احب العنواين الى قلبى هو اخر حاجة فى الصفحة...يتصفح الموضوع حاليا......وانتوا طبعا عارفين ليه

http://www.thanwya.com/vb/image.php?u=150840&dateline=1295166408 (http://www.thanwya.com/vb/member.php?u=150840).............. ربنا يخليها لك.........وتظل الصورة ابلغ الردود


شكرا ياغاليه

وحبيت أوضح حاجة

أنا بتعامل معاكم كأخوه ( علشان الناس اللي بترد ردود بايخة ))

ويعلم الله ذلك

دي بنتي واسمها حور

جميلة جدا يااستاذ ابن الاكرمين وربنا يبارك لك فيها ويجعلها من الصالحات

اقول يا رب تبقى زى اميمة طه ولا لا

جميلة جدا يااستاذ ابن الاكرمين وربنا يبارك لك فيها ويجعلها من الصالحات



ربنا يبارك فيكي ياغالية

دي حور أحمد بس كده

غلى فكره أنا وهبتها لله ومتوقع أنها تكون حاجة كبيرة ان شاء الله

اقول يا رب تبقى زى اميمة طه ولا لا



يارب تاخد زكائك قولي آمين

اللهم امين

ومتنساش عقل جارة الوادى

جارة الوادى دى ....الحضن الدافى بتاع ستى وستك (مش جدتى ولا تيته) اللى تحكى معاه وانت مطمئن

ومتنساش عقل جارة الوادى



اللهم آمين

بسي أنا زعلان من ناس كثير ............... غيرانين

ما أكيد أنتوا فاهمين

وبس

جارة الوادى دى ....الحضن الدافى بتاع ستى وستك (مش جدتى ولا تيته) اللى تحكى معاه وانت مطمئن


هيه عارفه كويسه معزتها قد ايه

انا لاأعرفها ولا تعرفني بسي هيه عقلها راجح زيك

وبكون فخور لما بلاقي بنات ديني مثقفات مهتمات بأمور اسمى من أمور الحياة التافهة

ربنا يبارك فيكم ويوعدكم بمن يصون هذه الجواهر آمين

فكرتونى بحاجات غريبة عندى فى المدرسة برده:

عندى فى الاعدادى بنا مخطوبين!!!!!!!!!

بنات مخطوبين!!!!!!!! ..........يظهر ان الكيبورد بتاعتى هتحصل بتاعت المعلم المساعد الحزين2 ونص الكلام هيبقى ضايع

عادى جدا انا كنت بدرس فى 6ابتدائى وكنت بتكلم مع البنات لقيتها بتقولى جاى لى عريس ياابلة بس انا مش راضية وابويا عايز يطلعنى ويجوزنى هههههههههه بنات من الريف بقى وشكلهم اكبر من سنهم ماشاء الله
كان فيه بنت عندنا برضو فى المدرسة هى حاليا فى اعداد ى كانت راكبة معانا العربية هى وخطيبها وكل شوية تقعد تشاور بايدها وتحط ايدها على وشها وكدة عشان تبين الدبلة وانها اتخطبت والابلوات الخايبين لسة ههههههه وهكذ مواقف بقى اصل الجواز ده الناس مبقيتش معترفة انه رزق لاء اخطف واجرى زى اى حاجة فى بلدنا ولو البنت استنت شوية هتعنس مع ان هيجى لها باذن الله حد احسن عالاقل هيبقى متعلم زيها
عموما ربنا يسترها علينا ويغنينا من فضله ويرزقنا ازواج صالحين اللهم امين

جارة الوادى دى ....الحضن الدافى بتاع ستى وستك (مش جدتى ولا تيته) اللى تحكى معاه وانت مطمئن

