النهارده كنا في الامتحانات وعقب انتهاء الامتحانات كنا جالسين جميعا كمدرسين بنشوف مين اللي حيقعد يصحح ومين هيمشي كالعادة واحنا طبعا في المدرسة 12 متعاقد و5 اساسي كمدرسين غير المدير والناظر والمدرسة بها طبعا عجز مدرسين المهم اذا بالسيكرتيرة بتقول انا يا جماعة بكرة هتاخر شوية عشان اجيب مرتب المتعاقدين لانه الشيكات وصلت الادارة فاذا بمدرس مجال زراعي وهو اللي ماسك الكنترول بيقولها لا طبعا احنا معندناش مراقبين سيبك من موضوع مرتب المتعاقدين ده يجي في اي وقت مش مهم كاننا عبيد . ولو تاخرتي عن الساعة 7.40ص هيتشطب عليكي .
واذا بي اثور واصرخ في وجه صائحا اشمعنا يعني يوم قبضتكم بتستنوا لحد ما هي بتيجي بالمرتب مع العلم اننا مقبضناش شهر 12 حتي الان .فماذا نقول يا سيادة الوزير " لنا الله " حسبنا الله ونعم الوكيل في كل من خلانا كده"

حسبي الله ونعم الوكيل

مش حضرتك لوحدك احنا النهاردة مدرس بيقول خسارة فينا احنا الصغيرين حتى مكافئة الامتحانات بس الحمدلله المدير رد عننا وقال اناا بنشتغل احسن من اى مدرس اساسى انا مش عارفة ليه الناس دى بتعمل معانا كدة دة حقد علينا لاننا مجتهدين عنهم لكن هما خلاص بقى الشغل بالنسبة لهم حاجة بتجيب فلوس بس مش عشان يطورو فيه او يخدمو حد بيه يلا ربنا يسامحهم

اخدم نفسك بنفسك أخي الفاضل
عندنا أقوم أنا بمتابعة رحلة القبض الشهري هذا من أ ول إحضاره مع الإخطار من الإدارة ومتابعته في مكتب البريد ثم القيام بصرفه للزملاء كل شهر وهذا لم يفرض علي من أحد ولا تقصير من السكرتيرة ،ولكن ذوقا مني لكبرها في السن ومرضها .
نعم هناك وللأسف بعض النماذج المشوهة والذين لا يحسد عليهم التعليم الابتدائي ،ولا يستطيعون إخفاء حقدهم وغلهم
أتعرف لماذا لأن ما توصلوا هم إليه في سنوات عمرهم العملية كلها سيصل إليه أصغر متعاقد في سنوات قليلة جدا لأنه أفضل وأحسن ومؤهل علي ما يعتبرونه هم كابوس مزعج كالتعامل مع الكمبيوتر وشبكة الانترنت واللغة الأجنبية والتخصص والذي أظهر عجزهم بتطوير مناهج الصفين الخامس والسادس الابتدائي ونزول مناهج إعداد ي والتي لا يصلح معها ثقافة العد بحبات القمح والفول والذرة وكان معاك ثلاث برتقالات كلت واحدة يتفضل معاك كام برتقالة ............. إلخ .
ولذلك علي الزملاء الهدوء وعدم الإحساس بقلة المكانة أو الدونية .والذي يظهر من يأس وتخبط بعض رواد المنتدي وألاحظه عليهم في أساليبهم ومشاركاتهم ونعتهم لأنفسهم بألفاظ ومسميات تدل علي الحزن والانكسار والذل وما ذلك إلازيادة إحساس بالظلم فقط لا أكثر ولا أقل .
فعلي الجميع الهدوء والثقة بالنفس وعدم ترك النفس فريسة سهلة لمثل هذه الأشياء المتعبة .

هوا انتو فى كوكب اخر احنا مرتبنا بييجى فى نفس اليوم مع الاساسيين وبعدين معندناش عاد حد بيتكلم عن المرتب عزز نفسك تجد ما تطلب وبعدين احنا كمان نسينا مقوله معلم مساعد هقولك انا مره رحت اسال عن المرتب فى حسابات الاداره زمان من 4 سنوات فالموظفه قالت ان كنت معزور خد منى وهيا متعرفنيش حلفت من يومها انى مسال عليه تانى وحسيت انى لما مبسالش عليه بييجى لوحده اطلب المساعده من الله ولا تنتظر من مخلوق

احنا فى اسيوط المرتبات بتيجى فى نفس كشف المثبتين

نفوس مريضة ربنا يشفيها !

احنا فى اسيوط المرتبات بتيجى فى نفس كشف المثبتين


المشكلة أكبر من ذلك
الأخ الذي طرح الموضوع لم يكن هدفه المرتب فقط
هذا مجرد بعض من كل

