احمد رضا
11-10-2007, 08:13 PM
http://www.m5zn.com/uploads/65d2fdded6.jpg (http://www.m5zn.com)
السلام عليكم و رحمه الله و بركاته
ازيكم يا جماعه عاملين ايه ؟ يارب تكونوا بخير
النهارده بإذن الله ناخد اول درس في الدوره التدريبيه بتاعتنا و طبعا مش هنبدأ علي طول كدا
لازم نعرف احنا هنتعامل مع ايه و نعرف ايه لزمه الفوتوشوب و ايه استخداماته و اول حاجة طبعا نعرف معني الفوتوشوب ؟
وانا من رأيي ان الدوره هتبقي عاميه يعني اكننا بندردش مع بعض كدا عشان متبقاش تقيله رخمه
مع ان الاسلوب العامي في الفوتوشوب بيتعبني انا بس يالا تعبكم راحه :p
http://www.m5zn.com/uploads/f0e925897f.jpg (http://www.m5zn.com)
س : معني " الفوتوشوب " ؟
ج : الفوتوشوب دي ترجمه حرفيه لكلمه Photoshop و دي معناها ورشه صور او ورشه عمل جرافيك . ايه ده ؟! معني كدا اني هلاقي في الفوتوشوب كل الحاجات اللي ممكن الاقيها في ورشه للرسم ؟ ايوه ياعم امال انت فاكر ايه ؟ هما دول ناس بيعلبوا ولا ايه ؟!
يعني م الآخر بإذن الله لو دروسنا خلصت مع بعض و تابعنا مع بعض و ركزنا هنبقي مصممين جامدين اوي اوي و نقدر في الأخر نشترك كلنا في تصميم واحد و بكل خبرتنا هيطلع احلي شغل ان شاء الله .
مبتدئ : ايه ياعم احمد انت بتشتغلنا ولا ايه ؟! ياعم احمد انا بسمع ان الفوتوشوب صعب و تعامله وحش و اللي يقولك لايزر و ابصر ايه و مش عارف ايه .. طيب و كدا احنا هنفهم حاجة ؟
احمد : بص يا سيدي اللي بيقولك الكلام ده مش عايزك تتعلمه وبيريح دماغه منك
وعشان تبقي عارف بقي الفوتوشوب ده حاجة لذيذه جدا جدا .. و الطبقات اللي بيقولك عليها دي حاجة سهله جدا .
اصل المبرمجين بتوع الفوتوشوب عملوا ايه ؟ قالك عشان اعرف اشتغل و اعمل تصميم لازم تكون الشغل طبقات فوق بعضها و اقدر احرك كل حاجة لوحدها . مش زي الرسام لو كتبت حاجة ولا عملت حاجة متعرفش تحركها و تعامل عقيم .
يعني من الآخر خليك معانا هنا و ابقي روح قول للكابتن اللي بيقولك كدا وحط صباعك في عنيه
مبتدئ : يعني يااحمد بعد ما اتعلم الفوتوشوب هقدر اصمم صور و اعملك تواقيع لنفسي و احطها في المنتدي ؟؟
احمد : ايوه يابني و مش بعد كتير من التعلم يمكن في الأوائل كدا تصمم توقيع لنفسك و هيبقي جبار و تنافس التخين في التصاميم . وبعدين ده اقل حاجة ممكن تعملها علي الفوتوشوب .. الفوتوشوب جبار يا مان .
مبتدئ : طيب ما تدينا لمحه عن الشغل كدا قبل ما نبدا عشان نبقي عارفين برده
احمد : بص اهم شئ في الفوتوشوب نظام الليرات اللي قولت عليه قبل كدا و بعد كدا الفلاتر
الجماعه اللي قاعدين كلهم : الفلاتر ؟؟؟؟؟!!!!!!!!
احمد : ايه يابني انت وهوا خضتوني !! ياجماعه هقولكم الفلاتر اصبروا بس
الفلاتر دي تأثيرات علي الصورة بيوفر عليك انك تنعم الصورة ، تخشنها ، تعملها تحديد ، برواز ، تغير الوانها بطريقه معينه ، النظام ده يعني .