هههههههه الله يخليكى ولاتيتة مش هزعل

هيه عارفه كويسه معزتها قد ايه

انا لاأعرفها ولا تعرفني بسي هيه عقلها راجح زيك

وبكون فخور لما بلاقي بنات ديني مثقفات مهتمات بأمور اسمى من أمور الحياة التافهة

ربنا يبارك فيكم ويوعدكم بمن يصون هذه الجواهر آمين


الله يحفظك ايوة كدة بالله عليك ادعى لنا

وتتوالى نماذج الابداع فى مدارس مصر المحروسة وهو ده جيل المستقبل



لكم الله
خسارة وفين مدرس الإنجليزي بتاعها أكيد كان بيدي دروس ومش فاضي ليها
زنبها في رقبته

قد تخلو زجاجة من العطر .. كما يخلو القلب من الحب... ولكن تبقى الرائحة عالقة بالزجاجة كما تبقى الذكرى الطيبة عالقة بالقلوب !!! هم اولئك الذين ينقشون حبهم بطيب تعاملهم على جدران قلوبنا ويصعب علينا ان ننساهم !!!!


أول مرة أقرأ التوقيع

بسي كلام جميل
حسسني أن الدنيا لسه بخير برغم كل مافيها

كمان حاجة:

واحد بيجيب معاه ساندوتشات واول ما اللجنة ما تبدا يبدا ياكل وهو بيجاوب.............انا معلقتش عشان ممكن تكون حالة نفسية


خليه ياكل يمكن الألهام بينزله وهوه بياكل

هو أحسن من ناس تانيه كثير بسي غريبة ومتكسفشي من المراقبين ولد جريئ

ايوة يااميمة عايزين نعمل منتدى للمعلمة المساعدة للبنات وبس يعنى ياحرام هتلاقى المنتدى ده فاضى كدة عشان مشاركات المنتدى اغلبها بنات خصوصا المشاركات المثمرة



لو عدناكم هنا هنلاقيككم حوالي بالكثيييييير عشرة أو زياده قليلاً متزعلوش دي الحقيقة
الرجاله كثير جدا ربنا يبارك فيهم وفيكم

وبالعكس لو عملتوا منتدى للبنات هيكون فاضي

طيب ماتجروبوا ونشوف

بنتك زى القمر يا استاذ ابن الاكرمين ربنا يخليها ويبارك فيها بس يارب متتطلعش مدرسه مساعده زينا

كان عندى تصحيح النهارده ولفت انتباهى اجابه طالب ضحكتنى السؤال كان فى dialogue بيقول:
what is the most important invention
وكانت اجابته:
the most important invention is to get married

كان عندى تصحيح النهارده ولفت انتباهى اجابه طالب ضحكتنى السؤال كان فى dialogue بيقول what is the most important invention شوفوا بقى اجابه الطالب كانت the most important invention is to get married
واد بيفهم بجد فعلا دى اهم دعوة ممكن تيجى لحد
بس دى مش اجابة واد دى اكيد بنت اصل البنات اليومين دول مفتحين اوى

والله واد زى العسل .........

بنتك زى القمر يا استاذ ابن الاكرمين ربنا يخليها ويبارك فيها بس يارب متتطلعش مدرسه مساعده زينا


الله يبارك فيكي يارب وربنا يرزقكك الزرية الصالحة آمين

وكفايه علينا أمها مدرسة مساعدة

وبعدين المدرسين المساعدين مالهم
أسماء هم سموها الله يسامحهم

كان عندى تصحيح النهارده ولفت انتباهى اجابه طالب ضحكتنى السؤال كان فى dialogue بيقول:
what is the most important invention
وكانت اجابته:
the most important invention is to get married


اشك أن ولد يجاوب كده

دا مليون في الميه إجابة بنت

ربنا يستر على بنات اليومن دول

لسه واصلة حالا من التصحيح

من الحاجات الطريفه النهارده........اجابات بعض التلاميذ: (بنص كتابة التلميذ)

الجمل عبارة عن ماده صمغية متجمدة كانت تفرزها الاشجار الجديدة والقديمة........العبارة كانت اكمل والفراغ مكان الجمل

تعريف حزامى فان الين (اللى العلماء مقدروش يوصلوا له تلميذ وصله بسهوله)

حزامى فان اين....فى العربيات لحفظ السائق

لسه واصلة حالا من التصحيح


المنتدى كان النهارده عاتم قاتم
عود أحمد

الحفريات : مثل اترقدح ديناصور.......................................

