مشاهدة النسخة كاملة : كيف نقضى على البطالة


صوت الحق
10-10-2007, 02:44 PM
اولا : الشغل الشاغل للجميع هو العمل او بالادق التعيين ؟ وطبعا فى اغلب الاحوال مفيش تعيين فما العمل نفكر مع بعض فى كيفية ان نقضى على البطالة
ثانيا الجميع بضع حلول عملية قابلة للتنفيذ انا اقترح للشباب ان يتعلم صنعة مع الشهادة متقلش هشتغل ايه انت تحاول ان تسافر الى الخارج لتعمل اى شغلانة والسلام تغسل صحون او تشتغل عامل فى مصنع وهكذا لماذا لاتعمل هذا فى بلدك لماذا لا تتعلم مهنة شريفة مثل الدهان او حداد مسلح او نجار او ..................
البنات لماذا لا نتعلم مهنه مثل الخياطة او اى مهنه محترمة انت تختارى المهن كثيرة
المثال القابل للاقداء بية البائعات الصينيات التى تجوب شوارع وحوارى القرى قبل المدن امامك ونحن نتفرج ونستغرق فى الضحك شوف الصين فين واحنا فين
هذه بداية الكلام والنقاش سوف يصل بنا الى حل لا اطيل عليكم

MohammeD el_SadaT
10-10-2007, 03:24 PM
بسم الله الرحمن الرحيم
السلام عليكم ورحمه الله وبركاته

الأول أحب أشكر حضرتك على الموضوع
بس كنت عاوز أتناقش مع حضرتك فيه

حضرتك بتعمل دعوه عامه للشباب إنها تحاول تشوف شغلانه تشتغلها وتتعلمها جنب الشهاده
اللى هى خدتها

يعنى حضرتك بتدعو الشاب اللى قعد طول عمره يدرس وطلع تقريبا عينه ومش هو لوحده لاء ده هو وأهله كمان اللى كبرو وربى وطفحو الدم عشان يبقى بالشهاده اللى هو فيها دى

عشان فى الأخر نخلى واحد مهندس ولا مدرس ولا دكتور ولا صيدى ولا محاسب
ولا ............. حاجات كتير

يشتغل سباك ولا نجار

عارف إن الشغل مش حرام بس اللى حرام بقه يا سيدى الفاضل

إنك تلاقى واحد معوق ضابط عشان والده ضابط أو الكوسه بتاعته كبيره حبتين
أو تلاقى خريج دبلوم التجاره شغال مكان خريج التجاره عشان الأولويه لأبناء العاملين

أو تلاقى التمرجى بقى دكتور إحنا بقينا فى زمن العجب عشان الحكومه عاوزه كده

بس تعرف فى الأخر الشباب مش بيلاقى غير حل حضرتك وبيعملوه مجبرين
لكن قبل ما تندينا إحنا نادى الحكومه بل المجتمع بأسره

لو كل واحد خد حقه فى البلد دى وكل واحد إتحط فى مكانه الصح
ساعتها مش هتبقى مصر مصر

هنبقى من أعظم دول العالم

بين وبين حضرتك أنا دمى إتحرق وأنا بكتب فهسيب حضرتك تحسبها وتشوف إحنا ولا مين اللى غلط


إحنا الأمه اللى ضحت بولادها ورجلتها وكل ما تملك عشان فى الأخر يكون ده حالنا
بيتهيألى لو اللى حارب عارف إن ده هيبقى مصير إبنه مكنش حارب
ولا حرر ولا ضحى بنفسه عشان اللى نخده بايمين بنبيعه وبنبيع أد أضعاف مضاعفه بالشمال

بكره
100
مصرين هديه على أى حاجه تشتريها
:(:(

COoL HEaRT
12-10-2007, 04:30 PM
ع رايك يا استاذ سادات والله يعنى الواحد يفضل يزاكر ويتعب وفى الاخر اطلع خياطه :eek:واااااااو طب وايه لازمته من الاول:(
دى مش سلبيه ولا كلام من ده بس بردو مش ممكن خريج طب يعنى يكون اى وظيفه غير انه دكتور!!!!!
فى اعلان بقالى كام يوم بشوفه مش عارفه بيقول الحق القطر قبل ميفوتك وكلام من ده .......واضح انهم بدءوا ياخدو موقف من موضوع البطاله ده بس انا مبصدقش لا اعلانات ولا اى حد!!:D

صوت الحق
19-10-2007, 12:22 AM
برافو السادات على الكلام هل الحكومة تعرف عنك حاجة لا اعتقد لانهم يصدرو القرارات فى مكاتب مكيفة يعنى محدش هيسئل فينا ؟
العمل ايه اننا نتحرك ونشوف الحل العمل ولا الجلوس فى القهاوى والطرقات ولو تقدمت الى لتخطب ابنتى اولا شيئ هقولة انت بتشتغل ولا ايه وبعدين الشغل فى جميع المجالات فيه البرمجيات للمهندسين برضو كل واحد هيدور على الشغلانة التى تناسبة ومؤهله وعلى العموم ادخل على الرابط ده وشوب شباب الجامعة بيناقشو الموضوع ازاى وانا تحت امرك فى المناقشة لان المناقشة سوف نصل الى حلول
http://www.freetalaba.com/board/index.php?showforum=44
ده رابط مؤقت وان شاء الله هجبلك رابط الموضوع لان الصفحة مش راضية تحمل معايا الان

