متجوزه دلوقتي وكانت قصه حب فظييييييعه عن طريق النت
وهي دلوقتي سعيده يعني وكده وهو كمان عمره ماحس انه إختار غلط
يبقي ايه الناقص؟؟؟

تمام .. ربنا يسعدها ويحفظها يارب
بس قريبتك ديه بتمثل نسبة كام من كل التجارب ال زيها ؟
اعتقد مش تتعدى 1% ..
مشكلتنا ااننا بنبص على ال يعجبنا ونسيب الباقي
ودا مش ينفع .. لازم نشوف الموضوع من كل جوانبه
لو عملتي احصائية هتلاقي 99 % من العلاقات ال بدأت كدا فشلت فشل ذريع
والاسباب تتعدد .. لكن فالنهاية كان مصيرها واحد وهو الفشل ..
ومش معنى ان واحدة او اتنين نجحوا يبقى الطريقة صح وتنفع ..
بيبقوا حالات شاذة او استثنائية ..

وحكايه انكم دخلتوا الدين في الحكايه دي يبقي انتوا بتتكلموا على اساس اتنين بيتسلوا وبيعملوا شات مع بعض لمجرد التسليه وده طبعا حرااااااااااااااااااااااااااااااااااااااام
لكن الموضوع بيقول حب وهو ناوى ييجي ويتقدم وكده

الدين بيحكم حياتنا كلها ومش ينفع اقول ماادخلش الدين هنا او لاء
واحنا بنتكلم عموما ..
يعني فرضا انو انا شاب وخلاص ناوي اتجوزها مش قبل الجواز كلامي معاها يعتبر حرام ؟
لاني اجنبي عنها وهي اجنبية عني
يعني سواء جد او تسلية كله واحد

انا مش بقول ان مفيش حاجه ناقصه بس هو ده اللى حصل فعلا مع قريبتي
هل الزواج اللى بينهم ده حرام؟؟
أكيد لأ طبعا
اتمني أشوف رأيكم ياجماعه

لا طبعا مش حرام .. طالما تم العقد خلاص ..
لكن احنا بنتكلم عن الطريق ال تم بيه الجواز ده
لكن الجواز او مابعده فدي قصة تانية ..

Mohamed.Helmy

09-01-2011, 12:07 PM

عﻼقات الحب عبر اﻻنترنت ماذا ينقصها؟

ينقصها اللي ينقص اي علاقة حب تانية ..

THE CodeR

09-01-2011, 12:13 PM

هو انا مش مقتنع بيه علي وجه الخصوص
لكن اعرف ناس كتير حصل معاها نفس الحوار
و مش مجرد شخص واحد ده اكتر من شخص
لكن انا ضده من الاساس و إن كان بنسب صغيرة ناجح
ربنا يحفظنا من اضرار النت و يهدينا لفوايده قادر يا كريم :d

H . M

09-01-2011, 12:34 PM

كلامك جميل يا نقاء الروح ومقنع

بس احب اضيف ملحوظه
هي قالتله انها مش هتتكلم معاه علشان حرام
ولكن هو بيحبها وإختارها هي ولاااازم يوصللها ويكمل معاها
وده فعلا اللى حصل وصللها عن طريق الجامعه وفعلا راح وإتقدم وكل حاجه مشيت كويس
وبدون كلام لأنه حراااااام
يبقي دي وسيله غير شرعيه بردو؟؟؟

وشكرا لرأيك مره تانيه

التوأمان

09-01-2011, 12:43 PM

بصراحة يا جماعة مفيش حاجه اسمها حب على النت كله مجرد خداع و عند ما يوصل للجد و البنت تعرف اهلها يحاول بقا الولد يطلع فيها اى عيب عشان يخلع بس نسى ان ربنا موجود و كما تدين تدان
و ياريت تتقبلوا مرورى .

ساندى!

09-01-2011, 12:44 PM

ازاى اصلا هما بيحبم بعض من غير ما يشوفوا بعض
اكيد فى حاجات ناقصة
واكيد الحب هو الحب فى اى مكان
بس اصلا العلاقة مش صح من الاول
يمكن يكونوا عجبهم كلام بعض او طريقة الحوار
بس ده ما يعتبرش حب
تقبلوا مرورى

التوأمان

09-01-2011, 12:48 PM

Eng..LiNa

09-01-2011, 12:54 PM

هي عادية جدا زي اي علاقة تانية
انا مش شايفة ان احنا نقدر نحط حكم عام
بمعني اصح ده بيتوقف عالبنت والولد نفسهم...اخلاقهم ..جديتهم
لكن مجرد اصدار حكم عام ان كلو غلط او كلو صح فده اكبر غلط
مش كلنا ضميرنا واحد
وبعدين لازم نعرف ان النت ده اصبح واقع فحياتنا
يعني صعب اوي نلغيه
ومنعترفش باي حاجة عليه
بس
تقبلي مروري

وجدان حنفي

09-01-2011, 02:00 PM

مش عارف ارد اقول ايه بعد الكلام الكتير اللي اتقال

بس والله مش كل الحالات غلط ومش كل الناس نواياها سوء

يعني انا لو عملت حاجة زي كدة فورا بطلب اني اكلم الاهل عشان مش بحب اعمل حاجة في الضلمة

وبعد ما الاهل يعرفو بيتساوى الحب من النت باي حب التاني وينطبق عليه كل مميزات وعيوب الحب العادي وكله تحت مظلة الدين حتى لا نقع في الخطأ

مشكوورة كوول جيرل لاثارة الموضوع المهم دة

Mohamed.Helmy

09-01-2011, 02:02 PM

عاشق الرياضه

09-01-2011, 02:07 PM

الحب حلو وممكن يكمل والله

وجدان حنفي

09-01-2011, 02:08 PM

تمام كلامك يا دكتور .....