طيب يا ترى اترقدح على اى ناحية !!!!!!!!!!!

على العموم موافقة طالما احمد فى الموضوع

مثال اخر لنوابغ فى تعريف حيوان الكواجا:

الكواجا: هو عبارة عن احد الحيوانات التى تكسل ان تعمل

................................................تح س ان الواد بيجاوب باحساسه

نشوف بقا اخر تعريفات الانقراض واللى اعتمدها تلميذ اقل ما يقال عنه انه مستبصر ومطلع :

الانقراض:الشئ كانت هونا منذ زمان ثم انقراض بادات تحتضر واحد بعد اخر ثم الافتراض ( بنص كتابة التلميذ)

.
.....................الانقراض يبدا بالانقراض وينتهى بالافتراض...........يالا الدراما !!!!!!!!!

صدقونى مش هتذهقوا انا تعبت من الضحك النهارده العيال بتكتب بطبيعتها وهو ده المطلوب ان يتاثر التلميذ بالبيئة ويوثر فيها واظن الحاجتين دول متوفرين بشده

نشوف بقا اخر تعريفات الانقراض واللى اعتمدها تلميذ اقل ما يقال عنه انه مستبصر ومطلع :

الانقراض:الشئ كانت هونا منذ زمان ثم انقراض بادات تحتضر واحد بعد اخر ثم الافتراض ( بنص كتابة التلميذ)

.
.....................الانقراض يبدا بالانقراض وينتهى بالافتراض...........يالا الدراما !!!!!!!!!



ههههههههههههههههههههههههه

علماء وموهوبين لنا الله

كمان مثال لنبوغ تلميذ

المحمية الطبيعية: هى المحمية التى خلقت دون تدخل الانسان ............

ودى طبعا اضافة نعتز بها ونشكر التلميذ عليها مش عارفين كنا هنعمل ايه من غيره ويا ريت ميحرمناش من علمه

حاجة بقا بمناسبة الشتا عشان الدفا يعنى:


فى تعريف الاحترار العالمى : يسمح بدخول الهواء والشمس


..............................طيب ياترى حاسب البروز والمناور ؟؟؟؟؟؟؟؟؟

ويفتى احد التلاميذ فى تعريف جديد لحزامى فان الين بعد طبعا ما ابدى استيائه من تعريف زميله السابق لهما:

حزامى فان الين لتفتيت الاقصر البنفسجية


..................رغم انه قال الاقصر البنفسجية مقلش حاجة عن اسوان القرمزية او سوهاج الوردية وانا بالاصالة عن نفسى باعتبر طبعا ان ده تقصير من الطالب!!!!!!!!!11111

ومن الحاجات اللذيذة اجابة تلميذ جمعت بين اللاشعور والشعور وتمن رغيف العيش وعلاقه ده بماده الكيمياء :

تعريف الالتيميتر: لتحديد ارتفاع التحليق من تحليل الماء كهربيا

فعلا تلامذة زى السكر هههههههههههههه
مصر زاخرة بالمواهب وكل مامواهبها تكتر بتجيب ورا اكتر ربنا يستر

اخر حاجة بقا لغاية ما اكمل تصحيح بكره:

الشطوط: هى ماده صمغية

لسه واصلة حالا من التصحيح

حمدلله على السلامه يا قمر نورتينا

اخر حاجة بقا لغاية ما اكمل تصحيح بكره:

الشطوط: هى ماده صمغية
طيب تصدقى ده ولد مبدع وبيفهم بقى انا بحسبه هيكتب لك ان لها علاقة بالشطاطة بتاعة علبة الكبريت

انتى اللى نورتى يا رائحة الورد وحشانى طبعا ومش هاقول حاجة لجارة الوادى عشان احنا يوميا مع بعض