مبتدئ : طيب و الحكايه اللي انا سمعتها عن ان الفوتوشوب يقدر يصمم منتدي لوحده و موقع لوحده و الكلام ده يا ابو حميد ايه اخباره ؟
احمد : و الله يا جميل الحكايه دي مش صحيحه .. يعني منقدرش نعمل موقع او منتدي بالبرنامج لوحده .. لكن فيه توابع و مكملات للفوتوشوب يعني مثلا فيه برنامجين اللي هما مثلا الفرونت بيج Front Page او الدريم ويفر Dream Waver وغالبا ما يستخدم الفرونت بيج لانه اسهل و لكن الدريم ويفر اكتساح و شغل جامد جدا ً .
مبتدئ : طيب ممكن لو سمحت يا احمد هوا انت عامل الحركه اللي في التوقيع دي علي برنامج ايه ؟
احمد : الفوتوشوب .
مبتدئ : ازاي ؟ احمد : بص يا سيدي في برنامج مرفق مع الفوتوشوب اسمه Image Ready ده خاص بالإينميشن و الحركه في التصاميم بس دلوقتي بقه الناس مش بقت بتحبوا اوي يعني عشان الحركه بتبقي بسيطه و حجم الصورة بيزيد و حل بداله ملفات SWF اللي هيا اختصار Shock Wave Flash دي بقه حلوة في ايه ؟ لما مثلا انت مصمم حاجة عليها بيكون فيها حركات كتير و حجمها بيكون مثلا 40 كيلو بايت بالكتير . ودي حاجة من مميزات الفلاش بقه وعلي فكرة انا سمعت ان شركه ادوب فوتوشوب هتشتري الفلاش و تدمجه مع الفوتوشوب فهمت يا سيدي ؟
مبتدئ متعجرف : هيا الدوره دي لزمتها ايه يا اخ ؟
احمد : ايه ده من اولها .. ماشي ياعم .. الدوره دي لزمتها اننا هنتعلم حاجة كويسه و زي ما انت شايف بقول المعلومه اللي عندي بأسلوب عامي عشان الكل يفهمه مش اكلمك بالفصحي ومتفهمش حاجة .. بس انت تابع معايا بس و كلنا هنظبط .
احمد
بس علي فكرة يا جماعه
كل الكلام ده حلو اوي اوي
بس فيه حاجة مهمه لازم نعرفها
لو مفيش ابداع و محاوله و مجهود و تطبيق
مفيش تعليم
مفيش دوره
مفيش اي حاجة هتنفعك
وده الدرس الأول اتمني اني اكون وفقت فيه وقدرت اوصل معلومه
ويمكن ده الدرس الوحيد اللي هيكون من غير صور تقريبا
اه كنت هنسي
شوية نصايح بقه قبل ما نبدأ
1 - عايزك تعملي مجلد باسم الفوتوشوب هتحط فيه كل الدروس والتطبيقات و كل حاجه هتلاقيها هنا
2 - لو استفدت من درس فيما بعد متجيش تقولي شكور و شكرا
لو قولتلك عايز تطبيق يبقي تعملي تطبيق عشان احس اني انجزت معاك
3 - لو فيه تصميم طلبته منك باستخدام معلومات معينه حكايه الالوان دي تاخد بالك منها رغم اني معنديش الملكه الكافيه في اختيارالألوان بس انا عايزك تبقي تمام في الألوان حتي يا سيدي عشان نتعلم منك :)
4 - اه كمان لو انا مثلا اديتك معلومه لازم تفكر تستغلها ازاي و تظبط بيها
5 - في الفوتوشوب بالذات اوعي تتحرج من انك تعرض تصممك قدام الناس لانك لو اتحرجت ولا ما انا ولا انا نافعين هههههههه
6 - لو خطرت في بالك فكره و خلاص نفسك تعملها كلمني لو انا مش عارفها هسألك وأحاول فيها و اشوفها بس المهم تكون امتلكت شوية معلومات كويسه
7 - و انت بتشتغل علي الفوتوشوب خليك في الواسع يعني ايه ؟ يعني خلي مساحه العمل واسعه عشان تاخد راحتك في التصميم
8 - لو جيت تعمل تصميم متحطش صور كتير و لو حطيت صور كتير يبقي ترتبها صح بقه