midoxp
03-12-2007, 10:34 PM
السلام عليكم
انا معاك فى كل كلام ياسادات
بس ممكن سؤال لو دة الشغل الواحيد الا يخليك تاكل عيش
هتشتغل ولا هتفضل منتظر الوظيفة
وانا معاك ياصوت الحق
بس لو هتشغل اى شغلنا من غير متكون فى المجال بتعى
هتكون فى اى دولة غير مصر
عشان اقدر اكون مستقبلى

fares elnet
04-12-2007, 12:22 AM
والله انت عندك حق فى كل اللى قلته



بس مش ده الحل لو رمينا كل حاجه على الحكومه المبجله



مش هنعيش لأ نها زى ما قال الاستاذ عصام تصدر القرارات


تحت سقف مكيف يعنى لاتعرف عنا اى شى



معلش انا خريج تجارة من سنة 1993 ولحد دلوقتى ماتوظفتش


بس اشتغلت وسافرت وجيت من السفر وفتحت مشروع واتنين


والحمد لله يعنى بمعنى اصح لا تتكل على غيرك وكون انت صاحب البدايه


لان فى الاول والاخر انت اللى مهضوم حقك ومحدش هيسأل فيك


وشكرا ليك استاذى على طرحك هذه القضيه

صوت الحق
04-12-2007, 07:10 PM
الف شكر على المرور العطر وبدء المناقشات الفعالة

Last Fantasy
24-12-2007, 01:20 AM
يااااااااااااااااه من 1993 ومتوظفتش علي العموم دا مثال يحتذي به

مس رانيا حسن
15-02-2008, 12:27 AM
انا معاك أستاذ عصام فى كل اللى حضرتك قلته فعلا مش عيب اننا نعمل اى عمل طالما هو شريف

ويراعى حدود الله افضل من الانتظار طويلا دون فائده

جزاك الله خيرا

صوت الحق
15-02-2008, 01:10 PM
يااااااااااااااااه من 1993 ومتوظفتش علي العموم دا مثال يحتذي به
ومش هتتوظف لاكن تشتغل وتبحث وتنقب مش هتيجى لك الوظيفة وانت تجلس والحمد لله الشعب المصرى يمتاز بالذكاء

http://www.up7up.com/pics/h/15/1181693023.gif (http://www.up7up.com/)

صوت الحق
15-02-2008, 01:11 PM
والله انت عندك حق فى كل اللى قلته




بس مش ده الحل لو رمينا كل حاجه على الحكومه المبجله



مش هنعيش لأ نها زى ما قال الاستاذ عصام تصدر القرارات


تحت سقف مكيف يعنى لاتعرف عنا اى شى



معلش انا خريج تجارة من سنة 1993 ولحد دلوقتى ماتوظفتش


بس اشتغلت وسافرت وجيت من السفر وفتحت مشروع واتنين


والحمد لله يعنى بمعنى اصح لا تتكل على غيرك وكون انت صاحب البدايه


لان فى الاول والاخر انت اللى مهضوم حقك ومحدش هيسأل فيك


وشكرا ليك استاذى على طرحك هذه القضيه



هذا مثال يحتذى بيه ويكون قدوة
لو ظل ينتظر الوظيفة كان كما هو حتى الان

http://www.up7up.com/pics/h/15/1181693023.gif (http://www.up7up.com/)

صوت الحق
15-02-2008, 01:13 PM
انا معاك أستاذ عصام فى كل اللى حضرتك قلته فعلا مش عيب اننا نعمل اى عمل طالما هو شريف

ويراعى حدود الله افضل من الانتظار طويلا دون فائده

جزاك الله خيرا
ألف شكر استاذة رانيا على احياء الموضوع مرة اخرى لكى نناقش ونفكر وباذن الله سوف نصل لحلول
وياريت نتخذ من الصينيون مثال

http://www.up7up.com/pics/h/15/1181693023.gif (http://www.up7up.com/)

MohammeD el_SadaT
15-02-2008, 11:47 PM
والله انت عندك حق فى كل اللى قلته



بس مش ده الحل لو رمينا كل حاجه على الحكومه المبجله



مش هنعيش لأ نها زى ما قال الاستاذ عصام تصدر القرارات


تحت سقف مكيف يعنى لاتعرف عنا اى شى



معلش انا خريج تجارة من سنة 1993 ولحد دلوقتى ماتوظفتش


بس اشتغلت وسافرت وجيت من السفر وفتحت مشروع واتنين


والحمد لله يعنى بمعنى اصح لا تتكل على غيرك وكون انت صاحب البدايه


لان فى الاول والاخر انت اللى مهضوم حقك ومحدش هيسأل فيك


وشكرا ليك استاذى على طرحك هذه القضيه





آه وهنا بقى هنيجى لمربط الفرس
حضرتك عملت إيه
بس اشتغلت وسافرت وجيت من السفر وفتحت مشروع واتنين

أيوه سافرت
يعنى لو كنت فضلت فى بلدك لا كنت هتروح يمين ولا شمال

يا جماعه والله
مصر دى أمى

ما قلنا طول ما غحنا فى البلدى هناخد بالجزمه محدش صدقنى
دى مش بلدنا خلاص