اهلا وسهلا .........امجد حلوانى 9

اوقات كتيرة بابص على الموضوع بالاقى تقريبا انى الوحيدة المداومه على الكتابه فيه وطبعا دى حاجة مش مزعلانى لانى باعتبرها صفحتى انا وشايفة انى المسئولة عن انها تبقى موجوده فباحس بالتزام نحيتها او انى لازم اديلها تنبيه من التنبيهات مش عشان حاجة بس عشان بحبها واكيد اوراقها الالكترونية دى حاسة بحبى لها وان كنت مقدرش امتلكها لانها طبعا مملوكة لغيرى فهفضل كده اشارك واتفرج من بعيد واطمئن وهكذا دواليك

هوه الموضوع الوحيد اللي خرج الناس من جو الكآبة اللي مسيطره علينا من أسبوع

أصل الناس حست باليأس من موضوع التعيين

ياريت تشاركينا في المواضيع الأخرى بالمنتدى

أكيد هنستفيد من آرائك

يا ريت بس انا مباشاركش فى موضوع الا اذا عجبنى موضوعه

نسيت اقولكم ان كان نفسى ابقى صحفية ودى حقيقة بحب الكتابة وباقولها دلوقتى.....اهرب منك ازاى و انت جوايا

ربنا يحقق كل الأماني
والفرصة لازالت موجودة
بسي تحتاج الصبر
هتروحي الإعتصام ولا أيه

نرجع بقا لطرائف الامتحانات بعد ما وجعت دماغكم باللى نفسى اكونه........المهم النهارده بقا جبت ساندوتشات وانا باصحح وعزمت الجماعة بتوع الكنترول وانا باكل الساندوتشات لقيت الراجل حاطط كمية خضار كبيرة اوووى فى الساندوتش قامت واحدة من اصحابى قالت : تحس انه عامل اكل للاحصنة مش بنى ادميينّّّّّّّّّّ !!!!!!!!

ولا ايه.......طبعا انا مش من بتوع الاعتصامات

نرجع بقا لطرائف الامتحانات بعد ما وجعت دماغكم باللى نفسى اكونه........المهم النهارده بقا جبت ساندوتشات وانا باصحح وعزمت الجماعة بتوع الكنترول وانا باكل الساندوتشات لقيت الراجل حاطط كمية خضار كبيرة اوووى فى الساندوتش قامت واحدة من اصحابى قالت : تحس انه عامل اكل للاحصنة مش بنى ادميينّّّّّّّّّّ !!!!!!!!


الراجل بيفهم يكبر السندوتش علشان تحسي أنه مليان تتغري فيه

ويطلع في الآخر خضاررررررررررررر لأنه رخيص الثمن


اشمعنه هوه اللي هيعامل ضميره لاقي الدنيا حواليه كده

طيب واللى اتغر واشترى .......يدعى بقا انه ميطلعش خضار..........

طيب واللى اتغر واشترى .......يدعى بقا انه ميطلعش خضار..........



إنما الأعمال بالنيات ولكل امرئ مانوى
وطالما الإنسان نوى خير هيخاف ليه ميشتري ورزقه على الله
منتظرين بكره باقي النوادر ويارب يكون بكره كويس انا لمنتظرون

ده احنا بقا جيران.........اجابة غير متوقعة لسؤال لا داعى له بالمره



التعليق السابق من العجائب برده لانه تانى اصدق تعليق فى المنتدى بعد تعليق المعلم المساعد الحزين 2 واحنا اتفقنا ان اى حاجة غريبة او عجيبة او تحمل اى مسمى هاكتبها هنا لحد ما نبقى نعمل موضوع منفصل

ده احنا بقا جيران.........اجابة غير متوقعة لسؤال لا داعى له بالمره


انا استغربت من الأسم ليس إلا

مدرسة الإنجلش أخت ...........................