9 - اياك تنسي حرف من اللي انا قولتهم ههههه
اتمني اكون وفقت في البدايه النهارده و بإذن الله نكمل و بتمني منكم لتواصل و المتابعه
كل سنه و انتوا طيبين
و اي سؤال حول الفوتوشوب انا جاهز بإذن الله
السلام عليكم و رحمه الله و بركاته
ازيكم يا جماعه عاملين ايه ؟ يارب تكونوا بخير
النهارده بإذن الله ناخد اول درس في الدوره التدريبيه بتاعتنا و طبعا مش هنبدأ علي طول كدا
لازم نعرف احنا هنتعامل مع ايه و نعرف ايه لزمه الفوتوشوب و ايه استخداماته و اول حاجة طبعا نعرف معني الفوتوشوب ؟
وانا من رأيي ان الدوره هتبقي عاميه يعني اكننا بندردش مع بعض كدا عشان متبقاش تقيله رخمه
مع ان الاسلوب العامي في الفوتوشوب بيتعبني انا بس يالا تعبكم راحه :p
http://www.m5zn.com/uploads/f0e925897f.jpg (http://www.m5zn.com)
س : معني " الفوتوشوب " ؟
ج : الفوتوشوب دي ترجمه حرفيه لكلمه Photoshop و دي معناها ورشه صور او ورشه عمل جرافيك . ايه ده ؟! معني كدا اني هلاقي في الفوتوشوب كل الحاجات اللي ممكن الاقيها في ورشه للرسم ؟ ايوه ياعم امال انت فاكر ايه ؟ هما دول ناس بيعلبوا ولا ايه ؟!
يعني م الآخر بإذن الله لو دروسنا خلصت مع بعض و تابعنا مع بعض و ركزنا هنبقي مصممين جامدين اوي اوي و نقدر في الأخر نشترك كلنا في تصميم واحد و بكل خبرتنا هيطلع احلي شغل ان شاء الله .
مبتدئ : ايه ياعم احمد انت بتشتغلنا ولا ايه ؟! ياعم احمد انا بسمع ان الفوتوشوب صعب و تعامله وحش و اللي يقولك لايزر و ابصر ايه و مش عارف ايه .. طيب و كدا احنا هنفهم حاجة ؟
احمد : بص يا سيدي اللي بيقولك الكلام ده مش عايزك تتعلمه وبيريح دماغه منك
وعشان تبقي عارف بقي الفوتوشوب ده حاجة لذيذه جدا جدا .. و الطبقات اللي بيقولك عليها دي حاجة سهله جدا .
اصل المبرمجين بتوع الفوتوشوب عملوا ايه ؟ قالك عشان اعرف اشتغل و اعمل تصميم لازم تكون الشغل طبقات فوق بعضها و اقدر احرك كل حاجة لوحدها . مش زي الرسام لو كتبت حاجة ولا عملت حاجة متعرفش تحركها و تعامل عقيم .
يعني من الآخر خليك معانا هنا و ابقي روح قول للكابتن اللي بيقولك كدا وحط صباعك في عنيه
مبتدئ : يعني يااحمد بعد ما اتعلم الفوتوشوب هقدر اصمم صور و اعملك تواقيع لنفسي و احطها في المنتدي ؟؟
احمد : ايوه يابني و مش بعد كتير من التعلم يمكن في الأوائل كدا تصمم توقيع لنفسك و هيبقي جبار و تنافس التخين في التصاميم . وبعدين ده اقل حاجة ممكن تعملها علي الفوتوشوب .. الفوتوشوب جبار يا مان .
مبتدئ : طيب ما تدينا لمحه عن الشغل كدا قبل ما نبدا عشان نبقي عارفين برده
احمد : بص اهم شئ في الفوتوشوب نظام الليرات اللي قولت عليه قبل كدا و بعد كدا الفلاتر
الجماعه اللي قاعدين كلهم : الفلاتر ؟؟؟؟؟!!!!!!!!
احمد : ايه يابني انت وهوا خضتوني !! ياجماعه هقولكم الفلاتر اصبروا بس
الفلاتر دي تأثيرات علي الصورة بيوفر عليك انك تنعم الصورة ، تخشنها ، تعملها تحديد ، برواز ، تغير الوانها بطريقه معينه ، النظام ده يعني .