هوا انتو فى كوكب اخر احنا مرتبنا بييجى فى نفس اليوم مع الاساسيين وبعدين معندناش عاد حد بيتكلم عن المرتب عزز نفسك تجد ما تطلب وبعدين احنا كمان نسينا مقوله معلم مساعد هقولك انا مره رحت اسال عن المرتب فى حسابات الاداره زمان من 4 سنوات فالموظفه قالت ان كنت معزور خد منى وهيا متعرفنيش حلفت من يومها انى مسال عليه تانى وحسيت انى لما مبسالش عليه بييجى لوحده اطلب المساعده من الله ولا تنتظر من مخلوق
هل حضرتك تقصد ان مدرس متعاقد يعمل طول الشهر ويخرج من بيته حوالي سته وعشرين يوما يحتاج مواصلات وفطور على الاقل يوميا وان كان متزوج يكون عليه مسؤليات اسرة كاملة بمعنى الكلمة لما يسأل عن راتبه 300ج يهين نفسه ولا يعززها طيب كيف لو وجد موبايل مرمي في الشارع او محفظة نقود ياخذها لنفسه ويقول بيتي محتاج والحكومة ماخرة المرتب ويستحل الحرام حتى يسد جوعه او يقف امام مسجد او في موقف سيارات ويتظاهر بان يده مقطوعة حتى يستجلب عطف الناس وبحصل على المال بالله عليكم ده كلام واذا كان الرسول <صلى الله عليه وسلم >قال <اعط الاجير اجره قبل ان يجف عرقه>فما رايك واذا كنت في مدرستك تتقاضى مرتبك مع الاساسيين فانا في مدرستنا ناخذ المرتب قبل الاساسيين الحقيقة ان كل مدرسة تختلف بادارتها عن الاخرى فالموضوع اختلاف نظام اداري وليس اختلاف نظام كواكب

والله بجد استاذ محمد طعيمه الموضوع بعض من كل بس الواحد خلاص بلغت بيه الحلقوم والمشكلة ان المدرس اللي اتكلم ده "معلش" مدرس مجال زراعي وللاسف للاسف للاسف " دبلوم زراعة " شوف بقي مع الشكر اخوك محمد زكريا مدرس مساعد رياضيات اعدادي من سوهاج

حسبنا الله ونعم الوكيل

استاذى الفاضل ربنا كبير وقادر على كل شىء وفعلا هنااااااااااااك غيرة بسبب التطور التكنولوجى وربنا يحلها من عندة

اقول لك لا تحزن ان الله معنا

اه رايك تعمل واحد فى الاثنين دول : -
1- بكل بساطة كنت يوم 1/1 كتبت ورقة ومضيتوا عليها وكنت ذهبت بها النيابة الادارية وكانوا يجيبوا المرتب زى الاساسيين قانونا قبل يوم 2 لازم ياتى المرتب .
2 - او كنت اول الشهر ومعاك المتعاقدين حنروح النيابة الادارية ونقدم شكوى كاتخويف لهم وده فيها جزى للادارى طبعا وكلهم حيعملولكم الف حساب عد كده.

حسبى الله ونعم الوكيل فى كل من ظلمنا
لكم الله يا متعاقدين التربية والتعليم فى مصر

يا أخى والله لو حدث الموقف ده معايا ما كنتش خليت للشخص ده كرامه بعد هذا اليوم

ابعت للوزير ايميل من ايميلك الخاص بالمعلم المساعد احكى عن الماساة دى ازاى مرتبكم يتاخر بالشكل ده انتم ناس عندكم التزامات واسر وغير كدة بتشتغل زى الاساسى بالظبط ومتسكتش عن حقك وصدقنى ان شاء الله هتلاقى اجابة سريعة وهيعملو لكم حساب بعد كدة

قانزنا كشوف المرتبات تسلم قبل 15 من الشهر اللى قبله ولا يؤخر صرفها بعد 1 من الشهر اللى بعده
والا اشتكى فى الشؤون القانونية والنيابة الادارية كمان

حسبي الله ونعم الوكيل

حسبنا الله ونعم الوكيل

(فصبرجميل والله المستعان على ماتصفون)

لكى الله يا مصر

هما حسين ان لنا مستقبل عنهم
لذلك هما حاقدين علينا
عرفت ذلك منهم
و احنا مرتبنا بييجى فى نفس اليوم مع الاساسيين وبعدين معندناش حد بيتكلم عن المرتب

يا جماعة حنا والحمدالله شطار جدا والعملية التعليمية فى مصر كلها قائمة علينا احنا المتعاقدين
حضرتك بتقول انكم فى المدرسة 12 متعاقد و5 اساسيين
انا عندى فى مدرستى 10 متعاقدين ولا مدرس اساسى
تخيلم بقى باقى المدارس على نفس المنهج
صدقونى لامفر من شيين :
1 - اننا معينون فى وقت قريب ان شاء الله
2 - اننا افضل والحمدالله وذلك مش تقليل من الاساسيين والعياذ بالله ولكن ثقة فى مؤهلاتنا وحب العمل لدينا
علىفكرة انا خريج 2005 ومن يومها وانا رئيس لجنة النظام والمراقبة بمدرستى والحمدالله ولا غلطة فى اعمال الكنترول وده دفع المتابعين والموجهين الى ان يقروا بامكانيتنا وقدرتنا على الوصول الى غاية الاهداف بس محتاجين لبيئة عمل جيدة .
وبالنسبة للمرتب بلاش حضرتك تقف الوقفة دى اينعم دا حقق ولاكن كن اعلى واسمى من ان حد يتكلم معاك بالشكل دا
وبعدين لو فات الشهر وخلص من غير ما تقبض مرتبك اشتكى للناظر للمدير لمدير الادارة فبعدها لا هو ولا السكرتير ممكن يتكلموا على مرتباتكم تانى
احنا بنحصل على مرتباتنا قبل نهاية الشهر ب 10 ايام
لدرجة اننا كرهنا نقبض بسبب انه بيخلص قبل بداية الشهر
ههههههههههه

الله المستعان