وانا بعت للوزير من على الياهو ياخوفي ليعتقلوني

اصدقائى بمنتدى المعلم المساعد......... جارة الوادى- رائحة الورد* مس علا - منار على -ا/سلوى- ام رهف-ام هيما-مدرسة الانجلش
وحشتوووووووووووووووونى ومستنيه مشاركاتكم واللى حصلكم

اكبر طرفه عندنا ان المدير بيسال العيال مين المدرس الى مسك عليكو عشان ده وحش يا ولاد ( مش انتو ) ده للعيال الوزاره عاوزه تنجحكوا واحنا هنكون السبب فى السقوط انا معاكو والمدرس الى ميغشش تسيبله اللجنه وتيجى تقلى

لا معقوله يا استاذ حسن.......................بس حلوه

[quote=اميمة طه;3020196]نشوف بقا اخر تعريفات الانقراض واللى اعتمدها تلميذ اقل ما يقال عنه انه مستبصر ومطلع :

الانقراض:الشئ كانت هونا منذ زمان ثم انقراض بادات تحتضر واحد بعد اخر ثم الافتراض ( بنص كتابة التلميذ)

.
.....................الانقراض يبدا بالانقراض وينتهى بالافتراض...........يالا الدراما التركية!!!!!!!!!!!!!!

النهارده اخر يوم فى التصحيح............خلصت وجيت احكى لكم

اظن النهارده هيبقى اخر يوم فى الموضوع ده فهاكمله واسيبه يختفى حتى نهاية الترم التانى ان شاء الله

النهارده بقا ده نفس امتحان امبارح بس باجابات مختلفة:

الكواجا: حيوان من الحيونات المهدده بالانقراض وجه حمار جسم حصان


"زى ما بنقول كده كلمة احسن من عشرة"

كمان تعريف:

الانقراض : هو التناقص المستمر فى افران النوع الواحد

اهمية الكوبلت 60 المشع:

هو الشمع تفرزها اشجار البلوط القديمة .................." وانا دايما فاكراه مشع بجد اتاريها خدعة"

وهنيجى لنقطة الخلاف الدايم بين التلاميذ وهى اهمية حزامى فان الين........وظهر رائ تانى:

حزامى فان الين: هى عبارة عن حزم يحمى الجسم من الالتهابات والكوارث

تعريف اخر:هى اماكن احسه من الاكماكة المتنوعة

موضوع قريته قى المنتدى ورايى انه جميل ويعتبر تالت اصدق تعليق على مدار الاسبوع:

السلام عليكم ورحمة الله وبركاته
اولا : لدى العديد من الاسئلة والاجابات عليها
1 - ماالذى ارغمك على العمل بالتدريس ؟
ج : يا عم اهى شغلانة ناكل منها عيش والسلام
الحمد لله انت احسن من غيرك
2- عندما تقدمت بالاوراق الى الادارة ما معلوماتك عن الوظيفة التى تقدمت اليها؟
ج مدرس بالعقد العادى ابو 105
- ثم عملت بالعقد المميز ابو 170 وبست ايدك وش وضهر
- ثم عقد المعلم المساعد ابو 340 وقلت فى يوم من الايام حانتثبت
3 - عندما جاءت لك الفرصة للسفر فى اى دولة عربية ، لماذا رفضتها ؟
ج - انا قلت جنيه فى بلدى ابرك من ميه بره وكمان الواحد ياخد فرصته فى بلده ونستنه لحد التثبيت ويعد كده نخلع
- ياعم انت عايز تفهمنى ان انت عايش
على ال340 ج بس دروس ومجموعات تقوية ومخصوص و...........
احمد ربك غيرك مش لاقى اللضى
4 - ما رأيك فى الامان الاجتماعى والوظيفى؟
ج - هو فى امان فى الزمن ده ياعم
دا كفاية بصة المدير الى ولا المدرس الاساسى ولا حتى العيل اللى فى الفصل ولا المعلم المساعد اللى عايز يخش دنيا ولا اللى عايز يظبط شقة ولا اللى عايز يصرف على مراته وعياله ولا ولا ولا!!!!!!!!!!!!!!
- الحمد لله انت عارف ان هو مقسم الارزاق وهو بس اللى مدبرها سيبها على الله ونعم الوكيل
5 - ما رأيك فى احمد زكى ؟
ج - اهو واحد من بقيت الناس زى اللى فات وزى اللى جاى والتعليم بااااظ والعيال مش فاهمين حاجة والمناهج صعبة والموجهين مش عادو عارفين حاجة ومعدش فى غش ومعدش فى عيال يغشو ومعدش فى وظايف ومعدش فى تثبيت ومعدش فى رجالة فى البلد يطالبو بحقوقهم بس بس!!!!
- انت عارف كل حاجة اهو طب متسكت وكل عيش احسن مالعيش ياكلك واحمد ربك انك لسه عايش
6 - هل انت راضى على وضعك الحالى ؟
ج - اه راضى ــــــــ استنى الفرج القريب
ج لا طبعا مش راضى ــــــــــ طيب سيبها لغيرك وشفلك شغلانة تانية مدام دى مش عاجباك ودور على مكانة اجتماعية ارقى واعلى وفلوس احسن تحت ايد راجل من السعودية ولا اليمن ولا ولا ولا ....... وضيع عمرك تدور على الامان الاجتماعى والرضا الوظيفى
والسلام عليكم ورحمة الله وبركاته