مبتدئ : طيب و الحكايه اللي انا سمعتها عن ان الفوتوشوب يقدر يصمم منتدي لوحده و موقع لوحده و الكلام ده يا ابو حميد ايه اخباره ؟
احمد : و الله يا جميل الحكايه دي مش صحيحه .. يعني منقدرش نعمل موقع او منتدي بالبرنامج لوحده .. لكن فيه توابع و مكملات للفوتوشوب يعني مثلا فيه برنامجين اللي هما مثلا الفرونت بيج Front Page او الدريم ويفر Dream Waver وغالبا ما يستخدم الفرونت بيج لانه اسهل و لكن الدريم ويفر اكتساح و شغل جامد جدا ً .
مبتدئ : طيب ممكن لو سمحت يا احمد هوا انت عامل الحركه اللي في التوقيع دي علي برنامج ايه ؟
احمد : الفوتوشوب .
مبتدئ : ازاي ؟ احمد : بص يا سيدي في برنامج مرفق مع الفوتوشوب اسمه Image Ready ده خاص بالإينميشن و الحركه في التصاميم بس دلوقتي بقه الناس مش بقت بتحبوا اوي يعني عشان الحركه بتبقي بسيطه و حجم الصورة بيزيد و حل بداله ملفات SWF اللي هيا اختصار Shock Wave Flash دي بقه حلوة في ايه ؟ لما مثلا انت مصمم حاجة عليها بيكون فيها حركات كتير و حجمها بيكون مثلا 40 كيلو بايت بالكتير . ودي حاجة من مميزات الفلاش بقه وعلي فكرة انا سمعت ان شركه ادوب فوتوشوب هتشتري الفلاش و تدمجه مع الفوتوشوب فهمت يا سيدي ؟
مبتدئ متعجرف : هيا الدوره دي لزمتها ايه يا اخ ؟
احمد : ايه ده من اولها .. ماشي ياعم .. الدوره دي لزمتها اننا هنتعلم حاجة كويسه و زي ما انت شايف بقول المعلومه اللي عندي بأسلوب عامي عشان الكل يفهمه مش اكلمك بالفصحي ومتفهمش حاجة .. بس انت تابع معايا بس و كلنا هنظبط .
احمد
بس علي فكرة يا جماعه
كل الكلام ده حلو اوي اوي
بس فيه حاجة مهمه لازم نعرفها
لو مفيش ابداع و محاوله و مجهود و تطبيق
مفيش تعليم
مفيش دوره
مفيش اي حاجة هتنفعك
وده الدرس الأول اتمني اني اكون وفقت فيه وقدرت اوصل معلومه
ويمكن ده الدرس الوحيد اللي هيكون من غير صور تقريبا
اه كنت هنسي
شوية نصايح بقه قبل ما نبدأ
1 - عايزك تعملي مجلد باسم الفوتوشوب هتحط فيه كل الدروس والتطبيقات و كل حاجه هتلاقيها هنا
2 - لو استفدت من درس فيما بعد متجيش تقولي شكور و شكرا
لو قولتلك عايز تطبيق يبقي تعملي تطبيق عشان احس اني انجزت معاك
3 - لو فيه تصميم طلبته منك باستخدام معلومات معينه حكايه الالوان دي تاخد بالك منها رغم اني معنديش الملكه الكافيه في اختيارالألوان بس انا عايزك تبقي تمام في الألوان حتي يا سيدي عشان نتعلم منك :)
4 - اه كمان لو انا مثلا اديتك معلومه لازم تفكر تستغلها ازاي و تظبط بيها
5 - في الفوتوشوب بالذات اوعي تتحرج من انك تعرض تصممك قدام الناس لانك لو اتحرجت ولا ما انا ولا انا نافعين هههههههه
6 - لو خطرت في بالك فكره و خلاص نفسك تعملها كلمني لو انا مش عارفها هسألك وأحاول فيها و اشوفها بس المهم تكون امتلكت شوية معلومات كويسه
7 - و انت بتشتغل علي الفوتوشوب خليك في الواسع يعني ايه ؟ يعني خلي مساحه العمل واسعه عشان تاخد راحتك في التصميم
8 - لو جيت تعمل تصميم متحطش صور كتير و لو حطيت صور كتير يبقي ترتبها صح بقه
9 - اياك تنسي حرف من اللي انا قولتهم ههههه
اتمني اكون وفقت في البدايه النهارده و بإذن الله نكمل و بتمني منكم لتواصل و المتابعه
كل سنه و انتوا طيبين
و اي سؤال حول الفوتوشوب انا جاهز بإذن الله