بس انت نسيتنا ولا ايه ياعم :(

أنساك ؟؟؟؟

دة كلام؟؟؟؟

انساك يا سلام !!

أهو دة اللي مش ممكن يحصل ابدا

انسى ايه بس يا حلمي

يبني انا والله العظيم ماليا اي صحاب حقيقيين غير البوابة دي

وصحابي فيها معروفين وطبعا انت منهم . . . فاكر ايام الزبادي في رمضان

وايام النتيجة والتوقيعات و . . . و. . . . وزيكا المشاكس . . . وبرامج سمر . . . وهزار سؤئة . . . ومواضيع كول جيرل المفرقعة

وردود احمد جمال اللي تجنن

تحس انه احمد زويل التاني والله

ينهار كحلي كنت هنسى الامير محمد ونقاء الؤوح وعاشقة الطفولة وروووز وكفاية كدة والنبي عشان وربنا هنسى ناس كتييير

بس بجد اللي مش قادر انساه الاستاذ رضا عطيه الله يمسيه بالخير

انسى ازاي بس؟؟؟؟؟

Mohamed.Helmy

09-01-2011, 02:12 PM

أنساك ؟؟؟؟

دة كلام؟؟؟؟

انساك يا سلام !!

أهو دة اللي مش ممكن يحصل ابدا

انسى ايه بس يا حلمي

يبني انا والله العظيم ماليا اي صحاب حقيقيين غير البوابة دي

وصحابي فيها معروفين وطبعا انت منهم . . . فاكر ايام الزبادي في رمضان

وايام النتيجة والتوقيعات و . . . و. . . . وزيكا المشاكس . . . وبرامج سمر . . . وهزار سؤئة . . . ومواضيع كول جيرل المفرقعة

وردود احمد جمال اللي تجنن

تحس انه احمد زويل التاني والله

انسى ازاي بس؟؟؟؟؟

ياااااااااااااااااااه كانت ايام جميلة جدا و الله فاكرها زي مايكون كانت امبارح ....

و الله وحشتنى جدا ...

بس بقى كفاية أحسن كول جيرل تطردنا من التوبيك و تقولنا قلبتوه شات ..

هههههههههههه ...

امل آد على الفيس ..

:)

نقاء الروح

09-01-2011, 02:17 PM

وجدان حنفي

09-01-2011, 02:18 PM

ياااااااااااااااااااه كانت ايام جميلة جدا و الله فاكرها زي مايكون كانت امبارح ....

و الله وحشتنى جدا ...

بس بقى كفاية أحسن كول جيرل تطردنا من التوبيك و تقولنا قلبتوه شات ..

هههههههههههه ...

امل آد على الفيس ..

:)

تطردنا دة ايه !!! احنا هنا اصحاب مكان

ههههههههههه

يلا ربنا يوفقنا

اعمللي انت اد لاني مش عارف الاكاونت بتاعك

Mohamed.Helmy

09-01-2011, 02:19 PM

تطردنا دة ايه !!! احنا هنا اصحاب مكان

ههههههههههه

يلا ربنا يوفقنا

اعمللي انت اد لاني مش عارف الاكاونت بتاعك

ههههههههههه... اوك انا عملتلك آد ....

و آسفين يا كول جيرل مرة تانية :)

جارةالوادى

09-01-2011, 02:49 PM

العلاقات على النت تعود وبعد كدة بتقلب بملل مش حب ايوة الحب ممكن يكون فى جواه تعود لكن يشمل اشياء كثيرة جدا زى المصداقية والسكينة والالفة والسكينة والدفء فى اللقاء غير كدة بقى الاشخاص على النت افتراضيين يعنى ممكن يرسم نفسه اجمل انسان او انسانة وانت تتخيل على هذا الاساس بقى باقى عناصر حياته من اسلوب معيشى واخلاق وتكافؤ وطبعا 90 فى المية منها غير صحيح لانه انسان فيه مزايا وعيوب ممكن اصلا مش بتبقى قادر تتقبلها بالواقع او لو عرفتها من البداية كنت قبلتها انما لما بتعرف بع كدة الشخص على حقيقته ممكن يبقى بالنسبة لك مش الشخص نفسه اللى كنت بتكلمه وتحس بمدى الخدعة اللى كنت معيش نفسك فيها

cool girle

09-01-2011, 06:40 PM

ههههههههههه... اوك انا عملتلك آد ....

و آسفين يا كول جيرل مرة تانية :)

امممممممممممم
ماشى اصحاب مكان ها

ردودوكوا حلوه بس لكاكين موووووووت

هههههههههههههه
بهزر

نورتونى والله

أسطورة الأحزان

09-01-2011, 07:11 PM

مش عارفه انا دلوقتى لما ببقى عاوزه اضحك بتدخل الموضوع ده
متهيألى اللى كان هدفه يوصل رساله وصلها خلاص
خلصوا بقى أصلا الموضوع ده متكرر
فى موضوع مشابه ليه قديم هدور عليه وهجيبوا يعنى هجيبوا
الى القاء يا زملائى الأعضاء الكرااااااام

cool girle

09-01-2011, 10:02 PM

اوكى ماشى هاتيه يمكن انا غلطانه ولا حاجه

MoHaMeD ELsHeRbEnY

09-01-2011, 10:48 PM

مكرر ولا مش مكرر
الموضوع اساساً مخالف
يمنع معاً باتاً طرح اى موضوع عن الحب والحوارات العاطفية وما شابة
مغلق