ابن الشرقية



وطبعا من العجائب انك تلاقى واحد اخيرا من المعلمين المساعدين فاهم بجد ومبيعاندش

من الحاجات الغريبة والطريفة حالا .....ان موجود بالمنتدى 59 منهم 21 عضو و28 ضيف ..........الغريبة بقا انى كل ما ادخل موضوع ملقاش لا ضيوف ولا اعضاء ...غيرى طبعا "راحوا فين"

ويستمر النيل يجرى وعطاء التلاميذ نبع لا يجف:

تعريف الكواجا: نوع من الحيوان النشط والخامس
الاحترار: كوارث طبيعية تهدد كنانات الكائن الحى
تركيب الاوزون :يتكون من غاز طبيعى وغاز اليوتان
وبالمعادلات:mg3+mo2--ch2o+2mg3
ch1o+cho3---mog3
co3+ch3---mgo+h2o

تعريف المحمية اماكن امانية تحمى الكائنات المهدارة بانقراض

اهلا بيك yasser1112 .............

باشكر العضو ابن الحياة على دعوته ليا للكتابة فى منتداهم وشكرا على الكلام اللى قلته فى حقى وان شاء الله قريب هاتنقل لمنتداكم

اظن كده الموضوع اكتمل .....طبعا فاكرين اخر جزء من تيتانك لما البطلة سابت ايد البطل وغاص للقاع اظنى النهارده هاعمل كده واقفل الموضوع لحد كده ........

باشكر العضو ابن الحياة على دعوته ليا للكتابة فى منتداهم وشكرا على الكلام اللى قلته فى حقى وان شاء الله قريب هاتنقل لمنتداكم



خساره لو تركتي هنا الموضوع ده جميل جدا ً بسي لكل شيئ إذا ماتم نقصان

والكمال لله وحده

Some supjects can not be completed for ever

Really it is so bad to leave here but it is the truth that anyone can not denay

وبما أن الموضوع ده كان محبب لقلبي وكنت لازم أرد فيه
نتمنى منك موضوع قوي آخر بديلاً عنه
وهذه سنة الحياه
وشكراً على موضوعك
ياريت لو تعليقاتنا لم تكن مناسبة تسامحونا
وفي الآخر هي آراء ووجهات نظر
ولكل من تفكيره فلنا العذر
:022yb4:

يتصفح الموضوع حالياً : 3 (2 عضو و 1 ضيف) ‏اميمة طه (http://www.thanwya.com/vb/member.php?u=66351), ‏ابن الأكرمين (http://www.thanwya.com/vb/member.php?u=150840)



اخر تعليق ممكن يتكتب